Ulut Soft компаниясынын жетекчиси Мирбек Окенов

Окенов: жасалма интеллект боюнча адистерге суроо-талап жогору

67
Ulut Soft компаниясынын жетекчиси Мирбек Окенов Кыргызстанда жасалма интеллект түзүү деңгээлине ортодон төмөн баа берилерин айтты.

Кыска мөөнөттө жасалма интеллект жасап жакшы мүмкүнчүлүктөрдү ачса болот. Мындай пикирин Мирбек Окенов Sputnik Кыргызстан радиосунун эфиринде билдирди.

Окенов: жасалма интеллект боюнча адистерге суроо-талап жогору

Анын айтымында, жасалма интеллект жасоого каражат көп талап кылынгандыктан өнүгүү жай жүрүүдө.

"Кыргызстанда жасалма интеллект түзүү 10 баллдан үч деген баа берсе болот. Бирок биздеги абал өтө жаман эмес. Дүйнөдө да бул тармак толук иликтенип, жолго коюла элек. Философиялык жактан пикирлер кагылышы болууда. Кээ бирлери анын жакшы тараптарын санап жатса, башкалары адамзатты жок кылат деген ойлору менен бөлүшүүдө. Эгерде туура кадамдарды таштасак, тез убакытта өнүгүүнү колго ала алабыз. Азыркы абалыбыздын төмөн болуп жатканы каражаттын тартыштыгы. Мисалы, жасалма интеллектти ишке киргизүү үчүн абдан кубаттуу компьютерлер керек. Орто Азияда биздин өзүбүздүн ордубуз бар. Буга чейин компьютерлер болгону анализ чыгарып, жардамчы болуп келсе, эми маалыматты анализдеп, чечим чыгарып, анын негизинде иш жүзүнө ашыра баштады. Жасалма интеллект боюнча адистерге дүйнө жүзү боюнча суроо-талап жогорулап, анын маанилүүлүгү артууда, — деди Окенов.

Ошондой эле адис өлкөдө Санариптик өнүктүрүү министрлигинин түзүлүшү маалыматтык технологиялар, жасалма интеллект багытындагы чоң секирик экендигин кошумчалады.

67
Белгилер:
Мирбек Окенов, жасалма интеллект, санарип
Тема боюнча
Окумуштуу: коомдо интеллект деңгээли түшүп бара жатат
Bio-KG органикалык кыймыл федерациясынын жетекчиси, мурдагы айыл чарба министри Искендербек Айдаралиев

Айдаралиев: чоң пландарды түзө бербей майда иштерди аткарууга мезгил келди

17
Bio-KG органикалык кыймыл федерациясынын жетекчиси, мурдагы айыл чарба министри Искендербек Айдаралиев өлкөдө органикалык продукцияны өндүрүү популярдуу болуп бара жатканын айтты.

Буга чейин айыл чарба тармагын өнүктүрүү боюнча чоң-чоң пландар түзүлүп, бирок каражаттын жетишсиздигинен кагаз жүзүндө калып калчу. Эми бул багытты алдыга сүрөө үчүн план түзүү эмес, майда, бирок маанилүү аракеттерди жасоо керектигин баарыбыз түшүндүк. Мындай пикирин Искендербек Айдаралиев Sputnik Кыргызстан радиосунда маек куруп жатып билдирди.

Айдаралиев: чоң пландарды түзө бербей майда иштерди аткарууга мезгил келди

Анын айтымында, Кыргызстанда органикалык продукцияларды өндүрүүнү колго алуу үчүн дагы көп жумуштар жасалуусу керек.

"Дүйнө жүзү боюнча айыл чарба маанилүү тармак. Анын ичинде Кыргызстанда өзгөчө. Бирок биз буга чейин аталган багытты өнүктүрүү үчүн башынан аягына чейин улам жаңыртып план жазып, анан алар ишке ашпай эле кагаз жүзүндө кала берчү. Мына ушинтип убакыттан уттуруп отуруп ушул күнгө келдик. Эми мамлекеттик тиешелүү органдар, эл деле чоң план түзүү менен эмес, майда иштерди кечиктирбей жасоо менен заманбап дыйканчылыкты колго аларыбызды түшүндүк. Спорттогудай эле бул багытта да ар бир мамлекеттин өзүнүн артыкчылыктары жана чабал жерлери бар. Биздин өлкө дүйнөгө органикалык азык-түлүктөрү менен тааныла алат. Учурда биз уюштурган "органикалык аймак" долбоору ушул багытта иш алып барууда. Республика боюнча белгилүү бир жерлерди тандап алып, жергиликтүү тургундарды окутуулардан өткөрүп, ошол чөлкөмдү органикалык аймакка айландыруу аракеттерин көрүп жатабыз. Азырынча долбоор Ысык-Көл, Нарын, Чүй облустарында ишке ашууда",— деди Айдаралиев.

Ал органикалык продукция өнүктүрүү менен киреше табуу дароо эле ишке ашпастыгын, убакытты талап кыларын кошумчалады.

17
Белгилер:
келечек, ишкерлик, аймак, органика, Искендербек Айдаралиев
Тема боюнча
Айдаралиев: органикалык продукция өндүргөндөр мамлекеттен колдоо табат
Кыргызстандыктарды жумушка орноштуруу менен алектенген билим берүү борборунун башчысы Нурдин Шейшенов

Шейшенов: студенттерди үч жылга Германияда иштеп-окуп келүүгө жөнөтүүдөбүз

30
Кыргызстандыктарды жумушка орноштуруу менен алектенген билим берүү борборунун башчысы Нурдин Шейшенов Германияга иштөө үчүн алгач ирет студенттерди 2012-жылы жөнөтүшкөнүн айтты.

2020-жыл март айынан баштап Германия Европа өлкөлөрүнөн башка да мамлекеттерге жумушка орношуу мүмкүнчүлүгүн ачты. Пандемиядан улам бул программа анча актуалдуу болгон жок. Азыр студенттерден тышкары диплому бар, немис тилин билген адистерти жумушка орноштуруудабыз. Бул тууралуу Нурдин Шейшенов Sputnik Кыргызстан радиосунун эфиринде билдирди.

Шейшенов: студенттерди үч жылга Германияда иштеп-окуп келүүгө жөнөтүүдөбүз

Анын айтымында, кыргызстандыктардын Европа өлкөлөрүндөгү сезондук жумушка орношуусуна жардам берген борборлордун кызматы барган сайын суроо-талапка ээ болуп жатат.

"Биздин программа адамдарды башка мамлекетке жумушка орноштурган акы төлөнүүчү кызмат. Мурда 3000-4000 долларга документин даярдап, иштөөгө жөнөтүлсө, бара-бара студенттерге ылайыктап бааны төмөндөткөнгө аракет кылдык. Айрым балдар 500 долларга документин даярдап Германияга кете алышты. Ошондой эле биздин көрсөткөн кызматка барып иштеп биринчи айлыгын алгандан кийин төлөө мүмкүнчүлүгүн түздүк. Программа боюнча сентябрда студенттер немис тилин окуп башташат. Биздин Германияда 80ден ашык өнөктөшүбүз бар. Декабрда алар Кыргызстанга келип сүйлөшүү өткөрүп, документтерди даярдап баштайт. Майдын аягынан баштап студенттердин биринчи этабы кетет. Пандемияга байланыштуу биздин кызматка өзгөрүүлөр кирди. Азыр жайкы мезгилде гана эмес, бир жылдык практика, үч жылга чейин  иштеп-окуп билим алууга жиберүүдөбүз. Үч жылдык келишимде 80 пайызы практика, калганы теория түрүндө окутулат. Жыйынтыгында колледж деңгээлинде диплом алып, ал жакта иштеп калат. Аны менен бирге IT тармагында иштеп, окуу мүмкүнчүлүгүн карап жатабыз. Студенттердин тил билүү деңгээлине жараша ар кайсы тармакка жумушка орношо алат. Алсак, тилди эң жакшы билгендер гастрономия, отель, соода үйлөрүндө иштешет. Ал эми заводдорго, айыл чарба, талаа иштерине тил билбей эле барса болот", — деди Шейшенов.

Ал аталган борбор жиберген адамдар ар кандай кырдаалда калса, маселен, жол эрежелерин билбей жатса же документтери жоголсо эмне кылып, кимге кайрылууну үйрөтүшөрүн кошумчалады.

30
Белгилер:
каникул, жумуш, Германия
Тема боюнча
Сулайманов: сыртта окуу үчүн мотивациялык кат, резюме мыкты болушу керек

Күрмөсүн куюнга чечтирип жиберген футболчу. Боливияда тартылган видео

0
Боливияда футболдук беттеш башталар алдында күтүүсүздөн оюн талаасынын чаңын сапырган куюн башталып, оюнчулардын биринин күрмөсүн чечип кеткен.

Окуянын видеосун The Guardian өзүнүн YouTube-каналына жарыялады.

Окуя Ахокалла шаарында өтүп жаткан футболдук оюн учурунда болгон.

Кадрдан көрүнүп тургандай, командалар беттеш алдындагы саламдашуу маалында куюн күтүүсүздөн келген. Оюнчулар туш-тарапка качкан. Ага карабастан шамал спортчулардын биринин күрмөсүн жулуп кеткен.

Окуядан улам беттеш бир аз убакытка үзгүлтүккө учураган.

0
Белгилер:
видео, куюн, беттешүү, футбол, Боливия
Тема боюнча
Кинодогудай кооптуу! Стамбулдагы адам өмүрүн алган куюндун видеосу
Асманга кеткен жол сымал. Кытайдагы таңгалдырган куюндун видеосу