Президентке караштуу Мамлекеттик башкаруу академиясынын Мамлекеттик башкаруу жана өнүктүрүүнү изилдөө институтунун директору, экономист Улукман Мамытов

Мамытов: доллардын доору бүтүп баратат

119
(жаңыланган 10:50 10.09.2021)
Президентке караштуу Мамлекеттик башкаруу академиясынын Мамлекеттик башкаруу жана өнүктүрүүнү изилдөө институтунун директору, экономист Улукман Мамытов доллардын келечеги тууралуу пикирин билдирди.

Доллар бара-бара өз күчүн жоготуп регионалдык валютага айланып калат. Буга бир нече себеп бар экенин Улукман Мамытов Sputnik Кыргызстан радиосуна маек куруп жатып айтты.

Мамытов: доллардын доору бүтүп баратат

Анын айтымында, Батыш экономикасы учурда чоң кризиске кептелүүдө.

"Учурда долларга байланыштуу тобокелчиликтер курчуп жатат. Алдыда мындан да көбөйүшү мүмкүн. Жүрүп отуруп доллар да, евро да регионалдык эле валютага айланып калат. Анткени Кытай өзүнүн валютасы менен бир чоң экономикалык аймак болот. ЕАЭБ бирдиктүү валютага өтүп, өзүнчө экономикалык зонага айлана алат. Евразия экономикалык уюмунун өсүшү Россиянын экономикасы менен тыгыз байланышта. Мисалы, учурда Россия Америка тарабынан коюлган ар кандай экономикалык санкцияларга карабай бюджетин профицит менен кармап келе жатат. Ал эми ушул эле убакта батыш өлкөлөрү, Америка болуп көрбөгөндөй чоң кризиске туш болууда. Буга бир эле пандемия себеп эмес, коронавирустук абал жөн гана шылтоо. Алып карай турган болсок, соңку жүз жылда Батыштын, Американын улуттук банктары 4 триллион доллар сыртка чыгарышкан. Ал эми соңку 1,5 жылда бул каражаттын көлөмү 11 триллионго жеткен. Мындай мисалдар көп. Андыктан доллардын доору бүтүп баратат",— деди Мамытов.

Экономист өз кезегинде Кыргызстан да доллардан акырындап баш тартуу менен көз карандылыктан арылышы керектигин кошумчалады.

Подкастты толугу менен видеодон көрө аласыз:

119
Белгилер:
доллар, евро, Евразиялык экономикалык биримдик, Кыргызстан
Тема боюнча
Мамытов: ЕАЭБде доллардан баш тартуунун төрт пайдалуу жагы бар
Россия-кыргыз өнүктүрүү фондунун (РКӨФ) башкармалыгынын мүчөсү Бакыт Курманбеков

Курманбеков: Россия-кыргыз өнүктүрүү фонду 3067 долбоорду каржылады

45
(жаңыланган 11:39 22.09.2021)
Россия-кыргыз өнүктүрүү фондунун (РКӨФ) башкармалыгынын мүчөсү Бакыт Курманбеков РКӨФ негизделгенден берки алты жылда жалпы көлөмү 388 миллион долларды түзгөн 3 067 долбоорду каржылаганын айтты.

Фонд тарабынан берилген 388 миллион доллар насыянын 35 пайызы өндүрүшкө, 24 пайызы айыл чарба багытына, 9 пайызы транспорттук жана логистикалык ишканаларга жумшалган. Мындай маалыматты Бакыт Курманбеков Sputnik Кыргызстан радиосунун эфиринде маек куруп жатып билдирди.

Курманбеков: Россия-кыргыз өнүктүрүү фонду 3067 долбоорду каржылады

Анын айтымында, РКӨФ тарабынан берилген каражаттын көбү Чүй облусу жана Бишкек шаарындагы долбоорлорго кеткен.

"Россия-кыргыз өнүктүрүү фонду негизделгенден берки алты жылда жалпы көлөмү 388 миллион долларды түзгөн 3 067 долбоорду каржылады. Насыянын эң чоң көлөмү өндүрүш секторуна берилди. Жумшалган 388 миллион доллардын 35 пайызы өндүрүшкө, 24 пайызы айыл чарба багытына, тогуз пайызы транспорттук жана логистикалык ишканаларга жумшалды. Калган каражат байланыш, инфрастуктураны өнүктүрүү, туризм жана башка тармактарга берилди. Аймактарга бөлүп карасак, акчанын көбү Бишкек шаары жана Чүй облусундагы долбоорлорго сарпталган. Бишкек өлкөнүн иш борбору болгондуктан ишкерлер ишмердүүлүгүн борбордо жүргүзүшөт. Ош, Жалал-Абад облустарына 56 миллион, Ысык-Көл чөлкөмүндөгү ишкерлерге 39 миллион долларлык насыя берилген", — деди Курманбеков.

Ошондой эле адис Россия-кыргыз өнүктүрүү фонду валюталык тобокелдиктин алдын алуу максатында аймактардагы долбоорлорду каржылоону улуттук валюта менен жүргүзүүнү колго аларын кошумчалады.

45
Белгилер:
Бакыт Курманбеков, Россия-кыргыз өнүктүрүү фонду, насыя, ишкерлик, аймак, өнүктүрүү
Тема боюнча
Новиков: Россия-кыргыз өнүктүрүү фонду кайрымдуулук уюм эмес
Ветеринардык жана фитосанитардык коопсуздук боюнча инспекциянын эпизоотияга каршы көзөмөлдөө башкармалыгынын башчысы Адилет Сотовалдиев

Сотовалдиев: күйдүргү менен үй жаныбарларынын баары ылаңдайт

24
Ветеринардык жана фитосанитардык коопсуздук боюнча инспекциянын эпизоотияга каршы көзөмөлдөө башкармалыгынын башчысы Адилет Сотовалдиев малдын ооруганы билинбей турганын, ал эми адамга жукканда денеге жара чыгарын айтты.

Күйдүргү оорусу менен үй жаныбарларынын баары ылаңдайт. Бирок ит, мышыктардын ооруганы сейрек кездешет. Көбүнчө аталган илдеттен кой, эчки, уй, жылкы, чочко, төө жабыркайт. Бул тууралуу Адилет Сотовалдиев Sputnik Кыргызстан радиосунун эфиринде маек куруп жатып билдирди.

Сотовалдиев: күйдүргү менен үй жаныбарларынын баары ылаңдайт

Анын айтымында, күйдүргү менен ооруган мал ичкен сууну адам колдонсо оору жугуп калуу коркунучу бар.

"Күйдүргү малдан адамга жугуучу зооноздук илдетке кирет. Эл аралык институттар күйдүргүнүн козгогучтары сырткы чөйрөдө канча жыл жашай турганын изилдеп бүтө элек. Болжол менен ал айлана-чөйрөдө кылымдап жата берет. Учурда республика боюнча күйдүргүнүн 560 очогу катталган. Жакында эле Жалал-Абад облусунун Аксы районунда жети адам күйдүргүгө шектелип ооруканага түштү. Ошол ылаң табылып, мал өлгөн аймак эми жаңы очок катары катталат. Бетон куюлуп, белгилер коюлат. Бул аймактар 1932-жылдан бери катталып келет. Кээ бир очоктор согуш, жер көчкөн учурларда табылбай калган. Биз жылына күйдүргүгө каршы ошол аймакка жакын жайылган малды эмдөөдөн өткөрөбүз. Бул вакциналар мамлекет бөлгөн каражатка алынат. Андан тышкары, очокторду жыл сайын жазында жана күзүндө текшерип чыгабыз. Күйдүргү очоктору жыл сайын дезинфекцияланганы менен азыркы учурда аны толук жок кылуу мүмкүн эмес", — деди Сотовалдиев.

Ал күйдүргү менен ооруган мал жыгылып, оозу-мурдунан кан аралаш суюуктук чыгарын кошумчалады.

Подкасттын толук вариантын видеодон көрүңүз:

24
Белгилер:
күйдүргү, мал
Тема боюнча
Мал союп этин тараткан. Аксыда 7 адам күйдүргүгө шектелип ооруканага түштү
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

0
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

0
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты