Олимпиадалык спорттун түрлөрү боюнча дирекциянын башчысы Нурлан Исмаилов

Исмаилов: Олимпиадага даярданууда өзгөрүүлөр болот

62
Олимпиадалык спорттун түрлөрү боюнча дирекциянын башчысы Нурлан Исмаилов Олимпиада оюндарында көп спорттун түрүнөн ийгилик жаратуу үчүн алгач спорттук базалардын курулушуна көңүл бурулушу керектигин айтты.

Кыргызстан окуу-машыгууларды өткөрүүгө климаты жагынан ыңгайлуу болгондуктан чет өлкөлүк спортчуларды да тосуп алганга шарт түзүп берсе болот. Мындай пикирин Нурлан Исмаилов Sputnik Кыргызстан радиосунун эфиринде маек куруп жатып билдирди.

Исмаилов: Олимпиадага даярданууда өзгөрүүлөр болот

Анын айтымында, дүйнө чемпионаттарындагы, Олимпиада оюндарындагы жетишкендиктерден кийин коомдо дене тарбия жана спортко болгон мамиле өзгөрө баштады.

"Жеке менин жана Спорттун олимпиадалык түрлөрү боюнча дирекциясынын негизги максаты Парижде өтө турган жайкы Олимпиада оюндарында буга чейинки көрсөткүчтөрдөн бийик деңгээлге көтөрүлүү болуп саналат. Анткени Токиодогу оюндардагы балбандарыбыздын ийгилиги элдин спортко болгон мамилесин өзгөрттү. Мыкты ийгиликтерге жетүү үчүн машыгуу үчүн атайын спорттук базаларды курууга көңүл буруу зарыл. Мындан тышкары, Кыргызстан окуу-машыгууларды өткөрүүгө климаты жагынан ыңгайлуу болгондуктан чет өлкөлүк спортчуларды да тосуп алганга шарт түзүп берсек болот", — деди Исмаилов.

Ошондой эле адис спортчуларга стимул берүү максатында стипендиялардын көлөмүн көбөйтүү иштери да караларын кошумчалады.

62
Белгилер:
спорт, олимпиада, даярдык, машыгуу
Тема боюнча
Расулбеков: Олимпиадада кетирген каталарым ийгилик жаратууга ишеним берди
Россия-кыргыз өнүктүрүү фондунун (РКӨФ) башкармалыгынын мүчөсү Бакыт Курманбеков

Курманбеков: Россия-кыргыз өнүктүрүү фонду 3067 долбоорду каржылады

45
(жаңыланган 11:39 22.09.2021)
Россия-кыргыз өнүктүрүү фондунун (РКӨФ) башкармалыгынын мүчөсү Бакыт Курманбеков РКӨФ негизделгенден берки алты жылда жалпы көлөмү 388 миллион долларды түзгөн 3 067 долбоорду каржылаганын айтты.

Фонд тарабынан берилген 388 миллион доллар насыянын 35 пайызы өндүрүшкө, 24 пайызы айыл чарба багытына, 9 пайызы транспорттук жана логистикалык ишканаларга жумшалган. Мындай маалыматты Бакыт Курманбеков Sputnik Кыргызстан радиосунун эфиринде маек куруп жатып билдирди.

Курманбеков: Россия-кыргыз өнүктүрүү фонду 3067 долбоорду каржылады

Анын айтымында, РКӨФ тарабынан берилген каражаттын көбү Чүй облусу жана Бишкек шаарындагы долбоорлорго кеткен.

"Россия-кыргыз өнүктүрүү фонду негизделгенден берки алты жылда жалпы көлөмү 388 миллион долларды түзгөн 3 067 долбоорду каржылады. Насыянын эң чоң көлөмү өндүрүш секторуна берилди. Жумшалган 388 миллион доллардын 35 пайызы өндүрүшкө, 24 пайызы айыл чарба багытына, тогуз пайызы транспорттук жана логистикалык ишканаларга жумшалды. Калган каражат байланыш, инфрастуктураны өнүктүрүү, туризм жана башка тармактарга берилди. Аймактарга бөлүп карасак, акчанын көбү Бишкек шаары жана Чүй облусундагы долбоорлорго сарпталган. Бишкек өлкөнүн иш борбору болгондуктан ишкерлер ишмердүүлүгүн борбордо жүргүзүшөт. Ош, Жалал-Абад облустарына 56 миллион, Ысык-Көл чөлкөмүндөгү ишкерлерге 39 миллион долларлык насыя берилген", — деди Курманбеков.

Ошондой эле адис Россия-кыргыз өнүктүрүү фонду валюталык тобокелдиктин алдын алуу максатында аймактардагы долбоорлорду каржылоону улуттук валюта менен жүргүзүүнү колго аларын кошумчалады.

45
Белгилер:
Бакыт Курманбеков, Россия-кыргыз өнүктүрүү фонду, насыя, ишкерлик, аймак, өнүктүрүү
Тема боюнча
Новиков: Россия-кыргыз өнүктүрүү фонду кайрымдуулук уюм эмес
Ветеринардык жана фитосанитардык коопсуздук боюнча инспекциянын эпизоотияга каршы көзөмөлдөө башкармалыгынын башчысы Адилет Сотовалдиев

Сотовалдиев: күйдүргү менен үй жаныбарларынын баары ылаңдайт

24
Ветеринардык жана фитосанитардык коопсуздук боюнча инспекциянын эпизоотияга каршы көзөмөлдөө башкармалыгынын башчысы Адилет Сотовалдиев малдын ооруганы билинбей турганын, ал эми адамга жукканда денеге жара чыгарын айтты.

Күйдүргү оорусу менен үй жаныбарларынын баары ылаңдайт. Бирок ит, мышыктардын ооруганы сейрек кездешет. Көбүнчө аталган илдеттен кой, эчки, уй, жылкы, чочко, төө жабыркайт. Бул тууралуу Адилет Сотовалдиев Sputnik Кыргызстан радиосунун эфиринде маек куруп жатып билдирди.

Сотовалдиев: күйдүргү менен үй жаныбарларынын баары ылаңдайт

Анын айтымында, күйдүргү менен ооруган мал ичкен сууну адам колдонсо оору жугуп калуу коркунучу бар.

"Күйдүргү малдан адамга жугуучу зооноздук илдетке кирет. Эл аралык институттар күйдүргүнүн козгогучтары сырткы чөйрөдө канча жыл жашай турганын изилдеп бүтө элек. Болжол менен ал айлана-чөйрөдө кылымдап жата берет. Учурда республика боюнча күйдүргүнүн 560 очогу катталган. Жакында эле Жалал-Абад облусунун Аксы районунда жети адам күйдүргүгө шектелип ооруканага түштү. Ошол ылаң табылып, мал өлгөн аймак эми жаңы очок катары катталат. Бетон куюлуп, белгилер коюлат. Бул аймактар 1932-жылдан бери катталып келет. Кээ бир очоктор согуш, жер көчкөн учурларда табылбай калган. Биз жылына күйдүргүгө каршы ошол аймакка жакын жайылган малды эмдөөдөн өткөрөбүз. Бул вакциналар мамлекет бөлгөн каражатка алынат. Андан тышкары, очокторду жыл сайын жазында жана күзүндө текшерип чыгабыз. Күйдүргү очоктору жыл сайын дезинфекцияланганы менен азыркы учурда аны толук жок кылуу мүмкүн эмес", — деди Сотовалдиев.

Ал күйдүргү менен ооруган мал жыгылып, оозу-мурдунан кан аралаш суюуктук чыгарын кошумчалады.

Подкасттын толук вариантын видеодон көрүңүз:

24
Белгилер:
күйдүргү, мал
Тема боюнча
Мал союп этин тараткан. Аксыда 7 адам күйдүргүгө шектелип ооруканага түштү
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

0
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

0
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты