Социалдык ишкер Урмат Насыкулов

Насыкулов: фитнес-клуб ачуума спорт аркылуу оорудан айыгышым себеп болду

82
Социалдык ишкер Урмат Насыкулов максаты мүмкүн болушунча көп адамдарды спортко, сергек жашоого тартуу экенин айтты.

Мен катышкан бардык долбоорлор социалдык мүнөзгө ээ жана коомго пайда алып келет. Учурда фитнес-клуб жана "Toнус" фондун жетектейм. Максатым — мүмкүн болушунча көп адамдарды спортко, сергек жашоого тартуу. Анткени дени сак улут — өлкө өнүгүүсүнүн негизи. Дени сак адамдар көп болсо ийгиликтүү, активдүү жана бактылуу адамдар да арбын болот. Өз учурунда бул экономикага да чоң салым кошот. Мындай пикирин Урмат Насыкулов Sputnik Кыргызстан радиосунун эфиринде маек куруп жатып билдирди.

Насыкулов: фитнес-клуб ачуума спорт аркылуу оорудан айыгышым себеп болду

Анын айтымында, ал Кыргыз-Россия Славян университетинде журналистика факультетинде окуп, кийин улуттук телеканалда "Тонус" спорттук теледолбоорун ачкан.

"Мен алсыз, кичинекей жети айлык бала болуп төрөлгөм. Ата-энем ден соолугумду чыңдоого көп күч-аракетин жана убактысын жумшашты. Кичинекей кезимде башым катуу ооруп, баш сөөктүн ички басымы (внутричерепное давление) диагнозу коюлган. 6-класста мени күрөш секциясына жиберишти. Башында бул мен үчүн жөн эле оюн болчу. Биз тоголонуп, чимирилип, күрөшүп машыкчубуз. Ошентип жүрүп баш оорум жоголуп кеткенин байкадым. Ошондон кийин салмак кошуп, күчкө келип, өзүмө ишеним пайда болду. Демек, спорт менин жашоомо пайдасын тийгизсе, анда ал башка адамдардын да жашоосун өзгөртө алат деп ойлодум. Азыр мен Кыргызстандагы фитнес индустриясында алдыңкы позицияны ээлеген фитнес-клубдун негиздөөчүсүмүн. Бул 2017-жылдан бери иштеп келе жаткан жаңы муундагы машыгуучу жай. Андан тышкары, мен жетектеген "Тонус" фонду өлкөдөгү массалык спорттук иш-чараларды уюштурат. Биринчи марафон 2016-жылы өткөрүлгөн, ага 300гө жакын адам катышкан. Ал эми акыркы "Күз деми" марафонунда 3000ден ашык адам чуркап, жалпы алганда башынан бери 20 миңден ашык катышуучу болду. Бул иш-чара кайрымдуулук мүнөздө өтүп келет. Чогулган каражаттын бир бөлүгү жүрөк оорудан жабыркаган балдарга операция жасоого жумшалган", — деди Насыкулов.

Ишкер өнүккөн мамлекеттердеги адамдар туура тамактанып, спорт менен машыккандыктан жетиштүү, бактылуу жана узак жашап жатканын айтып, биз да ушундай жашоо образын карманышыбыз керектигин кошумчалады.

Подкасттын толук вариантын видеодон көрүңүз:

82
Белгилер:
ишкер, спорт, фитнес, бизнес, журналист
Тема боюнча
Абакирова: "Ак илбирсти сактайбыз" жарышынан түшкөн акчага эки "Нива" алынат
Кыргыз мамлекеттик медициналык академиясынын неврология жана клиникалык генетика кафедрасынын ассистенти Жылдыз Убарик кызы

Убарик кызы: инсультту алдын алуу үчүн акысыз текшерүүдөн өткөрөбүз

32
Кыргыз мамлекеттик медициналык академиясынын неврология жана клиникалык генетика кафедрасынын ассистенти Жылдыз Убарик кызы Бишкекте инсультка каршы күрөшүү боюнча акция өтөрүн айтты.

Дүйнө жүзүндө бир жылда 15-17 миллион киши инсультка чалдыгат. Алардын үчтөн бири оорудан каза болуп калат. Бул тууралуу Жылдыз Убарик кызы Sputnik Кыргызстан радиосунун эфиринде маек куруп жатып билдирди.

Убарик кызы: инсультту алдын алуу үчүн акысыз текшерүүдөн өткөрөбүз

Анын айтымында, инсультту башынан өткөргөн бейтаптардын 70-80 пайызы майып болуп калат.

"2021-жылдын 28-октябрында 11:00дөн 14:00гө чейин Иса Ахунбаев атындагы КММАнын башкы корпусунда "Инсультка каршы күрөшүү күнү" белгиленет. Бул күнү эл инсульттун алдын алуу боюнча невропатологдордон кеңеш алып жана ооруну аныктоо үчүн сурамжылоодон өтүшөт. Борбордун алдыңкы неврологдору профилактикалык текшерүүнү бекер жүргүзүшөт. Шаардыктардын кан басымын өлчөп, кандагы глюкозанын деңгээлин текшеришет жана дене салмагынын индексин аныкташат. Ошондой эле инсульттун өнүгүшүнүн себептери жөнүндө айтып беришет. Андан тышкары, дарыгерлерден кошумча суроолорго жооп алып жана невропатологдордун жеке консультациясынан өтсө болот. Кээ бир адамдар өзүнүн организминдеги өзгөрүүлөрдү билбей калышы мүмкүн. Аталган акция ооруну өз учурунда аныктоого шарт түзөт", — деди Убарик кызы.

Адис инсульттун кесепети өтө оор болорун эскертип, алдын алуу өтө маанилүү экенин кошумчалады.

Эске сала кетсек, 2006-жылдан бери ар бир жылдын 29-октябрында дүйнөдө "Инсультту алдын алуу жана ага каршы күрөшүү күнү" белгиленип келет.

32
Белгилер:
инсульт, акция, алдын алуу, неврология, Жылдыз Убарик кызы
Тема боюнча
Кардиологго токтоосуз кайрылуу керектигинен кабар берген белгилер
Борбордук шайлоо комиссиясынын мүчөсү Абдыжапар Бекматов

Бекматов: бир мандаттуу округдан талапкерлердин дебаты облустук теледе өтөт

44
Борбордук шайлоо комиссиясынын мүчөсү Абдыжапар Бекматов саясий партияларга бир сааттан кем эмес убакыт эфир бөлүнүп, анын жарымы жамааттык чыгууларды камтый турганын белгиледи.

Бир мандаттуу округдан катталган талапкерлердин дебаттары облустук ЖМКларга берилет. Бул тууралуу Абдыжапар Бекматов Sputnik Кыргызстан радиосунда маек куруп жатып билдирди.

Бекматов: бир мандаттуу округдан талапкерлердин дебаты облустук теледе өтөт

Анын айтымында, талапкерлердин 20:00дөн 00:00гө чейинки убакытта эфирге чыгуусу каралган.

"Шайлоо алдындагы үгүт жүргүзүү мезгилинде саясий партияларга мамлекеттик ЖМКлардан бир сааттан кем эмес акысыз эфирдик убакыт кепилденген. Учурда бул боюнча сүйлөшүүлөр жүргүзүлүп, эфирдин убактысы бөлүштүрүлүүдө. Партиялар бөлүнгөн эфирдик убакыттын жарымынан кем эмесин жамааттык чыгуулар, дебаттар же тегерек столдор менен камтышы керек. Бул саясий партиялар үчүн талаптар. Ал эми бир мандаттуу округдан катталган талапкерлер үчүн аймактык медиаборборлордон аянтча берилет. Анткени бир аймактын көйгөй, маселелери башка регион менен окшошпойт", — деди Бекматов.

Ошондой эле ал кепилденген убакыт жумуш күндөрүнө туура келе турганын кошумчалады.

44
Белгилер:
Абдыжапар Бекматов, шайлоо, талапкер, дебат
Тема:
Жогорку Кеңешке шайлоо 2021
Тема боюнча
Партиялык система менен 1046 киши депутат болууну мелжеп жатат. Статистика
Капельницалар улануу учурунда. Архив

Бишкекте тамакка ууланган адамдардын саны 300гө жетти

5
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

5
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме