Өсүмдүктөрдү химиялаштыруу, коргоо жана карантин департаментинин бөлүм башчысы Алмаз Алакунов

Алакунов: Жалал-Абад облусунда зыянкеч чегирткелердин саны көп болууда

32
Өсүмдүктөрдү химиялаштыруу, коргоо жана карантин департаментинин бөлүм башчысы Алмаз Алакунов Жалал-Абад облусунун талааларында көп сандаган зыянкеч чегирткелер табылганын айтты.

Кыргызстандын аймагы боюнча Жалал-Абадда 14,1 гектар, Ош облусунда 5,5 гектар, Баткенде 9,5 гектар жана Чүй облусунда 1,2 гектар жерде чегирткелердин аймагы табылган. Мындай маалыматты Алмаз Алакунов Sputnik Кыргызстан радиосунун эфиринде маек куруп жатып билдирди.

Алакунов: Жалал-Абад облусунда зыянкеч чегирткелердин саны көп болууда

Анын айтымында, ушул жылдын июль айынын башына карата алынган маалымат боюнча, жалпы республикада чегирткелерге каршы 43,8 гектар жерде изилдөө иштери жүрдү.

"Биз дайыма зыянкеч чегирткелердин уюктарын аныктоо боюнча изилдөө жүргүзүп келебиз. Чегирткенин уюктары Жалал-Абадда 14 150 гектар, Ош облусунда 5 550 гектар, Баткенде 9 500 гектар жана Чүй облусунда 1 230 гектар жерден табылган. Бул жерлер химиялаштыруу жолу менен тазаланды. Өлкөдө чегирткелердин эки гана түрү зыянын тийгизип келет. Алардын башка чегирткелерден айырмасы —  кандай гана өсүмдүк болбосун ылгабай жеп жоготот", — деди Алакунов.

Ошондой эле адис Кыргызстанда зыянкеч чегирткелерге каршы күрөшүү иштери 1920-жылдары эле башталганын кошумчалады.

32
Белгилер:
чегиртке, айыл чарба, Алмаз Алакунов
Тема боюнча
Суу тартыштыгы. Чүйдө суу сактагыч жана каналдар курулат
KG WOOD production компаниясынын директору Айжамал Төрөбекова

Төрөбекова: балдарды сатуу маселесин көтөргөн кино тартылат

115
(жаңыланган 15:50 26.07.2021)
KG WOOD production компаниясынын директору Айжамал Төрөбекова кинорежиссёр Элвис Энтонинин жетекчилиги менен белгилүү кыргыз, казак жана өзбек актёрлорунун катышуусунда кинофильм тартыларын айтты.
Төрөбекова: балдарды сатуу маселесин көтөргөн кино тартылат

Элвис Энтони кино тармагында сегиз жылдан бери эмгектенип келет. Пландалып жаткан картина Казакстан, Өзбекстандын шаарларында, ал эми басымдуу бөлүгү Кыргызстандын тоолорунда тартылат. Бул тууралуу Айжамал Төрөбекова Sputnik Кыргызстан радиосунун эфиринде билдирди.

"Фильмде балдарды сатуу маселеси козголот. Мындай нерсеге чоң эле кызматтагы, макамы жогору кишилер кийлигишип, көп нерсе аларга байланыштуу болуп калат. Бул көрүнүштү канткенде ооздуктай алабыз, кандай кылганда маселе оң тарабына чечилет? Тасманын аягында бул суроолордун жообу берилет. Эмне себептен бул теманы тандап алдык? Угушума караганда адам сатуу, кичинекей балдарды соодалоо маселеси Индияда, Америкада дагы деле бар. Кинолента боевик жанрына жакын. Азырынча аталышын тактай элекпиз. Тартуу иштери августта башталат. Ал эми коомдун назарына 2022-жылы сунушталат. Тасмага продюсерлик кылган KG WOOD production 2017-жылы ачылган. Эсиңиздерде болсо Болливуддун белгилүү жылдыздары келип, бул жактан клип тартып кетишкен. Алар менен төрт клип тарттык. Андан тышкары Кыргызстанда Torbaaz деп аталган индиялык блокбастердин жаратуу иштерине көмөктөшкөнбүз. Тасмалар Netflix сервисинде жайгаштырылган", — деди Төрөбекова.

Ал акыркы тартылган "Нури" аталышындагы хоррор жанрындагы тасма Кыргызстандын кинотеатрларына коюлушу мүмкүндүгүн кошумчалады.

115
Белгилер:
алака, Индия, Кыргызстан
Тема боюнча
Кыргызстанда "Манастын уулу Семетей" тасмасы тартыла баштады. Сүрөт
Бизнес-ментор, ишкер Данияр Назаралиев

Назаралиев: ишкерликте бизнес-ментордун орду чоң

64
(жаңыланган 13:45 26.07.2021)
Бизнес-ментор, ишкер Данияр Назаралиев бизнеске жаңы кадам таштап жаткандардын 70 пайызы максатын, багытын так аныктабай туруп бизнес баштап аларын айтты.

Тобокелчиликтен коркпогон, күчтүү бизнес-ментордун айткандарын так аткарган жаш ишкерге ийгилик тез келет. Мындай пикирин Данияр Назаралиев Sputnik Кыргызстан радиосунун эфиринде маек берип жатып айтты.

Назаралиев: ишкерликте бизнес-ментордун орду чоң

Анын билдиргенине караганда, акыркы жылдары бизнестеги эрежелер өзгөрүп, жаңы билимди талап кылууда.

"Ишкерликке кызыгып, бизнес ачкысы келген жаштардын 70 пайызы багытын билбейт. Демек, аларга кайсы тармакта кандай мүмкүнчүлүктөр бар экендигин айтып бериш керек. Анткени тобокелчиликтен коркушат, тоскоолдуктардан кыйналышат, билими жетишпейт, чөйрөсү начар болот. Дүйнөлүк жаңы тенденцияларды колдонуу, талаптарды өздөштүрүү маанилүү. Акыркы жылдары бизнестеги эрежелер да өзгөрдү. Мисалы, мурда алып-сатуу жеңил болсо, учурда комплекстүү иштерди алып барыш керек. 1-класстагы бала окуганды, жазганды үйрөнүү үчүн "Алиппе" китебин колдонот эмеспи. Ошол сыңары бизнестин да ариби, тили болот. Аны түшүнүү үчүн жакшы өздөштүрүп койсо, ийгиликке оңой жете алат", — деди Назаралиев.

Ошондой эле адис чөйрөнү, насаатчыны туура тандап, билиминин деңгэлин жогорулатып турган ишкер дайыма алдыда боло аларын кошумчалады.

64
Белгилер:
Данияр Назаралиев, ишкерлик, бизнес
Тема боюнча
Euronews БАЭде ырдап, бизнес жасаган кыргызстандык кыз тууралуу сюжет тартты. Видео
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду