Оорулардын алдын алуу жана мамлекеттик санитардык-эпидемиологиялык көзөмөл департаментинин башкы дарыгери, эпидемиолог Султан Суранбаев

Суранбаев: учурда республика боюнча коронавирустук "кызыл" зона жок

55
Оорулардын алдын алуу жана мамлекеттик санитардык-эпидемиологиялык көзөмөл департаментинин башкы дарыгери, эпидемиолог Султан Суранбаев учурда республика боюнча "кызыл" аймак жок экенин айтты.

Кыргызстанда коронавирус менен ооругандар ички миграциянын күч алышынан, санитардык-эпидемиологиялык эрежелердин сакталбашынан жана чет мамлекеттен туристтердин келишинен улам көбөйөт. Учурда чет элдиктер ПЧР-анализи, вакцина алгандыгы боюнча күбөлүгү менен биздин чек арага киргенден кийин саламаттыгы текшерилип, киргизилип жатат. Бул тууралуу Султан Суранбаев Sputnik Кыргызстан радиосунун эфиринде маек куруп жатып билдирди.

Суранбаев: учурда республика боюнча коронавирустук "кызыл" зона жок

Анын айтымында, Кыргызстанда коронавирус менен ооруган учурлардын бир пайызы сырттан келген адамдар.

"Өткөн айларга салыштырмалуу оору жуктургандар кыйла төмөндөдү. Учурда Кыргызстанда коронавирус боюнча абал стабилдүү. Вирус 50дөн ашык адамда катталса, ал жер "кызыл" зонага кирет. Бүгүнкү күндө республика боюнча "кызыл" аймак жок. Акыркы ирет "кызыл" зонага Ысык-Көл облусу кирген эле. Азыр "сары" зонага (ооругандар 40-50гө жетпеген учурлар) өттү. Былтыртан баштап биз Кыргызстанда коронавирустун кайсы штаммы катталганын аныктоо үчүн эки өлкө менен келишим түзгөнбүз. Ошого ылайык, биздин үлгүлөрдү ар үч айда бир Новосибирскидеги "Вектор" жана Улуу Британиядагы лабораторияга жөнөтүп турабыз. Буга чейин өлкө аймагында 85,6 пайыз "британиялык" штамм катталып жаткан. Акыркы, 24-августта алган анализдин жыйынтыгы боюнча, 30 үлгүнүн ичинен 80 пайызы коронавирустун "дельта", "индиядиялык" штаммы экен. Жалпысынан өлкө аймагында "альфа", "бета", "гамма" жана "дельта" штаммы бар. Азыркы тапта ооругандардын ичинен бир жаштан 17 жашка чейинкилер жети пайызды түзөт. Калганы 18 жаштан жогорку курактагы адамдар. Ал эми илдет жуктургандардын басымдуу бөлүгү 30-60 жаштагы кишилер", — деди Суранбаев.

Эпидемиолог коронавирус сезондук оору эмес экенин белгилеп, адам көбөйгөн жерде ооругандардын саны өсүп, вирус күч аларын кошумчалады.

55
Белгилер:
коронавирус, жаңы штамм, эпидемия, абал
Тема боюнча
Адистер COVID-19дун "мю" штаммы антителону буйтап өтө аларын айтууда
КРдин толук жана ыйгарым укуктуу элчиси, профессор Аскар Бешимов. Архив

Бешимов: ЖККУ реформага муктаж, аны чечүүдө Россиянын ролу чоң

0
КРдин толук жана ыйгарым укуктуу элчиси, профессор Аскар Бешимов АКШнын Афганистандан чыгып кетүүсү менен аймактагы геосаясий абал өзгөргөнүн белгиледи.

Америка Кошмо Штаттары Афганистандан аскерлерин чыгарып кетүүсү менен Борбор Азияда, деги эле аймакта Россиянын таасири күчөдү. Мындай пикирин Аскар Бешимов Sputnik Кыргызстан радиосунда маек куруп жатып билдирди.

Бешимов: ЖККУ реформага муктаж, аны чечүүдө Россиянын ролу чоң

Анын айтымында, коопсуздук жана саясий стабилдүүлүктү сактоодо аймакта Россиянын ролу жогорулаган.

"Август айында АКШ аскерлеринин Афганистандан чыгарылышы, талибдердин бийликти алуусу менен аймакта геосаясий абал өзгөрдү. Борбор Азияда Россиянын таасири күчөдү. Албетте, Кытай дагы бар, бирок алар ачыкпы, Пакистан аркылуубу, талибдер менен кызматташууда. Максаты "бир алкак, бир жол" долбоорун ишке ашыруу. Эми аймактагы коопсуздук жана саясий стабилдүүлүк үчүн бирден-бир жооптуу өлкө — Россия. Шанхай кызматташтык уюмунда Индия менен Пакистандын ортосунда тиреш бар. Жамааттык коопсуздук келишими уюмунун ичинде тышкы чакырыктарга жооп кылуу үчүн ички ынтымакты бекемдөө зарыл. Президент Садыр Жапаров ЖККУнун ичинде бир мамлекет экинчисине кол салган учурларды чечүү боюнча механизмдерди иштеп чыгуу зарылдыгын белгиледи. Албетте, бул колдоого алынган жок, бирок маселе көтөрүлдү. Ошондуктан ЖККУнун ичиндеги алаканы бекемдөө үчүн уюмдагы эң таасирдүү өлкө катары Россия колго алышы керек. Бул талкуу эртели-кеч болуп, уюмдун уставына өзгөртүү киргизүү каралышы ыктымал", — деди Бешимов.

Ошондой эле ал аймактагы коопсуздукту камсыздоо региондогу өлкөлөрдүн жүргүзгөн саясатынан көз каранды экенин кошумчалады.

Подкастты толугу менен видеодон көрө аласыз:

0
Белгилер:
Аскар Бешимов, ЖККУ, Россия, коопсуздук
Тема боюнча
Талибдер аялдар үйдө отуруп, алардын ордуна эркектер иштеши керектигин айтты
Психолог, психология илимдеринин кандидаты, доцент Маматали Мурзаев

Мурзаев: үй-бүлөдө ынтымак болушу үчүн күн сайын күрөшүү керек

62
Психолог, психология илимдеринин кандидаты, доцент Маматали Мурзаев илим-билим алып жаткан жаштардын арасында үй-бүлө куруу боюнча жаман тенденция бар экенин айтты.

Аялдын жана эркектин психологиясынын ар башка болушу үй-бүлөдө татаал кырдаалды жаратат. Үйдө жакшы мамиле, ынтымак, түшүнүү болуу үчүн күн сайын күрөшүү керек. Бул тууралуу Маматали Мурзаев Sputnik Кыргызстан радиосунун эфиринде маек куруп жатып билдирди.

Мурзаев: үй-бүлөдө ынтымак болушу үчүн күн сайын күрөшүү керек

Анын айтымында, жубайлар бири-биринин кемчилигинин үстүнөн иштеши керек.

"Илгертеден эле жар тандоо укугу эркектерде болгон. Салт боюнча ата-эне таптап берүүсү керек эле. Кийин жубай тандоо толугу менен эркектерге өттү. Алар биринчи кезекте кыздардын сулуулугун, дене түзүлүшүн, анан ден соолугун карашат да, андан кийин гана ортодогу мамиле, жашоодогу кызыгуулары, көз караштарынын шайкеш келүүсүнө маани беришет. Булар үй-бүлө курууга, туура жар тандоого негиз боло албайт. Мисалы, сүйүүнү алсак, анын негизги кызматы жигит менен кызды бири-биринин айрым кемчиликтерин көрсөтпөй жакындатуу. Үй-бүлө кургандан кийин жубайлардын мамилеси кыз-жигиттин сүйүүсүнөн да жогору турат. Алардын каны-жаны бир болуп калат. Сүйүшкөндөрдүн каны-жаны бир болбойт. Алар бири-бирине умтулуп гана турат. Аларды ажыраштырып салуу да оңой. Европалык маданиятты көрүп калган кыздар "мен бактылуу болушум керек" дешет. Анын бактылуулук боюнча түшүнүгү күйөөсү, кайнатасы, кайненесинин көз карашы менен дал келбей калышы мүмкүн. Азыр илим-билим алып жаткан жаштардын арасында жаман тенденция бар. Карьера куруп, бутка турушум керек дешет. Алар бутка тургуча жашы өтүп, 30га чыгат. Бул куракта бала-чакалуу болуу татаал жана баланын ден соолугу начар төрөлүшү мүмкүн. Мунун баары эске алынбай калып жатат", — деди Мурзаев.

Психолог жар тандоодо мүнөзү жагынан шайкеш келүүсүн аныктап алуу маанилүү экенин кошумчалады.

Подкасттын толук вариантын видеодон көрүңүз:

62
Белгилер:
үй-бүлө, психология, жар, тандоо, Маматали Мурзаев
Тема боюнча
Тапкан акчасын туугандарына чачып чарчатты. Жолдошуна көз каранды келиндин каты