Мамлекеттик ипотекалык компаниянын төрайымынын орун басары Урматбек Кокочаров

Кокочаров: эми мамкызматкерлер 4% менен 25 жылга ипотека ала алышат

6996
(жаңыланган 17:18 25.05.2021)
Мамлекеттик ипотекалык компаниянын төрайымынын орун басары Урматбек Кокочаров аталган мекеме "Менин үйүм — 2021-2026" программасынын алкагында төрт пайыздан 25 жылга ипотекалык насыя берүү долбоорун иштеп чыккандыгын айтты.

"Менин үйүм — 2021-2026" долбоору мамлекет башчы тарабынан колдоо тапкан, эми өкмөттүн тиешелүү буйругу менен бекитилген соң ишке ашат. Мындай маалыматты Урматбек Кокочаров Sputnik Кыргызстан радиосунун эфиринде маек учурунда билдирди.

Кокочаров: эми мамкызматкерлер 4% менен 25 жылга ипотека ала алышат

Анын айтымында, калкты арзан турак жай менен камсыз кылуу максатында Мамлекеттик ипотекалык компания дагы башка долбоорлорду иштеп чыгууда.

"Буга чейин "Арзан турак жай — 2015-2020" программасы иштеп, анда каражат 6-8 пайыз менен берилчү. Эми мамлекеттик ипотекалык компания "Менин үйүм — 2021-2026" программасынын алкагында төрт пайыздан 25 жылга ипотекалык насыя берүү долбоорун иштеп чыкты. Мында баштапкы төлөм шарттуу түрдө талап кылынбайт, бирок эгер кардар кааласа, өз ыңгайына карап алгачкы төлөмдү бере берсе болот. Мындай учурда насыянын убактысы кыскарышы мүмкүн. Пайыздык көрсөткүчтүн төмөндөшүнүн негизги себеби анын төлөө мөөнөтүнүн узаргандыгында. Долбоордун дагы бир өзгөчөлүгү компания өзү курган турак жайларды гана сунуштайт. Анда алты жыл ичинде 800 миң чарчы метр турак жай курулушу каралууда", — деди Кокочаров.

Ошондой эле аткаминер аталган долбоордо банктардын жана МИКтин комиссиясы кошулбай түз каржылоо аркылуу ишке ашарын кошумчалады.

6996
Белгилер:
Урматбек Кокочаров, долбоор, насыя, Мамлекеттик ипотекалык компания
Тема боюнча
Мамипотеканын ставкасын төмөндөтүп, баштапкы төлөмдү алып салуу сунушталды
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев

Чокиев: согуш убагында жылына бирден операнын премьерасы болуп турган

19
(жаңыланган 17:43 21.06.2021)
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев учурда коомдо чыгармачыл союздарды каржылоого алган меценаттык жолго коюлбаганын белгиледи.

Улуу Ата Мекендик согуш учурунда жылына бирден операнын премьерасы болуп турган. Бул тууралуу Турдубек Чокиев Sputnik Кыргызстан радиосунда маек куруп жатып билдирди.

Чокиев: согуш убагында жылына бирден операнын премьерасы болуп турган

Анын айтымында, соңку 30 жылда опера жана балет театрында бир дагы премьера коюла элек.

"Эгемендүүлүк алгандан бери чыгармачыл союздар кароосуз калды. Колдоо маселеси көтөрүлсө каражат жетишсиздигин жүйө кылышат. Анткен менен эки кабат үйдө жашап, кымбат унааларды айдап жүрүшөт. Маселен, опера жана балет теарында эгемендүүлүк алган жылдары бир дагы опера коюлган жок. Мурдагы эле "Айчүрөк", "Чолпон", эски репертуар менен келе жатат. 1941-жылы 7-ноябрда "Анар" деген кыргыздын алгачкы балети, 1942-жылы 6-октябрда "Көл боюнда" деген опера коюлган. 1943-жылы "Көкүл" операсы, 1944-жылы "Чолпон" деген балет коюлган. Мындайча айтканда, согуш жылдары жылына бирден премьера болуп турган. Мындан тышкары, дүйнөлүк классикалык чыгармалар кыргызчаланып, тартууланган. Согуш бүткөндөн кийин учурдагы опера жана балет театры үчүн "Токтогул", "Манас" жазылган. Азыр тынчтык заманда жашап жатабыз. Бирок искусствого, адабиятка каражат бөлүнбөй келет", — деди Чокиев.

Ошондой эле ал искусство, адабият аркылуу идеологияны калыбына келтирүүгө боло турганын кошумчалады.

