Бишкек шаардык кайгуул милициясынын маалымат катчысы Байказы Айтикул уулу

Айтикул уулу: алты айда айдоочуларга 214 миллион сомдук айып салынды

175
(жаңыланган 12:33 27.07.2021)
Бишкек шаардык кайгуул милициясынын маалымат катчысы Байказы Айтикул уулу жол эрежелерин бузгандарга салынган айыптарды өндүрүү боюнча чыгарылган алты айлык жыйынтыкка токтолду.

Жарым жылда жол эрежелерин бузган айдоочуларга 214 миллион 445 миң сомдук айып пул салынды. Бул тууралуу Байказы Айтикул уулу Sputnik Кыргызстан радиосунда маек куруп жатып билдирди.

Айтикул уулу: алты айда айдоочуларга 214 миллион сомдук айып салынды

Анын айтымында, салынган айып пулдун 48 миллион 755 миң 352 сому өндүрүлүп, бюджетке түшкөн.

"Алты ай ичинде Бишкекте жол эрежеси бузулган 152 786 факт катталган. Бул өткөн жарым жылдыкка салыштырмалуу 75 240ка көптүк кылат. Алардын ичинен 1766 учур тиешелүү документи жок автоунааны башкаруу, 1543ү мас абалында, 33 автоээнбаштык, 328и айнектерин караңгылатып алып эреже бузса, 75 айдоочу жасалма номер менен автокөлүгүн айдап бара жаткан жеринен кармалган. Булардын 11 миң 587си айып токтотуучу жайга киргизилген. Жалпысынан алты ай ичинде 214 миллион 445 миң сомдук айып пул чегерилсе, анын 48 миллион 755 миң 352 сому өндүрүлдү", — деди Айтикул уулу.

Ал 102 кыска номерине алты айда 38 424 чакыруу келип түшүп, анын көпчүлүгү үй-бүлөлүк зордук-зомбулукка байланыштуу экенин кошумчалады.

Подкасттын толук вариантын видеодон көрүңүз:

175
Белгилер:
Байказы Айтикул уулу, Коопсуз шаар, мыйзам, эреже
Тема боюнча
УКМК пара талап кылган деген шек менен Сокулуктун үч милиционерин кармады
Энергетика боюнча эксперт Турдакун Сапарбаев

Сапарбаев: энергетикада кадр маселеси өтө оор абалда

43
Энергетика боюнча эксперт Турдакун Сапарбаев Кыргызстанда энергетика тармагында кадр маселеси оор абалга келип жеткенин айтты.

Энергетика системасын түшүнгөн билимдүү адистердин жетишпестиги өлкөдөгү кризистин пайда болушуна жол ачты. Мындай пикирин Турдакун Сапарбаев Sputnik Кыргызстан радиосунун эфиринде маек куруп жатып билдирди.

Сапарбаев: энергетикада кадр маселеси өтө оор абалда

Анын айтымында, аталган системада туура эмес башкаруу абалды мындан дагы курчутушу мүмкүн.

"Энергетикада кадр маселеси аксады. Киловатт, киловольт, ампердин бири-биринен айырмасын билбеген кызматкерлерди көрүп жатабыз. Энергетика системасын түшүнгөн билимдүү адистердин жетишпестиги өлкөдөгү кризистин пайда болушуна жол ачты. Анткени туура эмес башкаруу энергетиканы кыйратышы мүмкүн. Кыргызстанда жети гидроэлектростанция, эки жылуулук электр борборун кошкондо жылына 15 миллиард киловатт-саат электр энергиясы өндүрүлөт. Ошонун 15 пайызы жоготууга кетет экен. "Кыргызэнерго" болуп турганда бул көрсөткүч алты пайызга жетчү. Демек, система туура эмес башкарылууда", — деди Сапарбаев.

Ошондой эле адис Кыргызстандын энергетика тармагындагы инвестициялык долбоорлорго деп берилген эки миллиард доллардан көп суммадагы акчадан натыйжа болбогонун кошумчалады.

43
Белгилер:
энергетика, кадрлар, инвестициялар, ГЭС
Тема боюнча
Суу тартыштыгы. Министрлик элди көмүр менен газ камдоого чакырды
Евразиялык интеграциялык изилдөө жана коммуникация борбору кеңешинин төрагасы Данил Ибраев

Ибраев: ЕАЭБден экспорттоло турган товарларга эч кандай чектөө жок

10
Евразиялык интеграциялык изилдөө жана коммуникация борбору кеңешинин төрагасы Данил Ибраев ЕАЭБ 14 мамлекет менен келишимдер аркылуу мамилени чыңдап жатканын белгиледи.

Евразиялык экономикалык биримдиктин ичине кире турган товарларга атайын талаптар болгону менен уюмдан чыга турган товарларга эч кандай чектөө жок. Бул тууралуу Данил Ибраев Sputnik Кыргызстан радиосунда маек куруп жатып билдирди.

Ибраев: ЕАЭБден экспорттоло турган товарларга эч кандай чектөө жок

Анын айтымында, ЕАЭБдин ичиндеги техникалык регламенттер дүйнөлүк стандарттарга жакындаштырылган.

"Евразиялык экономикалык биримдик 14 мамлекет менен ар кандай келишимдер аркылуу алака түзүүдө. Бул жерден белгилей кетүүчү жагдай, ЕАЭБге товарлар бирдиктүү бажы төлөмдөр жана сапаттык талаптарга ылайыкталып киргизилет. Бирок уюмдан чыгарыла турган товарларга эч кандай чектөө коюлган эмес. Мисалы, ЕАЭБден Кытайга экспорттоло турган болсо Кытайдын стандарттарына тууралаш керек. Дагы башка уюмга же өлкөгө товар сатылса, ошолордун стандарттарына ылайыкташтырылат. Бул уюмга мүчө өлкөлөрдүн жарандарын сапаттуу, коопсуз товарлар менен камсыздоого багытталган. Балким мурда бул техникалык стандарттар колдонулбай келген чыгаар. Ошол эле учурда ал товарларды ким колдонуп жатканын ойлонуп коюшубуз керек. Алар өзүбүздүн эле жарандар. Демек, алар стандартка ылайыкталган, сапаттуу товарларды колдонушу зарыл", — деди Ибраев.

Ошондой эле Кыргызстан уюмдун алкагында көптөгөн иштерди аткаруу керектигин кошумчалады.

Подкастты толугу менен видеодон көрө аласыз:

10
Белгилер:
Данил Ибраев, Евразиялык экономикалык биримдик, стандарт, экспорт
Тема боюнча
ЕАЭБ өлкөлөрү жыл аягына чейин бири-биринин электрондук кол тамгасын тааныйт
Боом жолу. Архив

Эскертүү! 20-сентябрдан тарта төрт күнгө Боомдо кыймыл чектелет

0
Жол тазалоо учурунда ары-бери каттаган автоунаалар үчүн трассанын бир тарабы ачык болору айтылды.

БИШКЕК, 17-сен.— Sputnik. Боом капчыгайында келе жаткан жумада таш кулатуу иштери башталарын "Кыргыз темир жолу" улуттук компаниясынан билдирди.

Жолчулар 20-сентябрдан 24-сентябрга чейин Бишкек — Нарын — Торугарт жолунун 131-чакырымында, тагыраагы, Боом капчыгайында таш кулатуу иштерин жүргүзөт. Мындай иштер таш кулап, кооптуулук жараткан кырдаалды алдын алуу максатында жүргүзүлүп келет.

Аталган иштер күндүз саат 9:00дөн 15:00гө чейин болот. Жолду тазалап жатканда ары-бери каттаган автоунаалар үчүн трассанын бир тарабы ачык болору айтылды.

0
Белгилер:
жол, Боом капчыгайы, эскертүү
Тема боюнча
Бишкектин 22 көчөсүнө асфальт төшөлүп жатат. Тизме