Климаттын өзгөрүшү боюнча БУУнун конференциясынын катышуучусу Кундуз Адылбекова

Адылбекова: климаттын өзгөрүп жатканына жаштар кайдыгер эмес

37
Климаттын өзгөрүшү боюнча БУУнун конференциясынын катышуучусу Кундуз Адылбекова экология маселесин жаштар эл аралык деңгээлде көтөрүүнү көксөп жатканын белгиледи.

Климаттын өзгөрүп жатканына жаштар кайдыгер эмес. Бул багытта жаштар улуттук деңгээлде көйгөйлөрдү айтып келсе, эми эл аралык аренада, Улуу Британияда өлкөнүн экологиялык көйгөлөрүн көтөргөн кайрылуу жасайт. Бул тууралуу Кундуз Адылбекова Sputnik Кыргызстан радиосунда маек куруп жатып билдирди.

Адылбекова: климаттын өзгөрүп жатканына жаштар кайдыгер эмес

Анын айтымында, бул кайрылуу өлкөдө өткөн климат боюнча БУУнун жаштар конференциясына катышкандар көтөргөн көйгөйлөрдүн негизинде түзүлгөн.

"Соңку учурда климаттын өзгөрүүсү боюнча маселелер абдан курч турууда. Бүт дүйнөдөгүдөй эле Кыргызстанда дагы бул маселе көңүл сыртында калган жок. Ошол эле мөңгүлөрдүн эриши, токойлордун азаюусу, суу тартыштыгы сыяктуу маселелер жаштарды кайдыгер калтырбайт. Мындан улам климат боюнча БУУнун жаштар конференциясын өткөрүүгө мажбур болуудабыз. Анын алкагында эгер буга чейин жаштар улуттук деңгээлде экологиялык көйгөлөрдү айтып келген болсо, бул жолу эл аралык масштабга көтөрүүнү мерчемдеп жатабыз. Алгач конференция Ош шаарында Ош, Жалал-Абад жана Баткен облустарынын 15-17 жаштагы 200дөй баланын катышуусунда өттү. Ушундай эле иш-чара Ысык-Көл облусунун Каракол шаарында болуп, ага 100дөн ашуун киши катышты. Анда климаттын өзгөрүшүнүн таасири, бул тармактагы көйгөйлөрдү чечүү боюнча сунуштарды дагы беришти. Жыйынтыктоочу конференция өлкөдөгү эпидемиологиялык кырдаал жакшырса августун соңунда Бишкек шаарында өтөт деген пландар бар. Бул иш-чараларда топтолгон материалдардын негизинде кайрылуу даярдалып, Улуу Британиянын Глазго шаарында өтө турган конференцияда кыргыз жаштарынын атынан презентация жасалат", — деди Адылбекова.

Ал конференциядагы кайрылууга республикадагы жаштардын онлайн чогултулган пикири да эске алынганын кошумчалады.

37
Белгилер:
климат, БУУ, жаштар, Кундуз Адылбекова
Тема боюнча
Адис: ысыктан жүздөгөн кишилер кырылып, планета жашоого жараксыз болуп баратат
Ветеринар-дарыгер Жаңылбүбү Маматова

Маматова: ветеринария малды дарылоо менен гана чектелбейт

50
Ветеринар-дарыгер Жаңылбүбү Маматова учурда Стамбул университетинин медицина илимдери институтунда тамак-аш гигиенасы жана технологиясы бөлүмүндө докторантурада билим алып жатканын айтты.

Башында ветеринария жөнүндө түшүнүгүм тар болчу. Малды дарылап, дарыгер катары иштейм деп элестеткем. Билим алып жатканда бара-бара мугалимдер биздин башка да мүмкүнчүлүктөрүбүз бар экенин айтып беришти. Бул тууралуу Жаңылбүбү Маматова Sputnik Кыргызстан радиосунун эфиринде маек куруп жатып билдирди.

Маматова: ветеринария малды дарылоо менен гана чектелбейт

Анын айтымында, алгач туризм тармагында окуп баштап, кийин ветеринарияга кызыгуусу пайда болуп кесибин алмаштырган.

"Ветеринария малды дарылоодон баштап, айыл чарбаны өнүктүрүү, генетика, жаныбарлардан алынган тамак-аштын курамын изилдеп аныктаган чоң тармак. Жадагалса учактарды тамак-аш менен камсыздаган кейтеринг компаниялардын гигиенасын, алардын тамактарынын курамы, жасалышы, сактоо температурасын ветеринарлар аныктайт. Азыр космос, Марсты изилдеп, ал жакка адамдар учуп жатат. Алардын тамагын космостун шарттарына ылайыктуу жасоо технологиясын иштеген ветдарыгерлер да бар", — деди Маматова.

Ал учурда TUBITAK долбоорунун негизинде тамак-аш, сүт азыктарынан жуккан бактериялык ооруну тез арада аныктай турган тесттин үстүнөн иштеп жатканын кошумчалады.

50
Белгилер:
Жаңылбүбү Маматова, билим, кесип, ветеринария
Тема боюнча
Максүт уулу: эт, нан жана мөмө-жемиш үчүн өзүнчө тактай, бычак колдонгула
Бокс федерациясынын эл аралык даражадагы калысы Иса Кунасов

Кунасов: бокс боюнча калыстардын мектеби өнүгүү жолуна түштү

31
Бокс федерациясынын эл аралык даражадагы калысы Иса Кунасов бокс боюнча калыстардын мектеби коңшу өлкөлөргө салыштырмалуу өнүгүү жолуна түшө баштаганын айтты.

Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Мындай маалыматты Иса Кунасов Sputnik Кыргызстан радиосунун эфириндеги маегинде билдирди.

Кунасов: бокс боюнча калыстардын мектеби өнүгүү жолуна түштү

Анын айтымында, калыстардын деңгээлин аныктоо үчүн атайын сынактарды тапшырып, эл аралык мелдештерге жолдомолор берилет. 

"Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Алар – Мукаш Ырсалиев жана Жамиля Боркоева. Бул категориядагы калыстардын дүйнө чемпионаты менен Олимпиада оюндарында кызмат кылууга мүмкүнчүлүктөрү бар. Азыркы мезгилде Ырсалиев олимп оюндарынан тышкары бардык мүмкүн болгон ири турнирлерде Кыргызстандын атынан калыстык милдетти аркалап келет. Биз аны Токио Олимпиадасына барат деп болжоп жатканбыз. Тилекке каршы, чакыруу бул жолу келген жок. Ал эми жаш калыстарды даярдоо боюнча абдан чоң иштер жасалып, калыс болууга кызыккандардын саны өсүүдө", — деди Кунасов.

Ошондой эле адис бокс боюнча калыстардын эмгеги бааланып колдоого алынса тез убакытта жылыш болорун кошумчалады.

31
Белгилер:
Иса Кунасов, олимпиада, калыс, бокс
Тема боюнча
Кыргызстанда кесипкөй бокс боюнча федерация түзүлдү
Бишкектин вице-мэри Азамат Сагындык уулу. Архивдик сүрөт

УКМК: Бишкектин вице-мэри кафе ээсинен пара алуу иши боюнча кармалды

0
(жаңыланган 10:41 26.07.2021)
Мэрия кызматкерлери Түгөлбай-Ата (Линейный) көчөсүн реконструкциялоо долбоорун өзгөртүү үчүн кафенин ээсинен 9000 доллар пара алган.

БИШКЕК, 26-июл. — Sputnik. УКМК кафе кожоюнунан пара алды деген шек менен Бишкектин вице-мэри Азамат Сагындык уулун кармады. Бул тууралуу ведомствонун маалымат кызматы кабарлады.

23-июль күнү УКМК мэриянын алдындагы кызматтардын биринин өкүлүн кафе кожоюнунан аталган жайды түрттүртүп салбаш үчүн 9 миң доллар пара алды деп кармаган.

Билдирүүгө ылайык, М. А. аттуу кызматкер Түгөлбай-Ата (Линейная) көчөсүн реконструкциялоо долбоорун өзгөртүү үчүн кафенин ээсинен 9000 доллар пара алган. Ал үчүн Кытайдан алынган грантка оңдолуп жаткан жолдун чекесиндеги кафени ордунда калтырууну макулдашкан. Бул боюнча далилдүү фактылар алынгандан кийин 23-июлда мэриянын кызматкери кармалган. Ал кафе ээсине 6 миң долларды кайтарып берип жатканда колго түштү.

"Кызматкерлер параны вице-мэр менен сүйлөшүп алып талап кылып жатканы аныкталды. Кармалгандар бул ишке вице-мэрдин тиешеси бар экенин айтып, көрсөтмө беришти", — деп айтылат УКМКнын билдирүүсүндө.

24-июль күнү вице-мэр кармалып, УКМКнын убактылуу кармоо жайына киргизилди. Тергөө иштери уланууда.

0
Белгилер:
вице-мэр, УКМК, Бишкек мэриясы
Тема боюнча
Ошто студенттерден пара алууга шектелип камалган декан үй камагына чыкты
Ат-Башы акимчилигинен акча талап кылып опузалаган. Алдамчы "чекисттин" сүрөтү