Кыргыз билим берүү академиясынын башталгыч билим берүү лабораториясынын башчысы Чынара Аттокурова

Аттокурова: мектептик билим берүүнүн мамлекеттик стандарты өзгөрүүдө

37
(жаңыланган 13:41 06.07.2021)
Кыргыз билим берүү академиясынын башталгыч билим берүү лабораториясынын башчысы Чынара Аттокурова Билим берүү жана илим министрлиги жалпы мектептик билим берүүнүн мамлекеттик стандартынын долбоорун коомдук талкууга койгонун айтты.

Азыр биз колдонуп жаткан билим берүү стандарты 2014-жылы кабыл алынган. Андан бери жети жылдан ашуун убакыт өттү. Ушул мезгил аралыгында билим берүү тутумуна болгон талаптар өзгөрдү. Бул тууралуу Чынара Аттокурова Sputnik Кыргызстан радиосунун эфиринде билдирди.

Аттокурова: мектептик билим берүүнүн мамлекеттик стандарты өзгөрүүдө

Анын айтымында, билим берүү мамлекеттик стандарты билим парадигмасынан компетенттүүлүккө өткөн.

"Билим берүү стандарты окууга коюлуучу негизги талаптар болуп эсептелет. Азыр маалымат секунда сайын өзгөрүп, коом өнүгүүдө. Ага ылайык, билим берүүнүн мамлекеттик стандарты жаңыланып турушу керек. Негизги милдет балдарды коомдун социалдык, экономикалык жана маданий турмушуна кирүүгө даярдоо, турмуштук практикалык көндүмдөрүн калыптандыруу. КР президентинин "Инсандын руханий, адеп-ахлактык өнүгүүсү жана дене тарбиясы жөнүндө" жарлыгына ылайык, билим берүү стандарттарын кайра карап чыгуу, инсандын өзүн-өзү тарбиялоо жана өнүктүрүү көндүмдөрүн калыптандыруу, билим берүү тутумуна билим берүү процессин жогорку деңгээлде жүргүзө алган мугалимдерди тартуу пландалууда. Жаңы стандартта негизги түшүнүктөр жана терминдер кайра каралып чыгып, жаңылары киргизилди. Андан тышкары, билим берүү багыттарынын мазмуну кайра каралды. География сабагы социалдык-билим берүү чөйрөсүнөн табигый-илимий багытына которулса, информатика предмети "Технология" билим берүү чөйрөсүнөн математикалык сабакка өттү", — деди Аттокурова.

Адис мамлекеттик билим берүү стандарты менчигинин түрүнө карабастан, бардык билим берүү мекемелери аткарууга милдеттүү болуп саналарын кошумчалады.

37
Белгилер:
Чынара Аттокурова, мектеп, стандарт, билим берүү
Тема боюнча
Окуучулардын адебине басым жасоо керек. Жапаров билим берүү министрин кабыл алды
Ветеринар-дарыгер Жаңылбүбү Маматова

Маматова: ветеринария малды дарылоо менен гана чектелбейт

52
Ветеринар-дарыгер Жаңылбүбү Маматова учурда Стамбул университетинин медицина илимдери институтунда тамак-аш гигиенасы жана технологиясы бөлүмүндө докторантурада билим алып жатканын айтты.

Башында ветеринария жөнүндө түшүнүгүм тар болчу. Малды дарылап, дарыгер катары иштейм деп элестеткем. Билим алып жатканда бара-бара мугалимдер биздин башка да мүмкүнчүлүктөрүбүз бар экенин айтып беришти. Бул тууралуу Жаңылбүбү Маматова Sputnik Кыргызстан радиосунун эфиринде маек куруп жатып билдирди.

Маматова: ветеринария малды дарылоо менен гана чектелбейт

Анын айтымында, алгач туризм тармагында окуп баштап, кийин ветеринарияга кызыгуусу пайда болуп кесибин алмаштырган.

"Ветеринария малды дарылоодон баштап, айыл чарбаны өнүктүрүү, генетика, жаныбарлардан алынган тамак-аштын курамын изилдеп аныктаган чоң тармак. Жадагалса учактарды тамак-аш менен камсыздаган кейтеринг компаниялардын гигиенасын, алардын тамактарынын курамы, жасалышы, сактоо температурасын ветеринарлар аныктайт. Азыр космос, Марсты изилдеп, ал жакка адамдар учуп жатат. Алардын тамагын космостун шарттарына ылайыктуу жасоо технологиясын иштеген ветдарыгерлер да бар", — деди Маматова.

Ал учурда TUBITAK долбоорунун негизинде тамак-аш, сүт азыктарынан жуккан бактериялык ооруну тез арада аныктай турган тесттин үстүнөн иштеп жатканын кошумчалады.

52
Белгилер:
Жаңылбүбү Маматова, билим, кесип, ветеринария
Тема боюнча
Максүт уулу: эт, нан жана мөмө-жемиш үчүн өзүнчө тактай, бычак колдонгула
Бокс федерациясынын эл аралык даражадагы калысы Иса Кунасов

Кунасов: бокс боюнча калыстардын мектеби өнүгүү жолуна түштү

32
Бокс федерациясынын эл аралык даражадагы калысы Иса Кунасов бокс боюнча калыстардын мектеби коңшу өлкөлөргө салыштырмалуу өнүгүү жолуна түшө баштаганын айтты.

Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Мындай маалыматты Иса Кунасов Sputnik Кыргызстан радиосунун эфириндеги маегинде билдирди.

Кунасов: бокс боюнча калыстардын мектеби өнүгүү жолуна түштү

Анын айтымында, калыстардын деңгээлин аныктоо үчүн атайын сынактарды тапшырып, эл аралык мелдештерге жолдомолор берилет. 

"Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Алар – Мукаш Ырсалиев жана Жамиля Боркоева. Бул категориядагы калыстардын дүйнө чемпионаты менен Олимпиада оюндарында кызмат кылууга мүмкүнчүлүктөрү бар. Азыркы мезгилде Ырсалиев олимп оюндарынан тышкары бардык мүмкүн болгон ири турнирлерде Кыргызстандын атынан калыстык милдетти аркалап келет. Биз аны Токио Олимпиадасына барат деп болжоп жатканбыз. Тилекке каршы, чакыруу бул жолу келген жок. Ал эми жаш калыстарды даярдоо боюнча абдан чоң иштер жасалып, калыс болууга кызыккандардын саны өсүүдө", — деди Кунасов.

Ошондой эле адис бокс боюнча калыстардын эмгеги бааланып колдоого алынса тез убакытта жылыш болорун кошумчалады.

32
Белгилер:
Иса Кунасов, олимпиада, калыс, бокс
Тема боюнча
Кыргызстанда кесипкөй бокс боюнча федерация түзүлдү
Ысык-Көлдө болгон жол кырсык

Ысык-Көлдө эки автоунаа кагышып, бир кыз каза болду. Сүрөттөр

0
(жаңыланган 11:05 26.07.2021)
Жол кырсыгы Чырпыкты айылында болду. Жеринде каза болгон адамдан тышкары дагы үч киши ар кандай жаракат алды.

БИШКЕК, 26-июл. — Sputnik. Ысык-Көл облусунун Балыкчы — Ананьево — Каракол жолунда автокырсык болуп, бир киши көз жумду. Бул тууралуу ӨКМдин маалымат кызматы кабарлады.

© Фото / пресс-служба МЧС КР
Аталган жолдун 32-чакырымында, тагыраагы, Чырпыкты айылында Toyota RAV4 жана Toyota Yaris автоунаалары сүзүшүп, анын кесепетинде бир кыз каза болду. Мындан тышкары үч адам жабыркаган

Аталган жолдун 32-чакырымында, тагыраагы, Чырпыкты айылында Toyota RAV4 жана Toyota Yaris автоунаалары сүзүшүп, анын кесепетинде бир кыз каза болду. Мындан тышкары үч адам жабыркаган.

Ал жерге үч куткаруучу барып, каза болгон кыздын сөөгүн ИИМ кызматкерлерине өткөрүп беришкен. Ал эми жабыркагандарды Тез жардам алып кеткен.

0
Белгилер:
өлүм, кыз, жол кырсык, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Ичип алып рулга отургандар көбөйдү. Чүйдөгү рейддин көңүл чөгөргөн жыйынтыгы
Чүйдөгү жол кырсыгында дагы эки киши көз жумду, айдоочунун мас экени аныкталды