Санитардык-эпидемиологиялык көзөмөл департаментинин сыноочу лабораториялык борборунун жетекчиси Айгүл Жумаканова

Жумаканова: коронавирустун кыргыз штаммын аныктоо үчүн иштер башталды

48
(жаңыланган 11:56 30.04.2021)
Санитардык-эпидемиологиялык көзөмөл департаментинин сыноочу лабораториялык борборунун жетекчиси Айгүл Жумаканова Кыргызстандагы лабораторияларда вирустун үлгүлөрү текшерилип, чет жакка концентрациясы жогору вирустар анализ жүргүзүүгө жөнөтүлөрүн айтты.

Учурда коронавирустун жаңы штаммдарын аныктоо боюнча 12 мамлекеттик жана төрт жеке менчик лаборатория иш алып барууда. Кыргызстандын лабораториялары жаңы штаммдарды аныктай албагандыктан анализдер Улуу Британияга жана Россияга жөнөтүлөт. Бул тууралуу Айгүл Жумаканова Sputnik Кыргызстан радиосунун эфиринде маек куруп жатып билдирди.

Анын айтымында, Саламаттык сактоо министрлигинин алдында жумушчу топ түзүлүп, Кыргызстандын өзүндө коронавирустун жаңы штаммдарын аныктаган лабораторияларды ишке киргизүү боюнча иштер жүрүп жатат.

Жумаканова: коронавирустун кыргыз штаммын аныктоо үчүн иштер башталды
"Ушул жылдын январь айында Улуу Британиядагы Дүйнөлүк саламаттык сактоо уюмунун лабораториясына 20 анализ жөнөткөнбүз. Жыйынтыгында Кыргызстандан коронавирустун жаңы штаммы чыккан эмес. Негизи быйыл жыл башынан бери үч жолу штаммдарды изилдөө боюнча иш алып бардык. Февраль айында да Саламаттык сактоо министрлигинде Россиядан келген вирусологдор менен чогуу коронавирустун жаңы штаммдарын аныктоо боюнча чаралар иштелип чыгып, россиялык вирусологдор беш үлгүнү ала кеткен. Ал анализдер вирус мутация болгонун тастыктаган. Март айында ар кыл штаммдардын бар-жогун аныктоо үчүн коронавирус менен ооруп калган кыргызстандыктардын биоматериалдары, бүт республика боюнча 30 үлгү вирусология жана эпидемиология боюнча россиялык "Вектор" илимий борборуна жиберилген. Анализде COVID-19дун чет жактардан чыккан "британдык", "түштүк африкалык", "индиялык" жана Россияда кездешкен штаммдары чыкты. Булардын ичинен эң кооптуусу өтө тез тараганга жөндөмдүү болгон "британиялык" штамм болууда. Ошентип апрелдин башынан баштап оору жугузгандардын саны өстү. Мисалы, үстүбүздөгү жылдын январь айында лабораториялар суткасына 1000-1500 ПЧР-анализ жүргүзсө, марттын аягы, апрелдин башынан баштап суткасына 5000ден кем эмес изилдөөлөр жүргүзүлүүдө", — деди Жумаканова.

Адис азыр коронавирус күчөгөндүктөн Чүй облусу "кызыл зонага" жакындап, Бишкек шаары кооптуу аймакка кирип калганын кошумчалады.

48
Белгилер:
Айгүл Жумаканова, штамм, коронавирус, ПЦР-тест
Тема:
Коронавируска байланыштуу Кыргызстандагы кырдаал (2699)
Тема боюнча
Кош мутант. Кыргызстанда табылган COVID штаммдарына мүнөздөмө
Аксакалдар соту ассоциациясынын жетекчиси Замира Мамакеева

Мамакеева: аксакалдар соту эми жергиликтүү бийликтин бир бутагы болот

38
(жаңыланган 14:24 06.05.2021)
"Аксакалдар соту" ассоциациясынын жетекчиси Замира Мамакеева жаңы Конституцияга ылайык, Аксакалдар соту институту жергиликтүү бийликтин бир бутагы болуп кирерин айтты.

Аксакалдар сотунун өзгөчө айыл жерлеринде зарылчылыгы абдан жогору. Андыктан бул институтту күчтөндүрүү керек. Мындай пикирин Замира Мамакеева Sputnik Кыргызстан радиосунун эфиринде маек куруп жатып билдирди.

Анын айтымында, өлкө боюнча 795 аксакалдар соту болсо, борбор калаада 48 институт иш алып барат. Анын 248 мүчөсү бар.

Мамакеева: аксакалдар соту эми жергиликтүү бийликтин бир бутагы болот
"Мыйзамдар өзгөрүп отуруп, азыркы убакка чейин аксакалдар соту 3-4 гана беренени караганга укуктуу болуп калган. Ошону менен бирге эле төрагалары 1000 сомдун айланасында айлык алса, мүчөлөрү кварталына 250 сом алышчу. Отуруп иш алып барган мекемелери да жок болчу. Азыркы жаңы Конституция боюнча аксакалдар соту жергиликтүү бийликке караган орган болуп калат. Каржы маселеси да айыл өкмөт, мэриялар тарабынан чечилет. Эми аксакалдар сотунун төрагаларына 3000-5000 сомдон айлык чегерип, мүчөлөрүнө 1000-1500гө чейин маяна төлөө пландалууда. Ошондой эле санын кыскартуу да каралып жатат. Мурда айыл жергесинде тогузга чейин мүчөсү болуп, кворум өтүшү үчүн кеминде беш мүчөсүн чогултуу абзел болчу. Эми шаарларда жалпысынан беш, ал эми айыл жеринде жети соттон турган аксакалдар сотун түзүү жана үч мүчөнүн катышуусу менен кворум бар деп эсептей берүү каралууда", — деди Мамакеева.

Ал жаңы даярдалып жаткан мыйзам актылары боюнча аксакалдар соту 20га чукул берене менен иш алып бара аларын кошумчалады.

38
Белгилер:
конституция, мыйзам, аксакалдар соту, Замира Мамакеева
Тема боюнча
Мамакеева: аксакалдар сотунун мүчөлөрү 80 сомдой айлык алат
Экономика жана финансы министрлигине караштуу Туризм департаментинин директору Самат Шатманов

Шатманов: өлкөнүн бардык туристтик жайлары бирдиктүү реестрге катталат

24
Экономика жана финансы министрлигине караштуу Туризм департаментинин директору Самат Шатманов өлкөдөгү бардык туристтик мекемелер бирдиктүү реестр базасына катталып, каалаган адам маалымат алып, байланыш түзө аларын айтты.

Кыргызстандагы мейманкана, альплагер, хостел, туристтик эс алуу жайларынын байланыш номерлерин, шарттарын, бааларын, видео, сүрөт галереясын бир базадан табууга мүмкүнчүлүк ачылды. Ал үчүн tourism.gov.kg веб-сайтына кирүү жетиштүү. Мындай маалыматты Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: өлкөнүн бардык туристтик жайлары бирдиктүү реестрге катталат

Анын айтымында, туристтик аймактардын бирдиктүү реестри саякатчыларга да, кызмат көрсөткөндөргө да коопсуздукту камсыздайт. Тагыраак айтканда, аралыктан брондоп, сүйлөшүүлөрдү жүргүзүп, эс алуучу жай тууралуу кенен маалымат алуу мүмкүнчүлүгү жаралат.

"Бириккен Улуттар Уюмунун Өнүгүү программасынын алкагында өлкөнүн төрт облусунда Кыргызстанды таанытуу, эл аралык деңгээлге алып чыгуу, жаңы тенденцияларды колдонуу боюнча пилоттук окутуу иштери жүрүп жатат. Дүйнөлүк booking.com отелдерди онлайн-брондоо системасы, тейлөөнү жакшыртуу боюнча да каалоочуларга үйрөтүп жатабыз. Ал эми https://tourism.gov.kg сайтында өлкөдөгү бардык туристтик мекемелер бирдиктүү реестр базасына катталып, каалаган адам маалымат алып, байланыш түзө алат. Порталда мейманкана, альплагер, хостел, туристтик эс алуучу жайлардын байланыш номерлерин, шарттарын, бааларын, видео, сүрөт галереясын бир базадан табуу мүмкүн", — деди Шатманов.

Ошондой эле жетекчи пандемияга байланыштуу ички туризмге көңүл буруп, анын артыкчылыктуу багыттарын кароо зарылдыгын кошумчалады.

24
Белгилер:
ички туризм, саякат, туризм, Самат Шатманов
Тема боюнча
Жаманкулов: коронавирус учурунда коопсуз саякаттоого үйрөнүшүбүз керек
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео