ТИМдин Консулдук кызмат департаментинин үчүнчү катчысы Гүлбарчын Байымбетова

Байымбетова: мигранттар бир нече документти мекенге келбей эле ала алышат

932
(жаңыланган 11:49 23.07.2021)
ТИМдин Консулдук кызмат департаментинин үчүнчү катчысы Гүлбарчын Байымбетова чет өлкөлөрдөгү кыргызстандыктар кайсы документтерди мекенге келбей эле алса болорун тизмектеп берди.

Кыргызстандын жарандары өздөрү жүргөн мамлекеттердеги биздин элчилик, консулдуктарга кайрылып өлкө ичинде колдонулуучу жана жалпы жарандык паспортторду ала алышат. Бул тууралуу Гүлбарчын Байымбетова Sputnik Кыргызстан радиосунда маек куруп жатып билдирди.

Байымбетова: мигранттар бир нече документти мекенге келбей эле ала алышат

Анын айтымында, чет мамлекеттеги кыргызстандыктардын жаңы паспортко ээ болуу мөөнөтү үч жумадан тартып эки айга чейин созулат.

"Дүйнө жүзү боюнча 36 жерде биздин дипломатиялык өкүлчүлүктөр бар. Учурда кыргызстандык жарандар мына ушул элчилик, консулдуктарга кайрылуу менен мөөнөтү бүткөн паспортторун жаңылап же жашы 16га толгон учурда паспорт алса болот. Албетте, наркы жана документти колуна алуу убактысы жагынан Кыргызстандын ичиндеги тартиптерден бир аз айырмаланат. Мисалы, паспорттун наркы учурда 30 долларды түзүүдө, мурда 50 доллар болчу. Ал эми мөөнөтү жагынан авиакаттамдар жеткиликтүү өлкөлөрдө үч жума, бир ай болсо, айрым мамлекеттеги жердештерибизге 1,5-2 айга чейин күткөнгө туура келет. Анткени дипломатиялык почтанын иштөө мөөнөтү авиакаттамдардан көз каранды болуп калат. Мындан сырткары, мекендештер өлкөнүн дипломатиялык өкүлчүлүктөрүнөн никеге байланыштуу бардык документтерди, соттолбогондугу тууралуу, жарандыгын тактоочу, никесин тактоочу маалым каттарды, мекенге кайтуу күбөлүгүн жеринен эле ала алышат", — деди Байымбетова.

Атташе балага туулгандыгы тууралуу күбөлүктү да чет мамлекетте туруп алууга мүмкүнчүлүк түзүлгөндүгүн кошумчалады.

932
Белгилер:
Гүлбарчын Байымбетова, паспорт, мигранттар, мыйзам
Тема боюнча
Юрист бала асырап алуу кандай учурларда жокко чыгарыларын айтып берди
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: өспүрүмдөр арасында кылмыштуулук өсүүдө

1
Ички иштер министрлигинин тергөө кызматынын улук тергөөчүсү Азамат Дүйшөналиев өспүрүмдөр арасында кылмыштуулукка өп-чап турмуш себеп экенин айтты.

Социалдык жактан жакыр үй-бүлөдө жашаган балдар арасында кылмыштуулук көп катталууда. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: өспүрүмдөр арасында кылмыштуулук өсүүдө

Анын айтымында, социалдык көйгөйлөргө байланыштуу окуусун таштап, үй-бүлөсүнө акча табуу максатында түрдүү кылмышка баргандар арбып барат.

"Буга социалдык көйгөйлөр себеп болууда. Үй-бүлөдөгү акыбал, акчанын жетишпестиги негиз болуп, окуусун таштап, башка жумуштарда иштеп, түрдүү кылмыштарга барып жатышат. Үйүнөн качып кеткен учурлар да катталууда. Калктуу аймак болгон Бишкек жана Чүй облусунда кылмыш фактылары көп. Алардын көбү майда кылмыштар", — деди Дүйшөналиев.

Ошондой эле адис кылмыштуулукту алдын алуу үчүн мектептерде жаш өспүрүмдөр менен иштөө инспекторлору байма-бай каттап, окууларды өткөрүп жаткандыгын кошумчалады.

1
Белгилер:
Азамат Дүйшөналиев, мыйзам, тергөө, ИИМ
Тема боюнча
ИИМ экономикалык кылмыштар боюнча башкармалык түзүү зарылчылыгын айтты
Кыргыз мамлекеттик медициналык академиясынын неврология жана клиникалык генетика кафедрасынын ассистенти Жылдыз Убарик кызы

Убарик кызы: инсультту алдын алуу үчүн акысыз текшерүүдөн өткөрөбүз

49
Кыргыз мамлекеттик медициналык академиясынын неврология жана клиникалык генетика кафедрасынын ассистенти Жылдыз Убарик кызы Бишкекте инсультка каршы күрөшүү боюнча акция өтөрүн айтты.

Дүйнө жүзүндө бир жылда 15-17 миллион киши инсультка чалдыгат. Алардын үчтөн бири оорудан каза болуп калат. Бул тууралуу Жылдыз Убарик кызы Sputnik Кыргызстан радиосунун эфиринде маек куруп жатып билдирди.

Убарик кызы: инсультту алдын алуу үчүн акысыз текшерүүдөн өткөрөбүз

Анын айтымында, инсультту башынан өткөргөн бейтаптардын 70-80 пайызы майып болуп калат.

"2021-жылдын 28-октябрында 11:00дөн 14:00гө чейин Иса Ахунбаев атындагы КММАнын башкы корпусунда "Инсультка каршы күрөшүү күнү" белгиленет. Бул күнү эл инсульттун алдын алуу боюнча невропатологдордон кеңеш алып жана ооруну аныктоо үчүн сурамжылоодон өтүшөт. Борбордун алдыңкы неврологдору профилактикалык текшерүүнү бекер жүргүзүшөт. Шаардыктардын кан басымын өлчөп, кандагы глюкозанын деңгээлин текшеришет жана дене салмагынын индексин аныкташат. Ошондой эле инсульттун өнүгүшүнүн себептери жөнүндө айтып беришет. Андан тышкары, дарыгерлерден кошумча суроолорго жооп алып жана невропатологдордун жеке консультациясынан өтсө болот. Кээ бир адамдар өзүнүн организминдеги өзгөрүүлөрдү билбей калышы мүмкүн. Аталган акция ооруну өз учурунда аныктоого шарт түзөт", — деди Убарик кызы.

Адис инсульттун кесепети өтө оор болорун эскертип, алдын алуу өтө маанилүү экенин кошумчалады.

Эске сала кетсек, 2006-жылдан бери ар бир жылдын 29-октябрында дүйнөдө "Инсультту алдын алуу жана ага каршы күрөшүү күнү" белгиленип келет.

49
Белгилер:
инсульт, акция, алдын алуу, неврология, Жылдыз Убарик кызы
Тема боюнча
Кардиологго токтоосуз кайрылуу керектигинен кабар берген белгилер