Техника илимдеринин кандидаты, доцент Гүлжигит Токтошов

Токтошов: саясий кызматтагыларга илимий даража берилбеши керек

168
(жаңыланган 14:09 13.08.2021)
Техника илимдеринин кандидаты, доцент Гүлжигит Токтошов илимий даража алууда жаштарды тартуу механизмдерин иштеп чыгуу зарылдыгына токтолду.

Илимдин сапатын арттыруу үчүн үч негизги маселеге көңүл буруу зарыл. Анын биринчиси саясий кызматты аркалагандарды илим изилдөө иштеринен оолактатуу керек. Анткени илим жактоого адам баш-оту менен кирген учурда гана пайдалуу эмгек жаралат. Мындай пикирин Гүлжигит Токтошов Sputnik Кыргызстан радиосунда маек куруп жатып билдирди.

Токтошов: саясий кызматтагыларга илимий даража берилбеши керек

Анын айтымында, илимпоздордун саны кыскарып кетет деп чочулабай, сапатын көтөрүүгө аракет көрүү зарыл.

"Башкаруу системасында жүрүп эле бир карасаң илимдин доктору, профессор болуп чыга келишет. Алар илимге кандай салым кошту деп ойлойсуң. Бул эки багытты бирдей алып кетүү дээрлик мүмкүн эмес. Анткени илим жактоого баш-отуң менен сүңгүп кирүү керек. Экинчиден, калыстык деген кайда? Өмүр бою ийне менен кудук казгандай илим изилдеп жүргөн адамдын эмгеги өтпөй, саясий кызматты аркалаган киши дароо эле илимий даражага ээ болуп калууда. Ошондой эле илимий изилдөө жүргүзүүгө жаш курак боюнча чектөө киргизүү учур талабы. Ооба, Советтер Союзу мезгилинде илимий даража алган ага, эжелерибиздин эмгеги чоң, аны тана албайбыз. Алар өз кезегинде жемишин берген. Бирок илим да ордунда токтоп турбай өнүгүшү зарыл да. Ал үчүн азыркы заман талабына ылайыктуу багыттарга басым жасап, жаштарды тартып, прикладдык илимди кошо ала жүрүү абзел. Бул жерде бюджеттен бөлүнгөн каражат да ушул тандалып алынган жаш окумуштууларга багытталышы керек. Ал эми калган окумуштуулар үчүн башка программа иштелип чыгабы, бул өзүнчө маселе", — деди Токтошов.

Илимпоз үчүнчү көйгөй катары тууган-урук, тааныш-билиши аркылуу илимий даражага жетүү аракеттерин атап, бул көрүнүштү ооздуктоо мезгил талабы экенин кошумчалады.

168
Белгилер:
илим, интеграция, Кыргызстан
Тема боюнча
Иргашев: айыл чарба адистиктерине кызыккандар көбөйдү
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: быйыл кылмыштуулук былтыркыга караганда 26,4%га өстү

32
(жаңыланган 14:18 22.10.2021)
Ички иштер министрлигинин тергөө кызматынын улук тергөөчүсү Азамат Дүйшөналиев 2021-жылдын тогуз айында кылмыштуулуктун саны былтыркыга салыштырмалуу 26,4 пайызга көп катталганын айтты.

Былтыр өлкөдө 52,4 миң кылмыш катталса, бул жылы 66,2 миң мыйзам бузуу аныкталды. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: быйыл кылмыштуулук былтыркыга караганда 26,4%га өстү

Анын айтымында, кылмыштуулукту алдын алуу иштеринин алкагында быйыл 19,2 миң фактынын бети ачылып, былтыркыга салыштырмалуу 5,9 миң ишке көп болгон.

"2021-жылдын тогуз айында ички иштер органдарынын кызматкерлери тарабынан былтыркыга салыштырмалуу 13 840 фактыга көп катталган. Былтыр өлкөдө 52,4 миң кылмыш катталса, бул жылы 66,2 миң кылмыш аныкталып, ал 26,4 пайызга көп болгон. Кылмыштуулукту алдын алуу иштеринин алкагында өткөн жылга караганда көп фактынын бети ачылган. Алсак, 2020-жылы 13 062, быйыл 19 023 кылмыштын бети ачылды. Алардын көбү уурулук жана алдамчылык фактылары. Үстүбүздөгү жылы алдамчылык фактысы боюнча 9 119 иш белгилүү болду", — деди Дүйшөналиев.

