Депутат Каныбек Иманалиев

Иманалиев: президенттик башкаруу болсо эле парламентти талкалоо туура эмес

68
Жогорку Кеңештин "Ата-Мекен" фракциясынын депутаты Каныбек Иманалиев демократиянын кепилдиги болуп президент эмес парламент эсептелерин айтты.

Өлкөдө акыркы алты ай парламентаризмди талкалоонун доору болду. Мындай пикирин Каныбек Иманалиев Sputnik Кыргызстан радиосунда маек куруп жатып билдирди.

Иманалиев: президенттик башкаруу болсо эле парламентти талкалоо туура эмес

Анын айтымында, дүйнөдө парламентсиз, бирок демократиясы бар бир дагы өлкө жок. Тескерисинче, президенти жок демократияда жашап келе жаткан Улуу Британия жана Япония мамлекеттери эсептелет.

"Биздин саясий элитада президенттик өлкө болсо эле парламентти талкалаш керек деген түшүнүк пайда болду. Эң күчтүү президенттик башкаруу болгон Америка, Россия, Түштүк Корея жана Францияда да мындай көрүнүш жок. Мисалы, Россияда акыркы референдумда парламентке эбегейсиз укуктар берилди. Америкада парламент президентке импичмент жарыялай алат. Түштүк Кореяда эл шайлаган президентти депутаттар алып түшүп, түрмөгө камалды. Ал эми бизде эмне болуп жатат? "Министрлер кабинети жөнүндө" мыйзам долбооруна ылайык, парламенттин кезексиз сессиясын премьер-министр чакырат экен. Анан да министрлер кабинети президенттин гана тапшырмасын аткарат деп жазылып жатат. Бул эми ажонун өзүнө кызыкпы? Өзү дайындап, кайра өзү көзөмөлдөп, балким элге 90 депутаттын көзөмөлдөгөнү пайдалуудур. Анан да акимдерге, министрлерге кол тийбестик сунушталып жатат. Укуктук өлкөдө мындай болбош керек",— деди Иманалиев.

Депутат акимдик институтту бекемдөө үчүн алардын айлык маянасын көтөрүп, ротациялангандарынын турак жай маселесин чечип жана райондук деңгээлдеги структуралардын жетекчилерин анын макулдугу менен дайындоо укугун берүү жетиштүү болорун кошумчалады.

Эске сала кетсек, президент тарабынан "Министрлер кабинети жөнүндө" мыйзам долбоору сунушталып, ал 22-июлда эл өкүлдөрүнүн кескин сынына кабылып, кайрадан редакциялоого артка кайтарылган.

Подкасттын толук вариантын видеодон көрүңүз:

68
Белгилер:
Каныбек Иманалиев, мыйзам долбоору, укук, өлкө
Тема боюнча
Сыйлыгы болсо камалбайт. Министрлер кабинетинин мүчөлөрүнө каралган кепилдиктер
Енвойс Вижион Диджитал Эксчейндж ААК универсалдык биржасынын башкаруучулугунун төрагасы Алмаз Шабданов

Шабданов: Кыргызстанда криптобиржалардын ишмердүүлүгү боюнча мыйзам керек

17
"Енвойс Вижион Диджитал Эксчейндж" ААК универсалдык биржасынын башкаруучулугунун төрагасы Алмаз Шабданов Кыргызстанда криптобиржаларга укуктук талаанын түзүлүшү ишкерлерге мүмкүнчүлүктөрдү ачарын айтты.

Криптобиржалардын ишмердүүлүгү тууралуу мыйзам кабыл алынса ачык-айкын иштөөгө өбөлгө түзүлөт. Мындай пикирин Алмаз Шабданов Sputnik Кыргызстан радиосунун эфиринде маек куруп жатып билдирди.

Шабданов: Кыргызстанда криптобиржалардын ишмердүүлүгү боюнча мыйзам керек

Анын айтымында, Кыргызстанда чет элдик жарандар үчүн криптобиржаларда соода жүгүртүп, инвестиция тартуу аянтчасы түзүлсө мамлекет үчүн да киреше булагы болуп бере алат.

"Бүгүнкү күнгө чейин Кыргызстандагы криптобиржалардын ишмердүүлүгү тууралуу укуктук талаанын жок болгондугуна байланыштуу ишкерлерде көп көйгөйлөр жаралып келген. Ири компаниялар да мыйзам кабыл алынбаган аянтчага этикалык жактан кирүүгө батынбайт. Коопсуздук маселеси да аларды тынчсыздандыргандыктан тобокелчиликке барбайт. Эми Финансы рыногун жөнгө салуу жана көзөмөлдөө боюнча мамлекеттик кызмат тарабынан криптобиржалардын ишмердүүлүгү тууралуу жобо иштелип чыкты. Ага бул тармактын өкүлдөрү, мамлекеттик органдар да катышып, атайын мыйзам кабыл алуу боюнча чаралар көрүлүп жатат", — деди Шабданов.

Ошондой эле адис криптобиржалардын ишмердүүлүгүн жакшыртуу үчүн коңшу өлкөлөрдүн да рыногун карап туруу керектигин кошумчалады.

Подкасттын толук вариантын видеодон көрүңүз

17
Белгилер:
Алмаз Шабданов, биржа, криптовалюта, мыйзам
Тема боюнча
500дөй майнинг-ферма иштеткен кыргызстандык жаран кармалды
Санариптик өнүктүрүү министрлигинин алдындагы Унаа мамлекеттик ишканасынын директорунун орун басары Бакытбек Шералиев

Шералиев: төрт айдын ичинде 50 миңдей автоунаа кайра каттоодон өттү

19
Санариптик өнүктүрүү министрлигинин алдындагы "Унаа" мамлекеттик ишканасынын директорунун орун басары Бакытбек Шералиев төрт айдын ичинде болжол менен 50 миңдей автоунаа кайра каттоодон өткөнүн айтты.

Салык кызматынын төртүнчү группадагы автоунаа салыгын төлөбөгөн айдоочулардын машинасы кайра каттоодон өткөрүлбөйт. Бул тууралуу Бакытбек Шералиев Sputnik Кыргызстан радиосунун  эфиринде маек куруп жатып билдирди.

Шералиев: төрт айдын ичинде 50 миңдей автоунаа кайра каттоодон өттү

Анын айтымында, жыл башынан бери 20 миңдей жаңы автоунаа каттоого алынган.

"Автоунааларды кайра каттатуу өнөктүгүнүн алкагында автомашинасынын номерин алмаштырбай кайра каттоодон өткөргөн айдоочулар 500 сом төлөйт. Ал эми номерин алмаштырууну кааласа 1 400 сом болот. Улуттук кампания учурунда 0,3 пайыздык чогултма төлөмү алынбайт. Учурда төрт айдын ичинде болжол менен 50 миңдей автоунаа кайра каттоодон өттү. Ал эми жыл башынан бери 20 миңдей жаңы автоунаа каттоого алынды. Мындай машиналар ЕАЭБ өлкөлөрүнүн аймагынан Кыргызстандын чек арасына өткөрүлгөндө салык кызматынын постунан товарга декларация алышы керек. Андан тышкары, 10 күндүн ичинде сөзсүз бизге катталышы зарыл. Мындай талап Прибалтика, Грузия, Корея өңдүү чет мамлекеттерден келген автоунааларга да тиешелүү. Жарандар бул талапты аткарбай 20-30 күндөп жүрүп алып жатышат. Айып пул көйгөйү жана башка автоунаага байланыштуу маселелерге кептелбеш үчүн айдоочуларды аталган акциядан пайдаланып өз атына каттатып алууга чакырам. Унааны каттоодо коррупциялык көрүнүштөрдү байкаган учурда жарандар Санариптик өнүктүрүү министрлигине же "Унаа" мамлекеттик ишканасына кайрылса болот. Ошондой эле 119 номерине чалыңыздар", — деди Шералиев.

Адис үстүбүздөгү жылдын 1-июнунда башталган автоунааларды кайра каттатуу өнөктүгү 31-декабрга чейин уланарын кошумчалады.

19
Белгилер:
унаа, ишкана, каттоо, кампания
Тема боюнча
Коррупцияга жол бербеңиз! "Унаа" ишканасынын кызмат акылары
Марафондун катышуучулары. Архив

5 миң киши чуркаган марафондон түшкөн каражат кайда жумшалат. Видео

0
Toyboss Snow Leopard Run — 2021 жарым марафонунун уюштуруучулары андан түшкөн акчага егерлерге автоунаа сатып баерүүнү пландап жатышат.

БИШКЕК, 26-сен. — Sputnik. Бишкекте ак илбирсти сактоого багытталган эл аралык Toyboss Snow Leopard Run — 2021 жарым марафону өттү.

Иш-чарага 5 миңден ашык киши катышты. Катышууга төлөнгөн каражат илбирсти жана экосистеманы коргоо боюнча глобалдык программага (GSLEP) которулат. Былтыркы марафондогу каражатка ар бири 500 доллардан турган 35 фотокапкан сатып алынган. Быйыл уюштуруучулар уюмдун жетекчилери жана токойчулар үчүн эки "Нива" автоунаасын алып берүүнү көздөп жатат. Анткени аларга тоолуу аймактарда жөө жүрүү кыйынчылык жаратууда.

Жарыш "Ала-Тоо" аянтынан башталып, жөө күлүктөр калаанын негизги көчөлөрүн айланып 5, 14 жана 21.1 чакырым аралыкка чуркашты. Ошондой эле 3төн 10 жашка чейинки балдар да катышты. 10 жаштан жогорку балдар 1 чакырымга, 14 жаштан өткөндөр 5 чакырымга чуркады.

0
Белгилер:
Бишкек, марафон, каражат, жардам, ак илбирс
Тема боюнча
Ошто COVID баштаган ооруларды алдын алууга арналган марафон өттү. Сүрөттөр