Жогорку Кеңештин КСДП фракциясынын депутаты Аалы Карашев

Карашев: өкмөт чечимди тезирээк кабыл алуусун мыйзамга киргизиш керек

34
Жогорку Кеңештин КСДП фракциясынын депутаты Аалы Карашев министрлер кабинети чечимдерди батыраак кабыл алуусун мыйзамга киргизип, аны так көрсөтүү зарылдыгын айтты.

Өкмөттүн бир чечимди кабыл аларда макулдашуусу эле көбөйүп кетет. Тиги ведомство, бул орган менен макулдашып отуруп, кээ бир учурда жети, сегиз ай күттүрүп коюшат. Андыктан министрлер кабинетине чечим кабыл алуусуна бир белгилүү мөөнөт бекитип, мыйзамга киргизиш керек. Мындай пикирин Аалы Карашев Sputnik Кыргызстан радиосунда маек куруп жатып билдирди.

Карашев: өкмөт чечимди тезирээк кабыл алуусун мыйзамга киргизиш керек

Анын айтымында, айыл өкмөттөрдүн жетекчилерин акимдер дайындагыдай кылбай, тескерисинче, конкурстук негизде өткөрүү абзел. Ошондо ачык-айкындуулук камсыздалып, тааныш-билиши жок билимдүү жаштар да катыша алат.

"Министрлер кабинети жөнүндө мыйзам долбоору райондук администрациядагы президенттин өкүлүнүн колун узартуу максатында сунушталган, бирок мүчүлүштүктөрү көп. Биринчи кезекте акимдерге укукту берүүдөн мурда аларга бюджет бөлүп бериш керек. Жөн гана айлык акыга кетүүчү каражат менен чектебей, өнүктүрүүчү бюджети болсо анан укугун кеңейтип, милдет артсак болот. Алар фонддору менен отурушат. Азыр мына ушул сыяктуу маселелерге көңүл буруп, мамлекеттик кызматкерлердин колу-бутун буубай аларга тиешелүү мыйзамдарды тезирээк кабыл алып беришибиз керек. Анткени мамлекеттик, муниципалдык жүздөгөн кызматкерлер мындан ары кандай иштешин билбей күтүп отурушат", — деди Карашев.

Депутат ишкерлерди текшерүүчү органдарды сегиз министрликке чачыратып бөлүп салуу, тескерисинче, бизнестин өнүгүшүнө кедергисин тийгизерин кошумчалады.

Эске сала кетсек, президент тарабынан "Министрлер кабинети жөнүндө" мыйзам долбоору сунушталып, ал 22-июлда эл өкүлдөрүнүн кескин сынына кабылып, кайрадан редакциялоого артка кайтарылган.

Подкасттын толук вариантын видеодон көрүңүз:

34
Белгилер:
Аалы Карашев, мыйзам долбоору, реформа, кемчилик
Тема боюнча
Иманалиев: президенттик башкаруу болсо эле парламентти талкалоо туура эмес
Саясат таануучу Шерадил Бактыгулов. Архивдик сүрөт

Бактыгулов: преференциялуу система партиянын ичиндеги интриганы күчөтөт

23
Саясат таануучу Шерадил Бактыгулов шайлоонун жыйынтыгы ар бир жарандын жоопкерчилигинен көз каранды экенин белгиледи.

Преференциялуу шайлоо системасы партиянын ичиндеги интриганы күчөтөт. Анткени алар партиялаш эмес, атаандаш болуп калат. Бул тууралуу Шерадил Бактыгулов Sputnik Кыргызстан радиосунда маек куруп жатып билдирди.

Бактыгулов: преференциялуу система партиянын ичиндеги интриганы күчөтөт

Анын айтымында, мындан улам депутат болууга үмүттөнгөндөрдүн ортосунда маалыматтык согуш күч алышы ыктымал.

"Преференциялуу шайлоо системасы партия ичиндеги интриганын күч алышына шарт түзөт. Анткени партиянын ичиндеги 54 талапкер кесиптеш эмес, бири-бири менен атаандаш. Саясий партия аркылуу аттанып жатканы үчүн каражатты азыраак коротот. Себеби бир мандаттуу шайлоо округунан талапкер болгондор өз чөнтөгүнөн акча чыгарышат. Ал эми партиядан аттанганда жалпы каражаттан төлөнөт. Бул жагынан алганда партиянын ичинен бир-эки кишинин гана электораты бар болсо, калгандары добуш үчүн күрөшүшү керек. Мисалы, үч талапкер өз аймактарынан беш миңден добуш алып келсе, кимисине мандат бериле турганы кантип чечилет? Ушундайлардан 20 адам болсочу? Албетте, бири-бирин коркутуп, каражат берип интрига жүргүзүш керек болот. Мына ушул жагдайлар толугу менен чечилген эмес. Ошондуктан алдыда келе жаткан шайлоодо партиялар арасында, ошондой эле партиянын ичинде дагы маалыматтык согуш күч алат", — деди Бактыгулов.

Саясат таануучу көптөр шайлоого катышпаганы үчүн сабатсыз депутаттар шайланып жатканын кошумчалады.

Подкастты толугу менен видеодон көрө аласыз:

23
Белгилер:
Шерадил Бактыгулов, шайлоо, саясат, саясый партия
Тема:
Жогорку Кеңешке жаңы тартип менен болчу шайлоо
Тема боюнча
Усупбекова: округдук шайлоого катышуу үчүн бир жерде үч ай жашоо керек
Инвестиция министрлигинин инвестиция тартуу бөлүмүнүн башчысы Нурлан Арипов

Арипов: жарым жылда инвестициянын көлөмү 95,4%га өстү

14
Инвестиция министрлигинин инвестиция тартуу бөлүмүнүн башчысы Нурлан Арипов чет өлкөдөн келген акчанын көлөмү жарым жылда 95,4 пайызга өскөнүн айтты.

Быйыл сырттан кирген жалпы инвестициянын көлөмү 321 миллион 230 миң долларды түздү. Мындай маалыматты Нурлан Арипов Sputnik Кыргызстан радиосунун эфиринде маек куруп жатып билдирди.

Арипов: жарым жылда инвестициянын көлөмү 95,4%га өстү

Анын айтымында, инвестициялардын көбү Кытай, Түркия, Улуу Британия, Канада, Швейцариядан келген.

"Былтыркыга салыштырмалуу, расмий статистика боюнча, чет өлкөдөн келген инвестициянын көлөмү жарым жылда 95,4 пайызга өстү. Былтыр ушул алты айдын ичинде 164 миллион 370 миң доллар болгон. Инвестициялар көбүнчө Кытай, Түркия, Улуу Британия, Канада, Нидерланд жана Швейцариядан келген. Алсак, Кытайдан 101,9 миллион доллар, Түркиядан 62 жана Улуу Британиядан 32,3 миллион доллар келип түштү. МЫндан тышкары, КМШ өлкөлөрүнөн кирген инвестиция жалпы 269,9 миллионду түзгөн. Алардын ичинен Россия менен Казакстандан эң көп суммадагы инвестиция тартылган. Мамлекет башчы иш сапарларын Россия жана Казакстандан баштагандыктан, анын натыйжасы бул тармакта жакшы болууда", — деди Арипов.

Ошондой эле жетекчи сырттан келген инвестициянын эң көп бөлүгү Жалал-Абад облусуна туура келип, 138, 3 миллион долларды түзгөнүн кошумчалады.

14
Белгилер:
инвестициялар, инвестициялык абал, экономика, финансы, Нурлан Арипов
Тема боюнча
Пандемия учурунда Кыргызстанга кайсы өлкөлөр акча салды? Тизме
Президент Садыр Жапаров. Архив

Жапаров экономикадагы өзгөчө кырдаал тууралуу мыйзам долбоорду ЖКга кайтарды

0
(жаңыланган 19:30 27.09.2021)
Мыйзам долбоору экономика жана финансы министри Акылбек Жапаров тарабынан демилгеленген. Бизнес коомчулугу документ эч кандай коомдук талкуусуз эле кабыл алынып жатканына нааразычылык билдирген.

БИШКЕК, 27-сен. — Sputnik. Өлкө башчы Садыр Жапаров "Экономиканын өзгөчө кырдаал чөйрөсүндө айрым мыйзам актыларына өзгөртүүлөрдү киргизүү жөнүндө" мыйзамды каршы пикири менен Жогорку Кеңешке кайра кайтарды. Бул тууралуу президенттин маалымат кызматы билдирди.

Мындай чечимдин кабыл алынышына эмне себеп болгону азырынча айтыла элек.

Экономикага чукул кырдаал киргизүү боюнча мыйзам долбоорун экономика жана финансы министри Акылбек Жапаров демилгелеген. Анын айтымында, бул сунуш пандемиянын Кыргызстандын экономикасына тийгизген терс таасиринен улам берилген. Министр өзгөчө кырдаал режими министрлер кабинетине салык ставкаларын жана салыктык администрациялоону өзгөртүүгө, ошондой эле зарыл болгон учурда бюджетти парламенттин уруксатысыз бөлүштүрүүгө мүмкүндүк берерин түшүндүргөн. Каникулга кетер алдында депутаттар долбоорду үч окууда жактырган.

Ишкерлер мыйзам долбоорунун демилгечилери бизнес коомчулугунун макулдугусуз эле президентке кол койдурууга аракет кылып жатканын белгилешти. Кээ бир эксперттердин пикиринде, эгер экономикага чукул кырдаал киргизилсе, мамлекеттик органдар бизнес объектилерин жабууга, ошондой эле бир миллион сом айып салууга мүмкүнчүлүк алышат. Бизнес коомчулугу президентти бул мыйзам долбооруна кол койбоого чакырат.

0
Белгилер:
экономика, мыйзам долбоору, президент, каршылык, пикир
Тема боюнча
Быйыл көмүрдүн баасы кандай болот? Кара алтындын наркына сереп
Арипов: жарым жылда инвестициянын көлөмү 95,4%га өстү
Баасы дагы өсүүдө. Өтүмдүү автоунаалар тууралуу инфографика