* ПОДКАСТ *
Саламаттык сактоо министрлигинин кардиологу жана башкы аритмологу Дамир Осмонов. Архив

Осмонов: COVID-19дан улам инфаркт менен ооругандар 60%га көбөйдү

56
(жаңыланган 13:56 21.05.2021)
Саламаттык сактоо министрлигинин кардиологу жана башкы аритмологу Дамир Осмонов коронавируска байланыштуу жүрөк-кан тамыр ооруларынын көбөйгөнүн айтты.

Тилекке каршы, жүрөк-кан тамыр оорулары менен жабыркагандардын статистикасы өсүүдө. Учурда республикада өлүмгө кептеген илдеттердин ичинен жүрөк оорулары биринчи орунда турат. Бул тууралуу Дамир Осмонов Sputnik Кыргызстан радиосунун эфиринде маек куруп жатып билдирди.

Осмонов: COVID-19дан улам инфаркт менен ооругандар 60%га көбөйдү

Анын айтымында, 50 жаштан жогорку адамдардын жарымы гипертония менен жабыркайт.

"Биз жакында изилдөө жүргүзүп, курч жүрөк инфарктынын саны коронавирус инфекциясына байланыштуу жогорулап жатканын аныктадык. Ошентип 2019, 2020 жана 2021-жылдардагы маалыматтарды салыштырып көрсөк, инфаркт менен жабыркагандар 60 пайызга көбөйгөн. Андан тышкары, перикардит — жүрөктүн чел кабыгынын сезгенүүсү да көп кездешүүдө. Менин 15 жылдык тажрыйбам боюнча салыштырып айтсам, 2020-жылдын ортосунан азыркы убакка чейин өсүү байкалды. Коронавирус жеңил же симптомсуз өткөн болсо дагы гипертония, жүрөктүн коронардык оорулары жана башка илдеттерге чалдыгуу коркунучу жогору болуп жатат. Демек, коронавирустан айыккандан кийин калыбына келүү курсунан өтүү, жеңил көнүгүүлөрдү жасап сергек жашоо образын кармануу жана туура тамактанууга өтүү өтө маанилүү", — деди Осмонов.

Кардиолог инфаркт жана башка жүрөк оорулары жашарып, бүгүнкү күндө 20 жаштагы бейтаптар да кездешип жатканын кошумчалады.

Подкасттын толук версиясын видеодон көрүңүз:

56
Белгилер:
коронавирус, оору, жүрөк, инфаркт, Дамир Осмонов
Тема боюнча
Коңуруктун эки түрү бар, бири адамды инфаркт же инсультка кептейт. Адистин маеги
Кыргызстандын мотоциклисттер коомунун төрагасы Асхат Сеитбеков

Сеитбеков: өлкө боюнча 1000ден ашуун байкер бар

17
(жаңыланган 13:10 25.06.2021)
Кыргызстандын мотоциклисттер коомунун төрагасы Асхат Сеитбеков Кыргызстанда мотоцикл айдоого кызыккандар көбөйүп, бул тармактын өнүгүшүнө чоң салым кошуп жатышканын айтты.

Мотоциклисттердин саны өлкө боюнча 1000ден ашат. Алар түрдүү категориялар боюнча мотожүрүштөрдү уюштурушат. Мындай маалыматты Асхат Сеитбеков Sputnik Кыргызстан радиосунун эфиринде маек куруп жатып билдирди.

Сеитбеков: өлкө боюнча 1000ден ашуун байкер бар

Анын айтымында, буга чейин Бишкекте гана аталган транспортко кызыккандар болсо, эми аймактарда да мотожүрүштөргө чыга башташты.

"Кыргызстандын мотоциклисттер коому 2014-жылы расмий түзүлгөн. Андан бери көп адамдын башын бириктирип, түрдүү иш-чараларды уюштуруп келебиз. Мотоциклисттер арасында тажрыйбасына жараша наамдар ыйгарылат. Мисалы, бир суткада 1000 миль аралыкты басып өткөндө тиешелүү критерийлердин негизинде статус берилет. Кыргызстанда да байкерлер үчүн атайын наамдарды түзгөнбүз. Алсак, "Беш ашуу", "Үч көл", "Жети жер" деген категориялар каралган. 3500 чакырымды үч күндө мотоцикл менен өткөн адамдарга"Беш ашуу" наамы тагылат. Муну менен кооз жерлерди кыдырып, туризмди өнүктүрүү максатын койгонбуз. Чет өлкөдөн келип, биздеги наамдарды алып кетишет. Учурда байкерлердин саны жалпы өлкө боюнча 1000ден ашат. Алар түрдүү категориялар боюнча мотожүрүштөрдү уюштуруп, чогулуп турушат", — деди Сеитбеков.

Ошондой эле байкер Кыргызстандын кооз жерлерин, маданиятын дүйнөгө таанытуу максатында мототуризмге көңүл буруу керектигин кошумчалады.

17
Белгилер:
Асхат Сеитбеков, мотоцикл, байкер
Тема боюнча
Казыбаев: кышында Сочиге барып дрифт боюнча мелдешке катышабыз
Мал чарбачылыгы боюнча адис Бакыт Мамытканов

Мамытканов: силос жасоо менен тоют кризисинен чыгып кете алабыз

46
Мал чарбачылыгы боюнча адис Бакыт Мамытканов быйылкы кургакчылыкка байланыштуу тоют маселесинде кризисти алдын алуу үчүн азыртан кам көрүү зарылдыгын айтты.

Быйыл малга тоют болуучу чөп аз, мындан улам кымбат болууда. Кыш, жаз мезгилдеринде наркы кескин көтөрүлүп, анын кесепетинен этке болгон баа жогорулап кетпесин десек, азыртадан ачытылган тоют камдоого даярданышыбыз керек. Мындай пикирин Бакыт Мамытканов Sputnik Кыргызстан радиосунун эфиринде маек куруп жатып билдирди.

Мамытканов: силос жасоо менен тоют кризисинен чыгып кете алабыз

Анын айтмында, силос, синачини жүгөрү, арпадан камдап алса болот.

"Июль, август айларында сугат суу көбөйөт. Советтер Союзу кезиндегидей эле бул учурда биринчи түшүмдү берип, арпа, буудай орулуп кеткен жерлерге жүгөрү же кайра эле арпа сээп коюш керек. Албетте, алар толук бышып жетилбейт, бирок мал үчүн жашыл тоют, силос жасаганга жарайт. Азыр убакыттан утттурбай фермерлер ушуну колго алуусу зарыл. Малга чөптөн башка тоют жок деген түшүнүктөн арылышыбыз керек. Силос да жакшы тоют болуп бере алат. Анын тоюмдуулугу бедеден эки эсе эле аз. Бирок бир гектар беде себилген жерден 5-10 тонна тоют чыкса, жүгөрү айдап силос жасай турган болсок 20 тоннадан, түшүмдүү сортторунан 70 тоннага чейин тоют алсак болот. Бул фермер үчүн арзанга түшкөн, мал үчүн сиңимдүү азык болуп берет", — деди Мамытканов.

Ал силоско ылайыктуу жүгөрү сортун тандоо, аны даярдоо жолдору боюнча кеп-кеңеш алуу үчүн Айыл чарба министрлигине кайрылса болорун кошумчалады.

46
Белгилер:
кризис, чөп, тоют
Тема боюнча
Кыргызстанда кагырап кургаган жерлер көбөйүүдө. РФ окумуштуулары жардам берет

Коомдук транспортто, соода түйүндөрүндө бет кап тагынып жатасызбы?

0
(жаңыланган 16:05 25.06.2021)
0