Павлония дарагын өстүрүп, жайылтып жүргөн Эрмек Кубатаев

Кубатаев: павлония дарагынан япондор кыздын себин жасашкан

33
(жаңыланган 13:27 26.05.2021)
Павлония дарагын өстүрүп, жайылтып жүргөн Эрмек Кубатаев аталган дарак өлкөдө 2011-жылдан баштап жайылтыла баштаганын белгиледи.

Павлония кытайларда "ажыдаар дарагы" деп аталса, Японияда андан кыздын себин жасашкан. Бул тууралуу Эрмек Кубатаев Sputnik Кыргызстан радиосуна маек куруп жатып билдирди.

Анын айтымында, павлония дарагы тез өсөт, өрткө туруктуу, анан абдан жеңил болот.

Кубатаев: павлония дарагынан япондор кыздын себин жасашкан
"2011-жылы павлония тууралуу маалымат алып калдым. Ошондон баштап ага кызыгуум күч алды. Көптөгөн мамлекеттик органдарга кайрылып, өстүрүүнү сунуштадым. Көбүнчө каражаттын жетишсиздиги, анан бюрократия бул аракеттин тез жүрүүсүнө тоскоолдук жаратты. Жеке ишкерлер менен иштешип, алардан заказ түшө баштады. Ысык-Көлдө жана Токтогулда чакан плантацияларда өстүрүп жүрдүк. 2018-жылы ошол кездеги премьер-министр Мухаммедкалый Абылгазиев Көчмөндөр оюндарынан келе жатып, плантацияны көрүп таң калып, кызыгып калган. Кийин губернаторлорго павлонияны көбөйтүү боюнча тапшырма дагы берген. Ошондон баштап бул дарак тез көбөйүп, бардык социалдык имараттардын алдына отургузулууда. Өзүнүн сапаттарынан улам ал элде "кут дарак" деп аталып калды. Негизи павлониянын мекени Түштүк Азия мамлекеттери болуп саналат. Кытайлар аны "ажыдаар дарагы" деп баркташса, япондо "кири" дешет. Ал тургай Японияда ага арналган музей дагы бар. Себеби павлония алардын тарыхында кеңири колдонулуп, өз орду бар. Кыздын себине эмерек жасашкан деген маалыматтар бар", — деди Кубатаев.

Ошондой эле ал павлония тез өсүп, өрткө туруктуу болгондуктан курулушка эле эмес, эмерек жасоого да ылайыктуу болорун кошумчалады.

33
Белгилер:
Эрмек Кубатаев, павлония, эмерек
Тема боюнча
Элеттик дыйкандын кеп-кеңешине чет элдиктер да муктаж. Агроном Касеев менен маек
Борбордук шайлоо комиссиясынын мүчөсү Абдыжапар Бекматов

Бекматов: парламенттик шайлоого элдин катышуусу төмөн болууда

66
(жаңыланган 15:51 28.11.2021)
Борбордук шайлоо комиссиясынын мүчөсү Абдыжапар Бекматов парламенттик шайлоого жалпы 736 эл аралык байкоочу көз салып жатканын айтты.

Мурдагы шайлоого салыштырмалуу элдин катышуусу төмөн болууда. Себеби шайлоонун улам-улам өткөрүлүшү, эпидемиологиялык абал процесске кедергисин тийгизип жатат. Мындай пикирин Абдыжапар Бекматов Sputnik Кыргызстан радиосунун эфиринде маек куруп жатып билдирди.

Бекматов: парламенттик шайлоого элдин катышуусу төмөн болууда

Анын айтымында, парламенттик шайлоого 58 мамлекет жана 54 уюмдан жалпы 736 эл аралык байкоочулар көз салууда.

"Парламенттик шайлоого республикалык 2435 шайлоо тилкеси, ал эми өлкөнүн чегинен тышкары аймактарда 59 тилке уюштурулган. Кечээ Конституциялык мыйзамдын негизинде шайлоо тилкелеринен тышкары жерлерде бирдиктүү шайлоо округу боюнча арыз берген 13 481 жарандын ичинен 12 137и добуш берди. Ал эми бир мандаттуу шайлоо округу боюнча добуш берүү үчүн арыз берген 13 009 шайлоочунун 11 616сы шайлоого катышты. Биринчи шайлоо тилкеси түнкү үчтөрдө Сахалинде ачылган. Учурда 1-2 шайлоо тилкесине барып абалды карап келдим. Ал жерлерде автоматтык эсептегич урналар керектен чыгып жана иштебей калган учурлар катталган жок. Башка тилкелерде да көйгөй жаралбаганын айтышты. Ал эми байкоочулар азыркы сааттарга карата шайлоо тынч, мыйзамдын негизинде өтүп жатканын, шайлоо комиссиясынын ишине, добуш берүүнүн жүрүшүнө дооматы жок экенин билдиришти. Азырынча арыз-даттануулар, мыйзам бузуулар каттала элек. Социалдык тармактарды да мониторинг кылып жатабыз", — деди Бекматов.

Ал Борбордук шайлоо комиссиясы парламенттик шайлоону өткөрүүгө 592 миллион сом сарптап жатканын кошумчалады.

66
Белгилер:
Абдыжапар Бекматов, шайлоо, парламент, депутат, БШК
Тема:
Жогорку Кеңешке шайлоо 2021
Тема боюнча
Акеров: бул парламент "ажыдаардын куйругу" болуп калышы мүмкүн
Саясий серепчи, тарых илимдеринин кандидаты Табылды Акеров

Акеров: бул парламент "ажыдаардын куйругу" болуп калышы мүмкүн

167
(жаңыланган 09:04 28.11.2021)
Саясий серепчи, тарых илимдеринин кандидаты Табылды Акеров VII чакырылыштагы парламентте бир мандаттуу округдан шайланган эл өкүлдөрүнүн арасынан президентикке ат салышчулар чыгышы ыктымалдыгын айтты.

Жаңы шайланган Жогорку Кеңеш ажыдаардын куйругуна айланышы мүмкүн. Тактап айтканда, "артымда эл турат" деген жүйө менен президентке да кыр көрсөтчүлөр чыгышы ыктымал. Мындай пикирин Табылды Акеров Sputnik Кыргызстан радиосунда маек куруп жатып билдирди.

Акеров: бул парламент "ажыдаардын куйругу" болуп калышы мүмкүн

Анын айтымында, VII чакырылышка айрым акчалуулар кийин президенттик жарышка аттануу үчүн келишет.

"Бул парламентти алсыз болот, эч нерсени чечпейт деген пикирлер айтылууда. Бирок кези келсе так эле ажыдаардын куйругуна айланышы ыктымал. Дегеним, эгер президент өтө аша чаап катачылыктарды кетирсе, куйругу менен жаткыра чабышы мүмкүн. Анткени бул парламентте бир мандаттуу округдан келгендер "менин артымда эл турат" деген жүйөнү келтиришет. Мындай биздин тарыхыбызда болгон. Академик Акаевди деле элге, шайлоочуларына таянып бир мандаттуу округдун депутаттары ооз ачырбай койчу. Албетте, адеп мандатка көнгөнчө коркушат, анан бир-эки жылдан соң пикирлерин ачык билдире башташат ", — деди Акеров.

Саясий серепчи бир мандаттуу округдар чоң аймактарды камтып жаткандыктан, андан аттанган талапкерлер келечекте күчтүү саясий фигурага айлануу мүмкүнчүлүгү бар экендигин кошумчалады.

Подкасттын толук вариантын видеодон көрүңүз:

167
Белгилер:
Табылды Акеров, парламент, саясат, келечек
Тема:
Жогорку Кеңешке жаңы тартип менен болчу шайлоо
Тема боюнча
Бүгүнкү парламенттик шайлоо кандай өтүүдө: видео, сүрөт, баяндама
Юрист: мыйзамдарды жарандарга комикстер аркылуу түшүндүрүү колго алынды
БШКнын кызматкерлери Бишкектеги шайлоо участкасында

Шайлоонун жыйынтыгы боюнча корко турган эч нерсе жок! Иманкуловдун кайрылуусу

0
(жаңыланган 01:38 29.11.2021)
Республикалык штабдын жетекчиси шайлоочулардын добушу эми кол менен санала турганын айтып, бул процесске катышууга партия мүчөлөрүн чакырган.

БИШКЕК, 29-ноя. — Sputnik. Шайлоонун жыйынтыгы боюнча коркуп-үркө турган эч нерсе жок, аны бурмалаганга жол бербейбиз. Бул тууралуу парламенттик шайлоону өткөрүү боюнча Республикалык штабдын жетекчиси Марат Иманкулов билдирди.

Ал ар бир бюллетенди текшерип чыгууга даяр экенин белгилеген.

"Айрым партиялар шайлоонун жыйынтыгы бурмаланды деп жазып жатышат. Биз ага жол бербейбиз. Мындай саясатты атайын жүргүзгөн жокпуз. Бул ачык шайлоо. Коркуп-үркө турган эч нерсе жок. Партия лидерлери, келгиле, ар бир бюллетенди текшерип чыкканга даярбыз. Шайлоонун акыркы жыйынтыгы кол менен санаганда гана чыгат. АСУнуку (автоматтык эсептөө урнасы) алдын ала жыйынтык. Бүгүн-эртең бардык шарттарды түзүп беребиз, партия мүчөлөрү менен ар бир шайлоо участкасынан чыккан бюллетендерди санап чыгабыз. Баарын кайра текшерип чыкканга даярбыз. Биз шайлоонун жыйынтыгын бурмалаганга жол бербейбиз", — деди Иманкулов.

Белгилей кетсек, кечээ БШКнын сайты эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

0
Белгилер:
БШК, Марат Иманкулов, шайлоо, жыйынтык, кайрылуу
Тема:
Жогорку Кеңешке жаңы тартип менен болчу шайлоо
Тема боюнча
БШК сайтынан "жоголгон" 14% добуш. Шайлдабекова жооп берди
Жогорку Кеңеш-2021 шайлоосунун алдын ала жыйынтыгы
Аял талапкерлердин арасынан Жогорку Кеңешке кимдер келе жатат? Тизме