Начальник отдела развития агропродовольственной цепочки Министерства сельского, водного хозяйства и регионального развития Марат Асыпбеков

Асыпбеков: логистика борборлору аймактарды өнүктүрүүнүн локомотиви болот

102
Айыл, суу чарба жана аймактарды өнүктүрүү министрлигине караштуу Кошулган нарктын агро азык-түлүк чынжырчасын өнүктүрүү башкармалыгынын башчысы Марат Асыпбеков соода-логистикалык борборлор региондорду өнүктүрүүнүн локомотиви боло аларын айтты.

Соода-сатыкты башка өлкөлөр менен жакшыртууда, айыл чарба өндүрүшүн алга жылдырууда соода-логистикалык борборлордун орду абдан маанилүү. Мындай пикирин Марат Асыпбеков Sputnik Кыргызстан радиосунун эфиринде маек куруп жатып билдирди.

Асыпбеков: логистика борборлору аймактарды өнүктүрүүнүн локомотиви болот

Анын айтымында, соода-логистикалык борборлор аркылуу кайра иштетүү, транспорттук, транзиттик потенциалды жолго салса болот.

"Экспорттук багытта айыл чарба продукцияларын ири көлөмдө сыртка чыгаруу учурдун негизги талаптарынын бири. Бул боюнча мамлекет, өкмөт жана министрлик да түрдүү чараларды колдонуп келет. Алсак, соода-сатыкты башка өлкөлөр менен жакшыртууда, айыл чарба өндүрүшүн алга жылдырууда соода-логистикалык борборлордун орду абдан маанилүү. Ал кызмат көрсөтүүнү камсыз кылып, транспорттук, кайра иштетүү, транзиттик потенциалга ээ. Мындан тышкары, жергиликтүү жана эл аралык өндүрүүчүлөр үчүн коммерциялык негизде операторлордун жардамы менен кызмат көрсөтүүчү борбор болуп саналат", — деди Асыпбеков.

Ошондой эле адис соода-логистикалык борборлорун түзүү аркылуу өкмөт тарабынан айыл чарба продукцияларын экспортко ири көлөмдө чыгаруу каралып жаткандыгын кошумчалады.

102
Белгилер:
соода, экспорт, айыл чарба продукциясы
Тема боюнча
Алишеров: ЕАЭБге кирген алты жылда 174 ишкана ачылды
Психолог, психология илимдеринин кандидаты, доцент Маматали Мурзаев

Мурзаев: үй-бүлөдө ынтымак болушу үчүн күн сайын күрөшүү керек

60
Психолог, психология илимдеринин кандидаты, доцент Маматали Мурзаев илим-билим алып жаткан жаштардын арасында үй-бүлө куруу боюнча жаман тенденция бар экенин айтты.

Аялдын жана эркектин психологиясынын ар башка болушу үй-бүлөдө татаал кырдаалды жаратат. Үйдө жакшы мамиле, ынтымак, түшүнүү болуу үчүн күн сайын күрөшүү керек. Бул тууралуу Маматали Мурзаев Sputnik Кыргызстан радиосунун эфиринде маек куруп жатып билдирди.

Мурзаев: үй-бүлөдө ынтымак болушу үчүн күн сайын күрөшүү керек

Анын айтымында, жубайлар бири-биринин кемчилигинин үстүнөн иштеши керек.

"Илгертеден эле жар тандоо укугу эркектерде болгон. Салт боюнча ата-эне таптап берүүсү керек эле. Кийин жубай тандоо толугу менен эркектерге өттү. Алар биринчи кезекте кыздардын сулуулугун, дене түзүлүшүн, анан ден соолугун карашат да, андан кийин гана ортодогу мамиле, жашоодогу кызыгуулары, көз караштарынын шайкеш келүүсүнө маани беришет. Булар үй-бүлө курууга, туура жар тандоого негиз боло албайт. Мисалы, сүйүүнү алсак, анын негизги кызматы жигит менен кызды бири-биринин айрым кемчиликтерин көрсөтпөй жакындатуу. Үй-бүлө кургандан кийин жубайлардын мамилеси кыз-жигиттин сүйүүсүнөн да жогору турат. Алардын каны-жаны бир болуп калат. Сүйүшкөндөрдүн каны-жаны бир болбойт. Алар бири-бирине умтулуп гана турат. Аларды ажыраштырып салуу да оңой. Европалык маданиятты көрүп калган кыздар "мен бактылуу болушум керек" дешет. Анын бактылуулук боюнча түшүнүгү күйөөсү, кайнатасы, кайненесинин көз карашы менен дал келбей калышы мүмкүн. Азыр илим-билим алып жаткан жаштардын арасында жаман тенденция бар. Карьера куруп, бутка турушум керек дешет. Алар бутка тургуча жашы өтүп, 30га чыгат. Бул куракта бала-чакалуу болуу татаал жана баланын ден соолугу начар төрөлүшү мүмкүн. Мунун баары эске алынбай калып жатат", — деди Мурзаев.

Психолог жар тандоодо мүнөзү жагынан шайкеш келүүсүн аныктап алуу маанилүү экенин кошумчалады.

Подкасттын толук вариантын видеодон көрүңүз:

60
Белгилер:
үй-бүлө, психология, жар, тандоо, Маматали Мурзаев
Тема боюнча
Тапкан акчасын туугандарына чачып чарчатты. Жолдошуна көз каранды келиндин каты
Бишкек Жылуулук электр борборунун башкы инженеринин орун басары Нурлан Кулжыгачов

Кулжыгачов: Бишкек ЖЭБи күзгү-кышкы жылытуу мезгилине даяр

20
Бишкек Жылуулук электр борборунун башкы инженеринин орун басары Нурлан Кулжыгачов Бишкек ЖЭБ күзгү-кышкы жылытуу мезгилине даярдык пландык негизде аткарылып жаткандыгын айтты.

Күз-кыш мезгилинен өтүү үчүн Бишкек шаарынын ЖЭБине жалпысынан 1 миллион 650 миң тонна көмүр керек. Мындай маалыматты Нурлан Кулжыгачов Sputnik Кыргызстан радиосунун эфиринде билдирди.

Кулжыгачов: Бишкек ЖЭБи күзгү-кышкы жылытуу мезгилине даяр

Анын айтымында, калкты, анын ичинде социалдык жана башка объектилерди үзгүлтүксүз электр энергиясы жана жылуулук менен камсыз кылуу үчүн тынымсыз иштер жүрүүдө.

"Келе жаткан 2021-2022-жылдагы күз-кыш жылытуу мезгилине өкмөттүн токтому боюнча 1 миллион 650 миң тонна көмүр керек. Анын бир миллион тоннасы жергиликтүү Кара-Кече көмүрү болсо, 643 миң тоннасы импорттолот. Учурда келишимдин баары түзүлүп, коюлган графиктин негизинде келип жатат. Кампада 225 миң тонна көмүр бар. Мындан тышкары, биздин ишканада 17 буу казан, тогуз буу агрегатыбыз бар. От казандарды жана турбогенераторлорду оңдоо белгиленген мөөнөтүндө аткарылып жатат", — деди Кулжыгачов.

Ошондой эле адис Бишкек Жылуулук электр борбору республикадагы электр энергиясынын 15 пайызын камсыз кыларын кошумчалады.

Подкасттын толук вариантын видеодон көрүңүз:

20
Белгилер:
Бишкек, жылуулук, электр жарыгы, жылытуу маалы, ысык суу
Тема боюнча
Суу тартыштыгы. Министрлик элди көмүр менен газ камдоого чакырды
Сыркоологон кыз. Архив

Начар иммунитеттин алты белгиси. Буларды тоготпой коюуга болбойт

0
Организм ээсине дарыгерге кайрылып, толук текшерүүдөн өтүүгө мезгил келгендиги боюнча белги бериши мүмкүн.

БИШКЕК, 21-сен. — Sputnik. Иммунореабилитация жана алдын ала эскертүүчү медицина боюнча жеке клиниканын илимий жетекчиси Ольга Шуппо "Доктор Питер" порталына алсыз иммунитеттин тоготпой койгонго болбой турган алты белгиси тууралуу айтып берген.

Адамдын организми бири-бири менен байланышта болгон өтө татаал система. Андыктан чачтын кургашын же белдин бир нече сантиметрге чоңоюп кетишине шампунду алмаштыруу же диетага отура коюу дайыма эле жардам бере албайт. Балким, бул терапевтке же иммунологго кайрылып, толук текшерүүдөн өтүүгө берилген белги болушу мүмкүн.

1. Дайыма чарчай бергендей абалда жүрүү

Ойгонгондо эле чарчоо сезими бар. Көптөр ушундай маанайда болот. Бул иммунитеттин алсыздыгы эле эмес, стресстен кийин нерв системаларынын калыбына келишине жоопкер болгон бөйрөктүн үстүндөгү бездердин дисбалансы. Дайыма кыжаалат болуп же бир нерсеге тынчсызданып жүргөн кишилерде аталган бездердин алсыз болуп калуу тобокелдиги жогору. Мында ал стресстин гормондорун көп бөлүп чыгарат. Анын башка клеткаларга, органдарга тийгизген таасиринен улам жүрөктүн кагышы тездеп, кан тамырлар ичкерип, иммунитет алсырайт. Тамак сиңирүү жана сырткы факторго туруштук берүү начарлайт.

2. Ич чыгып кеткенде

Адам чымыр же арык болсо деле ич чыгып калат. Ашыкча салмак деле жок, анда эмне болуп жатат? Ал  курсактын ич жагында майдын топтолушунан улам болот. Бул стресстин жана канда кортизолдун көбөйүп кетишинин белгиси. Дал ушул гормон кишиге казы байлатат. Айтмакчы, мындан улам адамда богок пайда болот. Башка дагы бир жагымсыз нерсе – дайыма болгон стресстин иммунитетти "жей" бериши.

3. Эске тутуунун начарлашы

Бул да иммунитеттин начарлашына байланыштуу. Кеп өнөкөт стресс жана калкан бездеринин функциясынын бузулушуна байланыштуу маселе туурасында болуп жатат. Аталган бездин начар иштешинен адамдын тез реакциясы жайлап, анын айынан эске тутуу жабыркайт.

4. Учуктун (герпес) көп чыгышы

Ал эринге, жыныс мүчөлөргө чыгышы мүмкүн. Бул коргоочу системанын начарлашынан кабар берет. Организм кадимки калыбында болсо, ичтеги өнөкөт инфекцияны басып коёт, эгерде иммунитет алсырай баштаса, вирус активдешет. Учук ай сайын чыгышы мүмкүн. 

5. Аллергиялык реакциялар

Аллергендерге каршы тура албоочулук да организмде бир мандем бар экенин кабарлайт. Организм пайда болгон факторго кантип реакция кылууну билбегендиктен, вирустук бактерияларга каршы тура албай, анысын аллергия түрүндө көрсөтөт.

6. Чач түшүп, чыканактын терисинин кургашы

Бул калкан бездин гипотиреозасынан кабар берет. Жакшы иммунитет жана калкан бездин кадимкидей иштеши абдан маанилүү. Аталган безге стресстин таасиринин кесепети оңбогондой. Бул  — эске тутуунун начарлашы, чачтын түшүүсү, чыканактын кургашы сыяктуу дагы бир топко узарган тизме.

0
Белгилер:
ден соолук, иммунитет, стресс
Тема боюнча
Кан басымы жогору адамдар кайсы эрежелерди карманышы керек
COVID интеллектини эмне үчүн жабыркатарын невролог түшүндүрүп берди