Бишкек шаардык мэриясынын медициналык жардам уюштуруу жана электрондук саламаттык сактоо бөлүмүнүн башчысы Бакытбүбү Шамырканова

Шамырканова: коронавирусту алдын алуунун негизги жолу бул эмдөөдөн өтүү

63
Бишкек шаардык мэриясынын медициналык жардам уюштуруу жана электрондук саламаттык сактоо бөлүмүнүн башчысы Бакытбүбү Шамырканова вакцинация COVID-19 вирусун алдын алуунун негизги жолу экендигин айтты.

Эмдөөдөн өткөн адам вирусту жугузуп алган күндө да илдет жеңил түрүндө өтөт. Мындай маалыматты Бакытбүбү Шамырканова Sputnik Кыргызстан радиосунун эфиринде маек куруп жатып билдирди.

Шамырканова: коронавирусту алдын алуунун негизги жолу — бул эмдөөдөн өтүү

Анын айтымында, жыл сайын гриппке каршы эмдөө жүргүзүлгөндүктөн курч респиратордук инфекция же сасык тумоого чалдыккан адам аны жеңил өткөрөт.

"Бишкек шаарынын үй-бүлөлүк медициналык борборлорунда жана ден соолукту чыңдоо борборлорунда медицина кызматкерлери тарабынан коронавирус инфекциясын алдын алуу боюнча калкка маалыматтык-агартуу иштери жүргүзүлүүдө. Бардык мекемелерде түшүндүрүү өнөктүгүн жүргүзүп, ЖМКлар аркылуу ооруну алдын алуу жолдору тууралуу кабардар кылып жатабыз. Бирок коронавирусту алдын алуунун негизги жолу — бул вакцинация. Себеби анын максаты оорунун жайылып кетпешин шарттоо жана вирусту жугузуп алган күндө да илдетти жеңил түрүндө өткөрүү. Жыл сайын гриппке каршы эмдөө жүргүзүлгөндүктөн курч респиратордук инфекция же сасык тумоого чалдыккан адам аны жеңил өткөрөт. Ошол сыяктуу эле коронавируска каршы вакцина алган адамдар жуктуруп алган күндө да өтө кыйналбайт. Учурда республика боюнча эмдөө иштери акысыз болууда", — деди Шамырканова.

Дарыгер коронавирус ушуну менен таптакыр жоголуп кетпей биз менен дайыма жашай турганын билүү керектигин кошумчалады.

63
Белгилер:
Бакытбүбү Шамырканова, коронавирус, вакцинация
Тема боюнча
Ооругандар азайбаган Чүйдө вакцинация кайсы жерлерде жүргүзүлөт. Тизме
Кыргыз Республикасынын эл артисти, театр жана кино актеру, белгилүү куудул Күмөндөр Абылов

Абылов: кыргыз күлкүсүнүн 45 түрү бар

32
(жаңыланган 12:39 24.06.2021)
Кыргыз Республикасынын эл артисти, театр жана кино актеру, белгилүү куудул Күмөндөр Абылов кыргызда күлкүнүн 45 түрү бар экенин айтты.

Кыргызды күлдүрүш кыйын дешет. Чынында ушундай, анткени биздин эл ишенген нерсесине гана күлөт. Бирок бул кыргызда күлкү жанры өнүкпөй калган дегенди түшүндүрбөйт. Мындай пикирин Күмөндөр Абылов Sputnik Кыргызстан радиосунун эфиринде маек куруп жатып билдирди.

Абылов: кыргыз күлкүсүнүн 45 түрү бар

Анын айтымында, аталган жанрды өнүктүрүү иштери колго алынбай жатат.

"Кыргыз элинде күлкү жанры абдан өнүккөн. Мунун далили катары аталган жанрдын 45 түрү бар экенин айтсак болот. Күлкү, күйдүргү, жанытма, кыйытма, апыртма, такмаза, кер какшык, какшык, каяша жана башка, мунун бардыгы ушул жанрга кирет. Керек болсо күлкүнү кыргыздын комузу, манасчылык, төкмөлүк өнөрү сыяктуу деңгээлде алып карасак болот. Ал үчүн бардык мүмкүнчүлүктөр бар. Бирок азыр жакшы көңүл бурулбай жатат. Сатира жазгандар жок, болсо да бекер бергиси келбей кийинки муун үзүрүн көрөр деп үйүнө катып койгон. Ал эми куудулдарыбыздын көпчүлүгү театралдык билими, сахна маданияты жок эле эл алдына чыгып алып, чампалап номерлерди коюшууда. Пикеттин деңгээлинен жогору, көрүүчүгө руханий байлык тартуулай турган сатиралар жаралбай калды. Андыктан күлкү жанрына илимий, мамлекеттик деңгээлде карап, иштер жасалуусу керек. Ар бир түрүн иликтеген илимий иштер жазылса, өнүктүрүү коому түзүлүп, куудулдардын билими жогорулатылса кандай жакшы болор эле. Элге мамлекеттик идеологиянын негизинде талаптар коюлуп, дасыккан режиссерлер менен ийине жеткире иштелип чыккан гана номерлер тартууланышы керек", — деди Абылов.

