Юридикалык клиникалар ассоциациясынын жетекчиси, илимдин кандидаты Артур Бакиров

Бакиров: аралыктан иштөөнү Эмгек кодексине киргизүү мыйзамы чийки

101
(жаңыланган 14:27 08.07.2021)
Юридикалык клиникалар ассоциациясынын жетекчиси, илимдин кандидаты Артур Бакиров коомдук талкууга коюлган аралыктан иштөөнү Эмгек кодексине киргизүү мыйзамы 90 пайыз плагиат экенин айтты.

Аралыктан иштөөнү Эмгек кодексине киргизүү зарыл экенин акыркы эки жылда түшүндүк. Пандемиядан улам көп ишкана, мекемелердин кызматкерлери азыр дагы аралыктан иштеп жатат. Тилекке каршы, Юстиция министрлигинин сайтында коомдук талкууда турган мыйзам чийки болуп жатат. Бул тууралуу Артур Бакиров Sputnik Кыргызстан радиосунун эфиринде маек куруп жатып билдирди.

Бакиров: аралыктан иштөөнү Эмгек кодексине киргизүү мыйзамы чийки

Анын айтымында, мыйзамда кайсы категориядагы адамдар аралыктан иштей алары так жазылган эмес.

"Аралыктан иштөөнү Эмгек кодексине киргизүү боюнча мыйзам долбоору юридикалык да, техникалык да толуктоолорго муктаж. Мыйзамдын кыргыз жана орус тилиндеги версиясында айырмачылык бар. Аталган мыйзамдын бир абзацын алып антиплагиаттан өткөрдүм. Анын 10 пайызы уникалдуу, ал эми калганы Россиянын 2013-жылы чыккан мыйзамынан көчүрүлгөн. Болгону бир гана "иных способов" деген сөздү кошуп коюшкан. Албетте, эки өлкөнүн жашоо шарты, жумуш берүүчү жана кызматкердин мамилелери, менталитет айырмаланат. Ошондуктан, менимче, бул долбоорду Кыргызстандын жашоочуларына ылайыктуу кылып иштеп чыгышыбыз керек. Мыйзамда аралыктан иштеген кызматкердин чыгымы ким тарабынан, кантип эсептелинери жумуш берүүчү менен келишим түрүндө белгиленет деп жазылган. Бул жерде "мүмкүн" деген сөздү колдонуп жатышат да. Бул юриспруденцияда өтө ар тараптуу сөз. Кааласа берет, каалабаса бербейт дегенди билдирет. Негизи пандемия башталган эки жылдын аралыгында кызматкерлер аралыктан иштөөгө которулуп, айрымдары ошондон ары кыскартылып кеткен учурлар көп болду. Мыйзамда мындай учурда кызматкердин укугу кандай корголору жазылышы керек эле. Менимче, бул долбоордо жумушчу менен жумуш берүүчүнүн электрондук документ алмашуунун жол-жобосу жөнүндө эле жазылгандай болуп калыптыр", — деди Бакиров.

Юрист аталган мыйзам долбоорунда оффлайн жана онлайн иштеген кызматкердин айлык акысы бирдей болору жазылганын кошумчалады.

Подкасттын толук версиясын видеодон көрүңүз:

101
Белгилер:
Артур Бакиров, мыйзам, эмгек, онлайн, жумуш
Тема боюнча
Аралыктан иштөөнү Эмгек кодексине киргизүү демилгеленди. Шарты кандай болот
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев. Архив

Жумалиев: мамлекет дыйкандардан бир нече миң тонна буудайды 30 сомдон сатып алат

47
(жаңыланган 13:53 05.08.2021)
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев азык-түлүк коопсуздугунун алдын алуу максатында быйыл дыйкандардан 20 тоннадай буудай сатып алынарын билдирди.

Мамлекеттик азык-түлүк кампасына дыйкандардан 20 тоннадай буудай сатып алынат. Алгачкы коюлган баасы 24 сом 80 тыйын болчу. Биз Антимонополиялык жөнгө салуу агенттигине бааны 30 сомго чыгарып берүү боюнча кайрылдык. Бул тууралуу Жигитали Жумалиев Sputnik Кыргызстан радиосунда маек куруп жатып билдирди.

Жумалиев: мамлекет дыйкандардан бир нече миң тонна буудайды 30 сомдон сатып алат

Анын айтымында, быйыл күздүк айдоодо буудайды 50 миң гектардай көбүрөк себүү пландалган.

"Советтер Союзу учурунда эле кылкандуу дан эгиндердин жаздыкка караганда күздүгү көбүрөк себилчү. Биз кайрадан ушул схемага өтүшүбүз керек. Анткени күздө себилген дан суукка, шамалга туруктуу келип, түшүмдү да 20-30 пайызга көп берет. Бирок бул жерде себилчү үрөндүн сапаты маанилүү. Андыктан биз учурда Казакстан менен 500 тонна атайын багыттагы үрөн алуу боюнча сүйлөшүп жатабыз. Ошондой эле Өзбекстандан да 1000 тонна үрөн алуу келишими президенттин сапарында жетишилген болчу. Өзбек тарап 50 пайызын насыяга берип, түшүм жыйналганда алууга макул болгон. Мындан сырткары, Россиядан да 2000 тонна тандалган сорттогу буудайды алууга макулдашып жатабыз. Россия өкмөтүнө үрөндүн 70 пайызын түшүмдүн эсебинен берүү сунушталууда", — деди Жумалиев.

