Жеке менчик камсыздандыруу компаниясынын жетекчиси Эрнис Абдыкеев

Абдыкеев: мигранттын өмүрүн камсыздандыруу мыйзам долбоору чийки болууда

44
(жаңыланган 12:47 27.05.2021)
Жеке менчик камсыздандыруу компаниясынын жетекчиси Эрнис Абдыкеев адамдардын арасында жаракат алгандан кийин камсыздандыруу полисин онлайн ала койгондор же кырсыктын убактысын жылдыра салган учурлар болуп кетерин эскертти.

Азыркы учурда жеке компаниялар чет мамлекетке чыгып жаткан адамдардын өмүрүн жана саламаттыгын ыктыярдуу түрдө камсыздандырат. Буга каза болгон адамдын сөөгүн алып келүү да кирет. Адам ар кандай топтогу майып болуп калган учурда каражат төлөнсө, ал эми колу-буту сынган учурда акча берилбейт. Бул тууралуу Эрнис Абдыкеев Sputnik Кыргызстан радиосунун эфиринде маек куруп жатып билдирди.

Абдыкеев: мигранттын өмүрүн камсыздандыруу мыйзам долбоору чийки болууда

Анын айтымында, жеке камсыздандыруу компаниялары бир жаштагы наристеден баштап бардык жарандардын өмүрүн жана ден соолугун камсыздандырат.

"Чет өлкөгө кетип жаткан жарандардын өмүрүн жана саламаттыгын милдеттүү камсыздандыруу боюнча маселе мындан он жыл мурун эле көтөрүлгөн болчу. Россия мигранттардан камсыздандыруу полисин милдеттүү түрдө сурай баштаган эле. Ал жактын компаниялары биздин өлкөдө агенттиктерин ачууну да көздөшкөн. Бирок жергиликтүү камсыздандыруу компанияларын кубаттоо мыйзамына ылайык, сырттан келген компаниялар иштей алышпайт. Биздин компаниялар алар менен кызматташып камсыздандыруу полисин сата баштаган. Бирок жарандар Россиядан арзан полис алышкандыктан бул иш токтоп калган. Азыр сунушталып жаткан "Чет өлкөгө кетип жаткан жарандардын өмүрүн жана саламаттыгын милдеттүү камсыздандыруу боюнча мыйзам долбоорун" абдан жакшы программа деп айтар элем. Анткен менен мыйзамда өзгөртчү, карап чыгуучу жерлер бар. Мисалы, ден соолугуна зыян келген учурда кандай шарттарда жана канча өлчөмдө каражат төлөнүшү керектигин тактоо зарыл. Алсак, адамдын чыпалагы сынып калган менен жоон санынын сынып калганы эки башка чыгым. Андыктан төлөмдөрдүн таблицасы иштелип чыгышы керек. Бөөдө кырсык эмнеден улам келип чыгып жатат, балким адамдын өнөкөт оорусу бардыр, мында кандай чара көрүлө турганын азыр так көрсөтпөсөк кийин чыр чыгышы мүмкүн", — деди Абдыкеев.

Адис мигранттар камсыздандыруу каражатын алыш үчүн барган өлкөлөрүндө мыйзамдуу түрдө иштеши керектигин кошумчалады.

Подкасттын толук версиясын видеодон көрүңүз:

44
Белгилер:
Эрнис Абдыкеев, мигранттар, мыйзам, ден соолук, камсыздандыруу
Тема боюнча
Чет өлкөдө эмгек келишими жок иштебеш керек. Адистин түшүндүрмөсү
ӨКМдин Жарандык коргонуу жана авариялык-куткаруучу иштер башкармалыгынын жетекчиси Ырыспек Жолдошбаев

Жолдошбаев: куткаруу иштери үчүн үч тик учакка тапшырык берилди

49
ӨКМдин Жарандык коргонуу жана авариялык-куткаруучу иштер башкармалыгынын жетекчиси Ырыспек Жолдошбаев аталган мекеменин материалдык-техникалык базасын жаңыртуу аракеттери көрүлүп жатканын маалымдады.

ӨКМдин материалдык-техникалык базасы эскирип, өз кызматын эбак өтөп бүткөн. Аны жакшыртуу боюнча тийиштүү аракеттер көрүлүүдө. Алсак, куткаруу иштери үчүн Коопсуздук кеңешине үч тик учакка заказ берилди. Бул тууралуу Ырыспек Жолдошбаев Sputnik Кыргызстан радиосунда маек куруп жатып билдирди.

Жолдошбаев: куткаруу иштери үчүн үч тик учакка тапшырык берилди

Анын айтымында, учурда куткаруу иштери үчүн бир дагы тик учак жок.

"Өзгөчө кырдаалдардын саны күн санап өскөнүнөн улам ӨКМдин материалдык-техникалык базасындагы кемчиликтери билинүүдө. Техника эскирип, өз кызматын эбак өтөп бүткөнү эч кимге жашыруун эмес. Учурда материалдык-техникалык базаны жакшыртуу аракеттери көрүлүүдө. Алсак, 85 бирдик атайын инженердик оор техника кабыл алынды. Ошондой эле куткаруу иштерин жүргүзүү, куткаруучуларды жерине ыкчам жеткирүү үчүн ӨКМдин карамагында бир дагы тик учак жок. Бул маселени чечүү максатында Коопсуздук кеңешине үч тик учакка заказ берилди. Ошондой эле ӨКМге караштуу авиациялык ишкана бар. Анын ишин кайрадан карап чыгып, донорлор аркылуу учак сатып алуу аракеттери көрүлүүдө", — деди Жолдошбаев.

Ал келечекте ӨКМге 80 өрт өчүрүүчү техниканын келиши күтүлүп жатканын кошумчалады.

49
Белгилер:
куткаруу, ӨКМ, учак
Тема боюнча
Ысык-Көлдөн кайсы шаарларга учуп кетсе болот? Тизме жана график
Пилатес жана антигравитациялык йога боюнча эл аралык деңгээлдеги машыктыруучу Айсалкын Аманбек кызы

Аманбек кызы: йога-пилатес аркылуу коронавирустун алдын алса болот

56
(жаңыланган 10:52 23.06.2021)
Пилатес жана антигравити йога боюнча эл аралык даражадагы машыктыруучу Айсалкын Аманбек кызы йога-пилатес аркылуу коронавирустун алдын алса болорун айтты.

Тукумсуздук, омуртка оорулары менен жабыркагандар жана балалуу боло албаган келиндер йога-пилатестин артыкчылыктарын колдоно башташты. Мындай маалыматты Айсалкын Аманбек кызы Sputnik Кыргызстан радиосунун эфиринде маек куруп жатып билдирди.

Аманбек кызы: йога-пилатес аркылуу коронавирустун алдын алса болот

Анын айтымында, йога ички булчуңдарды иштетип, аны чыңалдыра турган көнүгүүлөрдү камтыйт.

"Йога-пилатес менен алектенүүгө коронавирус менен ооруп айыккандан кийинки реабилитацияга көп адамдар келип жатышат. Анткени россиялык окумуштуулар коронавирусту инсульттан кийинки абалга окшоштурушууда. Себеби мээ жаракат алып, кээ бир мүчөлөр толук иштебей, жытты, даамды айырмалай албай калып жатышат. Буга байланыштуу нейрондук байланыштардын жардамы менен организмди калыбына келтирүүчү көнүгүүлөрдү жасап, жыйынтыкка жетип жатабыз. COVID-19дан улам жакындарын жоготуп, стресске кабылган адамдар да бизге кайрылууда. Мындан тышкары, омуртка ооруларынан арылуу үчүн келип жатышат. Биз йога, пилатес, кинезиотерапия багыттарын бириктирип, өзүбүздүн автордук методикабызды иштеп чыкканбыз. Анда кан жүгүртүүгө эмес, лимфа системасына көбүрөөк көңүл бурулат. Анткени лимфа системасы жакшы иштесе көп оорулардын алдын алат. Алардын катарына коронавирусту кошсо болот. Тукумсуздук, омуртка оорулары менен жабыркагандар, балалуу боло албай жүргөндөр йога-пилатестин артыкчылыктарын колдоно башташты", — деди Аманбек кызы.

Ошондой эле адис йога-пилатестин жардамы менен ашыкча салмактан арылып, арыктоону каалагандар кайрыларын кошумчалады.

Белгилей кетсек, пилатес — жаракаттан кийинки реабилитация үчүн физикалык көнүгүүлөрдүн системасы. Аны XX кылымдын башында германиялык спорт адиси Йозеф Пилатес негиздеген.

Подкасттын толук версиясын видеодон көрүңүз:

56
Белгилер:
реабилитациялоо, йога
Тема боюнча
Бактылуу болууну эч жерде үйрөтпөйт. Йога машыктыруучусу Кадырбаеванын маеги

Россиянын аскер учагы Кара деңизде британиялык кемени кантип токтотту. Видео

0
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

0
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?