Мамлекеттик камсыздандыруу уюмунун уюштуруу иштери жана коомчулук менен байланыш бөлүмүнүн жетекчиси Нурсултан Чекиров

Адис турак жайды камсыздандырууга керектелчү документтерди тизмектеди

41
(жаңыланган 18:11 26.05.2021)
Мамлекеттик камсыздандыруу уюмунун уюштуруу иштери жана коомчулук менен байланыш бөлүмүнүн жетекчиси Нурсултан Чекиров турак жайды камсыздандыруу эрежелери тууралуу айтты.

Үйдү камсыздандыруунун бир жылдык наркы айыл жерлеринде 600, шаарларда 1200 сом турат. Бул тууралуу Нурсултан Чекиров Sputnik Кыргызстан радиосунун эфиринде маек куруп жатып билдирди.

Адис турак жайды камсыздандырууга керектелчү документтерди тизмектеди

Анын айтымында, камсыздандыруунун мөөнөтү бир жыл болгондуктан убактысы бүтөрдө жыл сайын узартып туруу зарыл.

"Бизде учурда камсыздандыруу маданияты анчейин өнүккөн эмес. Ошого карабай жыл сайын өсүш бар деп айтсак болот. Тилекке каршы, айыл жерлеринде камсыздандыруу маселесине келгенде үйлөрүнүн документи жок, атадан балага сөз жүзүндө мураска өтүп жашап жүргөндөр көп кездешет. Турак жайды камсыздандыруу үчүн үйдүн техникалык паспорту, жарандын паспорту гана керектелет. Эгер мүлктүн мындай документи жок болсо, анда кадастрдык план, инвентардык делосу жарайт. Бул кагаздары да жок учурда айыл өкмөтүнөн "турак жай ушул жаранга таандык" деген справка жана өздүк паспорту менен келиши талап кылынат. Авариялык абалга кептелип, урап калуу алдында турган үйлөр камсыздандырылбайт. Камсыздандырылган там табигый кырсык же өрткө чалдыккан учурда биз ээсине айыл жерлеринде 500 миң, шаарда 1 миллионго чейин төлөп беребиз", — деди Чекиров.

Ал турак жайларды милдеттүү камсыздандыруу үчүн айыл өкмөт, шаар мэрияларына кайрылса болорун кошумчалады.

41
Белгилер:
камсыздандыруу, турак-жай, Нурсултан Чекиров
Тема боюнча
Калматова: милдеттүү камсыздандыруунун беш түрү бар
Борбордук шайлоо комиссиясынын мүчөсү Абдыжапар Бекматов

Бекматов: бир мандаттуу округдан талапкерлердин дебаты облустук теледе өтөт

41
Борбордук шайлоо комиссиясынын мүчөсү Абдыжапар Бекматов саясий партияларга бир сааттан кем эмес убакыт эфир бөлүнүп, анын жарымы жамааттык чыгууларды камтый турганын белгиледи.

Бир мандаттуу округдан катталган талапкерлердин дебаттары облустук ЖМКларга берилет. Бул тууралуу Абдыжапар Бекматов Sputnik Кыргызстан радиосунда маек куруп жатып билдирди.

Бекматов: бир мандаттуу округдан талапкерлердин дебаты облустук теледе өтөт

Анын айтымында, талапкерлердин 20:00дөн 00:00гө чейинки убакытта эфирге чыгуусу каралган.

"Шайлоо алдындагы үгүт жүргүзүү мезгилинде саясий партияларга мамлекеттик ЖМКлардан бир сааттан кем эмес акысыз эфирдик убакыт кепилденген. Учурда бул боюнча сүйлөшүүлөр жүргүзүлүп, эфирдин убактысы бөлүштүрүлүүдө. Партиялар бөлүнгөн эфирдик убакыттын жарымынан кем эмесин жамааттык чыгуулар, дебаттар же тегерек столдор менен камтышы керек. Бул саясий партиялар үчүн талаптар. Ал эми бир мандаттуу округдан катталган талапкерлер үчүн аймактык медиаборборлордон аянтча берилет. Анткени бир аймактын көйгөй, маселелери башка регион менен окшошпойт", — деди Бекматов.

Ошондой эле ал кепилденген убакыт жумуш күндөрүнө туура келе турганын кошумчалады.

41
Белгилер:
Абдыжапар Бекматов, шайлоо, талапкер, дебат
Тема:
Жогорку Кеңешке шайлоо 2021
Тема боюнча
Партиялык система менен 1046 киши депутат болууну мелжеп жатат. Статистика
Баткен жоокерлеринин республикалык комитетинин төрагасы, полковник Сатыбек Молдалиев

Молдалиев: 1999-жылы Баткендин борбор менен байланышы үзүлүп калган

44
(жаңыланган 12:47 27.10.2021)
Баткен жоокерлеринин республикалык комитетинин төрагасы, полковник Сатыбек Молдалиев Баткен окуясы кандайча башталганын эскерди.

Тажикстанда согуш бүткөндөн кийин Ислам диний экстремисттердин тобу кысмакка алынган соң алар Өзбекстанга кирип ФАНО (Фергана-Андижан-Наманган-Ош) ислам мамлекетин түзүү максатын коюшкан. Бул үчүн бардык шарт бар эле. Ага чейин, 1997-жылы террорчулар Фергана, Анжиян облустарында акимдин, прокурор, милициянын баштарын кесип илип кетишкен. Бул тууралуу Сатыбек Молдалиев Sputnik Кыргызстан радиосунун эфиринде маек куруп жатып билдирди.

Молдалиев: 1999-жылы Баткендин борбор менен байланышы үзүлүп калган

Анын айтымында, террорчулардын баш калкалоочу жериндеги курал-жарактар бир ротага, взводго жеткидей көлөмдө болгон.

"Кыргызстандагы Сох анклавынын ички турмушу начар болуп, алар Ислам террорчулар тобун күткөнү белгилүү болгон. Жок кылынган террорчулардын чөнтөктөрүнөн "биз силерди күтүп жатабыз, бардыгы даяр, качан келесиңер" деген каттар табылган. Террорчулар Баткенге Өзбекстанга жакын аймак болгондуктан кирип келип, бизден коридор сураган. Советтер Союузунун учурунда эле Кыргызстан, Өзбекстан, Тажикстандын эли мал айдап жайлоодо жүргөн кезде террорчулар келип аралашып, ошол аймак тууралуу башчыларына айтып берип турган. Коркпостон түз эле Зардалыга чейин кирип келип, милициянын башчысын өлтүрүшкөнү ошондон. Анан бийлик армия жөнөттү. Ошол учурда армияда аскердик окууну бүткөн, казармаларда жашаган, даярдыгы бар жоокерлер болгон. Таптакыр эле даяр эмес болчу десек туура эмес болуп калат. 1997-98-жылдары тоо шарттарында аскердик машыгууларды өткөрүп жүргөнбүз. Болгону террорчулар Зардалы, Кожо-Ашканга чейин кирип келгени боюнча маалымат болгон эмес. Себеби алар ошол жердеги койчу, чабандарды таанып-билгендиктен саламдашып эле кара мылтыктарын жашырып кирип келишкен. Террорчулар Баткен согушуна абдан мыкты даярданышкан. Баш калкалоочу жеринен бир ротага, взводго жеткендей курал-жарак, мина, тамак-аш табылган. Кыргызстандын түштүгүн толук жок кылабыз деген абдан жаман ойлору болгон. Ошол учурда Баткен району да радио, телевидение жок президенттин сөзүн укпай, борбордон алыс болуп кеткен. Жадагалса окуучулар Ислам Каримовду президентибиз деп таанычу. Демек, бул район Кыргызстандан бөлүнүп кеткенге, террорчуларга жол ачып бергенге даяр, ылайыктуу аймак болчу", — деди Молдалиев.

Полковник 2000-жылы кайра Өзбекстан тараптан Жалал-Абад облусунун Чаткал районуна кол салуу болгонун, куралчан адамдар ИИМ тарабынан жок кылынганын кошумчалады.

Подкасттын толук вариантын видеодон көрүңүз:

44
Белгилер:
Баткен окуясы, согуш, террорист
Тема боюнча
Чотбаев: Баткен коогасына катышкан жоокерлердин эрдиги бааланышы керек
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

0
(жаңыланган 09:55 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

0
Белгилер:
ден соолук, азык, дарыгер, кеңеш, колбаса