Кыргызстандын банктар союзунун төрагасы, экономика илимдеринин кандидаты, доцент Анвар Абдраев

Абдраев: салык мыйзамдары жөнөкөй жазылышы абзел

25
Кыргызстандын банктар союзунун төрагасы, экономика илимдеринин кандидаты, доцент Анвар Абдраев салык мыйзамдары ар бир жаранга жеткиликтүү жазылышы зарылдыгын айтты.

Салык боюнча мыйзамдар даярдалып жатканда жумушчу топтогу кээ бир эксперттер атайын татаалдаштырып жазышат. Андай түшүнүксүз тексттерде салык төлөөчүгө ыңгайсыз бир учурлар көз жаздымда калат. Бул тууралуу Анвар Абдраев Sputnik Кыргызстан радиосуна маек куруп жатып билдирди.

Абдраев: салык мыйзамдары жөнөкөй жазылышы абзел

Анын айтымында, салык төлөөчүлөр өздөрү мамлекетке берип жаткан каражат кайсы жакка эмне максатта жумшаларын билип турууга укуктуу.

"Азыр салык мыйзамдарына өзгөртүүлөр киргизилип жатат. Жыйынтыгында кандай жазылганын көрөбүз. Негизи салык мыйзамдары абдан жөнөкөй, жатык тилде жазылышы шарт. Аны үйдө отурган ар бир кожойке бир окуп эле түшүнүп ала турган тилде болгону жакшы. Төлөп жаткан салыгы кайда кетип жатканын ар бир адам билип турушу керек. Айрым учурларда мыйзам жазган жумушчу топтор атайын татаалдаштырып жазышат. Максаттары ушундай, түшүнүксүз тексттерге салык төлөөчүгө ыңгайсыз болгон бир учурларды кошуп кетүү. Мындай болбошу керек", — деди Абдраев.

Экономист салык мыйзамдары өзгөргөндө бир эле өлкө казынасына эмес, салык төлөөчүгө да жеңилдик боло турган шарттар эске алынышы зарылдыгын кошумчалады.

25
Белгилер:
банк, мыйзам, салык, каражат, Анвар Абдраев
Тема боюнча
Жапаров: ЕАЭБ алкагында соода-сатык үчүн чек араларды жоюу зарыл
Психолог, психология илимдеринин кандидаты, доцент Маматали Мурзаев

Мурзаев: үй-бүлөдө ынтымак болушу үчүн күн сайын күрөшүү керек

7
Психолог, психология илимдеринин кандидаты, доцент Маматали Мурзаев илим-билим алып жаткан жаштардын арасында үй-бүлө куруу боюнча жаман тенденция бар экенин айтты.

Аялдын жана эркектин психологиясынын ар башка болушу үй-бүлөдө татаал кырдаалды жаратат. Үйдө жакшы мамиле, ынтымак, түшүнүү болуу үчүн күн сайын күрөшүү керек. Бул тууралуу Маматали Мурзаев Sputnik Кыргызстан радиосунун эфиринде маек куруп жатып билдирди.

Мурзаев: үй-бүлөдө ынтымак болушу үчүн күн сайын күрөшүү керек

Анын айтымында, жубайлар бири-биринин кемчилигинин үстүнөн иштеши керек.

"Илгертеден эле жар тандоо укугу эркектерде болгон. Салт боюнча ата-эне таптап берүүсү керек эле. Кийин жубай тандоо толугу менен эркектерге өттү. Алар биринчи кезекте кыздардын сулуулугун, дене түзүлүшүн, анан ден соолугун карашат да, андан кийин гана ортодогу мамиле, жашоодогу кызыгуулары, көз караштарынын шайкеш келүүсүнө маани беришет. Булар үй-бүлө курууга, туура жар тандоого негиз боло албайт. Мисалы, сүйүүнү алсак, анын негизги кызматы жигит менен кызды бири-биринин айрым кемчиликтерин көрсөтпөй жакындатуу. Үй-бүлө кургандан кийин жубайлардын мамилеси кыз-жигиттин сүйүүсүнөн да жогору турат. Алардын каны-жаны бир болуп калат. Сүйүшкөндөрдүн каны-жаны бир болбойт. Алар бири-бирине умтулуп гана турат. Аларды ажыраштырып салуу да оңой. Европалык маданиятты көрүп калган кыздар "мен бактылуу болушум керек" дешет. Анын бактылуулук боюнча түшүнүгү күйөөсү, кайнатасы, кайненесинин көз карашы менен дал келбей калышы мүмкүн. Азыр илим-билим алып жаткан жаштардын арасында жаман тенденция бар. Карьера куруп, бутка турушум керек дешет. Алар бутка тургуча жашы өтүп, 30га чыгат. Бул куракта бала-чакалуу болуу татаал жана баланын ден соолугу начар төрөлүшү мүмкүн. Мунун баары эске алынбай калып жатат", — деди Мурзаев.

Психолог жар тандоодо мүнөзү жагынан шайкеш келүүсүн аныктап алуу маанилүү экенин кошумчалады.

Подкасттын толук вариантын видеодон көрүңүз:

7
Белгилер:
үй-бүлө, психология, жар, тандоо, Маматали Мурзаев
Тема боюнча
Тапкан акчасын туугандарына чачып чарчатты. Жолдошуна көз каранды келиндин каты
Бишкек Жылуулук электр борборунун башкы инженеринин орун басары Нурлан Кулжыгачов

Кулжыгачов: Бишкек ЖЭБи күзгү-кышкы жылытуу мезгилине даяр

10
Бишкек Жылуулук электр борборунун башкы инженеринин орун басары Нурлан Кулжыгачов Бишкек ЖЭБ күзгү-кышкы жылытуу мезгилине даярдык пландык негизде аткарылып жаткандыгын айтты.

Күз-кыш мезгилинен өтүү үчүн Бишкек шаарынын ЖЭБине жалпысынан 1 миллион 650 миң тонна көмүр керек. Мындай маалыматты Нурлан Кулжыгачов Sputnik Кыргызстан радиосунун эфиринде билдирди.

Кулжыгачов: Бишкек ЖЭБи күзгү-кышкы жылытуу мезгилине даяр

Анын айтымында, калкты, анын ичинде социалдык жана башка объектилерди үзгүлтүксүз электр энергиясы жана жылуулук менен камсыз кылуу үчүн тынымсыз иштер жүрүүдө.

"Келе жаткан 2021-2022-жылдагы күз-кыш жылытуу мезгилине өкмөттүн токтому боюнча 1 миллион 650 миң тонна көмүр керек. Анын бир миллион тоннасы жергиликтүү Кара-Кече көмүрү болсо, 643 миң тоннасы импорттолот. Учурда келишимдин баары түзүлүп, коюлган графиктин негизинде келип жатат. Кампада 225 миң тонна көмүр бар. Мындан тышкары, биздин ишканада 17 буу казан, тогуз буу агрегатыбыз бар. От казандарды жана турбогенераторлорду оңдоо белгиленген мөөнөтүндө аткарылып жатат", — деди Кулжыгачов.

Ошондой эле адис Бишкек Жылуулук электр борбору республикадагы электр энергиясынын 15 пайызын камсыз кыларын кошумчалады.

Подкасттын толук вариантын видеодон көрүңүз:

10
Белгилер:
Бишкек, жылуулук, электр жарыгы, жылытуу маалы, ысык суу
Тема боюнча
Суу тартыштыгы. Министрлик элди көмүр менен газ камдоого чакырды

"Нокауттардын ханышасы". Шевченко UFC уюмун кантип багындырган. Видео

0
(жаңыланган 12:24 20.09.2021)
Аралаш мушташ спортун чагылдырган белгилүү ERA MMA интерактивдик журналы Валентина Шевченконун карьерасы тууралуу видео жарыялады.
"Таланттуу адам бардык жагынан таланттуу. Алардын бири Валентина Шевченко. Ал сүрөттү мыкты тартат, чимириле бийлейт, таамай атат жана бир нече тилде эркин сүйлөйт. Эң негизгиси ал күчтүү мушкер, атаандаштары ага туруштук бере албайт, кайталангыс кармаштары менен өзүнүн атын тарых бетине жаза алды", — деп айтылат видеодо.

Роликте Шевченконун бардык беттештери көрсөтүлгөн. ERA MMA сайты Шевченкону профессионалдык спортто жолу кантип башталып, UFC уюмунун чемпиондук курун кантип багындырганын баяндаган.

Мушкердин кезектеги беттеши 25-сентябрга белгиленген, ал америкалык Лорен Мерфи менен кез келмекчи.

0
Белгилер:
UFC, Валентина Шевченко, мушкер, карьера, видео
Тема боюнча
Валентина Шевченко ринг-гёрлз кыздарды жактап, Хабибдин сынына жооп кайтарды
Лас-Вегаста өткөн UFC турниринин урунттуу учурлары. Видео