КММАнын дипломдук билим берүүдөн кийинки үй-бүлөлүк медицина кафедрасынын ассистенти, үй-бүлөлүк дарыгер Ширин Талапбек кызы

Талапбек кызы: изилдөөлөр боюнча, COVID мээни 10 жылга карытышы мүмкүн

69
(жаңыланган 15:08 14.07.2021)
КММАнын дипломдук билим берүүдөн кийинки үй-бүлөлүк медицина кафедрасынын ассистенти, үй-бүлөлүк дарыгер Ширин Талапбек кызы коронавирустан кийинки реабилитацияга элдик медицина же бээнин сүтүн ичүү оң натыйжа берери аныкталбаганын айтты.

Коронавирус менен ооруп айыккан адам ден соолугун калыбына келтирүүнү дароо башташы керек. Азыр дене терапиясы, лимфодренаждык массаж, Россияда болсо гипербарикалык кычкылтек терапиясы да активдүү колдонулуп жатат. Мында тоолуу аймактардагы төмөнкү басымдагы аба өпкөнү бат калыбына келтирүүгө жардам берет. Бул тууралуу Ширин Талапбек кызы Sputnik Кыргызстан радиосунун эфиринде маек куруп жатып билдирди.

Талапбек кызы: изилдөөлөр боюнча, COVID мээни 10 жылга карытышы мүмкүн

Анын айтымында, акыркы изилдөөлөр боюнча, коронавирус мээни 10 жылга карытышы мүмкүн.

"Коронавирусту жеңил өткөргөндөр психологиялык жана неврологиялык жактан жабыркап жатышат. Алсак, бир бейтап 15 мүнөт сайын чалып, "оору күчөп кетсе эмне кылам, мен өлүп каламбы, эмне кылыш керек" деген суроолорду берип, жакындары, өзү үчүн сарсанаа болгон. Ошондуктан бул бейтаптарга психологиялык колдоо көрсөтүп, неврологиялык реабилитацияга жөнөтөбүз. Ал эми ооруну орточо же оор өткөргөндөрдүн көбүнүн өпкөсү жабыркап жатат. Андыктан бүт бейтаптарга дем алуу гимнастикасы сунушталат. Бул боюнча видеосабактарды YouTube сегментинен тапса болот. Ошону менен бирге күнүгө кыймылда болуу, басуу, дене тарбия көнүүгүлөрүн жасоо керек. Айрым бейтаптар коронавирусту элдик медицина, ар кандай БАДдар менен дарылаганга аракет кылып жатышат. Тастыкталбаган дары-дармектер таптакыр сунушталбайт. Себеби вирус дагы деле изилденип жатат. Туура эмес дарылануунун кесепетинен оор абалга түшүп калуу коркунучу бар. Мисалы, ооруган баланын денесине спирт, койдун майын сүйкөгөн учурлар болгон. Спирт териси жумшак баланын денесин ууландырат. Бул нерседен алыс болуңуздар", — деди Талапбек кызы.

Дарыгер ПЧР анализи терс болуп чыккан бейтап жумушка дароо чыкпашы керектигин, себеби ал башкаларга вирус жуктурбаганы менен дагы деле толук сакая элек болорун кошумчалады.

69
Белгилер:
Ширин Талапбек кызы, ден соолук, реабилитациялоо, коронавирус
Тема:
Дүйнөгө жайылган коронавирус (1491)
Тема боюнча
COVID: вакцинанын экинчи дозасын убагында албай калса эмне болот? Адистин жообу
Улуттук допингге каршы борбор дирекциясынын жетекчиси Нургүл Кермакунова

Кермакунова: самын да спортчуну допинг колдонгондой көрсөтүп коюшу мүмкүн

21
Улуттук допингге каршы борбор" дирекциясынын жетекчиси Нургүл Кермакунова Токио Олимпиадасына катыша турган кыргызстандык спортчулар кызытма колдонууга каршы күрөшүүдө бардык нормаларды толук аткарганын айтты.

Олимпиадага даярданууда 41 спортчу жана алардын машыктыруучулары, дарыгерлери Дүйнөлүк антидопинг агенттигинин (WADA) койгон талаптарына жараша кеп-кеңештерди алышты. Мындай маалыматты Нургүл Кермакунова Sputnik Кыргызстан радиосунун эфиринде маек куруп жатып билдирди.

Кермакунова: самын да спортчуну допинг колдонгондой көрсөтүп коюшу мүмкүн

Анын айтымында, аталган борбор Олимпиада оюндарына кеткен спортчулардын мелдешке чейинки убакта допинг колдонбогонуна кепилдик берет.

"Улуттук антидопинг борборунун" негизги иши - спортчуларды Токио Олимпиадасына даярдоо болду. Анын маанилүү бөлүгү спортчуларды маалыматтык жактан камсыздоого кетти. Анткени такталбаган кабарлар туура эмес тандоолорду, чечимдерди чыгарууга жол ачат. Ири спорттук мелдешке даярданууда 41 спортчу жана алардын машыктыруучулары, дарыгерлери, персоналдары Дүйнөлүк антидопинг агенттигинин (WADA) койгон талаптарына жараша кеп-кеңештерди алып, бардык нормаларды туура аткарышты. Допингге каршы санарип окуу системасынын базасында спортчулар тиешелүү эскертмелерди алып, окуудан өткөн соң атайын сертификатка ээ болушту. Спортчулар мелдешке кетер алдында ата-энеси, туугандары, достору менен жакындан кучакташып узатууга эки жума эрте тыюу салдык. Анткени бул биздин улуттук өзгөчөлүгүбүз болгондуктан өбүшүп, кучакташып коштошуу көп кооптуулукту жаратышы ыктымал. Мисалы, эмоционалдык жактан алганда спортчу тыюу салынган заттарды колдонбогон учурда да гормоналдык өзгөрүүлөргө дуушар болуп, көрсөткүч тиешелүү ченемден ашып кетиши мүмкүн. Ал тургай Олимпиада учурунда допингге текшерүүдөн өтөр алдында колун самындап жууп алса да гормондор өзгөрүп, анализи туура эмес чыгып калуу коркунучу бар", — деди Кермакунова.

Ошондой эле адис спортчулар Олимпиадада ар бир деталга көңүл буруп, өзүн этият, тыкан алып жүрүүсү талап кылынарын кошумчалады.

21
Белгилер:
Нургүл Кермакунова, Улуттук антидопинг борбору, Токио, олимпиада
Тема:
2021-жылы Токиодо өтө турган Олимпиада оюндары
Тема боюнча
Жоламан, Акжол, Атабек, Үзүр. Грек-рим күрөшүнүн балбандары Токиого аттанды
Дарыгер-косметолог Назира Элебесова

Элебесова: ысыкта курамында ретинол бар каражаттарды колдонбогула

45
(жаңыланган 15:32 27.07.2021)
Дарыгер-косметолог Назира Элебесова ысыкта териге кам көрүү жана күнгө туура кактануу тууралуу айтып берди.

Тоолуу аймакта жашагандыктан кыргызстандыктар spf 50 жогорку деңгээлде коргоочу бет май колдонушу керек. Ал эми пляжга баргандар күндөн коргонуучу кремди 15-20 мүнөт сайын жаңылап сүйкөө зарыл. Бул тууралуу Назира Элебесова Sputnik Кыргызстан радиосунун эфиринде маек куруп жатып билдирди.

Элебесова: ысыкта курамында ретинол бар каражаттарды колдонбогула

Анын айтымында, териге кам көрүүдө туура тамактанып, жетиштүү деңгээлде суу ичүү керек.

"Жайында терини коргоочу каражаттарды колдонуу сунушталат. Ар бир адам өз терисинин өзгөчөлүгүнө жараша косметика тандоо абдан маанилүү. Ысыкта курамында ретинол бар, терини агартуучу каражаттарды колдонбош керек. Мында сепкил түшүп же пигменттик тактар карарып кетиши мүмкүн. Негизи беттин териси 70 пайыз косметологдон, калганы үйдөн кам көргөнгө жараша болот. Учурда бетти нымдаштыруучу процедуралар актуалдуу болуп жатат. Бул ийне аркылуу гиалурон гелин куюу, RF лифтинг аркылуу терини жашартуу ыкмалары. Азыр саат 12ден 15:00гө чейин күн ачуу тиет. Андыктан бул убакытта сыртка чыкпай, эртең менен же кечирээк күнгө күйүү сунушталат", — деди Элебесова.

Косметолог күнгө өтө күйүп калганда температура көтөрүлөрүн, бул учурда күнгө чыкпай, көбүрөөк суюктук ичиш керектигин айтты. Андан сырткары, дарыгерге кайрылып, ал сунуштаган майды сүйкөө керектигин кошумчалады.

Подкасттын толук вариантын төмөнкү видеодон көрүңүз:

45
Белгилер:
Назира Элебесова, кам көрүү, тери, косметолог
Тема боюнча
Кандай адамдар пляжда күнгө көп күйбөшү керек. Адистин пикири
Кыргызстандын президенти Садыр Жапаров. Архивное фото

ЖК депутаты: Садыр Жапаров бизди сый тамакка чакырды

38
(жаңыланган 17:44 27.07.2021)
Эл өкүлүнүн айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

БИШКЕК, 27-июл. — Sputnik. Президент Садыр Жапаров сессиялар жыйынтыкталып жатканына байланыштуу парламент депутаттарын сый тамакка чакырды. Бул тууралуу Sputnik агенттигинин кабарчысына эл өкүлү Умбеталы Кыдыралиев билдирди.

Анын айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

Анткен менен айрым парламентарийлер шайлоо боюнча мыйзам долбоору талкууланарын айтса, башкалары эмне үчүн чакырылганын таптакыр билбей турганын билдиришти.

Ал эми президенттин маалымат катчысы Эрбол Султанбаев Жапаровдун депутаттар менен бейрасмий жолугушуусу пландалганын, учурдагы күн тартибиндеги актуалдуу маселелер боюнча пикир алмашуу болорун айтты.

Буга чейин аталган жолугушууга чакыруу алганын депутат Айсулуу Мамашова айтып, иш-чара "Ала-Арча" мамлекеттик резиденциясында өтөрүн кошумчалаган.

Белгилей кетсек, өткөн жумада 21-июль күнү да ЖК депутаттары Садыр Жапаров менен жолугуп, шайлоо системасы боюнча сунушталган мыйзам долбоору ортого салынган. Анда эл өкүлдөрүн ЖК имаратынын жанынан автобуска салып алып кетишкен.

38
Белгилер:
тамак, депутат, Садыр Жапаров
Тема боюнча
Депутаттар Садыр Жапаров менен жолугуу үчүн бүгүн да резиденцияга барышат
Депутат Тотонов: Бишкек шаар эмес эле ат сарай, иткана болуп калды