Ал сатирик жазуучулар менен куудулдардын башын бириктирип иш алып баруу маселесин тез арада ишке ашыруу зарылдыгы турганын кошумчалады.

32
Белгилер:
сатира, көйгөй, күлкү, Күмөндөр Абылов
Тема боюнча
Ниязов: Асанкул Шаршеновдун 16 улуттун өкүлүн жалгыз ойногон спектакли бар
Пилот, Side attack drift team эл аралык дрифт командасынын мүчөсү, бир нече мелдештердин жеңүүчүсү Акылбек Өмүракунов

Өмүракунов: дрифт автоспорттун эң коопсуз түрү

18
Пилот, Side attack drift team эл аралык дрифт командасынын мүчөсү, бир нече мелдештердин жеңүүчүсү Акылбек Өмүракунов дрифт автоспорттун эң коопсуз түрү экенин айтты.

2017-жылдан бери дрифт менен алектенип келем. Ушул убакытка чейин алган тажрыйбам жарыштарда биринчи болууга мүмкүндүк берүүдө. Бул тууралуу Акылбек Өмүракунов Sputnik Кыргызстан радиосунун эфиринде маек куруп жатып билдирди.

Өмүракунов: дрифт — автоспорттун эң коопсуз түрү

Анын айтымында, 12 жашынан баштап автоунаа башкара баштаган.

"Мен автоунааларга эс тарткандан бери кызыгам. Башталгыч класстарда дептерлерге өзгөчө автомашиналардын сүрөттөрүн тартып жүрчүмүн. Башка балдар кандайдыр бир тасмалардан эргүү алып, анан гана автоспортко келишет. Ал эми мен үчүн "Форсаж" сыяктуу картиналар ачылыш деле болгон эмес. Менин азыркы унаам Nissan 200sx. Казакстандан сатып алгам. Негизи дрифтке катыша турган техниканы толугу менен жасап чыгабыз. Себеби машинанын мотору, коробкасы жана башка бардык жагы бышык, күчтүү болушу зарыл. Унаанын каркасынын ичи жалаң трубалардан турат. Ошондуктан дрифт автоспорттун бардык түрлөрүнүн ичинен эң коопсузу десек болот. Унаа мелдеште чындап эле оор сыноодон өтөт. Ошондуктан ар бир жарыштан соң техника толук кароодон өткөрүлөт. Бул машиналар менен шаар ичинде жүрө албайбыз. Себеби мыйзам жол бербейт жана үнү абдан катуу чыгат. Жарыштын унаалары чиркегич менен гана ташылат", — деди Өмүракунов.

Пилот шаар ичиндеги көчө жарышчылары элдин дрифт маданиятын кабылдоосуна терс таасир тийгизип жатканын кошумчалады.

18
Белгилер:
авто, спорт, жарыш, дрифт
Тема боюнча
Вильнюста жашаган автоспортчу Данас Азикеев: "Литвадагы күлүк кыргыз" дешет

Саясатташкан айбанаттар. Желек "уурдаган" токой жаныбарынын видеосу

0
Кадимки эле кемчеттин паркка сайып койгон желектин таяктарын түбү менен сууруп алып, шашып, күч менен сүйрөп бараткан учуру интернетке тарады.

"National Geographic Россия" сайтынын маалыматына караганда, канадалык сүрөтчү Майк Дигаут паркка желекти сайып коюп, ага келген кемчетти видеого тартууну көздөгөн. Бирок маалыматта анын планы эки эсе майнаптуу болуп, жаныбар "саясатташып кетип" ал тургай желекти ийинин көздөй сүйрөп жөнөгөн.

Видеодогу каарманды аты Spud (Картофелина) жана бир жашта экени айтылды.

Кадрдан анын басып келип, жыгачка сайылган желекти айландыра карап, андан соң эки буттап тура калып, жетүүгө аракет кылганын көрүүгө болот. Анысы майнаптуу болбогондон кийин сайылып турган таякты жулууга тырмышып жатып, тиштегилеп да жиберип, акыры максатына жеткен.

Анын желек байланган таяктардын бирин тиштеп алып чуркап кетүүгө аракет кылып жаткан жеринен видео бүтүп калган.

"Spud —жергиликтүү сүрөтчүлөрдүн сүймөнчүгү, кишилерден коркпойт жана паркта пайда болгон жаңы объектилерди кызыгуу менен карап чыгат", — деп жазылган сайтта.

Анын адамдардан чочубаганы сүрөтчүлөрдүн кызыктуу ирмемдерди кармашына жакшы мүмкүнчүлүк түзүп берери да айтылган.

0
Белгилер:
желек, видео, Канада
Тема боюнча
Кескелдирикти кебелбей жутуп койгон кобранын видеосу
Илбирс камераны аз жерден чайнап кое жаздады. Видео