Пауэрлифтинг боюнча Кыргызстандын абсолюттук чемпиону, бодибилдинг жана таяк тартыш боюнча Азиянын чемпиону, дүйнө кубогунун жеңүүчүсү Келдибек Атайбек уулу

Атайбек уулу: олимпиадалык кыялымды уурдап алышкан

77
(жаңыланган 13:40 31.05.2021)
Пауэрлифтинг боюнча Кыргызстандын абсолюттук чемпиону, бодибилдинг жана таяк тартыш боюнча Азиянын чемпиону, дүйнө кубогунун жеңүүчүсү Келдибек Атайбек уулу оор атлетика спортунан олимпиада чемпиону болом деген кыялы орундалбай калганын айтты.

Тааныш-билиштиктин айынан курама командага албай, жалдырап келгенде да машыктыруучулар карабай коюшкан. Бул тууралуу Келдибек Атайбек уулу Sputnik Кыргызстан радиосунун "Спортбокс" программасына маек куруп жатып билдирди.

Атайбек уулу: олимпиадалык кыялымды уурдап алышкан

Анын айтымында, оор атлетиканы таштап, бодибилдинг спортуна барып, эл аралык мелдештерди уткан.

"Менин спорттук карьерам оор атлетикадан башталган. Эң чоң кыялдарымдын бири — Олимпиада оюндарында өлкө желегин көтөрүп, оор атлетика боюнча ийгилик жаратуу болгон. Буга көп окуялар себеп. Дене тарбия жана спорт академиясына тапшырып, жеке насаатчыман алыстап калгам. Спортто атаандаштык бар. Ага карабастан машыктыруучулар өзүнүн баласын чыгарууга аракет кылат. Олимпиадалык резервдер мектебине келип, курама командага кошуп, потенциалымды ачып, спорттук техникамды коюп бергиле деп жалдыраган күндөр болгон. Жеке өзүмдү гана эмес, машыктыруучулардын да атын чагырып, ийгилик жарата алам деп ишендирген күндө да артын салышкан. Ошого байланыштуу оор атлетика менен коштошком. Алар менин олимпиадалык кыялымды талкалашкан. Убакыт өткөндөн кийин өзүмө келип, бодибилдинг спортуна баргам. Бул менин жашоомду толугу менен өзгөрткөн. Белгилүү бодибилдер Арнольд Шварцнеггерге жолугуп, колун кысып, жолугууну кыялдангам", — деди Атайбек уулу.

Спортчу 2016-жылы Барселонада өткөн бодибилдинг боюнча "Арнольд Классик" турниринде алгачкы ирет Кыргызстандын атынан катышып, белгилүү спортчу Арнольд Шварцнеггер менен жолукканын кошумчалады.

Подкасттын толук версиясын аудиодон угуңуз:

77
Белгилер:
олимпиада, бодибилдинг, оор атлетика, спорт, Келдибек Атайбек уулу
Тема боюнча
Кыздар кыя өтпөгөн Келдибек: кыргыздын жигиттери майдаланып баратат
Көйкашка коомдук бирикмесинин мүчөсү, манасчы Нурбек Талантбеков. Архив

Талантбеков: манасчылар мектебин ачуу мерчемделүүдө

23
(жаңыланган 18:05 14.06.2021)
Көйкашка" коомдук бирикмесинин мүчөсү, манасчы Нурбек Талантбеков соңку учурда манасчылык мектебин ачуу зарылдыгы жетилгенин белгиледи.

Манасчылык мектебин ачуу менен эпостогу коошпостуктар жөнгө салынат. Бул тууралуу Нурбек Талантбеков Sputnik Кыргызстан радиосунда маек куруп жатып билдирди.

Талантбеков: манасчылар мектебин ачуу мерчемделүүдө

Анын айтымында, буга чейин манасчылык боюнча жалгыз Тыныбек Жапый уулунун гана мектеби болгон.

"Мектептерде "Манас таануу" сабагы кирип жатканына карабастан манасчылык мектебин ачуу зарылдыгы жетилди. Тарыхта манасчылык боюнча бир эле мектеп болгон. Ал чоң манасчы Тыныбек Жапый уулунуку. Маселен, Сагынбай Орозбаков, Тоголок Молдо (Байымбет Абдырахманов), Молдобасан Бусурманкулов, Байбагыш, Деңизбай сындуу залкар манасчылар ошол мектептен өткөндүктөн, алардын "Манасында" эпостун окуясы системалуу түрдө, иреттүү, көркөм берилген. Мектептен таалим алгандар менен андан өтпөгөн манасчылардын варианты кескин айырмаланат. Бул манасчылык деңгээлдин көтөрүлүшүнө таасирин тийгизип, кийинки муунга көркөм, бай варианттагы эпосту калтырат. Албетте, ар кимдин өзүнүн варианты бар. Маселен "Манастын" — 80, "Семетейдин" 50гө чукул, "Сейтектин" 23төй варианты айтылып жүрөт. Ушулардын ар биринин сюжетинде айырмачылык бар. Эл кайсынысын кабылдап, кимисиникин туура деши керек? Бул бир мектептен окубагандыктан улам келип чыгууда. Мына ушул кемчиликти жоюп, системалуу түрдө иш алып баруу үчүн манасчылык мектебин ачуу мерчемделүүдө", — деди Талантбеков.

Ошондой эле мектептен окууну каалагандар азыртадан даярдык көрүп баштоосу керектигин кошумчалады.

23
Белгилер:
эпос, мектеп, Манас эпосу, Нурбек Талантбеков
Тема боюнча
Манасчы Баянгали Алимжанов үчилтикти бириктирип казак тилинде китеп чыгарды
Bio-KG органикалык кыймыл федерациясынын жетекчиси Искендербек Айдаралиев

Айдаралиев: экспорт менен ЕАЭБде атаандаштык жарата албайбыз

31
Bio-KG органикалык кыймыл федерациясынын жетекчиси Искендербек Айдаралиев өлкөдө өндүрүлгөн продукцияны экспорттоодо көлөм жагынан биримдикте атаандаштык жаратуу кыйын экендигин айтты.

Казакстан, Өзбекстан, Беларусь ЕАЭБ рыногуна ири көлөмдөгү продукция чыгарат. Мындай маалыматты Искендербек Айдаралиев Спутник Кыргызстан радиосунун эфиринде маек куруп жатып билдирди.

Айдаралиев: экспорт менен ЕАЭБде атаандаштык жарата албайбыз

Анын айтымында, ЕАЭБ өлкөлөрүндө кайра иштетүү жолго коюлуп, экономиканын өсүшүнө шарт түзүүдө.

"Өндүрүлгөн продукциянын көлөмү менен ЕАЭБ рыногунда атаандаштык жарата албайбыз. Анткени Казакстан, Өзбекстан, Беларустун экспорту арбын. Мындан тышкары, ал өлкөлөрдө кайра иштетүү жолго коюлуп, экономиканын өсүшүнө шарт түзүүдө. Биздеги жакшы мүмкүнчүлүктөрдүн бири — органикалык, экологиялык таза азык-түлүк, биз ушуну менен алдыга чыксак болот. Бул багытта маалыматтын жеткиликтүүлүгүн камсыз кылып, дыйкандарды окутууга көңүл бурушубуз керек. Чет өлкөлүк кардарлар аз көлөмдө сурабайт. Демек, таза азык-түлүктүн көлөмүнө басым жасоо зарыл. Ал үчүн бул тармактагы системаны өзгөртүү керек. Мисалы, жеке ишканаларды бириктирип, көлөмдү аныктай турган жолун караш керек. Ага байланыштуу "Органикалык аймак" деген долбоорду ишке ашырып жатабыз. Органикалык идеянын айланасында фермерлерди бириктирүүгө мүмкүн болду", — деди Айдаралиев.

Ошондой эле адис туура жер иштетүү боюнча окутууларды уюштуруп, жакшы жыйынтыкка жетсе болорун кошумчалады.

31
Белгилер:
айыл чарба продукциясы, органика
Тема боюнча
Кадыров: биогумус арыктаган жерди 10-15 жылда калыбына келтирет
Бишкек шаары. Архив

Шейшембиге карата аба ырайы

0
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

0
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы