Президентке караштуу Антикоррупциялык ишкердик кеңешинин башкы катчысы Нурипа Муканова

Муканова: коррупция менен күрөштө системаны өзгөртүү зарыл

40
Президентке караштуу Антикоррупциялык ишкердик кеңешинин башкы катчысы Нурипа Муканова өлкөдө болуп өткөн революциялардын негизги талаптарынын бири коррупция менен күрөш болгонун белгиледи.

Карапайым элге коррупция менен күрөштүн натыйжасы сезилбей келет. Мындай пикирин Нурипа Муканова Sputnik Кыргызстан радиосунда маек куруп жатып билдирди.

Муканова: коррупция менен күрөштө системаны өзгөртүү зарыл

Анын айтымында, ар бир келген бийлик коррупция менен күрөштү приоритет катары коет.

"Өлкөдө коррупция күнүмдүк жашообузга сиңип кетти. Жаңы бийлик келген сайын аны менен күрөштү ураан катары көтөрүп чыгат. Коррупция менен күрөшүү дүйнө жүзүндө актуалдуу маселе. Катардан калбай Кыргызстан дагы өз аракеттин көрүп келет. Буга чейин болуп өткөн революциялардын негизги талаптарынын бири коррупция менен күрөш болгон. Бирок коррупцияга бөгөт коюу аракеттери өлкөдө саясатташып кеткен. Ошондуктан карапайым калкка иш жүзүндө натыйжасы сезилбей жатат. Ар бир бийлик план, стратегия, мыйзамга толуктоолорду киргизүү менен алек болду. Мурдагы пландын аткарылышын карабай эле кайра жаңы пландар жазылып жатты. Ошону менен аракеттер көрүлбөй эле кагаз жүзүндө калган учурлар көп болду. Мамлекеттик органдар өкмөткө, бийликке отчет берет. Ага ылайык, кагаз жүзүндө чындап эле коррупция менен күрөшүп жаткандай көрүнөт. Бирок калк күткөндөй жыйынтык жок. Ошондуктан системаны өзгөртүп таза кадрларды алып келүү зарыл. Укук коргоо органдары, сот системасы акыйкат иштеши керек", — деди Муканова.

Ошондой эле ал коррупционерлерди камоо — бул натыйжалар менен гана күрөшүү экенин кошумчалады.

Подкасттын толук вариантын төмөнкү видеодон көрүңүздөр:

40
Белгилер:
Нурипа Муканова, стратегия, саясат, коррупция
Тема боюнча
Коррупцияга каршы кызматтын милдетин УКМКнын башка бөлүмү аткарат
Ветеринар-дарыгер Жаңылбүбү Маматова

Маматова: ветеринария малды дарылоо менен гана чектелбейт

50
Ветеринар-дарыгер Жаңылбүбү Маматова учурда Стамбул университетинин медицина илимдери институтунда тамак-аш гигиенасы жана технологиясы бөлүмүндө докторантурада билим алып жатканын айтты.

Башында ветеринария жөнүндө түшүнүгүм тар болчу. Малды дарылап, дарыгер катары иштейм деп элестеткем. Билим алып жатканда бара-бара мугалимдер биздин башка да мүмкүнчүлүктөрүбүз бар экенин айтып беришти. Бул тууралуу Жаңылбүбү Маматова Sputnik Кыргызстан радиосунун эфиринде маек куруп жатып билдирди.

Маматова: ветеринария малды дарылоо менен гана чектелбейт

Анын айтымында, алгач туризм тармагында окуп баштап, кийин ветеринарияга кызыгуусу пайда болуп кесибин алмаштырган.

"Ветеринария малды дарылоодон баштап, айыл чарбаны өнүктүрүү, генетика, жаныбарлардан алынган тамак-аштын курамын изилдеп аныктаган чоң тармак. Жадагалса учактарды тамак-аш менен камсыздаган кейтеринг компаниялардын гигиенасын, алардын тамактарынын курамы, жасалышы, сактоо температурасын ветеринарлар аныктайт. Азыр космос, Марсты изилдеп, ал жакка адамдар учуп жатат. Алардын тамагын космостун шарттарына ылайыктуу жасоо технологиясын иштеген ветдарыгерлер да бар", — деди Маматова.

Ал учурда TUBITAK долбоорунун негизинде тамак-аш, сүт азыктарынан жуккан бактериялык ооруну тез арада аныктай турган тесттин үстүнөн иштеп жатканын кошумчалады.

50
Белгилер:
Жаңылбүбү Маматова, билим, кесип, ветеринария
Тема боюнча
Максүт уулу: эт, нан жана мөмө-жемиш үчүн өзүнчө тактай, бычак колдонгула
Бокс федерациясынын эл аралык даражадагы калысы Иса Кунасов

Кунасов: бокс боюнча калыстардын мектеби өнүгүү жолуна түштү

31
Бокс федерациясынын эл аралык даражадагы калысы Иса Кунасов бокс боюнча калыстардын мектеби коңшу өлкөлөргө салыштырмалуу өнүгүү жолуна түшө баштаганын айтты.

Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Мындай маалыматты Иса Кунасов Sputnik Кыргызстан радиосунун эфириндеги маегинде билдирди.

Кунасов: бокс боюнча калыстардын мектеби өнүгүү жолуна түштү

Анын айтымында, калыстардын деңгээлин аныктоо үчүн атайын сынактарды тапшырып, эл аралык мелдештерге жолдомолор берилет. 

"Учурда Эл аралык бокс ассоциациясынын версиясы боюнча, үч жылдыз категориясындагы эки калыс бар. Алар – Мукаш Ырсалиев жана Жамиля Боркоева. Бул категориядагы калыстардын дүйнө чемпионаты менен Олимпиада оюндарында кызмат кылууга мүмкүнчүлүктөрү бар. Азыркы мезгилде Ырсалиев олимп оюндарынан тышкары бардык мүмкүн болгон ири турнирлерде Кыргызстандын атынан калыстык милдетти аркалап келет. Биз аны Токио Олимпиадасына барат деп болжоп жатканбыз. Тилекке каршы, чакыруу бул жолу келген жок. Ал эми жаш калыстарды даярдоо боюнча абдан чоң иштер жасалып, калыс болууга кызыккандардын саны өсүүдө", — деди Кунасов.

Ошондой эле адис бокс боюнча калыстардын эмгеги бааланып колдоого алынса тез убакытта жылыш болорун кошумчалады.

31
Белгилер:
Иса Кунасов, олимпиада, калыс, бокс
Тема боюнча
Кыргызстанда кесипкөй бокс боюнча федерация түзүлдү
Новый вице-мэр по вопросам градостроительства и архитектуры Азамат Сагындык уулу

УКМК: Бишкектин вице-мэри кафе ээсинен пара алуу иши боюнча кармалды

0
Мэрия кызматкерлери Түгөлбай-Ата (Линейный) көчөсүн реконструкциялоо долбоорун өзгөртүү үчүн кафенин ээсинен 9000 доллар пара алган.

БИШКЕК, 26-июл. — Sputnik. УКМК кафе кожоюнунан пара алды деген шек менен Бишкектин вице-мэри Азамат Сагындык уулун кармады. Бул тууралуу ведомствонун маалымат кызматы кабарлады.

23-июль күнү УКМК мэриянын алдындагы кызматтардын биринин өкүлүн кафе кожоюнунан аталган жайды түрттүтүп салбаш үчүн 9 миң доллар пара алды деп кармаган.

Билдирүүгө ылайык, М. А. аттуу кызматкер Түгөлбай-Ата (Линейная) көчөсүн реконструкциялоо долбоорун өзгөртүү үчүн кафенин ээсинен 9000 доллар пара алган. Ал үчүн Кытайдан алынган грантка оңдолуп жаткан жолдун чекесиндеги кафенин ордунда калтыруу макулдашылган. Бул боюнча далилдүү фактылар алынгандан кийин 23-июлда мэриянын кызматкери кармалган. Ал кафе ээсине 6 миң долларды кайтарып берип жатканда кармалган.

"Кызматкерлер параны вице-мэр менен сүйлөшүп алып, талап кылып жатканы аныкталды. Кармалгандар бул ишке вице-мэрдин тиешеси бар экенин айтып, көрсөтмө беришти", — деп айтылат УКМКнын билдирүүсүндө.

24-июль күнү вице-мэр кармалып, УКМКнын убактылуу кармоо жайына киргизилди. Тергөө иштери уланууда.

0
Белгилер:
вице-мэр, УКМК, Бишкек мэриясы