IT-адис, программалоо боюнча окутуу борборунун негиздөөчүлөрүнүн бири Нургазы Сулайманов

Сулайманов: программалоону үйрөнүү үчүн тил билүү негизги талап эмес

36
(жаңыланган 11:46 01.09.2021)
IT-адис, программалоо боюнча окутуу борборунун негиздөөчүлөрүнүн бири Нургазы Сулайманов программалоону үйрөнүү үчүн эмне керектигин айтып берди.

Программалоону үйрөнүү үчүн тил билүү негизги талап эмес. Бирок чет тилди билгендер үчүн кошумча мүмкүнчүлүктөр ачылышы ыктымал. Бул тууралуу Нургазы Сулайманов Sputnik Кыргызстан радиосунда маек куруп жатып билдирди.

Сулайманов: программалоону үйрөнүү үчүн тил билүү негизги талап эмес

Анын айтымында, тилди билүү тапшырык алууда мүмкүнчүлүктөрдү кеңейтет.

"Программалоону үйрөнүү оңой эмес, бирок үйрөнсө болот. Ал үчүн эч кандай кошумча жөндөм, таланттын кереги жок. Мисалы, мындан эки жыл мурда алыскы аймактардан бир бала келди. Эне тилинен башка кошумча тил билбейт. Компьютерди ошондо биринчи жолу колдонду. Ошол бала учурда программалоону үйрөнүп иштеп жүрөт. Муну менен бул тармакта натыйжага жетишүү үчүн аракет гана керек экендигин айтмакчымын. Тил маселесине келсек, эгерде орус тилин билсе, КМШ мамлекеттеринен тапшырыктарды алып иштегенге мүмкүндүк бар. Ал эми англис тилин билгендерге бүт дүйнө боюнча кардар табууга шарт түзүлөт. Кошумча тилди билүү мына ушул тапшырык алууда сүйлөшүү үчүн зарыл болушу ыктымал. Ал эми программалоону үйрөнүү үчүн аларды билүү негизги талап эмес. Айрымдар математиканы жакшы окугандар гана IT-адис боло алат деген жаңылыш ойдо болушат. Албетте, математика логиканы өздөштүрүп, программалоону үйрөнүүгө жөндөм кошушу ыктымал. Бирок бул дагы негизги талап болуп саналбайт. IT абдан көп тармактарга бөлүнөт. Бул тармактын маркетологу, долбоор жетекчилери, SMM адистери бар. Андыктан IT десе эле отуруп алып код жазууну түшүнбөш керек. Код жазууга жөндөмү жок болсо дагы башка кесиптерин жөндөп кетүүгө мүмкүнчүлүк бар. Ошондуктан жаштар эч тартынбастан бул тармакка баш бага бериши керек", — деди Сулайманов.

Ошондой эле ал келечекте бардык адистиктерге программалоону билүү негизги талап болуп калышы ыктымал экендигин кошумчалады.

36
Белгилер:
программа, миграция, жумуш
Тема боюнча
IT адиси болчуларды окутуп, такшалтабыз. Компаниялар бирикмесинин өкүлү менен маек
Кусеин Карасаев атындагы Бишкек мамлекеттик университетинин славян таануу факультетинин деканы, филология илимдеринин кандидаты Рахат Ниязалиева

Ниязалиева: Кыргызстанда 251 орус тилдүү жана 611 аралаш мектеп бар

31
Кусеин Карасаев атындагы Бишкек мамлекеттик университетинин славян таануу факультетинин деканы, филология илимдеринин кандидаты Рахат Ниязалиева аталган бөлүмдүн 40 жылдык тарыхы бар экенин айтты.

Славян таануу факультети студенттерди үч багытта даярдайт. Биринчиси орус тил мугалими, кыргыз-орус-англис тилдеринде окутуу методикасы боюнча лингвист-котормочулар жана бала бакчалар үчүн педагогдор билим алып чыгат. Бул тууралуу Рахат Ниязалиева Sputnik Кыргызстан радиосунда маек куруп жатып билдирди.

Ниязалиева: Кыргызстанда 251 орус тилдүү жана 611 аралаш мектеп бар

Анын айтымында, учурда аталган факультетте 737 студент билим алууда.

"Кусеин Карасаев атындагы Бишкек мамлекеттик универститети 1979-жылы ачылган. Славян таануу факультети ошол күндөн тартып эле иштеп келет. Ал мезгилде өлкөдө орус тилдүү мугалимдердин жетишсиздиги курч болгондуктан мындай бөлүмдү ачуу зарылчылыгы жаралган, бул маселе азыр деле актуалдуу. Биз учурда Кыргызстандын бардык мектептеринде билим бере ала турган орус тил мугалимдерин окутабыз. Ошондой эле лингвист-котормочуларды, бала бакча педагогдорун даярдап чыгарабыз. Билим берүү багытында Россиянын окуу жайлары менен тыгыз алакабыз бар. Азыркы мезгилде өлкө боюнча 1 648 бала бакча болсо, анын 337си орус тилдүү, 250сү кыргыз-орус аралаш тилинде тарбия берет. Ал эми орто билим берген мектептердин саны республика боюнча 2 283 болсо, алардын ичинен 251и орус тилинде, 611и эки тилде окуткан билим уялары. Бул мектеп жана бала бакчалардын баарында эле орус тилдүү педагогдор жетише бербейт", — деди Ниязалиева.

Ал студенттер кыргыз, орус тайпаларына бөлүнүп окушарын кошумчалады.

31
Белгилер:
орус тили, кыргыз тили, билим берүү, Рахат Ниязалиева
Тема боюнча
Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен
Миграция кызматынын Маалыматтык-консультациялык борборунун директорунун орун басары Алмаз Алыбаев

Алыбаев: Санкт-Петербург менен онлайн эмгек жарманкеси уюштурулууда

31
Миграция кызматынын Маалыматтык-консультациялык борборунун директорунун орун басары Алмаз Алыбаев 2019-жылы жумуш берүүчүлөрдүн эл аралык жарманкеси офлайн өткөнүн маалымдады.

Россиялык өнөктөштөр менен Кыргызстанда алгачкы жолу эмгек жарманкеси онлайн өтөт. Бул тууралуу Алмаз Алыбаев Sputnik Кыргызстан радиосунда маек куруп жатып билдирди.

Алыбаев: Санкт-Петербург менен онлайн эмгек жарманкеси уюштурулууда

Анын айтымында, пандемияга байланыштуу иш-чараны аралыктан өткөрүү чечими кабыл алынган.

"Быйыл өлкөдө алгачкы жолу эл аралык эмгек жарманкеси 29-сентябрда онлайн өтөт. Аны уюштурууда эң башкы өнөктөшүбүз катары Санкт-Петербург шаарынын эмгек комитети иш алып барууда. Алар атайын ушул жарманке үчүн https://migrantspb.com/ сайтын ачты. Буга чейин жүргүзүлгөн маалыматтык өнөктүктүн натыйжасында гугл-форма аркылуу 1 600 каалоочу каттоого алынды. Алардын электрондук даректерине Zoom платформасы аркылуу өтө турган онлайн-жарманкенин шилтемесин беребиз. Тилекке каршы, ага 1 000 адамга чейин гана кирүүгө болот. Бирок https://migrantspb.com/ жана https://www.migrant.kg сайты аркылуу иш-чаранын жүрүшү түз алып көрсөтүлөт. Бул иш-чарага Россия, Корея, Япония жана башка өлкөлөрдөгү өнөктөштөрүбүз катышып, алар өз өлкөсүндөгү эмгек шарттары, талаптар, жумуш орундары боюнча толук маалымат беришет. Ошондой эле жумушка орноштуруу боюнча өлкөдөгү жеке менчик компаниялар чет өлкөлөрдөгү бош орундар тууралуу акысыз маалымат берет. Анын натыйжасында жарандар менен жумуш берүүчүнүн бетме-бет, онлайн-сүйлөшүүсү уюштурулат. Эгер андан жарандар өтсө, чет өлкөлүк жумуш берүүчү тарабынан келишим жөнөтүлөт. Жумушка орношуу үчүн тийиштүү документтер жыйналып, керектүү өлкөгө чыгып кетүү үчүн үч айдай убакыт талап кылынат", — деди Алыбаев.

Ошондой эле ал жарандарды жумушка алуу чечими чыкса виза, учакка билет сатып алуу чыгымдарын жумуш берүүчү көтөрө турганын кошумчалады.

31
Белгилер:
эмгек, миграция, жарманке
Тема боюнча
30-сентябрга чейин жетишип калгыла. Россиядагы элчилик эмгек мигранттарга кайрылды
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

621
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

621
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти