* ПОДКАСТ *
Улуттук илимдер академиясынын Саясий изилдөөлөр жана экспертиза борборунун директору Чолпонкул Арабаев

Арабаев: мыйзамдар аз, бирок сапаттуу болуусу зарыл

22
Улуттук илимдер академиясынын Саясий изилдөөлөр жана экспертиза борборунун директору Чолпонкул Арабаев инвентаризациянын натыйжасында айрым ченемдик актылардын иши токтотуларын маалымдады.

Соңку убакта сапатсыз мыйзамдар көп кабыл алынды. Ошондуктан аны инвентаризациялоо зарылдыгы келип чыгууда. Бул тууралуу Чолпонкул Арабаев Sputnik Кыргызстан радиосуна маек куруп жатып билдирди.

Арабаев: мыйзамдар аз, бирок сапаттуу болуусу зарыл

Анын айтымында, мыйзамдарды иретке келтирүү аракеттери буга чейин дагы болуп, токтоп калган.

"Президенттин февраль айындагы мыйзамдарды инвентаризациялоо жөнүндө буйругу — алардын сапатын көтөрүүгө болгон аракет. Анткени соңку учурларда бири-бирине карама-каршы келген, сапатсыз мыйзамдар көп кабыл алынган. Буга утурлай эле өлкөнүн Баш мыйзамы өзгөрүүгө дуушар болду. Натыйжада мыйзамдарды инвентаризациялоо муктаждыгы жаралууда. Мыйзамдарга ревизия жасалып, иретке келтирүү жолу менен актуалдуулугун жоготкон ченемдик актылардын ишин токтотуу же толуктоо зарыл. Мындай аракет буга чейин дагы көрүлгөн. Учурунда Советтер Союзунан бери келе жаткан мыйзамдарга инвентаризация жүргүзүү башталган. Кийин заман алмашып, өйдө-төмөн иштер болуп ал аракет токтоп калган. Учурда ошол иш кайрадан жанданып жатканы — келечектеги мыйзамдардын сапатын жакшыртууга таасир этет деген ишеним. Мыйзам канчалык көп болсо, анын натыйжасы ошончолук азыраак болот. Ошондуктан аз, бирок сапаттуу болуусу зарыл. Аны иштеп чыгууда бардык тарабы эске алынып, жазылуусу шарт", — деди Арабаев.

Ошондой эле ал кабыл алынган мыйзамдар эл аралык конвенцияларга ылайык болушу керектигин кошумчалады.

22
Белгилер:
саясат, инвентаризациялоо, мыйзам, Чолпонкул Арабаев
Тема боюнча
Садыр Жапаров дагы беш жарлыкка кол койду. Маани-маңызы
Кыргызстандын мотоциклисттер коомунун төрагасы Асхат Сеитбеков

Сеитбеков: өлкө боюнча 1000ден ашуун байкер бар

15
(жаңыланган 13:10 25.06.2021)
Кыргызстандын мотоциклисттер коомунун төрагасы Асхат Сеитбеков Кыргызстанда мотоцикл айдоого кызыккандар көбөйүп, бул тармактын өнүгүшүнө чоң салым кошуп жатышканын айтты.

Мотоциклисттердин саны өлкө боюнча 1000ден ашат. Алар түрдүү категориялар боюнча мотожүрүштөрдү уюштурушат. Мындай маалыматты Асхат Сеитбеков Sputnik Кыргызстан радиосунун эфиринде маек куруп жатып билдирди.

Сеитбеков: өлкө боюнча 1000ден ашуун байкер бар

Анын айтымында, буга чейин Бишкекте гана аталган транспортко кызыккандар болсо, эми аймактарда да мотожүрүштөргө чыга башташты.

"Кыргызстандын мотоциклисттер коому 2014-жылы расмий түзүлгөн. Андан бери көп адамдын башын бириктирип, түрдүү иш-чараларды уюштуруп келебиз. Мотоциклисттер арасында тажрыйбасына жараша наамдар ыйгарылат. Мисалы, бир суткада 1000 миль аралыкты басып өткөндө тиешелүү критерийлердин негизинде статус берилет. Кыргызстанда да байкерлер үчүн атайын наамдарды түзгөнбүз. Алсак, "Беш ашуу", "Үч көл", "Жети жер" деген категориялар каралган. 3500 чакырымды үч күндө мотоцикл менен өткөн адамдарга"Беш ашуу" наамы тагылат. Муну менен кооз жерлерди кыдырып, туризмди өнүктүрүү максатын койгонбуз. Чет өлкөдөн келип, биздеги наамдарды алып кетишет. Учурда байкерлердин саны жалпы өлкө боюнча 1000ден ашат. Алар түрдүү категориялар боюнча мотожүрүштөрдү уюштуруп, чогулуп турушат", — деди Сеитбеков.

Ошондой эле байкер Кыргызстандын кооз жерлерин, маданиятын дүйнөгө таанытуу максатында мототуризмге көңүл буруу керектигин кошумчалады.

15
Белгилер:
Асхат Сеитбеков, мотоцикл, байкер
Тема боюнча
Казыбаев: кышында Сочиге барып дрифт боюнча мелдешке катышабыз
Мал чарбачылыгы боюнча адис Бакыт Мамытканов

Мамытканов: силос жасоо менен тоют кризисинен чыгып кете алабыз

44
Мал чарбачылыгы боюнча адис Бакыт Мамытканов быйылкы кургакчылыкка байланыштуу тоют маселесинде кризисти алдын алуу үчүн азыртан кам көрүү зарылдыгын айтты.

Быйыл малга тоют болуучу чөп аз, мындан улам кымбат болууда. Кыш, жаз мезгилдеринде наркы кескин көтөрүлүп, анын кесепетинен этке болгон баа жогорулап кетпесин десек, азыртадан ачытылган тоют камдоого даярданышыбыз керек. Мындай пикирин Бакыт Мамытканов Sputnik Кыргызстан радиосунун эфиринде маек куруп жатып билдирди.

Мамытканов: силос жасоо менен тоют кризисинен чыгып кете алабыз

Анын айтмында, силос, синачини жүгөрү, арпадан камдап алса болот.

"Июль, август айларында сугат суу көбөйөт. Советтер Союзу кезиндегидей эле бул учурда биринчи түшүмдү берип, арпа, буудай орулуп кеткен жерлерге жүгөрү же кайра эле арпа сээп коюш керек. Албетте, алар толук бышып жетилбейт, бирок мал үчүн жашыл тоют, силос жасаганга жарайт. Азыр убакыттан утттурбай фермерлер ушуну колго алуусу зарыл. Малга чөптөн башка тоют жок деген түшүнүктөн арылышыбыз керек. Силос да жакшы тоют болуп бере алат. Анын тоюмдуулугу бедеден эки эсе эле аз. Бирок бир гектар беде себилген жерден 5-10 тонна тоют чыкса, жүгөрү айдап силос жасай турган болсок 20 тоннадан, түшүмдүү сортторунан 70 тоннага чейин тоют алсак болот. Бул фермер үчүн арзанга түшкөн, мал үчүн сиңимдүү азык болуп берет", — деди Мамытканов.

Ал силоско ылайыктуу жүгөрү сортун тандоо, аны даярдоо жолдору боюнча кеп-кеңеш алуу үчүн Айыл чарба министрлигине кайрылса болорун кошумчалады.

44
Белгилер:
кризис, чөп, тоют
Тема боюнча
Кыргызстанда кагырап кургаган жерлер көбөйүүдө. РФ окумуштуулары жардам берет
Медицинский работник выбирает шприц для введения вакцины от COVID-19 в столичном офисе правительства в Токио (Япония). 18 июня 2021 года

Кыргызстан Япониядан 1,1 млн. доза вакцина жана аны сактаган муздаткыч сурады

0
(жаңыланган 15:36 25.06.2021)
Министрлер кабинетинин жетекчисинин орун басары япон тараптын колдоосу кыргызстандыктардын тезирээк эмделишине кадыресе салымын кошорун белгиледи.

БИШКЕК, 25-июн. — Sputnik. Кыргызстандын министрлер кабинети Япония өкмөтүнөн 1 миллион 100 миң вакцина бөлүүнү жана аны сактаганга муздаткыч берүү маселесин карап көрүүнү өтүндү. Бул туурасында өкмөттүн маалымат кызматынан кабарлашты.

  • Заместитель председателя кабинета министров Жылдыз Бакашова и Посол Японии в КР Сигэки Маэда обсудили вопросы развития двустороннего сотрудничества. 25 июня 2021 года
    Кыргызстандын министрлер кабинети Япония өкмөтүнөн 1 миллион 100 миң вакцина бөлүүнү жана аны сактаганга муздаткыч берүү маселесин карап көрүүнү өтүндү
    © Пресс-служба правительства / Алишер Алиев
  • Заместитель председателя кабинета министров и Посол Японии в КР Сигэки Маэда обсудили вопросы развития двустороннего сотрудничества. 25 июня 2021 года
    Министрлер кабинетинин жетекчисинин орун басары Жылдыз Бакашова Япониянын КРдеги элчиси Сигэки Маэда менен жолукканда жогорудагы маселе көтөрүлгөн
    © Пресс-служба правительства / Алишер Алиев
  • Заместитель председателя кабинета министров Жылдыз Бакашова и Посол Японии в КР обсудили вопросы развития двустороннего сотрудничества. 25 июня 2021 года
    Бакашова учурда Кыргызстандын элин коронавируска каршы вакцина менен эмдөөнү тездетүү маанилүү милдеттердин бири болуп тургандыгын айткан. Ал эмделген жарандардын саны өтө аз болуп жаткандыгын кошумчалаган
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Кыргызстандын министрлер кабинети Япония өкмөтүнөн 1 миллион 100 миң вакцина бөлүүнү жана аны сактаганга муздаткыч берүү маселесин карап көрүүнү өтүндү

Министрлер кабинетинин жетекчисинин орун басары Жылдыз Бакашова Япониянын КРдеги элчиси Сигэки Маэда менен жолукканда жогорудагы маселе көтөрүлгөн. Бакашова учурда Кыргызстандын элин коронавируска каршы вакцина менен эмдөөнү тездетүү маанилүү милдеттердин бири болуп тургандыгын айткан. Ал эмделген жарандардын саны өтө аз болуп жаткандыгын кошумчалаган.

"Ушундан улам Япония өкмөтүнүн 1 миллион 100 миң вакцина бөлүү жана аны сактаганга муздаткыч берүү маселесин карап көрүүгө жардам берүүңүздөрдү өтүнөм. Мындай кыйын кырдаалда япон элинин Кыргызстан калкынын тездик менен эмделишин камсыздоодо, пандемиянын мындан аркы кесепеттеринин алдын алууда өзүнүн салымын кошот деп ишенем", — деген ал.

Күн чыгыш өлкөсүнүн элчиси калкты эмдөө жана вирустун таралуусунун алдын алган коопсуздук чаралардын сакталышы өтө маанилүү экендигин баса белгилеген.

0
Белгилер:
жардам, вакцина, Япония, Кыргызстан