Догал агрохимикаттар жана пестициддер компаниясынын агроному Бактыяр Медетбек уулу

Медетбек уулу: жаратылыш ресурстарын туура пайдалануу учурдун талабы

69
(жаңыланган 12:05 30.04.2021)
"Догал" агрохимикаттар жана пестициддер компаниясынын агроному Бактыяр Медетбек уулу жаратылыш ресурстарын оптималдуу пайдалануу аркылуу көп түшүм алуу учурдун талабы экендигин айтты.

Интенсивдүү багбанчылык, күнөскана, тамчылатып сугаруу сыяктуу айыл чарбасындагы жаңы тенденцияларды өнүктүрүү зарыл. Мындай пикирин Бактыяр Медетбек уулу Sputnik Кыргызстан радиосунун эфиринде маек учурунда билдирди.

Анын айтымында, айыл чарбасынын өнүгүшүндө тармакты санариптештирип, дыйкандарга маалыматтын жеткиликтүүлүгүн колго алуу кажет.

Медетбек уулу: жаратылыш ресурстарын туура пайдалануу учурдун талабы
"Айыл чарбасы — мамлекеттин экономикасынын негизин түзгөн тармактардын бири. Ага карабастан көйгөйлөр абдан көп. Бул тармак азыркы учурда түздөн-түз жаңы тенденцияларга, жаңы өнүгүү жолуна муктаж. Анын негизги максаты — жер, суу, энергия ресурстарын оптималдуу пайдалануу менен көп түшүм алуу. Учурда дүйнөдөгү эң орчундуу көйгөй — ачкачылык, тамак-аштын жетишсиздиги. Көп өлкөлөрдө жаңы тенденциялар аркылуу көп түшүм алып, жаңы багыттарды ачып жатышат. Андыктан интенсивдүү багбанчылык, күнөскана, тамчылатып сугаруу сыяктуу технологияны жайылтуу керек. Айыл чарбасынын өнүгүшүндө тармакты санариптештирип, дыйкандарга маалыматтын жеткиликтүүлүгүн колго алуу кажет", — деди Медетбек уулу.

Ошондой эле адис дүйнө калкынын санынын өсүүсү орчундуу көйгөй болгондуктан суу, шамал, жер ресурстарын пайдалануу менен тамак-аш жетишпестигин жоюу зарылчылыгы бар экендигин кошумчалады.

69
Тема боюнча
Айыл чарба министрлиги: кийинки муун суу жетпей кыйналат
Прозаик, драматург, киносценарист Токтобек Үсөнов

Үсөнов: өлкөдө сценаристтерди окутуу колго алынган эмес

69
(жаңыланган 14:11 14.05.2021)
Прозаик, драматург, киносценарист Токтобек Үсөнов кыргыз киносунун пайдубалы катары Чыңгыз Айтматовдун чыгармалары турганын белгиледи.

Кыргызстанда топ жарган сценаристтер дээрлик жокко эсе. Анткени бул багытта окутуу, үйрөтүү колго алынган эмес. Мындай пикирин Токтобек Үсөнов Sputnik Кыргызстан радиосуна маек куруп жатып билдирди.

Үсөнов: өлкөдө сценаристтерди окутуу колго алынган эмес

Анын айтымында, аталган тармакта окууга умтулуп, аны өнүктүрүүнү каалаган жаштарга тийиштүү колдоо дагы болбойт.

"Стивен Спилберг "кинодогу эң маанилүү нерсе — сценарий" деген. Ошондуктан кино тартууда сценарийге өзгөчө маани берүү зарыл. Маселен, кыргыз киносунун өнүгүү тарыхын алып карасак, анын пайдубалы катары Чыңгыз Айтматовдун чыгармалары турат. Ал эми соңку учурда өлкөдө топ жарган ийигиликтүү сценаристтер жокко эсе. Себеби бул багытта окутуу, үйрөтүү колго алынган эмес. Аталган тармакта окууга умутулуп, аны өнүктүрүүнү каалаган жаштарга тийиштүү колдоо көрсөтүлбөйт. Мындан сырткары, өлкөдө киноиндустрия рыногу абдан чакан болуп, сценаристтерге тажрыйба топтоосуна мүмкүнчүлүк жок. Башкача айтканда, сценаристтикти толук кандуу кесип катары алып кетүү абдан татаал. Жөнөкөй аңгеме жазуу жеңилирээк. Анда жүрөктөн чыккан окуяны эмоция менен сүрөттөп берсе болот. Ал эми сценарий үчүн ошол окуянын үстүнөн абдан тыкыр иш алып баруу талап кылынат. Кыймыл-аракетти, эмоцияны атайын ыкмалар менен кооздоо зарыл", — деди Үсөнов.

Ошондой эле ал соңку учурларда өлкөдө тартылып жаткан кассалык кинолордун сценарийи атайын голивуддук стандартка ылайыкталып жазылып, бирок алардын оригиналдуулугу маселе жарата турганын кошумчалады.

69
Белгилер:
Токтобек Үсөнов, маданият, кино, сценарий
Тема боюнча
Учуп жүргөн кыргызга таң калып... "Ак илбирстин тукумунан" таберик сүрөт
Павлония дарагын өстүрүп, жайылтып жүргөн Эрмек Кубатаев

Кубатаев: павлония дарагын көмүр ордуна колдонсо болот

26
(жаңыланган 14:10 14.05.2021)
Павлония дарагын өстүрүп, жайылтып жүргөн Эрмек Кубатаев аталган дарактын пайдалуу жактарын санап берди.

Павлония дарагы кызыл карагайга салыштырмалуу үч эсе бышык болуп, аны мите курт жебейт. Бул тууралуу Эрмек Кубатаев Sputnik Кыргызстан радиосуна маек куруп жатып билдирди.

Кубатаев: павлония дарагын көмүр ордуна колдонсо болот

Анын айтымында, павлония климатка жараша бир сезондо үчтөн тогуз метрге чейин өсөт.

"Павлония дарагы кызыл карагайга салыштырмалуу эки эсе жеңил, үч эсе бышык жана бир топ ийилчээк болот. Курамында танин жана павлонин болгондуктан мите курт жебейт. Ошондуктан серфинг үчүн такталар жана яхта, кемелер жасалат. Мындан тышкары, курамында чайыр жок болгондуктан өрткө туруктуу. Алсак, карагай, кадимки жыгач отундар 230-250 градуста жалындап күйсө, павлония 420-430 градуста гана дүркүрөп күйөт. Ысык-Көлдө бир жылкы сөңгөгүн кесип, күйгүзүп көрсө тутанбай койгон экен. Ошондо отунга да жарабайт турбайбы деген пикирге келишкен. Чынында анын табы күч болгондуктан тутантып алып, анан жагыш керек. Натыйжада көмүрдөй эле тап берет. Европада аны био отун катары колдонушат. Павлония Кыргызстандын шартында климатка жараша жаздан күзгө чейин үчтөн тогуз метрге дейре өсө турганы аныкталган. Андан Америкада биоэтанол чыгарганы дагы белгилүү. Ошондой эле айрым өлкөлөрдө үч жылдан кийин павлония гүлдөгөндө андан бал өндүрүүнү колго алышкан. Натыйжада абдан сапаттуу жана кымбат бал чыгарууга мүмкүндүк бар", — деди Кубатаев.

Ошондой эле ал павлония урукка салыштырмалуу көчөттөн тез өсүп, сапаттуурак боло турганын кошумчалады.

26
Белгилер:
бал, отун, павлония, Эрмек Кубатаев
Тема боюнча
Талаада ыйлаган күндөр болду. Чөлдү кирешелүү бакка айланткан Маджиковдун маеги
Министр финансов Адылбек Касымалиев во время присяги

Мурдагы каржы министри президенттин администрация жетекчисинин орун басары болду

0
(жаңыланган 21:45 14.05.2021)
Адылбек Касымалиев 2015-жылы каржы министри болуп дайындалып, ден соолугуна байланыштуу 2018-жылы иштен кеткен.

БИШКЕК, 14-май — Sputnik. Адылбек Касымалиев мамлекет башчынын администрация жетекчисинин орун басары болуп дайындалды. Бул тууралуу президенттин маалымат кызматы кабарлады.

Аталган жарлыкка өлкө башчы Садыр Жапаров кол койгон.

Белгилей кетсек, Касымалиев 2015-жылы каржы министри болуп дайындалып, иштен 2018-жылы кеткен.

0
Белгилер:
жарлык, кызмат, министр, Адылбек Касымалиев
Тема боюнча
БШК Рысалиевди мандатынан ажыратты. Анын ордуна ким келди?
Жапаровдун жаңы администрациясы түзүлдү. Ким жетектеди?