Ошондой эле адис ушул жылы 142 адам өлтүрүү фактысы катталып, өткөн жылга салыштырмалуу 20 учурга көп болгонун кошумчалады.

32
Белгилер:
мыйзам, тергөө, ИИМ, Азамат Дүйшөналиев
Тема боюнча
Кыргыз-тажик чек арасындагы чыр. ИИМ иликтөөсүнүн жыйынтыгы эмне болду
Төлөмүш Океев атындагы Кыргызфильм киностудиясынын директору Акжол Бекболотов

Бекболотов: 2,5 жылда миңге жакын эски фильм санариптештирилет

12
(жаңыланган 14:13 22.10.2021)
Төлөмүш Океев атындагы "Кыргызфильм" киностудиясынын директору Акжол Бекболотов улуттук киностудия эски тасмаларды санарипке өткөрүп, узак убакытка сактоо мүмкүнчүлүгүнө ээ болгонун айтты.

Эски пленкага тартылган тасмаларды санариптештирүү маселеси азыр гана көтөрүлүп калган жок. Бул тууралуу мага чейинки жетекчилер дагы ойлонгон. Болгону менин багыма жабдыктардын баасы мурдагыдан арзандап, аталган маселени чечүү жолу табылып калды. Азыр санариптештирүүнү Болот Шамшиевдин картиналарынан баштадык. Бул тууралуу Акжол Бекболотов Sputnik Кыргызстан радиосунун эфиринде маек куруп жатып билдирди.

Бекболотов: 2,5 жылда миңге жакын эски фильм санариптештирилет

Анын айтымында, учурда киностудияда миңге жакын тасма бар.

"Кыргызфильм" киностудиясында эгер кырсык чыгып кетсе көптөгөн баалуу архивдик материалдарды жоготуп алуу коркунучу бар эле. Эски пленкага тартылган тасмаларды санариптештирүү маселеси мен билгенден 2010-жылдан бери көтөрүлүп келет. Мурда мындай жабдыктар өтө эле кымбат болгондуктан жетекчилер техниканы ала албай келишкен. Киностудияга жетекчи болуп келгенден кийин мен дагы биринчи кезекте ушул маселенин чечүү жолдорун издеп баштадым. Ошентип Түркиянын кызматташтык жана өнүктүрүү агенттигине кат жолдодук. Алар кыргыз киностудиясында чындап эле баалуу архивдик материал жатканын түшүнүп, Blackmagic Cintel Scanener сканеринин толук комплексин (UPS-үзгүлтүксүз электр менен камсыздоо, катуу диск) алып берди. Эң акыркы технологиянын негизинде түзүлгөн жаңы техникалык жабдуунун аркасында киностудия пленкада тартылган картиналарды жогорку сапатта санариптештирүү мүмкүнчүлүгүнө ээ болду. Бул эски фильмдердин узак сакталышына өбөлгө түзөт. Ошону менен бирге аталган жабдыктын DaVinci Resolve деген программасынын жардамы менен тасмадагы чийик, ар кандай тактарды алып салып, реставрация кылса болот. Программа ак-кара түстөгү тасмага өң бере алат. Бирок биз фильм жаратуучулардын автордук укугун бузбастан кандай болсо ошол бойдон калтырууну чечтик. Архивдеги миңге жакын эски фильмдерди 2,5 жылдын ичинде санариптештирүүнү пландап жатабыз", — деди Бекболотов.

Ал санариптештирилген жогорку сапаттагы картиналар телеканалдар аркылуу көрсөтүлөрүн кошумчалады.

12
Белгилер:
кино, санарип, реставрация, Акжол Бекболотов
Тема боюнча
"Кыргызфильмдеги" шедевр кинолорду санариптөөгө мүмкүнчүлүк түзүлдү
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт