Жеңил атлетика боюнча эл аралык класстагы спорттун чебери Гүлшаной Сатарова

Сатарова: Олимпиадага баруу үчүн марафондорго катыша баштагам

30
Жеңил атлетика боюнча эл аралык класстагы спорттун чебери Гүлшаной Сатарова Олимпиада оюндарына катышуу максатында спорттун түрүн өзгөртүп, марафонго катышууга өткөнүн айтты.

Мелдештерде 1 500 метр аралыкка чуркап жүрүп, дароо марафондук дистанцияга өтүү оор болду. Мындай пикирин Гүлшаной Сатарова Sputnik Кыргызстан радиосунун эфиринде маек куруп жатып билдирди.

Сатарова: Олимпиадага баруу үчүн марафондорго катыша баштагам

Анын айтымында, Олимпиадада 1 500 метр аралыкка лицензия алуу абдан чоң күчтү талап кылат.

"Марафондук дистанцияга өтүшүмдүн негизги максаты Олимпиада оюндарына лицензия утуп алуу болгон. Буга чейин мелдештерге 1 500 метр аралыкта чыгып келгем. Бул дисциплинада дүйнөлүк аренада абдан чоң атаандаштык бар. Болгондо да жолдомо утуш үчүн 4 мүнөт 9 секундалык чектен өтүү керек. Менин көрсөткүчүм 4 мүнөт 22 секунданы түзөт. Тиешелүү убакытты багындыруу үчүн 11-12 секунда жетпей жатат. Бул абдан оор жана чоң убакыт. Мунун баарын эске алып, марафондук жарышка катыша баштадым. Мелдештерде 1 500 метр аралыкка чуркап жүрүп, дароо марафондук дистанцияга өтүү оор болду. Жашым дагы 30дан ашып калды. Бирок дагы бир жолу мүмкүнчүлүктү сынап, максатым үчүн күрөшөм. Ал үчүн болгон күчүмдү жумшайм", — деди Сатарова.

Ошондой эле жөө күлүк балалуу болгондон кийин мурунку көрсөткүчтү кармап туруу абдан татаал экендигин кошумчалады.

30
Белгилер:
жеңил атлетика, олимпиада, жөө күлүк
Тема боюнча
Расулбеков: Олимпиадада кетирген каталарым ийгилик жаратууга ишеним берди
Айыл, суу чарба жана аймактарды өнүктүрүү министрлигине караштуу Кошулган нарктын агро азык-түлүк чынжырчасын өнүктүрүү башкармалыгынын башчысы Марат Асыпбеков

Асыпбеков: логистикалык борбор курган ишкерлер мамлекеттен колдоо табат

54
Айыл, суу чарба жана аймактарды өнүктүрүү министрлигине караштуу Кошулган нарктын агро азык-түлүк чынжырчасын өнүктүрүү башкармалыгынын башчысы Марат Асыпбеков өлкөдө 23 соода-логистикалык борбор куруу планда бар экендигин айтты.

Соода-логистикалык борборду курууну колго алган ишкерлерге мамлекет тарабынан колдоо көрсөтүлүп, жеңилдетилген салык формасын колдонушат. Мындай маалыматты Марат Асыпбеков Sputnik Кыргызстан радиосунун эфиринде билдирди.

Асыпбеков: логистикалык борбор курган ишкерлер мамлекеттен колдоо табат

Анын айтымында, өлкөдөгү 12 соода-логистикалык борбордун көбү эл аралык стандарттарга дал келбейт.

"2015-2017-жылдар аралыгында Айыл чарбасын соода-логистикалык багытында өнүктүрүү жана уюштуруу боюнча өкмөттүн токтому чыккан. 2018-жылы аталган концепция программага айланып, 2019-2023-жылдарга чейин түзүлгөн. Учурда биз ушул программа боюнча иштеп, анын алкагында 12 логистикалык борбор курулду. Эми республиканын аймактарында дагы 23 борбор ачуу пландалып жатат. Соода-логистикалык борбор ачууну каалаган ишкер мамлекет тарабынан колдоого ээ болуп, салыктан бошотулат же жеңилдетилген формада колдоно алат. Борборлорду куруу үчүн абдан көп каражат керектелгендиктен, Азия өнүктүрүү банкынан гранттык негизде 100 миллион АКШ доллары бөлүнүп, анын 50 миллиону айыл чарбасын өнүктүрүүгө берилери айтылды. Ага ылайык, ар бир облуста бирден логистикалык борбор куруу пландалууда. Алар Бишкек, Токмок, Каракол, Кызыл-Кыя шаарларында, Сузак, Кара-Суу райондорунда уюштурулары каралууда", — деди Асыпбеков.

Ошондой эле адис эл аралык стандартка жооп берген соода-логистикалык борборлордун ачылышы ЕАЭБ өлкөлөрүнө айыл чарба продукцияларын оңой экспорттоого жол ачыларын кошумчалады.

54
Белгилер:
логистикалык борбор, экспорт, айыл чарба продукциясы
Тема боюнча
Каарбаева: Россия-кыргыз бизнес-форуму ишкерлерге чоң мүмкүнчүлүктөрдү ачты
Бишкек жылуулук тармагы ишканасынын өндүрүштүк-техникалык бөлүмүнүн башчысынын орун басары Нурлан Айтмурзаев

Айтмурзаев: Бишкектин тургундары жылуулук системаларын текшертип коюшу керек

13
"Бишкек жылуулук тармагы" ишканасынын өндүрүштүк-техникалык бөлүмүнүн башчысынын орун басары Нурлан Айтмурзаев борбордо күз-кыш мезгилдерине карата суу түтүктөрү толук реконструкциядан өткөнүн айтты.

Борбор калаа боюнча турак-жайлардагы жарактан чыккан жылуулук жана ысык суу түтүктөрү алмаштырылып, пландалган иштер соңуна чыкты. Мындай маалыматты Нурлан Айтмурзаев Sputnik Кыргызстан радиосунун эфиринде билдирди.

Айтмурзаев: Бишкектин тургундары жылуулук системаларын текшертип коюшу керек

Анын айтымында, ар бир шаар тургуну кышка жоопкерчилик менен даярданып, жылуулук системаларынын абалын көзөмөлдөп коюшу керек.

"Ар жылдын март-апрель айларында "Бишкек жылуулук тармагы" кезектеги күзгү-кышкы мезгилге карата даярдыкты дароо баштайт. Ушул жылдын 1-сентябрына карата Бишкекте 1946 метр эскирген түтүк оңдолуп, 350 арматура алмаштырылды. Мындан тышкары, 946 чарчы метрлик бузулган жылуулук изоляциясы калыбына келтирилди. Каралаев, Абдымомунов, Жумабек жана Ростовский көчөлөрү аркылуу өткөн суу түтүктөрү реконструкцияланды. Жалпысынан шаар боюнча 60 миллиметрден 133 миллиметрге чейинки диаметрдеги 475 түтүк алмаштырылды. Бишкек шаары боюнча турак-жайлардагы жарактан чыккан жылуулук жана ысык суу түтүктөрү алмаштырылып, пландалган иштер соңуна чыгып, 100 пайыз күз-кыш мезгилине даяр. Бул учурда шаар тургундары да өз турак-жайларындагы жылытуучу жабдыктарды текшерүүдөн өткөрүп коюшу керек. Бул кышкы суукта болуп кетүүчү ар кандай бузулуу, кырсыктардын алдын алат", — деди Айтмурзаев.

Ошондой эле адис абоненттерди жылуулук жана ысык сууга болгон карыздарды убагында төлөөгө чакырды.

13
Белгилер:
Нурлан Айтмурзаев, Бишкек, жылуулук, суу түтүктөрү, реконструкция
Тема боюнча
Суу тартыштыгы. Министрлик элди көмүр менен газ камдоого чакырды
Комуз. Архивдик сүрөт

Ош шаарында төкмө акындардын айтышы өтөт

0
Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

БИШКЕК, 20-сен. — Sputnik. Ош шаарында 23-сентябрда республикалык төкмө акындардын "Ак таңдай-2021" деп аталган айтышы башталат. Бул тууралуу Ош мэриясынын маалымат кызматы социалдык тармактагы баракчасына чыгарды.

Бул сынак "Алтын комуз" байгесине арналганы айтылды.

"22-сентябрда "Санжыра" эс алуу жайында тандоо туру, ал эми 23-сентябрда Султан Ибраимов атындагы улуттук драма театрында "Ак таңдай-2021" республикалык төкмө акындардын айтышы башталат", — деп жазылган маалыматта.

Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

Ага тиркелген жарнама видеодо Мамлекеттик тил күнү жана Ош шаарынын күнүн утурлай уюштурулган бул иш-чараны "Ак таңдай" коомдук фонду, Ош шаардык мэриясы жана ЭлТР каналы биргелешип уюштургандыгы кабарланган.

0
Белгилер:
Кыргызстан, Ош шаары
Тема боюнча
Кыргыз-казак эл аралык айтыш жыйынтыкталып, жеңүүчүлөр аныкталды