Республикалык СПИД борборунун эпидемиология бөлүмүнүн башчысы Айгүл Солпуева

Солпуева: ВИЧке купуя түрдө текшерилсе болот

64
Республикалык СПИД борборунун эпидемиология бөлүмүнүн башчысы Айгүл Солпуева ВИЧ-инфекцияга кабылып калганын билбей башкаларга жуктуруп жүрө берген оорулуулар көп экенин айтты.

1-августтагы акыркы статистикалык маалыматтарга таянсак, Кыргызстанда 1996-жылдан бери ВИЧ-инфекциясын 10 205 киши жуктурган. Бирок мындан да көп болушу мүмкүн деген божомол бар. Алардын ичинен 2 700 киши ар кандай себептерден улам каза тапкан. Бул тууралуу Айгүл Солпуева Sputnik Кыргызстан радиосунун эфиринде маек куруп жатып билдирди.

Солпуева: ВИЧке купуя түрдө текшерилсе болот

Анын айтымында, жыл сайын ВИЧ-инфекциясына 400 миңден ашык киши текшерүүдөн өтөт.

"Жыл сайын 700-800дөй киши ВИЧ-инфекциясын илештирип алат. 2020-жылы коронавирус пандемиясына байланыштуу жаңы учурларды аныктоо татаал болуп калды. Ушул жылы инфекция жуктурган 635 киши катталды. Азыркы күндө илдеттин 70 пайызы жыныстык жол аркылуу жугуп жатат. Ийне аркылуу жуккан учурлар дээрлик азайды. Энеден балага өткөн учур жылына 2-3 пайыздай катталып турат. Аймактар боюнча аталган илдет менен ооругандар эң көп Чүй облусунда, андан кийин Ош облусу, Ош шаары, Бишкек, Жалал-Абад жана калган аймактарда бир аздан бар. ВИЧ 20 жаштан 27 жашка чейинкилердин арасында 27 пайыз, 30-39 жаштагылар 36 пайызды, калганы 40тан ашкан адамдарда кездешет. 40 жашка чейинкилерде көп катталып жатканынын себеби — булар сексуалдык жактан активдүү адамдар болуп саналат. ВИЧке тесттен өтүү уят иш эмес. Ар бир адам өзүнүн жана жакындарынын саламаттыгын ойлошу керек. Андыктан текшерүүдөн өтүүнү каалгандар Республикалык СПИД борбору, Логвиненко, №8 дарегине, Токтогул көчөсү, 62а дарегиндеги Бишкек шаардык СПИД борборуна жана аймактык борборлорго кайрылса болот. Ар бир киши жылына бир жолу текшерилип койгону жакшы. Эгерде тааныбаган адам менен жыныстык катнаш болсо же башка адамдар сайынган ийнени колдонуп алса, элдик табыптарга барып, хижама жасаткан учурда кескен инструменттерден күмөн санаса, анда ошол окуядан 2-3 ай өткөндөн кийин ВИЧке текшерилип коюу зарыл", — деди Солпуева.

Ал ВИЧке паспорту менен же ансыз деле купуя түрдө текшерилүүгө мүмкүн экенин кошумчалады.

64
Белгилер:
ВИЧ, СПИД, статистика, инфекциялык оору, ден соолук, Айгүл Солпуева
Тема боюнча
Адамды билинбей жайлаган жыныстык инфекциялар. Дерматовенерологдун маеги
Саясат таануучу Шерадил Бактыгулов. Архивдик сүрөт

Бактыгулов: преференциялуу система партиянын ичиндеги интриганы күчөтөт

38
Саясат таануучу Шерадил Бактыгулов шайлоонун жыйынтыгы ар бир жарандын жоопкерчилигинен көз каранды экенин белгиледи.

Преференциялуу шайлоо системасы партиянын ичиндеги интриганы күчөтөт. Анткени алар партиялаш эмес, атаандаш болуп калат. Бул тууралуу Шерадил Бактыгулов Sputnik Кыргызстан радиосунда маек куруп жатып билдирди.

Бактыгулов: преференциялуу система партиянын ичиндеги интриганы күчөтөт

Анын айтымында, мындан улам депутат болууга үмүттөнгөндөрдүн ортосунда маалыматтык согуш күч алышы ыктымал.

"Преференциялуу шайлоо системасы партия ичиндеги интриганын күч алышына шарт түзөт. Анткени партиянын ичиндеги 54 талапкер кесиптеш эмес, бири-бири менен атаандаш. Саясий партия аркылуу аттанып жатканы үчүн каражатты азыраак коротот. Себеби бир мандаттуу шайлоо округунан талапкер болгондор өз чөнтөгүнөн акча чыгарышат. Ал эми партиядан аттанганда жалпы каражаттан төлөнөт. Бул жагынан алганда партиянын ичинен бир-эки кишинин гана электораты бар болсо, калгандары добуш үчүн күрөшүшү керек. Мисалы, үч талапкер өз аймактарынан беш миңден добуш алып келсе, кимисине мандат бериле турганы кантип чечилет? Ушундайлардан 20 адам болсочу? Албетте, бири-бирин коркутуп, каражат берип интрига жүргүзүш керек болот. Мына ушул жагдайлар толугу менен чечилген эмес. Ошондуктан алдыда келе жаткан шайлоодо партиялар арасында, ошондой эле партиянын ичинде дагы маалыматтык согуш күч алат", — деди Бактыгулов.

Саясат таануучу көптөр шайлоого катышпаганы үчүн сабатсыз депутаттар шайланып жатканын кошумчалады.

Подкастты толугу менен видеодон көрө аласыз:

38
Белгилер:
Шерадил Бактыгулов, шайлоо, саясат, саясый партия
Тема:
Жогорку Кеңешке жаңы тартип менен болчу шайлоо
Тема боюнча
Усупбекова: округдук шайлоого катышуу үчүн бир жерде үч ай жашоо керек
Инвестиция министрлигинин инвестиция тартуу бөлүмүнүн башчысы Нурлан Арипов

Арипов: жарым жылда инвестициянын көлөмү 95,4%га өстү

21
Инвестиция министрлигинин инвестиция тартуу бөлүмүнүн башчысы Нурлан Арипов чет өлкөдөн келген акчанын көлөмү жарым жылда 95,4 пайызга өскөнүн айтты.

Быйыл сырттан кирген жалпы инвестициянын көлөмү 321 миллион 230 миң долларды түздү. Мындай маалыматты Нурлан Арипов Sputnik Кыргызстан радиосунун эфиринде маек куруп жатып билдирди.

Арипов: жарым жылда инвестициянын көлөмү 95,4%га өстү

Анын айтымында, инвестициялардын көбү Кытай, Түркия, Улуу Британия, Канада, Швейцариядан келген.

"Былтыркыга салыштырмалуу, расмий статистика боюнча, чет өлкөдөн келген инвестициянын көлөмү жарым жылда 95,4 пайызга өстү. Былтыр ушул алты айдын ичинде 164 миллион 370 миң доллар болгон. Инвестициялар көбүнчө Кытай, Түркия, Улуу Британия, Канада, Нидерланд жана Швейцариядан келген. Алсак, Кытайдан 101,9 миллион доллар, Түркиядан 62 жана Улуу Британиядан 32,3 миллион доллар келип түштү. МЫндан тышкары, КМШ өлкөлөрүнөн кирген инвестиция жалпы 269,9 миллионду түзгөн. Алардын ичинен Россия менен Казакстандан эң көп суммадагы инвестиция тартылган. Мамлекет башчы иш сапарларын Россия жана Казакстандан баштагандыктан, анын натыйжасы бул тармакта жакшы болууда", — деди Арипов.

Ошондой эле жетекчи сырттан келген инвестициянын эң көп бөлүгү Жалал-Абад облусуна туура келип, 138, 3 миллион долларды түзгөнүн кошумчалады.

21
Белгилер:
инвестициялар, инвестициялык абал, экономика, финансы, Нурлан Арипов
Тема боюнча
Пандемия учурунда Кыргызстанга кайсы өлкөлөр акча салды? Тизме
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр