Бишкек шаардык Тазалык муниципалдык ишканасынын пландоо бөлүмүнүн жетекчисинин орун басары Мурат Эсенов

Эсенов: Бишкекте күнүнө 7,7 млн. чарчы метр жер тазаланат

36
(жаңыланган 11:26 17.07.2021)
Бишкек шаардык "Тазалык" муниципалдык ишканасынын пландоо бөлүмүнүн жетекчисинин орун басары Мурат Эсенов күндүн ысышына байланыштуу иштер күчөтүлгөн режимде жүрүп жаткандыгын айтты.

Тротуар, жолдун жээги, арыктарды кошкондо Бишкек шаары боюнча күнүнө 7,7 миллион чарчы метр жер тазаланат. Мындай маалыматты Мурат Эсенов Sputnik Кыргызстан радиосунун эфиринде билдирди.

Эсенов: Бишкекте күнүнө 7,7 млн. чарчы метр жер тазаланат

Анын айтымында, күнүнө 750 короо шыпыргыч санитардык тазалоо иштерин жүргүзүшөт.

"Бүгүнкү күндө "Тазалык" муниципалдык ишканасында 1 500дөй киши иштейт. Шаарды тазалоо жана акыр-чикирди алып чыгуудан тышкары күндүн ысып жаткандыгына байланыштуу көчөлөрдү жууп тазалоо негизги иштердин бири болууда. "Тазалык" ишканасында 26 сугарып, жууй турчу машина бар. Ишкананын кызматкерлери график боюнча күн сайын таңкы саат 04:00дөн баштап 06:00гө чейин жолдорду жууйт. Ал эми техниканын жетишпестигинен ошол эле унаалар менен күндүз гүл бакчалар сугарылат. Биз үчүн негизги көйгөйлөрдүн бири атайын техниканын жетишсиздиги болуп турат. Мисалы, шаарды толук камсыз кылуу үчүн 130 машина болсо иш да жеңилдеп, бир топ маселелер ордуна коюлат эле", — деди Эсенов.

Ошондой эле жетекчи шаар четинде жайгашкан конуштарда да санитардык тазалоо жана жолдорду жууган иштер жүргүзүлүп жаткандыгын кошумчалады.

Толук вариантын төмөнкү видеодон көрүңүздөр:

36
Белгилер:
Мурат Эсенов, 'Тазалык' ишканасы, Бишкек, шаар
Тема боюнча
Бишкекте сентябрга чейин 56 билим берүү мекемеси оңдоодон өтөт
KG WOOD production компаниясынын директору Айжамал Төрөбекова

Төрөбекова: балдарды сатуу маселесин көтөргөн кино тартылат

113
(жаңыланган 15:50 26.07.2021)
KG WOOD production компаниясынын директору Айжамал Төрөбекова кинорежиссёр Элвис Энтонинин жетекчилиги менен белгилүү кыргыз, казак жана өзбек актёрлорунун катышуусунда кинофильм тартыларын айтты.
Төрөбекова: балдарды сатуу маселесин көтөргөн кино тартылат

Элвис Энтони кино тармагында сегиз жылдан бери эмгектенип келет. Пландалып жаткан картина Казакстан, Өзбекстандын шаарларында, ал эми басымдуу бөлүгү Кыргызстандын тоолорунда тартылат. Бул тууралуу Айжамал Төрөбекова Sputnik Кыргызстан радиосунун эфиринде билдирди.

"Фильмде балдарды сатуу маселеси козголот. Мындай нерсеге чоң эле кызматтагы, макамы жогору кишилер кийлигишип, көп нерсе аларга байланыштуу болуп калат. Бул көрүнүштү канткенде ооздуктай алабыз, кандай кылганда маселе оң тарабына чечилет? Тасманын аягында бул суроолордун жообу берилет. Эмне себептен бул теманы тандап алдык? Угушума караганда адам сатуу, кичинекей балдарды соодалоо маселеси Индияда, Америкада дагы деле бар. Кинолента боевик жанрына жакын. Азырынча аталышын тактай элекпиз. Тартуу иштери августта башталат. Ал эми коомдун назарына 2022-жылы сунушталат. Тасмага продюсерлик кылган KG WOOD production 2017-жылы ачылган. Эсиңиздерде болсо Болливуддун белгилүү жылдыздары келип, бул жактан клип тартып кетишкен. Алар менен төрт клип тарттык. Андан тышкары Кыргызстанда Torbaaz деп аталган индиялык блокбастердин жаратуу иштерине көмөктөшкөнбүз. Тасмалар Netflix сервисинде жайгаштырылган", — деди Төрөбекова.

Ал акыркы тартылган "Нури" аталышындагы хоррор жанрындагы тасма Кыргызстандын кинотеатрларына коюлушу мүмкүндүгүн кошумчалады.

113
Белгилер:
алака, Индия, Кыргызстан
Тема боюнча
Кыргызстанда "Манастын уулу Семетей" тасмасы тартыла баштады. Сүрөт
Бизнес-ментор, ишкер Данияр Назаралиев

Назаралиев: ишкерликте бизнес-ментордун орду чоң

64
(жаңыланган 13:45 26.07.2021)
Бизнес-ментор, ишкер Данияр Назаралиев бизнеске жаңы кадам таштап жаткандардын 70 пайызы максатын, багытын так аныктабай туруп бизнес баштап аларын айтты.

Тобокелчиликтен коркпогон, күчтүү бизнес-ментордун айткандарын так аткарган жаш ишкерге ийгилик тез келет. Мындай пикирин Данияр Назаралиев Sputnik Кыргызстан радиосунун эфиринде маек берип жатып айтты.

Назаралиев: ишкерликте бизнес-ментордун орду чоң

Анын билдиргенине караганда, акыркы жылдары бизнестеги эрежелер өзгөрүп, жаңы билимди талап кылууда.

"Ишкерликке кызыгып, бизнес ачкысы келген жаштардын 70 пайызы багытын билбейт. Демек, аларга кайсы тармакта кандай мүмкүнчүлүктөр бар экендигин айтып бериш керек. Анткени тобокелчиликтен коркушат, тоскоолдуктардан кыйналышат, билими жетишпейт, чөйрөсү начар болот. Дүйнөлүк жаңы тенденцияларды колдонуу, талаптарды өздөштүрүү маанилүү. Акыркы жылдары бизнестеги эрежелер да өзгөрдү. Мисалы, мурда алып-сатуу жеңил болсо, учурда комплекстүү иштерди алып барыш керек. 1-класстагы бала окуганды, жазганды үйрөнүү үчүн "Алиппе" китебин колдонот эмеспи. Ошол сыңары бизнестин да ариби, тили болот. Аны түшүнүү үчүн жакшы өздөштүрүп койсо, ийгиликке оңой жете алат", — деди Назаралиев.

Ошондой эле адис чөйрөнү, насаатчыны туура тандап, билиминин деңгэлин жогорулатып турган ишкер дайыма алдыда боло аларын кошумчалады.

64
Белгилер:
Данияр Назаралиев, ишкерлик, бизнес
Тема боюнча
Euronews БАЭде ырдап, бизнес жасаган кыргызстандык кыз тууралуу сюжет тартты. Видео
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду