Ооруларды алдын алуу жана мамлекеттик санэпидемиологиялык көзөмөл департаментинин санитардык дарыгери Азамат Имакеев

Имакеев: тамак-аш жайларында сальмонеллез көбөйүүдө, мораторийди алыш керек

82
(жаңыланган 13:30 08.06.2021)
Ооруларды алдын алуу жана мамлекеттик санэпидемиологиялык көзөмөл департаментинин санитардык дарыгери Азамат Имакеев 2018-жылы ишкердик субъектилерди пландык текшерүүгө мораторий салынганын эске салды.

Тамак-аш саткан объектилерди текшерүүгө мораторийди алуу учур талабы. Мындай пикирин Азамат Имакеев Sputnik Кыргызстан радиосунда маек куруп жатып билдирди.

Имакеев: тамак-аш жайларында сальмонеллез көбөйүүдө, мораторийди алыш

Анын айтымында, тамак-аштан уулангандар соңку учурда көбөйүүдө.

"2018-жылы өкмөттүн токтому менен ишкерлерди пландык текшерүүгө убактылуу тыюу салуу боюнча мораторий киргизилген. Мындан улам биз ишкерлерди арыз түшсө гана текшере алабыз. Соңку учурларда тамак-аштан уулануу фактылары көбөйүүдө. Бул ошол ишканаларда тамак-аш даярдоо боюнча технологиялык процесстин бузулганына, санитардык талаптардын сакталбаганына байланыштуу болууда. Алсак, сальмонеллез көбөйүп жатат. Ал жаныбарлардан, жумурткалардан жугат. Аларды туура эмес сактоодон келип чыгат. Өз учурунда биздин мекеме жүргүзө турган пландык текшерүүлөрдү калтыруу сунушу берилген. Бирок ал эске алынбай жалпы текшерүүлөргө тыюу салынып калган. Ошондуктан айрым ишкерликтерди, тактап айтканда, тамак-аш саткан объектилерин пландуу текшерүүгө киргизилген мораторийди алып салууну сунуштоодобуз. Мындай жерлердин санитардык абалы милдеттү түрдө жылына эки ирет текшерилип туруусу зарыл", — деди Имакеев.

Ал учурда тийиштүү токтом коомдук талкууга коюлганын кошумчалады.

Толук вариантын төмөнкү видеодон көрүңүздөр:

82
Белгилер:
ишкерлик, мораторий, тамак-аш, Азамат Имакеев
Тема боюнча
Барабан мектебин ачкан медик. Ишкер Аида Шалтакованын шыктандырчу маеги
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев

Чокиев: согуш убагында жылына бирден операнын премьерасы болуп турган

20
(жаңыланган 17:43 21.06.2021)
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев учурда коомдо чыгармачыл союздарды каржылоого алган меценаттык жолго коюлбаганын белгиледи.

Улуу Ата Мекендик согуш учурунда жылына бирден операнын премьерасы болуп турган. Бул тууралуу Турдубек Чокиев Sputnik Кыргызстан радиосунда маек куруп жатып билдирди.

Чокиев: согуш убагында жылына бирден операнын премьерасы болуп турган

Анын айтымында, соңку 30 жылда опера жана балет театрында бир дагы премьера коюла элек.

"Эгемендүүлүк алгандан бери чыгармачыл союздар кароосуз калды. Колдоо маселеси көтөрүлсө каражат жетишсиздигин жүйө кылышат. Анткен менен эки кабат үйдө жашап, кымбат унааларды айдап жүрүшөт. Маселен, опера жана балет теарында эгемендүүлүк алган жылдары бир дагы опера коюлган жок. Мурдагы эле "Айчүрөк", "Чолпон", эски репертуар менен келе жатат. 1941-жылы 7-ноябрда "Анар" деген кыргыздын алгачкы балети, 1942-жылы 6-октябрда "Көл боюнда" деген опера коюлган. 1943-жылы "Көкүл" операсы, 1944-жылы "Чолпон" деген балет коюлган. Мындайча айтканда, согуш жылдары жылына бирден премьера болуп турган. Мындан тышкары, дүйнөлүк классикалык чыгармалар кыргызчаланып, тартууланган. Согуш бүткөндөн кийин учурдагы опера жана балет театры үчүн "Токтогул", "Манас" жазылган. Азыр тынчтык заманда жашап жатабыз. Бирок искусствого, адабиятка каражат бөлүнбөй келет", — деди Чокиев.

Ошондой эле ал искусство, адабият аркылуу идеологияны калыбына келтирүүгө боло турганын кошумчалады.

20
Белгилер:
композитор, идеология, искусство, Турдубек Чокиев
Тема боюнча
Оркестр коллективдери арасында республикалык кароо-сынак жарыяланды
Кыргыз фондулук биржасынын директорлор кеңешинин тең төрагасы Абдуталип Султанов

Султанов: 2025-жылга чейин ЕАЭБде бирдиктүү капитал рыногун түзүү зарыл

39
Кыргыз фондулук биржасынын директорлор кеңешинин тең төрагасы Абдуталип Султанов аталган фонддун эл аралык ишмердиги тууралуу айтып берди.

Өлкөгө инвестиция тартуу жеңил болушу үчүн 2025-жылга чейин ЕАЭБде бирдиктүү капитал рыногун түзүү зарыл. Бул тууралуу Абдуталип Султанов Sputnik Кыргызстан радиосуна маек куруп жатып билдирди.

Султанов: 2025-жылга чейин ЕАЭБде бирдиктүү капитал рыногун түзүү зарыл

Анын айтымында, тийиштүү чечим мамлекет башчылары тарабынан кабыл алынган.

"Кыргыз фондулук биржасы брокерлерди эл аралык рынокто иш алып барууга үйрөтүүдө. Себеби Кыргызстан Евразия экономикалык биримдигине мүчө. Бирдиктүү капитал рыногун түзүү чечими буга чейин президенттер тарабынан кабыл алынган. Аны ишке ашыруу 2025-жылга чейин жыйынтыкталуусу кажет. Эгерде буга жетише алсак, өлкөгө инвестиция тартуу кыйла жеңилдейт. Учурда кыргыз фондулук биржасынын абалы жаман эмес. Анткени биржалар союзуна киребиз. Көпчүлүк биржалар менен түздөн-түз карым-катнаш, келишимдер бар. Ошолордун көмөгү менен өлкөгө инвестиция тартууга жакшы мүмкүнчүлүктөр түзүлүүдө. Маселен, Стамбул, Казакстан фондулук биржасы бизде акционер болуп эсептелет. Алардын тажрыйбасын алып, өнүгүүгө аракеттер көрүлүүдө. Бирок бул багытта айрым көйгөйлөр бар. Андыктан кыргыз фондулук биржасын эл аралык стандарттарга тууралоо зарыл. Анткени биздин рынок башкаларга салыштырмалуу өзгөчөрөөк. Алсак, бизде мамлекеттик, корпоративдик облигациялар өзүнчө болуп, бири-бири менен байланыш жок. Ошону бириктирүү аракеттери көрүлүүдө. Анүчүн биржалык фонд капиталынын 33 пайызын өкмөт сатып алуу боюнча токтомун чыгарган. Тилекке каршы, бул токтом жарым-жартылай гана аткарылды. Ошондуктан ал токтомду ишке ашырууну тездетүү зарыл. Себеби кыргыз фондулук биржасынын мүмкүнчүлүктөрү дагы да кеңейет. Мындан тышкары, мамлекеттик жана корпоративдик облигациялар рыногун бириктирүүгө шарт түзүлөт", — деди Султанов.

Ошондой эле ал өз кезегинде фондулук биржанын институттары 800-900 миллион сомдун тегерегиндеги жеке капиталдын негизинде түзүлгөнүн кошумчалады.

Толук вариантын төмөнкү видеодон көрүңүздөр:

39
Белгилер:
Абдуталип Султанов, Евразиялык экономикалык биримдик, экономика, биржа
Тема:
ЕАЭБдеги Кыргызстан
Тема боюнча
Чүйдө кыргыз-түрк өнөр жай аймагын ачуу пландалып жатат
Ош шаардык тез жардам кызматынын диспетчердик бөлүмүнүн кызматкери. Архив

Ошто эпидемиологиялык абал курчуй берсе шаарга чектөөлөр кирет

6
(жаңыланган 21:49 21.06.2021)
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.

БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.

Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.

"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.

Ал элди санитардык эрежелерди бекем сактоого чакырды.

21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.

Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.

6
Белгилер:
чектөө, коронавирус, Ош шаары, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бийлик кыргызстандыктарды эл көп топтолгон жерлерге барбоого чакырып жатат
Учпагандар кирбейт! Кыргызстандын аэропортторунда чектөөлөр күчөтүлдү