Компания жетекчиси Азамат Акенеев

Акенеев: кубаттоочу станция жок болгондуктан электромобилге кызыгуу аз

47
Компания жетекчиси Азамат Акенеев 2019-жылдан бери электромобилдердин саны он эсе өскөнүн айтты.

Өлкөбүздө электр транспортту көбөйтүү максатында электромобилдердин экологияга таасирин карап, аны алып келүү үчүн мамлекет, жеке ишкерлер тарабынан эмне жасалышы керектигине байкоо жасадык. Бизде учурда бир миллионго жакын унаа бар. Алар экологияга 104 миллион зыяндуу, ууландыруучу заттарды бөлөт. Андыктан электромобилдерге өтүү биз үчүн маанилүү. Бул тууралуу "СмартЭнерджи" компаниясынын жетекчиси Азамат Акенеев Sputnik Кыргызстан радиосунун эфиринде билдирди.

Акенеев: кубаттоочу станция жок болгондуктан электромобилге кызыгуу аз

Анын айтымында, өлкө аймагында кубаттоочу станция жок болгондуктан калк электромобилдерге кызыкпай жатат.

"Өлкөдө 2019-жылы 24 гана электромобиль болсо, унаалар нөл тарифи менен киргизиле баштагандан тартып азыр электрокардын саны 200гө жетти. Ушундай темп менен кете берсе, биздин эсеп боюнча 2030-жылы 10 миңге жетет деген божомол бар. Эгерде унаа кубаттоочу станцияларды куруп, инфраструктуралык өзгөртүүлөрдү киргизсек, мамлекет электромобилдерди алып келүүгө шарт түзүп берсе, анда мындан да жакшы көрсөткүчкө жетебиз. Электромобилдердин жаратылышка терс таасири жок. Бирок аккумулятору жарактан чыкканда зыяндуу заттар чыга баштайт. Азыркы учурда Германия, Кытай өңдүү өнүккөн өлкөлөрдө аны кайра иштетүү жайлары бар. Бизде электромобилдер анча көп санда болбогондон кийин жарактан чыккан аккумуляторду Кытайга чыгарууну сунуштайбыз. Бул эми жакын арада ишке ашчу маселе эмес. Ага чейин электромобилдерди өлкө ичинде жайылтууга көңүл бөлүү керек. Эксплуатация (ремонт, ток) жагынан карасак ошол эле Toyota Camry жылына орточо 180 миң сом сарптайт. Ал эми Nissan LEAF болсо амортизациясын эске албаганда кубаттаганга 10 миң сом гана талап кылат. Мындайча айтканда, унаа өзүнүн баасын актайт. Азыр бизге Nissan LEAF, BYD, Honda электромобилдери алып келинүүдө", — деди Акенеев.

Адис Кыргызстанга көбүнчө колдонулган электромобилдер алып келинип жатканын айтып, жаңы унаалардын келишине шарт түзүү керектигин кошумчалады.

47
Белгилер:
электромобиль, экономика, экология, Азамат Акенеев
Тема боюнча
Акылбеков: "Муниципалдык Эко Такси" кызматын түзүү каралууда
Айыл, суу чарба жана аймактарды өнүктүрүү министрлигине караштуу Кошулган нарктын агро азык-түлүк чынжырчасын өнүктүрүү башкармалыгынын башчысы Марат Асыпбеков

Асыпбеков: логистикалык борбор курган ишкерлер мамлекеттен колдоо табат

59
Айыл, суу чарба жана аймактарды өнүктүрүү министрлигине караштуу Кошулган нарктын агро азык-түлүк чынжырчасын өнүктүрүү башкармалыгынын башчысы Марат Асыпбеков өлкөдө 23 соода-логистикалык борбор куруу планда бар экендигин айтты.

Соода-логистикалык борборду курууну колго алган ишкерлерге мамлекет тарабынан колдоо көрсөтүлүп, жеңилдетилген салык формасын колдонушат. Мындай маалыматты Марат Асыпбеков Sputnik Кыргызстан радиосунун эфиринде билдирди.

Асыпбеков: логистикалык борбор курган ишкерлер мамлекеттен колдоо табат

Анын айтымында, өлкөдөгү 12 соода-логистикалык борбордун көбү эл аралык стандарттарга дал келбейт.

"2015-2017-жылдар аралыгында Айыл чарбасын соода-логистикалык багытында өнүктүрүү жана уюштуруу боюнча өкмөттүн токтому чыккан. 2018-жылы аталган концепция программага айланып, 2019-2023-жылдарга чейин түзүлгөн. Учурда биз ушул программа боюнча иштеп, анын алкагында 12 логистикалык борбор курулду. Эми республиканын аймактарында дагы 23 борбор ачуу пландалып жатат. Соода-логистикалык борбор ачууну каалаган ишкер мамлекет тарабынан колдоого ээ болуп, салыктан бошотулат же жеңилдетилген формада колдоно алат. Борборлорду куруу үчүн абдан көп каражат керектелгендиктен, Азия өнүктүрүү банкынан гранттык негизде 100 миллион АКШ доллары бөлүнүп, анын 50 миллиону айыл чарбасын өнүктүрүүгө берилери айтылды. Ага ылайык, ар бир облуста бирден логистикалык борбор куруу пландалууда. Алар Бишкек, Токмок, Каракол, Кызыл-Кыя шаарларында, Сузак, Кара-Суу райондорунда уюштурулары каралууда", — деди Асыпбеков.

Ошондой эле адис эл аралык стандартка жооп берген соода-логистикалык борборлордун ачылышы ЕАЭБ өлкөлөрүнө айыл чарба продукцияларын оңой экспорттоого жол ачыларын кошумчалады.

59
Белгилер:
логистикалык борбор, экспорт, айыл чарба продукциясы
Тема боюнча
Каарбаева: Россия-кыргыз бизнес-форуму ишкерлерге чоң мүмкүнчүлүктөрдү ачты
Бишкек жылуулук тармагы ишканасынын өндүрүштүк-техникалык бөлүмүнүн башчысынын орун басары Нурлан Айтмурзаев

Айтмурзаев: Бишкектин тургундары жылуулук системаларын текшертип коюшу керек

13
"Бишкек жылуулук тармагы" ишканасынын өндүрүштүк-техникалык бөлүмүнүн башчысынын орун басары Нурлан Айтмурзаев борбордо күз-кыш мезгилдерине карата суу түтүктөрү толук реконструкциядан өткөнүн айтты.

Борбор калаа боюнча турак-жайлардагы жарактан чыккан жылуулук жана ысык суу түтүктөрү алмаштырылып, пландалган иштер соңуна чыкты. Мындай маалыматты Нурлан Айтмурзаев Sputnik Кыргызстан радиосунун эфиринде билдирди.

Айтмурзаев: Бишкектин тургундары жылуулук системаларын текшертип коюшу керек

Анын айтымында, ар бир шаар тургуну кышка жоопкерчилик менен даярданып, жылуулук системаларынын абалын көзөмөлдөп коюшу керек.

"Ар жылдын март-апрель айларында "Бишкек жылуулук тармагы" кезектеги күзгү-кышкы мезгилге карата даярдыкты дароо баштайт. Ушул жылдын 1-сентябрына карата Бишкекте 1946 метр эскирген түтүк оңдолуп, 350 арматура алмаштырылды. Мындан тышкары, 946 чарчы метрлик бузулган жылуулук изоляциясы калыбына келтирилди. Каралаев, Абдымомунов, Жумабек жана Ростовский көчөлөрү аркылуу өткөн суу түтүктөрү реконструкцияланды. Жалпысынан шаар боюнча 60 миллиметрден 133 миллиметрге чейинки диаметрдеги 475 түтүк алмаштырылды. Бишкек шаары боюнча турак-жайлардагы жарактан чыккан жылуулук жана ысык суу түтүктөрү алмаштырылып, пландалган иштер соңуна чыгып, 100 пайыз күз-кыш мезгилине даяр. Бул учурда шаар тургундары да өз турак-жайларындагы жылытуучу жабдыктарды текшерүүдөн өткөрүп коюшу керек. Бул кышкы суукта болуп кетүүчү ар кандай бузулуу, кырсыктардын алдын алат", — деди Айтмурзаев.

Ошондой эле адис абоненттерди жылуулук жана ысык сууга болгон карыздарды убагында төлөөгө чакырды.

13
Белгилер:
Нурлан Айтмурзаев, Бишкек, жылуулук, суу түтүктөрү, реконструкция
Тема боюнча
Суу тартыштыгы. Министрлик элди көмүр менен газ камдоого чакырды
Мужчина в наручниках. Архивное фото

Аэропортко бараткан жолдо аялды коюп кеткен мотоциклдин айдоочусу кармалды

0
Окуя кечээ, 19-сентябрда, болгон. Кырсыктын кесепетинен 52 жаштагы аял каза тапкан.

БИШКЕК, 20-сен. — Sputnik. Аэропортко бараткан жолдун Манас айылында аялды сүзүп кеткен мотоциклдин айдоочусу кармалды. Бул тууралуу Чүй ОИИББдин маалымат кызматы билдирди.

Окуя кечээ, 19-сентябрда, саат 19:30да болгон. Кырсыктын кесепетинен 52 жаштагы аял каза тапкан. Мындан улам Манас айылынын жашоочулары Бишкек — аэропорт жолун тосуп, нааразычылыктарын билдиришкен.

Милиция кырсык тууралуу маалымат түшөрү менен ыкчам-тергөө тобу жерине барганын белгиледи. Аталган факт Жазык кодексинин 297-беренеси (Жол кыймылы коопсуздугун жана автотранспорт каражаттарын эксплуатациялоо эрежелерин бузуу) менен катталган.

Азыркы тапта мотоциклдин Н.Ф. аттуу 29 жаштагы айдоочусу Сокулук райондук милициясынын убактылуу кармоочу жайына киргизилди.

Тийиштүү экспертизалар дайындалып, сотко чейинки өндүрүш жүргүзүлүүдө.

0