Ал министрлер кабинетинен кылкандуу дан эгиндери жана май чыгаруучу өсүмдүктөрдүн үрөнүн алууга акча каражаты каралып жатканын кошумчалады.

47
Белгилер:
Жигитали Жумалиев, Буудай, насыя
Тема боюнча
Жумалиев: дыйкан, фермерлерди камсыздандыруу пландалууда
Полковник, башкы күжүрмөн даярдоо башкармалыгынын орун басары Эркин Касымов

Касымов: кыргыз танкисттери 23 өлкө катышкан мелдешке барат

43
Полковник, башкы күжүрмөн даярдоо башкармалыгынын орун басары Эркин Касымов кыргыз аскерлери "Танк биатлону — 2021" эл аралык таймашына январь айынан бери даярдык көрүп жаткандыктарын айтты.

Танкисттерди тандоо үч этапта жүрөт. Биринчи кезекте ар бир аскер бөлүгүндө командирлер мыкты танкисттердин тизмесин күжүрмөн даярдоо башкармалыгына жөнөтөт. Экинчи этапта алардын техниканы башкара билүүсү, дене тарбиялык даярдыгы, жалпы жөндөмү текшерилет. Сыноодон соң мыктылары калып, акыркы баскычта Коргоо министрлигинин "Эдельвейс" окуу борборунун базасында мелдешке даярдык башталат. Бул тууралуу Эркин Касымов Sputnik Кыргызстан радиосунун эфиринде маек куруп жатып билдирди.

Касымов: кыргыз танкисттери 23 өлкө катышкан мелдешке барат

Анын айтымында, кыргыз танкисттери конкурстун талаптарына ылайык, үч ай танк биатлонуна даярдык көрүшөт.

"2013-жылы Россия Федерациясынын коргоо министри Сергей Шойгу Жамааттык коопсуздук келишим уюмуна мүчө-мамлекеттердин аскер кызматкерлеринин арасында танк биатлону эл аралык мелдешин уюштурууну сунуштаган. Бул сунуш колдоо таап, биринчи жылдары Россия, Беларусь, Армения жана Казакстандан танкисттер катышкан. Иш-чарага улам кызыгуу күчөп, 2014-жылы конкурска 12 өлкөнүн командасы, анын ичинен чоң мамлекеттерден Индия менен Кытай кошулду. 2016-жылы Иран келди. Кытай дароо өздөрү чыгарган танкалар менен таймашка чыкты. Бул жерде бир гана танкисттер эмес, өнүккөн өлкөлөрдүн техниканы иштеп чыккан инженер, конструкторлорунун да мелдеши болуп, алар техникаларын сынашат. Бул аркылуу алар башка мамлекеттерге жарнамалап алат. 2017-жылы 20 мамлекеттин командасы ат салышты. Ал эми 2018-жылы таймашчулардын катарына Сирия, Вьетнам, Мьянма кирди. Ошентип учурда 23 мамлекеттин танкисттери катышып, аскердик олимпиадага окшоп калды. Биздин аскер кызматкерлери бул мелдештерге чейин эле пландык машыгууларды жүргүзүп турчу. Танк биатлонуна биздин куралдуу күчтөрдүн танкисттери 2014-жылдан бери катышат. Команда алдыңкы орундарды ала албаса дагы татыктуу 5-6-орунду камсыздап, биринчи ондукка кирип келет", – деди Касымов.

Полковник "Танк биатлону — 2021" Россиядагы армия оюндарынын эл аралык таймашынын алкагында 24-августтан 4-сентябрга чейин өтөрүн кошумчалады.

43
Белгилер:
танк биатлону, мелдеш, Аскер, Эркин Касымов
Тема боюнча
Кыргызстандын аскерлери "Танк биатлону" эл аралык мелдешине даярданууда. Сүрөт
Pfizer вакцинасы. Архив

Кыргызстанга күзүндө Pfizer вакцинасынын келиши күтүлүүдө

0
(жаңыланган 00:32 06.08.2021)
Өкмөттүн өкүлүнүн билдиришинче, Pfizer вакцинасынан тышкары, күзүндө кайтарымсыз түрдө Sinopharm препараты келиши күтүлүүдө. Ошондой эле Moderna вакцинасын колдонуу планы бар.

БИШКЕК, 5-авг. — Sputnik. Кыргызстанга COVAX линиясы аркылуу коронавируска каршы Sinopharm жана Pfizer препараттары келиши мүмкүн. Бул тууралуу министрлер кабинетинин төрагасынын орун басары Жылдыз Бакашова билдирди.

"Ушул жылдын сентябь айынын этегинде Кытайдын Sinopharm вакцинасы кайтарымсыз түрдө берилери күтүлүүдө, ошондой эле күздүн ортосунда Pfizer вакцинасынын 259 миң дозасынын келишин күтүп жатабыз. 2022-жылдын биринчи кварталында Дүйнөлүк банктын донордук колдоосунун линиясы менен Moderna вакцинасы келиши мүмкүн", — деген Бакашова.

Анын айтымында, министрлер кабинети дипломатиялык каналдар аркылуу вакциналарды алуу боюнча иштерди улантууда.

0
Белгилер:
Кыргызстан, Министрлер кабинети, коронавирус, вакцина
Тема:
Коронавируска каршы эмдөө
Тема боюнча
Дарыгер COVID-19дан айыккандар жана эмделгендер качан кан тапшырса болорун айтты
Окуучулар сентябрда кадимки тартипте окуйбу? Министрликтин жообу
Кыргызстанда жарым миллиондон ашуун адам коронавируска каршы вакцина алды