Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев

Кыргызбаев: вакцина алып ооруп калгандар жарым жылдан кийин кайра эмделет

143
(жаңыланган 18:56 23.07.2021)
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев кадимки коронавируста антитела пайда болсо коронавирустук пневмония иштелип чыкпай турганын айтты.

Оорудан кийинки пайда болгон табигый антитела бир нече убакыттан кийин жоголуп кетет. Ал эми эмдөөдөн кийинки антитела көбүрөөк сакталат. Анын үстүнө ооруганда адам алсыз болуп, иммунитети начарлайт. Вакцина алганда адам оорубай эле антителага ээ болот. Андыктан "мен ооругам, иммунитетим бар" дебестен, вакцина алыңыздар. Бул тууралуу Азим Кыргызбаев Sputnik Кыргызстан радиосунун эфиринде маек куруп жатып билдирди.

Кыргызбаев: вакцина алып ооруп калгандар жарым жылдан кийин кайра эмделет

Анын айтымында, учурда жалпы элге Sinopharm, ал эми 60 жаштан жогорку жана өнөкөт оорусу бар адамдарга "Спутник V" вакцинасы сайылып жатат.

"Кытай вакцинасы келердин алдында калкты эмдөө үчүн Саламаттык сактоо министрлиги алгоритм түзүп чыккан. Ага ылайык, эмдөө пунктулары республиканын ар бир үй-бүлөлүк дарыгерлер борборлору, ФАПтарда ачылды. Аны менен бирге мобилдик топтор түзүлүп, эмдөөгө даярдалды. Алар базар жана чоң соода борборлорунда вакцинация жүргүзмөй болушту. Вакцина керектүү температурада сакталышын камсыздоо үчүн "муздак чынжыр" биз үчүн маанилүү болчу. Препаратты сактоо үчүн 2°Cден 8°C чейинки температура талап кылынат. Ал үчүн атайын сактоочу сумка алынып, камсыздалды. Вакцина ала тургандар абдан көп. Андыктан мобилдик топторду суранган ар кайсы уюмдарга да жөнөтүп жатабыз. Ошондой эле Бишкек шаарындагы башкы үй-бүлөлүк дарыгерлер борборлору саат 23:00гө чейин иштеп жатышат. Ал эми вакцина алгандан 21 күн өткөндөн кийин вируска каршы иммундук жооп пайда болот, экинчи дозаны алганда антитело дагы көбөйүп организм өзүн толук коргой баштайт. Андыктан эмделгенден кийин да вирустан сактанып жүрүңүздөр", — деди Кыргызбаев.

Эпидемиолог вакцина алып ооруп калган адам жарым жылдан кийин кайра эмделиши керектигин кошумчалады.

Подкасттын толук вариантын төмөнкү видеодон көрүңүз:

https://www.youtube.com/watch?v=XlmJGr5Vecs

143
Белгилер:
коронавирус, пункт, вакцина, Азим Кыргызбаев
Тема:
Коронавируска каршы эмдөө (191)
Тема боюнча
Муфтий Ракиев жана дин аалымдары COVID-19га каршы вакцина алды. Сүрөт, видео
Ветеринар-дарыгер Жаңылбүбү Маматова

Маматова: ветеринария малды дарылоо менен гана чектелбейт

52
Ветеринар-дарыгер Жаңылбүбү Маматова учурда Стамбул университетинин медицина илимдери институтунда тамак-аш гигиенасы жана технологиясы бөлүмүндө докторантурада билим алып жатканын айтты.

Башында ветеринария жөнүндө түшүнүгүм тар болчу. Малды дарылап, дарыгер катары иштейм деп элестеткем. Билим алып жатканда бара-бара мугалимдер биздин башка да мүмкүнчүлүктөрүбүз бар экенин айтып беришти. Бул тууралуу Жаңылбүбү Маматова Sputnik Кыргызстан радиосунун эфиринде маек куруп жатып билдирди.

Маматова: ветеринария малды дарылоо менен гана чектелбейт

Анын айтымында, алгач туризм тармагында окуп баштап, кийин ветеринарияга кызыгуусу пайда болуп кесибин алмаштырган.

