Пилатес жана антигравити йога боюнча эл аралык даражадагы машыктыруучу Айсалкын Аманбек кызы

Аманбек кызы: йога-пилатестин көнүгүүлөрү арыктоого жардам берет

38
(жаңыланган 11:35 30.06.2021)
Пилатес жана антигравити йога боюнча эл аралык даражадагы машыктыруучу Айсалкын Аманбек кызы йога-пилатес аркылуу тез убакытта арыктаса болорун айтты.

Йога адамдын гармоналдык жана эндокриндик системасынын иштешин жөнгө салып, нейрондук байланыш аркылуу көнүгүүлөр жасалат. Мындай маалыматты Айсалкын Аманбек кызы Sputnik Кыргызстан радиосунун эфиринде маек куруп жатып билдирди.

Аманбек кызы: йога-пилатестин көнүгүүлөрү арыктоого жардам берет

Анын айтымында, йога-пилатесте жарым жылда алына турчу натыйжаны 10 күндүк көнүгүүлөрдөн кийин алса болот.

"Албетте, йога-пилатестин жардамы менен арыктаса болот. Йозеф Пилатес адам 30 көнүгүүдөн кийин "жаңы денеге" ээ боло тургандыгын айткан. Менин багытым боюнча жарым жылда ала турган натыйжаны 10 күндүк көнүгүүлөрдөн кийин алып жатам. Биз үч айдын ичинде айтылган 30 көнүгүүнү аткарып бүтөбүз. Мында омуртка сөөккө басым жасалбайт, бирок ички булчуңдарды чыңап, иштетүүгө жардам берет. Ал эми ашыкча салмактан арылуу үчүн адамдын гармоналдык жана эндокриндик системасынын иштешин жөнгө салып, нейрондук байланыш аркылуу көнүгүүлөр жасалат. Жардам сурап келгендерди диетага отургузуп, сырткы булчуңдарга басым жасабай, ички булчуңдардын иштешине көмөкчү болобуз. Демек, 5-6 жол аркылуу бир көйгөйдү чечсе болот. Лимфа системасынын иштешин туура жолго сала алсак, ден соолугубуздагы көп көйгөйлөрдүн себебин аныктай алабыз", — деди Аманбек кызы.

Ошондой эле адис адамдын денесин гармондор жөнгө салгандыктан, кээде нерв системасындагы бир эле байламта функциясын аткарбай калса, ден соолукта маселе жараларын кошумчалады.

Подкасттын толук версиясын видеодон көрүңүз:

38
Белгилер:
йога, арыктоо
Тема боюнча
Дарыгер диетасыз, залга барбай эле арыктоонун жолун айтты
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев. Архив

Жумалиев: мамлекет дыйкандардан бир нече миң тонна буудайды 30 сомдон сатып алат

31
(жаңыланган 13:53 05.08.2021)
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев азык-түлүк коопсуздугунун алдын алуу максатында быйыл дыйкандардан 20 тоннадай буудай сатып алынарын билдирди.

Мамлекеттик азык-түлүк кампасына дыйкандардан 20 тоннадай буудай сатып алынат. Алгачкы коюлган баасы 24 сом 80 тыйын болчу. Биз Антимонополиялык жөнгө салуу агенттигине бааны 30 сомго чыгарып берүү боюнча кайрылдык. Бул тууралуу Жигитали Жумалиев Sputnik Кыргызстан радиосунда маек куруп жатып билдирди.

Жумалиев: мамлекет дыйкандардан бир нече миң тонна буудайды 30 сомдон сатып алат

Анын айтымында, быйыл күздүк айдоодо буудайды 50 миң гектардай көбүрөк себүү пландалган.

"Советтер Союзу учурунда эле кылкандуу дан эгиндердин жаздыкка караганда күздүгү көбүрөк себилчү. Биз кайрадан ушул схемага өтүшүбүз керек. Анткени күздө себилген дан суукка, шамалга туруктуу келип, түшүмдү да 20-30 пайызга көп берет. Бирок бул жерде себилчү үрөндүн сапаты маанилүү. Андыктан биз учурда Казакстан менен 500 тонна атайын багыттагы үрөн алуу боюнча сүйлөшүп жатабыз. Ошондой эле Өзбекстандан да 1000 тонна үрөн алуу келишими президенттин сапарында жетишилген болчу. Өзбек тарап 50 пайызын насыяга берип, түшүм жыйналганда алууга макул болгон. Мындан сырткары, Россиядан да 2000 тонна тандалган сорттогу буудайды алууга макулдашып жатабыз. Россия өкмөтүнө үрөндүн 70 пайызын түшүмдүн эсебинен берүү сунушталууда", — деди Жумалиев.

Ал министрлер кабинетинен кылкандуу дан эгиндери жана май чыгаруучу өсүмдүктөрдүн үрөнүн алууга акча каражаты каралып жатканын кошумчалады.

31
Белгилер:
Жигитали Жумалиев, Буудай, насыя
Тема боюнча
Жумалиев: дыйкан, фермерлерди камсыздандыруу пландалууда
Полковник, башкы күжүрмөн даярдоо башкармалыгынын орун басары Эркин Касымов

Касымов: кыргыз танкисттери 23 өлкө катышкан мелдешке барат

36
Полковник, башкы күжүрмөн даярдоо башкармалыгынын орун басары Эркин Касымов кыргыз аскерлери "Танк биатлону — 2021" эл аралык таймашына январь айынан бери даярдык көрүп жаткандыктарын айтты.

Танкисттерди тандоо үч этапта жүрөт. Биринчи кезекте ар бир аскер бөлүгүндө командирлер мыкты танкисттердин тизмесин күжүрмөн даярдоо башкармалыгына жөнөтөт. Экинчи этапта алардын техниканы башкара билүүсү, дене тарбиялык даярдыгы, жалпы жөндөмү текшерилет. Сыноодон соң мыктылары калып, акыркы баскычта Коргоо министрлигинин "Эдельвейс" окуу борборунун базасында мелдешке даярдык башталат. Бул тууралуу Эркин Касымов Sputnik Кыргызстан радиосунун эфиринде маек куруп жатып билдирди.

Касымов: кыргыз танкисттери 23 өлкө катышкан мелдешке барат

Анын айтымында, кыргыз танкисттери конкурстун талаптарына ылайык, үч ай танк биатлонуна даярдык көрүшөт.

"2013-жылы Россия Федерациясынын коргоо министри Сергей Шойгу Жамааттык коопсуздук келишим уюмуна мүчө-мамлекеттердин аскер кызматкерлеринин арасында танк биатлону эл аралык мелдешин уюштурууну сунуштаган. Бул сунуш колдоо таап, биринчи жылдары Россия, Беларусь, Армения жана Казакстандан танкисттер катышкан. Иш-чарага улам кызыгуу күчөп, 2014-жылы конкурска 12 өлкөнүн командасы, анын ичинен чоң мамлекеттерден Индия менен Кытай кошулду. 2016-жылы Иран келди. Кытай дароо өздөрү чыгарган танкалар менен таймашка чыкты. Бул жерде бир гана танкисттер эмес, өнүккөн өлкөлөрдүн техниканы иштеп чыккан инженер, конструкторлорунун да мелдеши болуп, алар техникаларын сынашат. Бул аркылуу алар башка мамлекеттерге жарнамалап алат. 2017-жылы 20 мамлекеттин командасы ат салышты. Ал эми 2018-жылы таймашчулардын катарына Сирия, Вьетнам, Мьянма кирди. Ошентип учурда 23 мамлекеттин танкисттери катышып, аскердик олимпиадага окшоп калды. Биздин аскер кызматкерлери бул мелдештерге чейин эле пландык машыгууларды жүргүзүп турчу. Танк биатлонуна биздин куралдуу күчтөрдүн танкисттери 2014-жылдан бери катышат. Команда алдыңкы орундарды ала албаса дагы татыктуу 5-6-орунду камсыздап, биринчи ондукка кирип келет", – деди Касымов.

Полковник "Танк биатлону — 2021" Россиядагы армия оюндарынын эл аралык таймашынын алкагында 24-августтан 4-сентябрга чейин өтөрүн кошумчалады.

36
Белгилер:
танк биатлону, мелдеш, Аскер, Эркин Касымов
Тема боюнча
Кыргызстандын аскерлери "Танк биатлону" эл аралык мелдешине даярданууда. Сүрөт
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

13
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

13
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр