Улуттук банктын Коомчулук менен иш алып баруу бөлүмүнүн финансылык сабаттуулук секторунун жетекчиси Тынчтык Теңизбаев

Теңизбаев: Кыргызстанда финансылык сабаттуулук орто деңгээлде

42
Улуттук банктын Коомчулук менен иш алып баруу бөлүмүнүн финансылык сабаттуулук секторунун жетекчиси Тынчтык Теңизбаев Кыргызстандагы финансылык сабаттуулуктун деңгээли жаман эмес экендигин айтты.

Финансылык сабаттуулук боюнча изилдөө Экономикалык кызматташуу жана өнүктүрүү уюмунун (OECD) методикасы менен адамдын финансылык билимине, жөндөмүнө жана мамилесине карап аныкталат. Мындай маалыматты Тынчтык Теңизбаев Sputnik Кыргызстан радиосунун эфиринде билдирди.

Теңизбаев: Кыргызстанда финансылык сабаттуулук орто деңгээлде

Анын айтымында, калктын финансылык сабаттуулугу боюнча эл аралык жакшы көрсөткүч 21 пайыз болсо, Кыргызстанда 12 пайызды түзөт.

"Финансылык сабаттуулук маселеси өзгөчө пандемия учурунда абдан актуалдуу болуп турат. Улуттук банк өлкөдөгү абалды 2012-жылдан бери көзөмөлдөп, көңул буруп келет. Мисалы, Экономикалык кызматташуу жана өнүктүрүү уюмунун (OECD) изилдөөлөрүнүн натыйжасында өлкөдөгү финансылык сабаттуулук деңгээли аныкталып келет. Уюмдун методикасына таянып, изилдөө жүргүзгөндө адамдын финансылык билими, жөндөмү жана акчага жасаган мамилеси каралып, абалды байкоого болот. Евразия өлкөлөрүндө жана Кыргызстанда жогору эмес, бирок орточо көрсөткүчтө экенин айтсак болот. Андыктан бул багытты өркүндөтө турган импульс бар", — деди Теңизбаев.

Ошондой эле адис калктын финансылык сабаттуулугун жакшыртуу максытында 2017-2020-жылдар аралыгында өкмөттүн программасы түзүлүп, жаш курактарына байланыштуу окуу куралдары иштелип чыккандыгын кошумчалады.

42
Белгилер:
Тынчтык Теңизбаев, финансылык сабаттуулук, Улуттук банк
Тема боюнча
Теңизбаев: акча үйдө катылып жатпастан, "кыймылдап" турушу керек
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев. Архив

Жумалиев: мамлекет дыйкандардан бир нече миң тонна буудайды 30 сомдон сатып алат

29
(жаңыланган 13:53 05.08.2021)
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев азык-түлүк коопсуздугунун алдын алуу максатында быйыл дыйкандардан 20 тоннадай буудай сатып алынарын билдирди.

Мамлекеттик азык-түлүк кампасына дыйкандардан 20 тоннадай буудай сатып алынат. Алгачкы коюлган баасы 24 сом 80 тыйын болчу. Биз Антимонополиялык жөнгө салуу агенттигине бааны 30 сомго чыгарып берүү боюнча кайрылдык. Бул тууралуу Жигитали Жумалиев Sputnik Кыргызстан радиосунда маек куруп жатып билдирди.

Жумалиев: мамлекет дыйкандардан бир нече миң тонна буудайды 30 сомдон сатып алат

Анын айтымында, быйыл күздүк айдоодо буудайды 50 миң гектардай көбүрөк себүү пландалган.

"Советтер Союзу учурунда эле кылкандуу дан эгиндердин жаздыкка караганда күздүгү көбүрөк себилчү. Биз кайрадан ушул схемага өтүшүбүз керек. Анткени күздө себилген дан суукка, шамалга туруктуу келип, түшүмдү да 20-30 пайызга көп берет. Бирок бул жерде себилчү үрөндүн сапаты маанилүү. Андыктан биз учурда Казакстан менен 500 тонна атайын багыттагы үрөн алуу боюнча сүйлөшүп жатабыз. Ошондой эле Өзбекстандан да 1000 тонна үрөн алуу келишими президенттин сапарында жетишилген болчу. Өзбек тарап 50 пайызын насыяга берип, түшүм жыйналганда алууга макул болгон. Мындан сырткары, Россиядан да 2000 тонна тандалган сорттогу буудайды алууга макулдашып жатабыз. Россия өкмөтүнө үрөндүн 70 пайызын түшүмдүн эсебинен берүү сунушталууда", — деди Жумалиев.

Ал министрлер кабинетинен кылкандуу дан эгиндери жана май чыгаруучу өсүмдүктөрдүн үрөнүн алууга акча каражаты каралып жатканын кошумчалады.

29
Белгилер:
Жигитали Жумалиев, Буудай, насыя
Тема боюнча
Жумалиев: дыйкан, фермерлерди камсыздандыруу пландалууда
Полковник, башкы күжүрмөн даярдоо башкармалыгынын орун басары Эркин Касымов

Касымов: кыргыз танкисттери 23 өлкө катышкан мелдешке барат

35
Полковник, башкы күжүрмөн даярдоо башкармалыгынын орун басары Эркин Касымов кыргыз аскерлери "Танк биатлону — 2021" эл аралык таймашына январь айынан бери даярдык көрүп жаткандыктарын айтты.

Танкисттерди тандоо үч этапта жүрөт. Биринчи кезекте ар бир аскер бөлүгүндө командирлер мыкты танкисттердин тизмесин күжүрмөн даярдоо башкармалыгына жөнөтөт. Экинчи этапта алардын техниканы башкара билүүсү, дене тарбиялык даярдыгы, жалпы жөндөмү текшерилет. Сыноодон соң мыктылары калып, акыркы баскычта Коргоо министрлигинин "Эдельвейс" окуу борборунун базасында мелдешке даярдык башталат. Бул тууралуу Эркин Касымов Sputnik Кыргызстан радиосунун эфиринде маек куруп жатып билдирди.

Касымов: кыргыз танкисттери 23 өлкө катышкан мелдешке барат

Анын айтымында, кыргыз танкисттери конкурстун талаптарына ылайык, үч ай танк биатлонуна даярдык көрүшөт.

"2013-жылы Россия Федерациясынын коргоо министри Сергей Шойгу Жамааттык коопсуздук келишим уюмуна мүчө-мамлекеттердин аскер кызматкерлеринин арасында танк биатлону эл аралык мелдешин уюштурууну сунуштаган. Бул сунуш колдоо таап, биринчи жылдары Россия, Беларусь, Армения жана Казакстандан танкисттер катышкан. Иш-чарага улам кызыгуу күчөп, 2014-жылы конкурска 12 өлкөнүн командасы, анын ичинен чоң мамлекеттерден Индия менен Кытай кошулду. 2016-жылы Иран келди. Кытай дароо өздөрү чыгарган танкалар менен таймашка чыкты. Бул жерде бир гана танкисттер эмес, өнүккөн өлкөлөрдүн техниканы иштеп чыккан инженер, конструкторлорунун да мелдеши болуп, алар техникаларын сынашат. Бул аркылуу алар башка мамлекеттерге жарнамалап алат. 2017-жылы 20 мамлекеттин командасы ат салышты. Ал эми 2018-жылы таймашчулардын катарына Сирия, Вьетнам, Мьянма кирди. Ошентип учурда 23 мамлекеттин танкисттери катышып, аскердик олимпиадага окшоп калды. Биздин аскер кызматкерлери бул мелдештерге чейин эле пландык машыгууларды жүргүзүп турчу. Танк биатлонуна биздин куралдуу күчтөрдүн танкисттери 2014-жылдан бери катышат. Команда алдыңкы орундарды ала албаса дагы татыктуу 5-6-орунду камсыздап, биринчи ондукка кирип келет", – деди Касымов.

Полковник "Танк биатлону — 2021" Россиядагы армия оюндарынын эл аралык таймашынын алкагында 24-августтан 4-сентябрга чейин өтөрүн кошумчалады.

35
Белгилер:
танк биатлону, мелдеш, Аскер, Эркин Касымов
Тема боюнча
Кыргызстандын аскерлери "Танк биатлону" эл аралык мелдешине даярданууда. Сүрөт

Батир издеп жүрөсүзбү? Бишкектеги үйлөрдүн июлдагы баасы

0
2021-жылдын июль айында Бишкек шаарында бардык типтеги үч бөлмөлүү батирлер арзандады. Бир бөлмөлүү “хрущевкалардын” орточо баасы башкаларга салыштырмалуу жогорулады.
Бишкекте сатылган батирлердин баасы июль

Sputnik Кыргызстан ай сайын ачык булактар аркылуу Бишкектеги батирлердин баасына көз жүгүртүп турат. Биз баалардын диапазонун жана түрдүү типтеги (104, 105 жана 106-серия, "хрущевка", индивидуалдуу) бир, эки жана үч бөлмөлүү батирлердин орточо баасын көрсөтүп беребиз. Мындан сырткары, ээси өзү жасай турган "элитка" тибиндеги батирлердин баасын дагы биле аласыздар.

Бул материалды даярдоо үчүн 1 467 жарыяга анализ жасалды.

2021-жылдын июль айында борбор калаада батирлердин баасы бир аз төмөндөдү. Мисалы, үч бөлмөлүү “хрущевкалар” орто эсеп менен 2 000 долларга арзандады. Баарынан да бир бөлмөлүү “хрущевкалар” кымбаттады. 

Ээси өзү жасай турган "элитка" тибиндеги бир бөлмөлүү батирлердин орточо баасы сезилерлик төмөндөдү. 106-сериядагы үч бөлмөлүү батирлердин ээлери болсо 2 300 долларга азыраак сурап жатышты. Ичи бүтө элек үч бөлмөлүү батирлер орто эсеп менен алганда 2000 долларга арзандады. 

Ачык булактардагы маалыматтарга караганда, июлда бир бөлмөлүү батирдин орточо баасы төмөнкүчө болду:

  • 104-серия — 30 000 доллар (24 500дөн 36 500гө чейин);
  • 105-серия — 28 800 (22 500дөн 39 500гө чейин);
  • 106-серия — 31 900 (25 000ден 38 000ге чейин);
  • "хрущевка" — 26 700 (23 700дөн 29 500гө чейин);
  • Жеке типтеги батирлер — 28 800 (15 000ден 50 000 гө чейин);
  • Ичин ээси жасап алчу "элиткалар" — 29 600 (18 800дөн 51 300гө чейин).

Эки бөлмөлүү батирлердин орточо баасы:

  • 104-серия — 36 600 доллар (30 500дөн 45 000ге чейин);
  • 105-серия — 40 500 (29 900дөн 53 500гө чейин);
  • 106-серия — 44 400 (29 500дөн 58 500гө чейин);
  • "хрущевкалар" — 32 400 (23 500дөн 47 000ге чейин);
  • Жеке типтеги батирлер — 38 400 (17 000ден 71 500гө чейин);
  • Ичин ээси жасап алчу "элиткалар" — 45 300 (20 800дөн 79 100гө чейин).

Үч бөлмөлүү батирлердин орточо баасы:

  • 104-серия — 43 800 доллар (28 800дөн 66 500гө чейин);
  • 105-серия — 50 600 (36 800дөн 76 000ге чейин);
  • 106-серия — 54 200 (30 000ден 75 000ге чейин);
  • "хрущевкалар" — 38 300 (31 500дөн 55 000гө чейин);
  • Жеке типтеги батирлер — 54 200 (20 000ден 112 000ге чейин);
  • Ичин ээси жасап алчу "элиткалар" — 74 700 (36 800дөн 127 000ге чейин).
0
Белгилер:
Бишкек, батир, баа
Тема боюнча
Батир сатып алганы жатасызбы? Бишкектеги үйлөрдүн июндагы баасы