Олимпиадалык спорттун түрлөрү боюнча дирекциянын директорунун орун басары Алибек Ташматов

Ташматов: приоритеттүү спорттун түрлөрүн көбөйтүү каралууда

36
Олимпиадалык спорттун түрлөрү боюнча дирекциянын директорунун орун басары Алибек Ташматов Кыргызстанда артыкчылыкка ээ спорттун түрлөрүнүн санын көбөйтүү боюнча аракеттер көрүлө баштаганын айтты.

Приоритеттүү спорт түрлөрүн көбөйтүп, аны мамлекеттик деңгээлде көңүл буруп, финансылык жактан колдоп бергенде гана эл аралык мелдештерде ийгиликтер болот. Мындай пикирин Алибек Ташматов Sputnik Кыргызстан радиосунун эфиринде маек куруп жатып билдирди.

Ташматов: приоритеттүү спорттун түрлөрүн көбөйтүү каралууда

Анын айтымында, кыргыз балбандарынын Олимпиада оюндарындагы жетишкендиктери жаштардын спортко болгон кызыгуусуна жол ачты.

"Кыргызстанда приоритеттүү спорттун алты түрү бар. Олимпиадалык спорттун түрлөрү боюнча дирекция тарабынан спорттун өнүгүшүн, жаштардын кызыгуусун, эл аралык мелдештердеги ийгиликтерди эске алуу менен артыкчылыктуу спорт түрлөрүнүн санын көбөйтүү боюнча аракеттер көрүлө баштады. Өзгөчө көңүл бурула турган спортко мамлекет тарабынан финансылык жактан да чоң колдоо болот. Алсак, оор атлетика да бул тизмеден чыгып калган. Эми атлеттердин акыркы көрсөткөн жыйынтыгына карап, кайрадан жогорку деңгээлде көңүл бурула баштайт", — деди Ташматов.

Ошондой эле адис спорттук инфраструктураны түзүү максатында чет элдик инвесторлор менен тыгыз иштешип, шарт түзүп берүүнүн жолдорун издей тургандыктарын кошумчалады.

36
Белгилер:
олимпиада, спорт, инвестициялар
Тема боюнча
Акжол, Жоламан жок. Грек-рим күрөшүнүн балбандары Россиядагы мелдешке катышат
Саясат таануучу Шерадил Бактыгулов. Архивдик сүрөт

Бактыгулов: преференциялуу система партиянын ичиндеги интриганы күчөтөт

21
Саясат таануучу Шерадил Бактыгулов шайлоонун жыйынтыгы ар бир жарандын жоопкерчилигинен көз каранды экенин белгиледи.

Преференциялуу шайлоо системасы партиянын ичиндеги интриганы күчөтөт. Анткени алар партиялаш эмес, атаандаш болуп калат. Бул тууралуу Шерадил Бактыгулов Sputnik Кыргызстан радиосунда маек куруп жатып билдирди.

Бактыгулов: преференциялуу система партиянын ичиндеги интриганы күчөтөт

Анын айтымында, мындан улам депутат болууга үмүттөнгөндөрдүн ортосунда маалыматтык согуш күч алышы ыктымал.

"Преференциялуу шайлоо системасы партия ичиндеги интриганын күч алышына шарт түзөт. Анткени партиянын ичиндеги 54 талапкер кесиптеш эмес, бири-бири менен атаандаш. Саясий партия аркылуу аттанып жатканы үчүн каражатты азыраак коротот. Себеби бир мандаттуу шайлоо округунан талапкер болгондор өз чөнтөгүнөн акча чыгарышат. Ал эми партиядан аттанганда жалпы каражаттан төлөнөт. Бул жагынан алганда партиянын ичинен бир-эки кишинин гана электораты бар болсо, калгандары добуш үчүн күрөшүшү керек. Мисалы, үч талапкер өз аймактарынан беш миңден добуш алып келсе, кимисине мандат бериле турганы кантип чечилет? Ушундайлардан 20 адам болсочу? Албетте, бири-бирин коркутуп, каражат берип интрига жүргүзүш керек болот. Мына ушул жагдайлар толугу менен чечилген эмес. Ошондуктан алдыда келе жаткан шайлоодо партиялар арасында, ошондой эле партиянын ичинде дагы маалыматтык согуш күч алат", — деди Бактыгулов.

Саясат таануучу көптөр шайлоого катышпаганы үчүн сабатсыз депутаттар шайланып жатканын кошумчалады.

Подкастты толугу менен видеодон көрө аласыз:

21
Белгилер:
Шерадил Бактыгулов, шайлоо, саясат, саясый партия
Тема:
Жогорку Кеңешке жаңы тартип менен болчу шайлоо
Тема боюнча
Усупбекова: округдук шайлоого катышуу үчүн бир жерде үч ай жашоо керек
Инвестиция министрлигинин инвестиция тартуу бөлүмүнүн башчысы Нурлан Арипов

Арипов: жарым жылда инвестициянын көлөмү 95,4%га өстү

13
Инвестиция министрлигинин инвестиция тартуу бөлүмүнүн башчысы Нурлан Арипов чет өлкөдөн келген акчанын көлөмү жарым жылда 95,4 пайызга өскөнүн айтты.

Быйыл сырттан кирген жалпы инвестициянын көлөмү 321 миллион 230 миң долларды түздү. Мындай маалыматты Нурлан Арипов Sputnik Кыргызстан радиосунун эфиринде маек куруп жатып билдирди.

Арипов: жарым жылда инвестициянын көлөмү 95,4%га өстү

Анын айтымында, инвестициялардын көбү Кытай, Түркия, Улуу Британия, Канада, Швейцариядан келген.

"Былтыркыга салыштырмалуу, расмий статистика боюнча, чет өлкөдөн келген инвестициянын көлөмү жарым жылда 95,4 пайызга өстү. Былтыр ушул алты айдын ичинде 164 миллион 370 миң доллар болгон. Инвестициялар көбүнчө Кытай, Түркия, Улуу Британия, Канада, Нидерланд жана Швейцариядан келген. Алсак, Кытайдан 101,9 миллион доллар, Түркиядан 62 жана Улуу Британиядан 32,3 миллион доллар келип түштү. МЫндан тышкары, КМШ өлкөлөрүнөн кирген инвестиция жалпы 269,9 миллионду түзгөн. Алардын ичинен Россия менен Казакстандан эң көп суммадагы инвестиция тартылган. Мамлекет башчы иш сапарларын Россия жана Казакстандан баштагандыктан, анын натыйжасы бул тармакта жакшы болууда", — деди Арипов.

Ошондой эле жетекчи сырттан келген инвестициянын эң көп бөлүгү Жалал-Абад облусуна туура келип, 138, 3 миллион долларды түзгөнүн кошумчалады.

13
Белгилер:
инвестициялар, инвестициялык абал, экономика, финансы, Нурлан Арипов
Тема боюнча
Пандемия учурунда Кыргызстанга кайсы өлкөлөр акча салды? Тизме
Мектептеги карантин. Архив

Коронавирустан улам Бишкектеги мектептерде 13 класс жабылды. Тизме

0
(жаңыланган 18:47 27.09.2021)
Жалпысынан 13 класс убактылуу карантинге жабылган. Мэрия ата-энелерден ооруган балдарды мектеп, бала бакчага жибербей коё турууну суранды.

БИШКЕК, 27-сен. — Sputnik. Бишкектин кээ бир мектептеринде окуучулардан коронавирус аныкталгандыгына байланыштуу айрым класстар жабылды. Бул тууралуу мэриянын маалымат кызматы кабарлады.

Билдирмеге караганда, жалпысынан 13 класс убактылуу карантинге жабылган.

Биринчи май району:

  • №48 орто мектебинде бир класс, №70 мектепте бир класс;

Ленин району:

  • №9 мектепте эки класс, №13 мектепте бир класс, №8 мектепте бир класс;

Свердлов району:

  • №11 мектепте бир класс, №38 мектепте бир класс, №4 мектепте үч класс, №65 орто мектебинде бир класс, №66 мектепте бир класс.

Мэрия бекитилген алгоритм боюнча кайсы мектептин окуучуларында коронавирус аныктала турган болсо, класстар жабыларын эскертти.

"Урматтуу ата-энелер, эгер балаңыз ооруп кала турган болсо, аны мектепке же бала бакчага жибербей коё туруңуз. Анткени бала башкаларга да жугузуп, вирусту жайылтышы ыктымал", — деп айтылат маалыматта.

Жабылган класстардын окуучулары аралыктан окуп турары кошумчаланды.

0
Белгилер:
Бишкек мэриясы, коронавирус, окуучу
Тема:
Кыргызстандагы коронавирус
Тема боюнча
Вакцина алган энелердин карынында жаткан балдардан антитело табылды