19
Белгилер:
композитор, идеология, искусство, Турдубек Чокиев
Тема боюнча
Оркестр коллективдери арасында республикалык кароо-сынак жарыяланды
Кыргыз фондулук биржасынын директорлор кеңешинин тең төрагасы Абдуталип Султанов

Султанов: 2025-жылга чейин ЕАЭБде бирдиктүү капитал рыногун түзүү зарыл

39
Кыргыз фондулук биржасынын директорлор кеңешинин тең төрагасы Абдуталип Султанов аталган фонддун эл аралык ишмердиги тууралуу айтып берди.

Өлкөгө инвестиция тартуу жеңил болушу үчүн 2025-жылга чейин ЕАЭБде бирдиктүү капитал рыногун түзүү зарыл. Бул тууралуу Абдуталип Султанов Sputnik Кыргызстан радиосуна маек куруп жатып билдирди.

Султанов: 2025-жылга чейин ЕАЭБде бирдиктүү капитал рыногун түзүү зарыл

Анын айтымында, тийиштүү чечим мамлекет башчылары тарабынан кабыл алынган.

"Кыргыз фондулук биржасы брокерлерди эл аралык рынокто иш алып барууга үйрөтүүдө. Себеби Кыргызстан Евразия экономикалык биримдигине мүчө. Бирдиктүү капитал рыногун түзүү чечими буга чейин президенттер тарабынан кабыл алынган. Аны ишке ашыруу 2025-жылга чейин жыйынтыкталуусу кажет. Эгерде буга жетише алсак, өлкөгө инвестиция тартуу кыйла жеңилдейт. Учурда кыргыз фондулук биржасынын абалы жаман эмес. Анткени биржалар союзуна киребиз. Көпчүлүк биржалар менен түздөн-түз карым-катнаш, келишимдер бар. Ошолордун көмөгү менен өлкөгө инвестиция тартууга жакшы мүмкүнчүлүктөр түзүлүүдө. Маселен, Стамбул, Казакстан фондулук биржасы бизде акционер болуп эсептелет. Алардын тажрыйбасын алып, өнүгүүгө аракеттер көрүлүүдө. Бирок бул багытта айрым көйгөйлөр бар. Андыктан кыргыз фондулук биржасын эл аралык стандарттарга тууралоо зарыл. Анткени биздин рынок башкаларга салыштырмалуу өзгөчөрөөк. Алсак, бизде мамлекеттик, корпоративдик облигациялар өзүнчө болуп, бири-бири менен байланыш жок. Ошону бириктирүү аракеттери көрүлүүдө. Анүчүн биржалык фонд капиталынын 33 пайызын өкмөт сатып алуу боюнча токтомун чыгарган. Тилекке каршы, бул токтом жарым-жартылай гана аткарылды. Ошондуктан ал токтомду ишке ашырууну тездетүү зарыл. Себеби кыргыз фондулук биржасынын мүмкүнчүлүктөрү дагы да кеңейет. Мындан тышкары, мамлекеттик жана корпоративдик облигациялар рыногун бириктирүүгө шарт түзүлөт", — деди Султанов.

Ошондой эле ал өз кезегинде фондулук биржанын институттары 800-900 миллион сомдун тегерегиндеги жеке капиталдын негизинде түзүлгөнүн кошумчалады.

Толук вариантын төмөнкү видеодон көрүңүздөр:

39
Белгилер:
Абдуталип Султанов, Евразиялык экономикалык биримдик, экономика, биржа
Тема:
ЕАЭБдеги Кыргызстан
Тема боюнча
Чүйдө кыргыз-түрк өнөр жай аймагын ачуу пландалып жатат
Автоунаалар Бишкек - ​​Ош трассасында бара жатат

Шейшембиге карата аба ырайы

0
22-июнга караган түнү өлкөнүн кээ бир райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-июн. — Sputnik. Шейшембиде күндүз дыйканчылык аймактарда жаан-чачын болбойт. Бул тууралуу Кыргызгидромет билдирди.

Абанын температурасы Чүйдө +24…+29, Талас облусунда +22…+27, Ош, Жалал-Абад, Баткен аймактарында +31…+36, Ысык-Көлдө +19…+24, Нарын чөлкөмүндө +18…+23 градуска жогорулайт.

Күндүн табы Бишкекте +26…+28, Ош шаарында +34…+36, Чолпон-Атада +18…+20 градус ысыйт.

0
Белгилер:
Кыргызстан, июнь, аба ырайы
Тема боюнча
Маал-маалы менен өткүн өтүп турат. Бир жумага карата аба ырайы