Кыргызстан айдоочуларынын жана транспорттук каражаттардын союзу коомдук бирикмесинин төрагасынын орун басары Дүйшөналы Токтакунов

Токтакунов: айдоочулардын жоопкерсиздигинен кырсык көп болууда

63
Кыргызстан айдоочуларынын жана транспорттук каражаттардын союзу" коомдук бирикмесинин төрагасынын орун басары Дүйшөналы Токтакунов жолдогу автокырсыктардын келип чыгуу себептерин санап берди.

Тажрыйбасы эки жылга жетпеген айдоочулар ылдамдыкты саатына 70 чакырымдан ашырбай айдашы керек. Бул тууралуу Дүйшөналы Токтакунов Sputnik Кыргызстан радиосунда маек куруп жатып билдирди.

Токтакунов: айдоочулардын жоопкерсиздигинен кырсык көп болууда

Анын айтымында, бул жол эрежелеринде жазылып, 1000 сом айып каралган.

"Айдоочулардын көпчүлүгү жол эрежесин билбейт. Соңку 20 жыл аралыгында айдоочулар окубай эле күбөлүктү сатып алган мезгилдер болгон. Ошолор жол кырсыктарынын көп болушуна себеп болууда. Анткени алар айдаганды билет, бирок жол эрежесин биле бербейт. 2015-жылдан тарта мындай тажрыйба мыйзам менен токтотулган. Эми айдоочулук күбөлүк окутулуп, анан берилет. Бирок беш кол тең эмес экен. Автомектептер атаандаштыкка туруштук берүү үчүн болгон аракетин көрөт. Себеби начар окуткан автокурстарга кардарлар келбей коюшу ыктымал. Ошондуктан айдоочулар өз алдынча дагы аракетин көрүшү керек. Жол кырсыгынын көбөйүшүнө автомектептерди күнөөлөй берген деле болбойт. Маселен, өлкөдө автоунаа көбөйдү, бирок жол коопсуздугун көзөмөлдөөчү кызматкерлердин саны мурдагыдай эле калды. Бишкек менен Ошто гана патрулдук милиция иш алып барат. Натыйжада жол кырсыктары дээрлик аз катталууда. Мындан тышкары, техникалык кароо жеке компанияларга берилген. Башкача айтканда, мамлекет жоопкерчилик албайт. Ал эми менчик компаниялар тиешелүү деңгээлде кароо жүргүзбөйт деле. Ошондуктан бул функцияны мурдагыдай эле жол коопсуздугун көзөмөлдөгөн органга бериш керек. Жол кырсыгынын көп болуусунун дагы бир себеби — айдоочулардын маданиятынын жоктугунда. Мисалы, тажрыйбасы эки жылга жетпеген айдоочулар саатына 70 чакырымдан ашырбай айдашы керек. Бул эрежени бузгандарга 1000 сом айып каралган. Бирок аталган эреже соңку учурда сакталбай калган", — деди Токтакунов.

Ошондой эле ал жол эрежесин бузгандарга айыптын жогору болушу да абалды жакшыртууга көмөк боло турганын кошумчалады.

63
Белгилер:
айдоочу, коопсуздук, жол кырсык, Дүйшөналы Токтакунов
Тема боюнча
300 сом менен төлөнө элек айып пулдан кутулса болот. Жаңы мыйзамга түшүндүрмө
Психолог, психология илимдеринин кандидаты, доцент Маматали Мурзаев

Мурзаев: үй-бүлөдө ынтымак болушу үчүн күн сайын күрөшүү керек

23
Психолог, психология илимдеринин кандидаты, доцент Маматали Мурзаев илим-билим алып жаткан жаштардын арасында үй-бүлө куруу боюнча жаман тенденция бар экенин айтты.

Аялдын жана эркектин психологиясынын ар башка болушу үй-бүлөдө татаал кырдаалды жаратат. Үйдө жакшы мамиле, ынтымак, түшүнүү болуу үчүн күн сайын күрөшүү керек. Бул тууралуу Маматали Мурзаев Sputnik Кыргызстан радиосунун эфиринде маек куруп жатып билдирди.

Мурзаев: үй-бүлөдө ынтымак болушу үчүн күн сайын күрөшүү керек

Анын айтымында, жубайлар бири-биринин кемчилигинин үстүнөн иштеши керек.

"Илгертеден эле жар тандоо укугу эркектерде болгон. Салт боюнча ата-эне таптап берүүсү керек эле. Кийин жубай тандоо толугу менен эркектерге өттү. Алар биринчи кезекте кыздардын сулуулугун, дене түзүлүшүн, анан ден соолугун карашат да, андан кийин гана ортодогу мамиле, жашоодогу кызыгуулары, көз караштарынын шайкеш келүүсүнө маани беришет. Булар үй-бүлө курууга, туура жар тандоого негиз боло албайт. Мисалы, сүйүүнү алсак, анын негизги кызматы жигит менен кызды бири-биринин айрым кемчиликтерин көрсөтпөй жакындатуу. Үй-бүлө кургандан кийин жубайлардын мамилеси кыз-жигиттин сүйүүсүнөн да жогору турат. Алардын каны-жаны бир болуп калат. Сүйүшкөндөрдүн каны-жаны бир болбойт. Алар бири-бирине умтулуп гана турат. Аларды ажыраштырып салуу да оңой. Европалык маданиятты көрүп калган кыздар "мен бактылуу болушум керек" дешет. Анын бактылуулук боюнча түшүнүгү күйөөсү, кайнатасы, кайненесинин көз карашы менен дал келбей калышы мүмкүн. Азыр илим-билим алып жаткан жаштардын арасында жаман тенденция бар. Карьера куруп, бутка турушум керек дешет. Алар бутка тургуча жашы өтүп, 30га чыгат. Бул куракта бала-чакалуу болуу татаал жана баланын ден соолугу начар төрөлүшү мүмкүн. Мунун баары эске алынбай калып жатат", — деди Мурзаев.

Психолог жар тандоодо мүнөзү жагынан шайкеш келүүсүн аныктап алуу маанилүү экенин кошумчалады.

Подкасттын толук вариантын видеодон көрүңүз:

23
Белгилер:
үй-бүлө, психология, жар, тандоо, Маматали Мурзаев
Тема боюнча
Тапкан акчасын туугандарына чачып чарчатты. Жолдошуна көз каранды келиндин каты
Бишкек Жылуулук электр борборунун башкы инженеринин орун басары Нурлан Кулжыгачов

Кулжыгачов: Бишкек ЖЭБи күзгү-кышкы жылытуу мезгилине даяр

14
Бишкек Жылуулук электр борборунун башкы инженеринин орун басары Нурлан Кулжыгачов Бишкек ЖЭБ күзгү-кышкы жылытуу мезгилине даярдык пландык негизде аткарылып жаткандыгын айтты.

Күз-кыш мезгилинен өтүү үчүн Бишкек шаарынын ЖЭБине жалпысынан 1 миллион 650 миң тонна көмүр керек. Мындай маалыматты Нурлан Кулжыгачов Sputnik Кыргызстан радиосунун эфиринде билдирди.

Кулжыгачов: Бишкек ЖЭБи күзгү-кышкы жылытуу мезгилине даяр

Анын айтымында, калкты, анын ичинде социалдык жана башка объектилерди үзгүлтүксүз электр энергиясы жана жылуулук менен камсыз кылуу үчүн тынымсыз иштер жүрүүдө.

"Келе жаткан 2021-2022-жылдагы күз-кыш жылытуу мезгилине өкмөттүн токтому боюнча 1 миллион 650 миң тонна көмүр керек. Анын бир миллион тоннасы жергиликтүү Кара-Кече көмүрү болсо, 643 миң тоннасы импорттолот. Учурда келишимдин баары түзүлүп, коюлган графиктин негизинде келип жатат. Кампада 225 миң тонна көмүр бар. Мындан тышкары, биздин ишканада 17 буу казан, тогуз буу агрегатыбыз бар. От казандарды жана турбогенераторлорду оңдоо белгиленген мөөнөтүндө аткарылып жатат", — деди Кулжыгачов.

Ошондой эле адис Бишкек Жылуулук электр борбору республикадагы электр энергиясынын 15 пайызын камсыз кыларын кошумчалады.

Подкасттын толук вариантын видеодон көрүңүз:

14
Белгилер:
Бишкек, жылуулук, электр жарыгы, жылытуу маалы, ысык суу
Тема боюнча
Суу тартыштыгы. Министрлик элди көмүр менен газ камдоого чакырды
Электр кубаты счётчиги. Архив

Эртең Бишкектин кайсы жеринде электр кубаты өчүрүлөт. Тизме

8
(жаңыланган 16:12 20.09.2021)
Шейшемби күнү "Түндүк электр" ишканасынын бригадасы Бишкектин чекесинде жайгашкан айылдагы подстанциянын жана калаадагы үйлөрдүн ичиндеги электр тармактардын абалын текшерип чыгат.

БИШКЕК, 20-сен. — Sputnik. Электр кубаты 21-сентябрь күнү Бишкектин 13 көчөсүнүн тилкелеринде болбой тургандыгы "Түндүк электр" ишканасынын сайтында жазылган.

Бул күнү адистерден турган бригадалар үйлөрдүн ичиндеги электр тармактардын абалын көздөн кечирип, оңдой турчуларын кайрадан карап, түздөп чыгат. Андан сырткары, Күнтуу айылындагы подстанцияны текшерет.

Электр кубаты өчүрүлө турган аймактар:

  • 09:00-18:00 — Манас проспектисинин тилкеси (№61 үй), Тынчтык, Касым, Ынтымак, Арча-Бешик (Безымянная, Кара-Кужур, Абдрахманов, Бердибаев, Алтын-Тутун, Эртайлак, Шербет, Садыбакасов, Он-Арча көчөлөрү), Ак-Босого конуштары, Жал-29 кичи району.
  • 09:30-18:30 — Ахунбаев ( №106 А үй) көчөсүнүн тилкеси, Кара-Жыгач (Субан-Ата көчөсү) конушу.
8
Белгилер:
Кыргызстан, Бишкек, электр кубаты, Күнтуу айылы
Тема боюнча
Эртең Бишкектин айрым жерлеринде таза суу өчүрүлөт. Тизме
Жаан-чачындуу күндөр башталабы? Бир жумага карата аба ырайы
Бишкектин айрым райондорунда 11 күн бою газ менен ысык суу болбойт