Жайыт жана асыл тукум мал чарба департаментинин директору, ветеринария илимдеринин доктору, профессор Жаныбек Керималиев

Керималиев: четтен асыл тукум малды алып келүүдө климатка ылайыктуусун тандоо зарыл

50
(жаңыланган 13:32 10.07.2021)
Жайыт жана асыл тукум мал чарба департаментинин директору, ветеринария илимдеринин доктору, профессор Жаныбек Керималиев чет өлкөдөн асыл тукум малды алып келүүдө Кыргызстандын климатына ылайыктууларын тандашы зарылдыгын айтты.

Фермерлердин кээ бирлери толук маалыматы жок болгондуктан, малды алып келүүдө көп ката кетиришет. Бул тууралуу Жаныбек Керималиев Sputnik Кыргызстан радиосунун эфиринде билдирди.

Керималиев: четтен асыл тукум малды алып келүүдө климатка ылайыктуусун тандоо зарыл

Анын айтымында, Айыл, суу чарба жана аймактарды өнүктүрүү министрлигинде сырттан алынып келген малды райондоштуруу багыты боюнча иштер жүрүүдө.

"Чет өлкөдөн асыл тукум мал алып келип, ишкерлик кылгандарга туура маалымат берүүгө аракеттер көрүлүүдө. Учурда Айыл, суу чарба жана аймактарды өнүктүрүү министрлигинде климаттык шартына карап райондоштуруу аркылуу малды багуу боюнча багыттар каралган. Мисалы, Нарын облусунда дыйканчылык жакшы өнүкпөгөндүктөн, мал чарбачылыгына басым жасалып келет. Нарын аймагына көнүп, ыңгайлашып жашап кетүүчү уйлардын тукумдарын алып келүү боюнча сунуштарды айтып жатабыз. Алсак, абердин-ангус тоо шартына туура келген эт багытындагы уйлар. Ал эми Чүй облусунун климаттык шартына байланыштуу сүт-эт багытындагы породалардын тизмесин сунуштайбыз. Эгерде мал өстүрүүдө райондоштурууга жакшы көңүл бурулса, жыйынтыгы тез убакытта көрүнөт. Анткени фермерлер райондун шартына туура келбеген малды тандап алып, көп көйгөйлөргө дуушар болууда", — деди Керималиев.

Ошондой эле адис чарбалык малдын санын азайтып, асыл тукум малды көбөйтүү менен жайыт көйгөйү чечилерин кошумчалады.

50
Белгилер:
уй, мал, асыл тукум, Жаныбек Керималиев
Тема боюнча
Жаныбеков: өлкөдөгү жайыттар деградация болууда
Ветеринар-дарыгер Жаңылбүбү Маматова

Маматова: ветеринария малды дарылоо менен гана чектелбейт

52
Ветеринар-дарыгер Жаңылбүбү Маматова учурда Стамбул университетинин медицина илимдери институтунда тамак-аш гигиенасы жана технологиясы бөлүмүндө докторантурада билим алып жатканын айтты.

Башында ветеринария жөнүндө түшүнүгүм тар болчу. Малды дарылап, дарыгер катары иштейм деп элестеткем. Билим алып жатканда бара-бара мугалимдер биздин башка да мүмкүнчүлүктөрүбүз бар экенин айтып беришти. Бул тууралуу Жаңылбүбү Маматова Sputnik Кыргызстан радиосунун эфиринде маек куруп жатып билдирди.

Маматова: ветеринария малды дарылоо менен гана чектелбейт

Анын айтымында, алгач туризм тармагында окуп баштап, кийин ветеринарияга кызыгуусу пайда болуп кесибин алмаштырган.

"Ветеринария малды дарылоодон баштап, айыл чарбаны өнүктүрүү, генетика, жаныбарлардан алынган тамак-аштын курамын изилдеп аныктаган чоң тармак. Жадагалса учактарды тамак-аш менен камсыздаган кейтеринг компаниялардын гигиенасын, алардын тамактарынын курамы, жасалышы, сактоо температурасын ветеринарлар аныктайт. Азыр космос, Марсты изилдеп, ал жакка адамдар учуп жатат. Алардын тамагын космостун шарттарына ылайыктуу жасоо технологиясын иштеген ветдарыгерлер да бар", — деди Маматова.

Ал учурда TUBITAK долбоорунун негизинде тамак-аш, сүт азыктарынан жуккан бактериялык ооруну тез арада аныктай турган тесттин үстүнөн иштеп жатканын кошумчалады.

52
Белгилер:
Жаңылбүбү Маматова, билим, кесип, ветеринария
Тема боюнча
Максүт уулу: эт, нан жана мөмө-жемиш үчүн өзүнчө тактай, бычак колдонгула
Бокс федерациясынын эл аралык даражадагы калысы Иса Кунасов

Кунасов: бокс боюнча калыстардын мектеби өнүгүү жолуна түштү

32
Бокс федерациясынын эл аралык даражадагы калысы Иса Кунасов бокс боюнча калыстардын мектеби коңшу өлкөлөргө салыштырмалуу өнүгүү жолуна түшө баштаганын айтты.

Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Мындай маалыматты Иса Кунасов Sputnik Кыргызстан радиосунун эфириндеги маегинде билдирди.

Кунасов: бокс боюнча калыстардын мектеби өнүгүү жолуна түштү

Анын айтымында, калыстардын деңгээлин аныктоо үчүн атайын сынактарды тапшырып, эл аралык мелдештерге жолдомолор берилет. 

"Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Алар – Мукаш Ырсалиев жана Жамиля Боркоева. Бул категориядагы калыстардын дүйнө чемпионаты менен Олимпиада оюндарында кызмат кылууга мүмкүнчүлүктөрү бар. Азыркы мезгилде Ырсалиев олимп оюндарынан тышкары бардык мүмкүн болгон ири турнирлерде Кыргызстандын атынан калыстык милдетти аркалап келет. Биз аны Токио Олимпиадасына барат деп болжоп жатканбыз. Тилекке каршы, чакыруу бул жолу келген жок. Ал эми жаш калыстарды даярдоо боюнча абдан чоң иштер жасалып, калыс болууга кызыккандардын саны өсүүдө", — деди Кунасов.

Ошондой эле адис бокс боюнча калыстардын эмгеги бааланып колдоого алынса тез убакытта жылыш болорун кошумчалады.

32
Белгилер:
Иса Кунасов, олимпиада, калыс, бокс
Тема боюнча
Кыргызстанда кесипкөй бокс боюнча федерация түзүлдү
Ысык-Көлдө болгон жол кырсык

Ысык-Көлдө эки автоунаа кагышып, бир кыз каза болду. Сүрөттөр

0
(жаңыланган 11:05 26.07.2021)
Жол кырсыгы Чырпыкты айылында болду. Жеринде каза болгон адамдан тышкары дагы үч киши ар кандай жаракат алды.

БИШКЕК, 26-июл. — Sputnik. Ысык-Көл облусунун Балыкчы — Ананьево — Каракол жолунда автокырсык болуп, бир киши көз жумду. Бул тууралуу ӨКМдин маалымат кызматы кабарлады.

© Фото / пресс-служба МЧС КР
Аталган жолдун 32-чакырымында, тагыраагы, Чырпыкты айылында Toyota RAV4 жана Toyota Yaris автоунаалары сүзүшүп, анын кесепетинде бир кыз каза болду. Мындан тышкары үч адам жабыркаган

Аталган жолдун 32-чакырымында, тагыраагы, Чырпыкты айылында Toyota RAV4 жана Toyota Yaris автоунаалары сүзүшүп, анын кесепетинде бир кыз каза болду. Мындан тышкары үч адам жабыркаган.

Ал жерге үч куткаруучу барып, каза болгон кыздын сөөгүн ИИМ кызматкерлерине өткөрүп беришкен. Ал эми жабыркагандарды Тез жардам алып кеткен.

0
Белгилер:
өлүм, кыз, жол кырсык, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Ичип алып рулга отургандар көбөйдү. Чүйдөгү рейддин көңүл чөгөргөн жыйынтыгы
Чүйдөгү жол кырсыгында дагы эки киши көз жумду, айдоочунун мас экени аныкталды