"Ветеринария малды дарылоодон баштап, айыл чарбаны өнүктүрүү, генетика, жаныбарлардан алынган тамак-аштын курамын изилдеп аныктаган чоң тармак. Жадагалса учактарды тамак-аш менен камсыздаган кейтеринг компаниялардын гигиенасын, алардын тамактарынын курамы, жасалышы, сактоо температурасын ветеринарлар аныктайт. Азыр космос, Марсты изилдеп, ал жакка адамдар учуп жатат. Алардын тамагын космостун шарттарына ылайыктуу жасоо технологиясын иштеген ветдарыгерлер да бар", — деди Маматова.

Ал учурда TUBITAK долбоорунун негизинде тамак-аш, сүт азыктарынан жуккан бактериялык ооруну тез арада аныктай турган тесттин үстүнөн иштеп жатканын кошумчалады.

52
Белгилер:
Жаңылбүбү Маматова, билим, кесип, ветеринария
Тема боюнча
Максүт уулу: эт, нан жана мөмө-жемиш үчүн өзүнчө тактай, бычак колдонгула
Бокс федерациясынын эл аралык даражадагы калысы Иса Кунасов

Кунасов: бокс боюнча калыстардын мектеби өнүгүү жолуна түштү

32
Бокс федерациясынын эл аралык даражадагы калысы Иса Кунасов бокс боюнча калыстардын мектеби коңшу өлкөлөргө салыштырмалуу өнүгүү жолуна түшө баштаганын айтты.

Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Мындай маалыматты Иса Кунасов Sputnik Кыргызстан радиосунун эфириндеги маегинде билдирди.

Кунасов: бокс боюнча калыстардын мектеби өнүгүү жолуна түштү

Анын айтымында, калыстардын деңгээлин аныктоо үчүн атайын сынактарды тапшырып, эл аралык мелдештерге жолдомолор берилет. 

"Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Алар – Мукаш Ырсалиев жана Жамиля Боркоева. Бул категориядагы калыстардын дүйнө чемпионаты менен Олимпиада оюндарында кызмат кылууга мүмкүнчүлүктөрү бар. Азыркы мезгилде Ырсалиев олимп оюндарынан тышкары бардык мүмкүн болгон ири турнирлерде Кыргызстандын атынан калыстык милдетти аркалап келет. Биз аны Токио Олимпиадасына барат деп болжоп жатканбыз. Тилекке каршы, чакыруу бул жолу келген жок. Ал эми жаш калыстарды даярдоо боюнча абдан чоң иштер жасалып, калыс болууга кызыккандардын саны өсүүдө", — деди Кунасов.

Ошондой эле адис бокс боюнча калыстардын эмгеги бааланып колдоого алынса тез убакытта жылыш болорун кошумчалады.

32
Белгилер:
Иса Кунасов, олимпиада, калыс, бокс
Тема боюнча
Кыргызстанда кесипкөй бокс боюнча федерация түзүлдү
Ысык-Көлдө болгон жол кырсык

Ысык-Көлдө эки автоунаа кагышып, бир кыз каза болду. Сүрөттөр

0
(жаңыланган 11:05 26.07.2021)
Жол кырсыгы Чырпыкты айылында болду. Жеринде каза болгон адамдан тышкары дагы үч киши ар кандай жаракат алды.

БИШКЕК, 26-июл. — Sputnik. Ысык-Көл облусунун Балыкчы — Ананьево — Каракол жолунда автокырсык болуп, бир киши көз жумду. Бул тууралуу ӨКМдин маалымат кызматы кабарлады.

© Фото / пресс-служба МЧС КР
Аталган жолдун 32-чакырымында, тагыраагы, Чырпыкты айылында Toyota RAV4 жана Toyota Yaris автоунаалары сүзүшүп, анын кесепетинде бир кыз каза болду. Мындан тышкары үч адам жабыркаган

Аталган жолдун 32-чакырымында, тагыраагы, Чырпыкты айылында Toyota RAV4 жана Toyota Yaris автоунаалары сүзүшүп, анын кесепетинде бир кыз каза болду. Мындан тышкары үч адам жабыркаган.

Ал жерге үч куткаруучу барып, каза болгон кыздын сөөгүн ИИМ кызматкерлерине өткөрүп беришкен. Ал эми жабыркагандарды Тез жардам алып кеткен.

0
Белгилер:
өлүм, кыз, жол кырсык, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Ичип алып рулга отургандар көбөйдү. Чүйдөгү рейддин көңүл чөгөргөн жыйынтыгы
Чүйдөгү жол кырсыгында дагы эки киши көз жумду, айдоочунун мас экени аныкталды