Медицина илимдеринин кандидаты, КММАнын хирургия кафедрасынын доценти Эрлан Максүт уулу

Максүт уулу: эт, нан жана мөмө-жемиш үчүн өзүнчө тактай, бычак колдонгула

82
Медицина илимдеринин кандидаты, КММАнын хирургия кафедрасынын доценти Эрлан Максүт уулу адамдын ичинде организмге керектүү өзүнүн митеси болорун, ал эми сырттан кирген мителер оору чакырарын айтты.

Эхинококктун личинкасы ооз аркылуу кирип чоң күрөө тамыр аркылуу боорго келип түшөт. Бул учурда мите ар бир организмде ар түрдө өрчүйт. Кээ бир адамдардын иммунитети жакшы болгондуктан личинка чоңойбой, ошол жерде катып калат. Бул тууралуу Эрлан Максүт уулу Sputnik Кыргызстан радиосунун эфиринде маек куруп жатып билдирди.

Максүт уулу: эт, нан жана мөмө-жемиш үчүн өзүнчө тактай, бычак колдонгула

Анын айтымында, эхинококкоз, альвоекоккоз ооруларын иммуноферменттик жана Кацони реакциясы анализи менен бат эле аныктаса болот.

"Шиш кебек, ышталган балык, суши жегенде эхинококкоз менен ооруп калуу мүмкүн эмес. Себеби этте мите болсо ысык отко какталганда ал өлөт. Үйдө мал сойгондо боорду карап мите бар-жогун аныктаса болот. Эгер боорду кескенде ак түстөгү катып калган кальцинат сыяктуу нерсе болсо, анда мите бар. Дароо андай боорду өрттөп жок кылыш керек. Негизи мал сойгон адамдар деле бул нерсени жакшы билип калышты. Ар бир адамдын ичинде организмге керектүү бактериялык мителер бар. Ал эми сырттан кирген мителер оору чакырат. Айрым адамдардын организми мите курттар менен өзү эле күрөшүп жеңип кетет. Кээде адам эхинококкоз менен ооруп калганын билбей жүрүп, башка дартына байланыштуу антибиотик ичип, мите өрчүбөй катып калган учурлар бар", — деди Максүт уулу.

Дарыгер түрдүү оорудан оолак болуу үчүн гигиенаны сактап, эт, нан жана мөмө-жемиш үчүн өз-өзүнчө тактай, бычак колдонуу керектигин кошумчалады.

Толук вариантын төмөнкү видеодон көрүңүздөр:

82
Белгилер:
ден соолук, оору, эхинококкоз, мите, Эрлан Максүт уулу
Тема боюнча
Максүт уулу: эхинококкоз, альвеококкоз адамда көпкө чейин байкалбайт
Ветеринар-дарыгер Жаңылбүбү Маматова

Маматова: ветеринария малды дарылоо менен гана чектелбейт

45
Ветеринар-дарыгер Жаңылбүбү Маматова учурда Стамбул университетинин медицина илимдери институтунда тамак-аш гигиенасы жана технологиясы бөлүмүндө докторантурада билим алып жатканын айтты.

Башында ветеринария жөнүндө түшүнүгүм тар болчу. Малды дарылап, дарыгер катары иштейм деп элестеткем. Билим алып жатканда бара-бара мугалимдер биздин башка да мүмкүнчүлүктөрүбүз бар экенин айтып беришти. Бул тууралуу Жаңылбүбү Маматова Sputnik Кыргызстан радиосунун эфиринде маек куруп жатып билдирди.

Маматова: ветеринария малды дарылоо менен гана чектелбейт

Анын айтымында, алгач туризм тармагында окуп баштап, кийин ветеринарияга кызыгуусу пайда болуп кесибин алмаштырган.

"Ветеринария малды дарылоодон баштап, айыл чарбаны өнүктүрүү, генетика, жаныбарлардан алынган тамак-аштын курамын изилдеп аныктаган чоң тармак. Жадагалса учактарды тамак-аш менен камсыздаган кейтеринг компаниялардын гигиенасын, алардын тамактарынын курамы, жасалышы, сактоо температурасын ветеринарлар аныктайт. Азыр космос, Марсты изилдеп, ал жакка адамдар учуп жатат. Алардын тамагын космостун шарттарына ылайыктуу жасоо технологиясын иштеген ветдарыгерлер да бар", — деди Маматова.

Ал учурда TUBITAK долбоорунун негизинде тамак-аш, сүт азыктарынан жуккан бактериялык ооруну тез арада аныктай турган тесттин үстүнөн иштеп жатканын кошумчалады.

45
Белгилер:
Жаңылбүбү Маматова, билим, кесип, ветеринария
Тема боюнча
Максүт уулу: эт, нан жана мөмө-жемиш үчүн өзүнчө тактай, бычак колдонгула
Бокс федерациясынын эл аралык даражадагы калысы Иса Кунасов

Кунасов: бокс боюнча калыстардын мектеби өнүгүү жолуна түштү

29
Бокс федерациясынын эл аралык даражадагы калысы Иса Кунасов бокс боюнча калыстардын мектеби коңшу өлкөлөргө салыштырмалуу өнүгүү жолуна түшө баштаганын айтты.

Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Мындай маалыматты Иса Кунасов Sputnik Кыргызстан радиосунун эфириндеги маегинде билдирди.

Кунасов: бокс боюнча калыстардын мектеби өнүгүү жолуна түштү

Анын айтымында, калыстардын деңгээлин аныктоо үчүн атайын сынактарды тапшырып, эл аралык мелдештерге жолдомолор берилет. 

"Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Алар – Мукаш Ырсалиев жана Жамиля Боркоева. Бул категориядагы калыстардын дүйнө чемпионаты менен Олимпиада оюндарында кызмат кылууга мүмкүнчүлүктөрү бар. Азыркы мезгилде Ырсалиев олимп оюндарынан тышкары бардык мүмкүн болгон ири турнирлерде Кыргызстандын атынан калыстык милдетти аркалап келет. Биз аны Токио Олимпиадасына барат деп болжоп жатканбыз. Тилекке каршы, чакыруу бул жолу келген жок. Ал эми жаш калыстарды даярдоо боюнча абдан чоң иштер жасалып, калыс болууга кызыккандардын саны өсүүдө", — деди Кунасов.

Ошондой эле адис бокс боюнча калыстардын эмгеги бааланып колдоого алынса тез убакытта жылыш болорун кошумчалады.

29
Белгилер:
Иса Кунасов, олимпиада, калыс, бокс
Тема боюнча
Кыргызстанда кесипкөй бокс боюнча федерация түзүлдү
Медициналык кызматкер COVID-19га анализ учурунда. Архив

Кыргызстанда коронавирусту 973 адам жуктурду. Статистика

5
(жаңыланган 09:21 26.07.2021)
Оору жуктургандар мурдагыдай эле Бишкек шаарында азайбай жатат. Бир суткада 637 кишиден чыкты. Калган аймактарда бейтаптар жүзгө жетпейт.

БИШКЕК, 26-июл. — Sputnik. Кыргызстанда акыркы суткада COVID инфекциясынын 1568 киши жеңип, жаңыдан 973 адам жуктурду. Бул тууралуу Республикалык штаб кабарлады.

Ооругандар:

  • Бишкек — 637;
  • Ош шаары — 23;
  • Чүй — 72;
  • Ош — 12;
  • Талас — 18;
  • Нарын — 18
  • Ысык-Көл — 39;
  • Жалал-Абад — 74;
  • Баткен — 88.

Пандемиядан бери 158 120 адамда оору аныкталды.

Ал эми бир сутка ичинде 1568 адам айыкты. Жалпы сакайгандар 136 700ге жетти.

5
Белгилер:
жуктуруу, айыктыруу, оору, бейтап, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавируска каршы күнү-түнү эмдеген пунктулардын дареги
Эмдөөдөн өттү деген сертификатты кайсы жерден жана кантип алууга болот