Интернет жылдызы, ырчы, аткаруучу Фатима Серазиева

Серазиева: концертимде Рыспай Абдыкадыровдун ырлары да жаңырат

104
(жаңыланган 10:58 24.05.2021)
Интернет жылдызы, ырчы, аткаруучу Фатима Серазиева буга чейин чакан эки концерт бергенин айтты.

Алгачкы чоң, жеке концерти жөнөкөйлүгү менен айырмаланат. Ырчыны коштогон бийчилер болбойт. Сахнадан аткаруучуну, дирижер жана оркестрдин артисттерин гана көрүүгө болот. Бул тууралуу Фатима Серазиева Sputnik Кыргызстан радиосунун эфиринде маек куруп жатып билдирди.

Серазиева: концертимде Рыспай Абдыкадыровдун ырлары да жаңырат

Анын айтымында, жеке концерт "В моей душе покоя нет" деп аталып, 1-июнда Токтогул Сатылганов атындагы Кыргыз улуттук филармониясынын чоң залында өтөт.

"Мага азыр дирижер Бакыт Тилегенов, симфониялык оркестрдин артисттери жардам берип жатышат. Тилегеновду өтө таланттуу, жумшак адам катары тааныйм. Маэстронун адамдын каалоосун уга билгенин же болбосо сунушун айтып, аткаруучунун оюндагыдай кылууга аракет кылганын баалайм. Концертте совет, орус таланттары Анна Герман, Мария Пахоменко, Майя Кристалинская жана Александра Пахмутованын чыгармаларын аткарам. Ошондой эле репертуарга Рыспай Абдыкадыровдун ырларын да коштум. Айтор, концертте элдин кулагына сиңип калган, тааныш композициялар жаңырат. Андан тышкары, Опера жана балет театрынын солисттери менен дуэт аткарабыз жана алар да өнөрлөрүн тартуулашат. Буюрса, коцерттен соң жеке репертуарыма көңүл бурууну көздөп жатам", — деди Серазиева.

Ал ырчылык негизги кесиби эмес, хоббиси экендигин кошумчалады.

104
Белгилер:
чыгармачылык, концерт, Фатима Серазиева
Тема боюнча
Интернетте жылдызы жанган ырчы Фатима: Анна Германды уксам денем чымырап кетет
Айыл, суу чарба жана аймактарды өнүктүрүү министрлигинин азык-түлүк коопсуздугу бөлүмүнүн жетектөөчү адиси Бексултан Арзыбаев

Арзыбаев: ЕАЭБде азык-түлүк коопсуздугу боюнча маселе көтөрүлүшү керек

31
(жаңыланган 14:42 17.06.2021)
Айыл, суу чарба жана аймактарды өнүктүрүү министрлигинин азык-түлүк коопсуздугу бөлүмүнүн жетектөөчү адиси Бексултан Арзыбаев Евразия экономикалык биримдигинде азык-түлүк коопсуздугу боюнча маселе көтөрүлүшү керектигин айтты.

Евразия экономикалык биримдигинин алкагында азык-түлүк коопсуздугу жаатында өзгөчө чоң роль жарата турган бөлүм каралган эмес. Мындай маалыматты Бексултан Арзыбаев Sputnik Кыргызстан радиосунун эфиринде маек куруп жатып билдирди.

Арзыбаев: ЕАЭБде азык-түлүк коопсуздугу боюнча маселе көтөрүлүшү керек

Анын айтымында, ушу тапта азык-түлүк менен өлкөнү толук камсыз кылуу негизги максат катары каралууда.

"Тилекке каршы, Евразия экономикалык биримдигинин алкагында азык-түлүк коопсуздугу жаатында өзгөчө чоң роль жарата турган бөлүм каралган эмес. Мисалы, ЕАЭБде тооктун эти аз өндүрүлсө атайын комиссия чогулуп, бул аймакта жетпеген продукцияны сырттан алып келип, кошумча салыктардан бошотуп, жеңилдиктерди түзсө болот. Бирок ЕАЭБдин алкагында өзүнчө бюджет көрсөтүлүп, ишке ашыруу каралган эмес. Коронавирус пандемиясына байланыштуу азык-түлүк тартыштыгы пайда болду. Ага карабастан Россия, Казакстан гуманитардык жардамдарын берип турду. Бул маселе пандемия учурунда сабак болду. ЕАЭБ жаңы уюм болгондуктан дагы кошумча өзгөртүүлөр керек. Мындан тышкары, өлкөдө айыл чарба секторунда суу, жайыт тармагынан баштап өсүмдүк өстүрүү, иш кагаздарын электрондук вариантка өткөрүүгө чейин санариптештирүү жүргүзүлүп жатат", — деди Усубалиев.

Ошондой эле адис азык-түлүк коопсуздугу боюнча калкка туура маалымат жеткирүүнүн маанилүүлүгүн эске алып, атайын иштер каралып жаткандыгын кошумчалады.

31
Белгилер:
Бексултан Арзыбаев, Евразиялык экономикалык биримдик, санариптешүү, айыл чарба
Тема:
ЕАЭБдеги Кыргызстан
Тема боюнча
Айдаралиев: экспорт менен ЕАЭБде атаандаштык жарата албайбыз
Калкты жана жарандык актыларды каттоо департаментинин директорунун орун басары Бакыт Конушбаев

Конушбаев: чет жактагы жарандарга паспорт баасын ТИМ бекитет

23
(жаңыланган 14:41 17.06.2021)
Калкты жана жарандык актыларды каттоо департаментинин директорунун орун басары Бакыт Конушбаев жаңы үлгүдөгү жарандык паспорт эл аралык жарандык авиация уюмунун талаптарына жооп берерин айтты.

Жаңы үлгүдөгү жарандык паспорттордо 30дан ашуун коргоочу элемент бар. Алар көзгө көрүнүп, колго байкалганы, көзгө көрүнбөгөнү жана катылган коргоочу элементтер болуп үчкө бөлүнөт. Бул тууралуу Бакыт Конушбаев Sputnik Кыргызстан радиосунун эфиринде маек куруп жатып билдирди.

Конушбаев: чет жактагы жарандарга паспорт баасын ТИМ бекитет

Анын айтымында, учурда 70 000ден ашуун жаран жаңы үлгүдөгү жарандык паспорт алууга документ тапшырган.

"Жалпы жарандык паспортту ушул жылдын 3-майынан тарта бере баштадык. Жаңы документ эл аралык талаптардын баарына жооп берет. Өлкө ичинде алууну каалагандар 18 жумушчу күнүндө ээ боло алышат. 34 барактуу паспорттун наркы 885 сом, 50 барактуусунуку 945 сом. Экинчиси чек арадан көп кирип-чыккан соодагерлерге, жүк ташуучу унаанын айдоочуларына керектелет. Жалпы жарандык паспортту эмгек миграциясында жүргөн жарандарыбыз да ошол жактагы элчиликтерге кайрылып ала алышат. Мисалы, Москва шаарындагы кыргызстандыктарга документ тапшырган күндөн тарта бир айга чейинки аралыкта колго тиет. Ал эми Европа жана башка мамлекеттердеги жарандарыбызга жеткирүү маселесинен улам ар кандай убакыт талап кылынып калынышы мүмкүн. Ошондой эле баасы да өлкө ичинде алгандан бир аз айырмаланат. Анткени башка мамлекетте жүргөн жарандарга паспорт баасын Тышкы иштер министрлиги бекитет. Бирок наркында өтө чоң деле айырма болбойт", — деди Конушбаев.

Ал эски үлгүдөгү жалпы жарандык паспортунун жарактуу мөөнөтү бүтө электерди жаңы документ алууга ашыкпай эле коюуга чакырды.

23
Белгилер:
Бакыт Конушбаев, миграция, чет өлкө, эреже, паспорт
Тема боюнча
Чет өлкөдөгү кыргызстандыктар жалпы жарандык паспортту элчиликтен ала алат
Айыл, суу чарба жана аймактарды өнүктүрүү министри Аскарбек Жаныбеков. Архив

Министр: Орто-Токой суу сактагычындагы суу бир айга гана жетет

0
(жаңыланган 23:35 17.06.2021)
Министр Орто-Токой суу сактагычында 224 миң куб суу калганын айтып, сууну эл өзүм билемдикке салып колдонбошу керектигин эскертти.

БИШКЕК, 17-июн. — Sputnik. Эгер суунун чыгымы азыркыдай көп болсо, анда 15-20-июлда Орто-Токой суу сактагычында суу калбай калат. Бул тууралуу Айыл, суу чарба жана аймактарды өнүктүрүү министри Аскарбек Жаныбеков Жогорку Кеңештин жыйынында билдирди.  

"Орто-Токой суу сактагычында 224 миң куб суу калганын айтып коюшум керек. Эгер биз аны азыркыдай иштетсек, 15-20-июлда ал жакта суу жок калат. Суу сактагыч беш дарыядан барган суу менен толот. Быйыл нормадан 50 пайызы гана келип жатат. Кырдаалдан чыгуунун бир эле жолу бар. Ал график боюнча кезектешип сугаруу жана скважинаны иштетүү", — деди министр.  

Аткаминер эл сууну өзүм билемдикке салып бөлүштүрбөшү керектигин эскертип, суу  чарбасы бөлүштүргөн графиктин негизинде иш алып барышы керектигин белгиледи.  

Чүй облусундагы суу тартыштыгы дыйкандарды убайымга салды. Алардын эгин талаалары куурап, бир жылдык түшүмдөн кол жууп калуу кооптуулугу бар. Бийлик өкүлдөрү тоолордо күн жылыбай, мөңгүлөрдүн эрибей жатканы көйгөйдүн бирден-бир себеби экенин айтууда.
© Sputnik / Акылбек Батырбеков , Эмиль Садыров
"Эгер суу бөлүштүрүү боюнча график сакталса, суу баарына жетет. Суу ресурстары боюнча агенттикте 4 600 адам иштейт. Көбүнүн айлыгы 4600-4800 сом. Ага карабай бул адамдар каналда күнү-түнү иштеп, аракет кылып жатышат", — деди Жаныбеков.  

Буга чейин Суу ресурстары боюнча мамлекеттик агенттиктин жетекчисинин орун басары Абдыбай Жайлообаев июлда сугат суусу азыркыдан да тартыш болушу мүмкүн экенин божомолдогон.

0
Белгилер:
министр, бөлүштүрүү, айыл чарба, суу, Орто-Токой суу сактагычы
Тема боюнча
Сабиз менен картошканы сыртка сатууга тыюу салынат
Бийлик өкүлдөрү суу эмнеге кескин азайып кеткенин түшүндүрдү