Тарых илимдеринин кандидаты, этнограф, Улуттук тарых музейинин илимий кызматкери Назира Момунбаева

Момунбаева: көргөзмөгө шөкүлөнүн 15тен ашык түрү коюлду

69
(жаңыланган 16:21 28.04.2021)
Тарых илимдеринин кандидаты, этнограф, Улуттук тарых музейинин илимий кызматкери Назира Момунбаева Улуттук көркөм сүрөт музейинде "Шөкүлө" көргөзмөсү ачылганын айтты.

Көргөзмөнүн максаты дээрлик жоголуп кеткен байыркы кыргыз аялдарынын баш кийими — шөкүлөнү калыбына келтирүү болуп саналат. Бул тууралуу Назира Момунбаева Sputnik Кыргызстан радиосунун эфиринде маек куруп жатып билдирди.

Момунбаева: көргөзмөгө шөкүлөнүн 15тен ашык түрү коюлду

Анын айтымында, көргөзмөгө дизайнерлер Зухра Мукамбетова менен Аида Майташеванын эмгектери, ошондой эле "Тумар" арт-тобунун жана дизайнер Зуура Турдубаеванын автордук баш кийимдери коюлган.

"Шөкүлө" долбоорун "Жаштар демилгеси" кичи гранттар программасынын негизинде "ИСУР" коомдук фондунун колдоосу менен "Улуу Дара" коомдук фондунун жетекчиси Анара Керимбекова ишке ашырып отурат. Долбоорду иштеп чыгууга көптөгөн кесипкөй адистер, изилдөөчүлөр катышты. Курманжан датка музейинин жетекчиси Аида Алымова жана Тургунбай Садыков атындагы Ош облустук көркөм сүрөт музейинин директору Бактыгүл Мидинованы белгилеп кетким келет. Алар Кыргызстандын музейлери боюнча изилдөөлөрдү жүргүзүп, элдик чеберлер, колдонмо искусствонун сүрөтчүлөрү, салттуу билимдердин сактоочуларына жолугуп, сурамжылоо жүргүзүштү. Долбоордун жыйынтыгында альбом чыгарылды. Ал эми дизайнерлер шөкүлөнүн эски тигилишинин формасын алып, кездемелерди реконструкциялап улуттук баш кийимге заманбап, жаңы өң беришти. Ошондой эле зер буюм, кооздуктарга басым жасалды. Алар III-IV кылымдарга таандык. Шөкүлөнүн жалпысынан 15тен ашык түрү коюлган. Негизи аталган баш кийимдин түрлөрү өтө көп. Себеби мурда ар бир уруу жана үй-бүлө кыздарына тиккен баш кийимге өздөрүнө тиешелүү өзгөчүлүктөрдү киргизишкен. Ошол учурда шөкүлө бир гана кызга эмес, урууга, ошол аймакка таандык баш кийим болуп, муундан-муунга өткөн. Азыр Улуттук тарых музейинин фондуна кыргыз аялдарынын баш кийимдеринин уникалдуу буюмдары, XVIII кылымга таандык үч шөкүлө бар. Алар бир кезде советтик этнограф-изилдөөчүлөр Фёдор Фиельструп жана Клавдия Антипина тарабынан чогултулган", — деди Момунбаева.

Этнограф Гапар Айтиев атындагы мамлекеттик көркөм сүрөт музейинде аялдардын улуттук баш кийими шөкүлө темасына арналган көргөзмө 20-апрелден 4-майга чейин уланарын кошумчалады.

69
Белгилер:
Назира Момунбаева, көргөзмө, баш кийим, шөкүлө, улуттук кийимдер, тарых
Тема боюнча
Салттуу баш кийимди даңазалаган "Элечек" китеби улуттук сынактан баш байге алды
Юстиция министрлигинин Долбоорлорду жана актыларды иштеп чыгуу башкармалыгынын башкы адиси Айнура Сулайманова

Сулайманова: Конституцияны өзгөртүү мыйзамдарды иреттөө зарылдыгын шарттады

18
(жаңыланган 14:43 18.05.2021)
Юстиция министрлигинин Долбоорлорду жана актыларды иштеп чыгуу башкармалыгынын башкы адиси Айнура Сулайманова мыйзамды демилгелей алчу тараптардын көптүгү көйгөй жаратарын айтты.

Конституциянын кайра-кайра өзгөрүүсү мыйзамдарга дагы инвентаризация жүргүзүү муктаждыгын жаратууда. Бул тууралуу Айнура Сулайманова Sputnik Кыргызстан радиосуна маек куруп жатып билдирди.

Анын айтымында, мыйзамдарды инвентаризациялоо 2001-жылы дагы жүргүзүлгөн.

Сулайманова: Конституцияны өзгөртүү мыйзамдарды иреттөө зарылдыгын шарттады
"Эгемендүүлүк алганыбызга 30 жыл болду. Ошондон бери ар бир 10 жылда мыйзамдарга инвентаризация жүргүзүлүп турган. Муну коомчулук туура эле кабыл алуусу зарыл. Себеби жашоо өзгөрүп жатат. Жаңы мамилелер, укук, милдеттер алмашкан сайын мыйзамдарды иретке келтирип туруу керек. Бирок өлкөдө айрым учурларда мыйзамдар атаандаштык менен кабыл алына бергендей сезилет. Майда-чүйдө маселе жаралып калса, ошого карата өзгөртүү, толуктоо киргизиле берет. Чынында мыйзам илимий жактан негизделип, статистикалык маалыматтарга таянып жазылуусу абзел. Аларды ишке ашыра турган жоболор, эрежелер өзгөрүп, ал эми мыйзамдар туруктуу иштеши зарыл. Жаңы кабыл алынган мыйзамдар мурдагыларга каршы келбеши керек. Тилекке каршы, андай болбой жатат. Мисалга саясий окуялардан улам Конституцияны бир нече жолу өзгөртүүгө дуушар болдук. Натыйжада мыйзамдарды кайрадан иретке келтирүүгө муктаждык жаралууда. Буга утурлай эле мыйзамды демилгелей алган тараптар көбөйүп кетти. Учурда президент, министрлер кабинети, башкы прокурор жана башкалар демилгелөө укугуна ээ. Натыйжада иш майдаланып кетүүдө. Бул өз кезегинде кедергисин тийгизип коюп жатат", — деди Сулайманова.

Ошондой эле ал мыйзамдарды кайра-кайра өзгөртө берүү алардын иштеп кетүүсүнө кепилдик болбой турганын кошумчалады.

18
Белгилер:
Айнура Сулайманова, саясат, коом, мыйзам
Тема боюнча
Төрт кодексти өзгөртүү боюнча мыйзам долбоору коомдук талкууга коюлду
Иса Ахунбаев атындагы КММАнын № 1 дарылоо иши факультетинин деканы Есенгелди Жолдошбеков

Жолдошбеков: медиктер окууну бүтүп эле сыртка чыгып кетишүүдө

16
(жаңыланган 14:26 18.05.2021)
Иса Ахунбаев атындагы КММАнын № 1 дарылоо иши факультетинин деканы Есенгелди Жолдошбеков аталган окуу жайга тапшыруу үчүн ЖРТнын жыйынтыгы милдеттүү түрдө талап кылынарын айтты.

Медицина жаатында билим алгандар окууну бүтүп эле сыртка чыгып кетишүүдө. Натыйжада өлкөдө кадр тартыштыгы жаралып жатат. Бул тууралуу Есенгелди Жолдошбеков Sputnik Кыргызстан радиосуна маек куруп жатып билдирди.

Анын айтымында, Иса Ахунбаев атындагы Кыргыз мамлекеттик медициналык академиясына тапшырууну каалагандардын саны жыл сайын өсүүдө.

Жолдошбеков: медиктер окууну бүтүп эле сыртка чыгып кетишүүдө
"Медициналык академияга өтүү үчүн ЖРТнын жалпы тестин жана кошумча химия, биология предметтеринен тапшырышы керек. Босого баллы жалпы тестирлөөдөн 110дон, кошумчалар 60тан жогору болушу зарыл. Алар сынакка катышууга мүмкүндүк алышат, ошонун натыйжасында окууга кабыл алынат. Бюджеттик орунга өтүү үчүн жогорку баллды камсыздоо зарыл. Жогорку балл алган абитуриенттердин көбү медициналык академияга тапшырышат. Учурунда 400 баллга чейин жетчү, соңку учурда 350нүн тегерегинде болуп калды. Бул акыркы убакта мектеп окуучуларынын начар билим алып жатканын түшүндүрөт. Ошондой эле өлкөдө медициналык факультеттер ачылып, өз таасирин тийгизип жатат. Медициналык билим алып чыккан бүтүрүүчүлөрдүн көптүгүнө карабай, пандемия маалында республикада кадр тартыштыгы ачык билинди. Себеби эмгек маянасынын аздыгынан медиктер чет өлкөлөргө чыгып кетип жатат", — деди Жолдошбеков.

Ошондой эле ал өткөн жылы пандемияга байланыштуу онлайн кабыл алуу колго алынганын кошумчалады.

16
Белгилер:
Есенгелди Жолдошбеков, ЖРТ, абитуриент, медицина
Тема боюнча
ЖРТга аз калды. Тестирлөөгө даярданган бүтүрүүчү кандай ката кетирет?
Аткаминер. Архив

Эсен Шерботоев "Кыргыз почтасынын" башкы директору болуп дайындалды

0
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

0
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды