Маданиятка эмгек сиңирген ишмер, Шаттык элдик үлгүлүү бий ансамблинин көркөм жетекчиси Сырга Латыпова

Латыпова: кыргыз бийинин деңгээли төмөндөп кетти

31
(жаңыланган 14:54 03.05.2021)
Маданиятка эмгек сиңирген ишмер, "Шаттык" элдик үлгүлүү бий ансамблинин көркөм жетекчиси Сырга Латыпова кыргыз бийи аркылуу улуттун каадасын, маданиятын, тарыхын дүйнөгө даңазалап келгендигин айтты.

Чет өлкөдө кыргыз бийи улуттук кийим жана музыкасы менен өзгөчөлөнүп, көп элди таң калтырат. Мындай пикирин Сырга Латыпова Sputnik Кыргызстан радиосунун эфиринде маек учурунда билдирди.

Латыпова: кыргыз бийинин деңгээли төмөндөп кетти

Анын айтымында, эл аралык фестивалдарда "Шаттык" элдик үлгүлүү бий ансамблинин кыздары ийкемдүүлүгү, назиктиги менен айырмаланса, жигиттер ат чабыш, кыз куумайда эрктүүлүгү, духту көтөргөн намыскөйлүгү менен жогору турушат.

"Башка элдерден биздин бийчилер тарбиясы менен айырмаланып турат. Муну кайсы гана өлкөдө болбойлу, дайыма айтышат. Мындан тышкары, улуттук костюмдарыбыз жана кыргыз музыкасы көпчүлүктү таң калтырат. Комуздун ыргагы башка элдин улуттук аспаптарына караганда башкача чыгып, суктандырат. Комуз, ооз комуз жаңырганда уккан адамдын таң калганын, толкунданганын байкоого болот. Муну менен биз улуттун каадасын, маданиятын, тарыхын дүйнөгө даңазалап келебиз. Бийчи кыздарыбыз ийкемдүүлүгү, назиктиги менен айырмаланса, жигиттер ат чабыш, кыз куумайда эрктүүлүгү, духту көтөргөн намыскөйлүгү менен жогору турушат. Бий аркылуу көп маалымат жеткирсе болот", — деди Латыпова.

Ошондой эле жетекчи учурда кыргыз бийинин деңгээли төмөндөп, көптөгөн бий ансамблдери коммерцияга өтүп кеткендигин кошумчалады.

31
Белгилер:
маданият, ансамбль, бий
Тема боюнча
Бегалиев: музыка талдоочулар бизде жокко эсе
Экономика жана финансы министрлигине караштуу Туризм департаментинин директору Самат Шатманов

Шатманов: Кыргызстандын кооз жерлерин онлайн саякаттаса болот

47
(жаңыланган 20:41 09.05.2021)
Экономика жана финансы министрлигине караштуу Туризм департаментинин директору Самат Шатманов Кыргызстандын кооз жерлерин, тарыхый мурастарын, шаарларды онлайн-форматта саякаттаса болорун айтты.

Эми бардык каалоочулар өлкөнүн кооз жерлери тууралуу веб-сайтынан үч тилде кенен маалымат ала алат. Бул тууралуу Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: Кыргызстандын кооз жерлерин онлайн саякаттаса болот
"Бүгүнкү күндө map.tourism.gov.kg веб-сайтынан бардык каалоочу Кыргызстандын тарыхый мурастары, ар бир региондун кооз аймактары, шаарлары менен тааныша алат. Портал аркылуу үч тилде кенен маалымат алып, пандемия шартында онлайн саякаттаса болот. Тармакты санариптештирүүнүн алкагында жакынкы арада дагы 3-4 тилди кошуунун үстүндө иштеп жатабыз. Мындан тышкары, Транспорт, архитектура, курулуш жана коммуникациялар министрлиги менен иштешип, жолдун жээгиндеги жерлерге туристтер үчүн көрсөтмөлөрдү коюуну пландап жатабыз", — деди Шатманов.

Ошондой эле жетекчи туризмди өнүктүрүүнүн алкагында Ысык-Көл облусунун айланасында беш туристтик борбор ачыла тургандыгын кошумчалады.

47
Белгилер:
ички туризм, саякат, туризм, Самат Шатманов
Тема боюнча
Кадыралиев: маданиятыбызды өзүбүз өздөштүргөндө гана башкаларга кызыгуу жаратабыз
Эрдик-Подвиг фондунун жетекчиси Каныбек Мырзаканов

Мырзаканов: Кыргызстанда Белгисиз жоокердин эстелиги тургузулушу керек

19
"Эрдик-Подвиг" фондунун жетекчиси Каныбек Мырзаканов өлкөдө Улуу Ата Мекендик согушта дайынсыз жоголгондордун эрдиги даңазаланышы керектигин белгиледи.

Кыргызстанда Улуу Ата Мекендик согушта дайынсыз жоголгондордун урматына Белгисиз аскердин эстелиги орнотулушу керек. Бул тууралуу Каныбек Мырзаканов Sputnik Кыргызстан радиосуна маек берип жатып билдирди.

Мырзаканов: Кыргызстанда Белгисиз жоокердин эстелиги тургузулушу керек

Анын айтымында, мындай эстеликтер көп өлкөлөрдө орнотулган.

"Улуу Ата Мекендик согушта дайынсыз жоголгондордун баарынын сөөгүн таап, аныкташ кыйын. Биз Кыргыз ССРинин мураскери, эгемендүү мамлекет болгон соң өлкөдө Белгисиз жоокердин айкели болушу керек. Себеби 10 миңдеген жоокердин дареги дайынсыз. Алардын урпактары куран түшүрүп, эрдигин даңктап турушу зарыл. Мындай эстеликтер Россияда жана башка дүйнөнүн 40 мамлекетинде бар. Кыргызстандын жоокерлери СССРдин катарында согушуп, жеңишке жетишкен. Андыктан алардын арбактары даңкталышы шарт. Калининградга барганда, ал жакта ардагерлер тууралуу маалымат издөө менен алек болгондордун айтымында, көптөгөн сөөктөр табылып, ким экени аныкталбай калат экен", — деди Мырзаканов.

Ошондой эле ал эгерде Белгисиз жоокердин эстелиги орнотулса, анын тарбиялык мааниси дагы болорун кошумчалады.

19
Белгилер:
СССР, ардагер, Улуу Ата Мекендик согуш, Каныбек Мырзаканов
Тема боюнча
Борбордо Ленинград блокадасынын курмандыктарынын элесине бак отургузулду. Видео
Акча алмаштыруучу жайдагы адам. Архив

Чет элдик валюталар арзандап, алтын кымбаттады. Күйүүчү май боюнча абал кандай

0
(жаңыланган 10:42 10.05.2021)
Sputnik редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып көрдү.

БИШКЕК, 10-май. — Sputnik. Бир катар валюталардын сомго карата наркы түшүп, алтындын баасы, тескерисинче, көтөрүлдү. Күйүүчү май мурдагы эле баада сатылууда.

Өткөн жума күнгө салыштырмалуу акча алмаштыруу жайларында доллар 14 (сатып алуу) жана 13 тыйынга (сатуу) арзандады. Еврону сатып алуу үчүн мурдагыдан 11 тыйынга азыраак төлөсөңүз, сатуу үчүн 8 тыйынга төмөнүрөөк баа коесуз. Рубль дагы арзандады, сатуу 0,1 тыйын, сатуу 0,4 тыйын болду. Теңгенин курсу билинер-билинбес төмөндөдү.

Ишемби күнкүгө салыштырмалуу күйүүчү майдын баасы ошол бойдон.

"Роснефть":

  • АИ-92 — 49 сом;
  • АИ-95 — 51 сом;
  • Дизель майы — 45,2 сом.

"Газпром нефть Азия":

  • АИ-92 — 48,9 сом;
  • АИ-95 — 50,9 сом;
  • Дизель майы — 44,9 сом.

Ал эми алтындын баасы бир топ жогорулады. Мисалы, бир грамм алтын 62,5 сомго кымбатыраак сатыла баштады. Эске салсак, 2015-жылдан тарта Улуттук банк алтын куймаларын сатыкка чыгарган. Бул кыргызстандыктардын топтогон акчасын алтынга салууга көмөктөшүү максатында жасалган болчу. Алар ар башка граммдагы алты түрдүү уютмадан турат, салмагы бирден 100 граммга чейин.

0
Белгилер:
баа, алтын, доллар, бензин, Бишкек
Тема боюнча
Бишкектин айрым май куюу жайларында бензин кымбаттады
Кыргызстандын алтын кору бир айда 5 млрд. сомго азайып кетти