Музыкалык продюсер, ыр жазуучу, үн режиссёру, D Billions Kid Songs долбоорунун жетекчиси Эрнис Уметалиев

Уметалиев: D Billions ырлар аркылуу балага бир нерсе үйрөтүүнү көздөйт

21
(жаңыланган 13:26 15.09.2021)
Музыкалык продюсер, ыр жазуучу, үн режиссёру, D Billions Kid Songs долбоорунун жетекчиси Эрнис Уметалиев балдар каналы 2019-жылдын 27-июлунда катталганын айтты.

D Billions Kid Songs контенти алты жашка чейинки балдарга арналган. Аткаруучулардын квартети Чача, Бум-Бум, Чики, Ля-Ля орус, англис, испан жана башка тилдерде балдарга санаганды, тамганы, ар кайсы предметтердин аталышын, ата-энени, табиятты жакшы көргөндү, дегеле эмне жакшы, эмне жаман экенин үйрөтөт. Бул тууралуу Эрнис Уметалиев Sputnik Кыргызстан радиосунун эфиринде билдирди.

Уметалиев: D Billions ырлар аркылуу балага бир нерсе үйрөтүүнү көздөйт

Анын айтымында, балдар контентин жасоого 30дай адам катышат.

"15 жылдан бери шоу-бизнес тармагында иштеп келем. Кыргызстандын аудиториясына чоң долбоорлорду ачуу, аны иштетүү өтө оор. Кыргызстанда шоу-бизнес жок, той-бизнес бар. Чыныгы чыгармачыл адам бул тармакта бирөө кыйнап жаткандай эле иштейт. Ошондуктан чоңураак долбоорго өтүүнү чечтим. 4-5 жыл досторум Youtube каналдарын иштетти. Биз да алгач анимациялык мультфильмдерди жасап көрдүк. Ушул өңдүү 2-3 каналыбыз бар эле. Балдар контентинин талаптары өзгөрүп, алардын баарынын монетизациясы өчтү. Андан ары иш алып баруу оор болуп калды. Ошентип автордук долбоор баштап калдык. Негизи балдар ырын жазуу өтө оор. Баланын психологиясын, кызыгуусун, алардын тилине ылайыктуу текст, музыка жазууну үйрөнүп, анализдеп, изилдеп чыктык. D Billions каналы балдарды деградациялап жатат деген комментарийлерди окуп калам. Бирок азыр Кытай, Европа мамлекеттеринен иштешүү сунуштарын алып жатам. Алар "силердин ырларыңар менен англис тилинде балдарды ырдоого үйрөтүү оңой, биздин окутуу программага роликтериңерди киргизсек уруксатпы" деп сурашат. Азыр биздин ырларды уурдагандар көбөйдү. Youtube аны cover деп кабыл ала берет. Ошондуктан роликтердин сөзүн, обондорун жарым жылдан бери Америкадагы компания каттоодон өткөрүп жатат", — деди Уметалиев.

Продюсер жакында атасы, апасы, чоң ата, чоң энесинин ролундагы персонаждар кошуларын айтып, келечекте D Billions дүйнөсүн куруу ою бар экенин кошумчалады.

21
Белгилер:
балдар, контент, YouTube, Эрнис Уметалиев
Тема боюнча
Бали! Кыргызстандык YouTube канал “Бриллиант баскычка” ээ болду
Россия-кыргыз өнүктүрүү фондунун (РКӨФ) башкармалыгынын мүчөсү Бакыт Курманбеков

Курманбеков: Россия-кыргыз өнүктүрүү фонду 3067 долбоорду каржылады

47
(жаңыланган 11:39 22.09.2021)
Россия-кыргыз өнүктүрүү фондунун (РКӨФ) башкармалыгынын мүчөсү Бакыт Курманбеков РКӨФ негизделгенден берки алты жылда жалпы көлөмү 388 миллион долларды түзгөн 3 067 долбоорду каржылаганын айтты.

Фонд тарабынан берилген 388 миллион доллар насыянын 35 пайызы өндүрүшкө, 24 пайызы айыл чарба багытына, 9 пайызы транспорттук жана логистикалык ишканаларга жумшалган. Мындай маалыматты Бакыт Курманбеков Sputnik Кыргызстан радиосунун эфиринде маек куруп жатып билдирди.

Курманбеков: Россия-кыргыз өнүктүрүү фонду 3067 долбоорду каржылады

Анын айтымында, РКӨФ тарабынан берилген каражаттын көбү Чүй облусу жана Бишкек шаарындагы долбоорлорго кеткен.

"Россия-кыргыз өнүктүрүү фонду негизделгенден берки алты жылда жалпы көлөмү 388 миллион долларды түзгөн 3 067 долбоорду каржылады. Насыянын эң чоң көлөмү өндүрүш секторуна берилди. Жумшалган 388 миллион доллардын 35 пайызы өндүрүшкө, 24 пайызы айыл чарба багытына, тогуз пайызы транспорттук жана логистикалык ишканаларга жумшалды. Калган каражат байланыш, инфрастуктураны өнүктүрүү, туризм жана башка тармактарга берилди. Аймактарга бөлүп карасак, акчанын көбү Бишкек шаары жана Чүй облусундагы долбоорлорго сарпталган. Бишкек өлкөнүн иш борбору болгондуктан ишкерлер ишмердүүлүгүн борбордо жүргүзүшөт. Ош, Жалал-Абад облустарына 56 миллион, Ысык-Көл чөлкөмүндөгү ишкерлерге 39 миллион долларлык насыя берилген", — деди Курманбеков.

Ошондой эле адис Россия-кыргыз өнүктүрүү фонду валюталык тобокелдиктин алдын алуу максатында аймактардагы долбоорлорду каржылоону улуттук валюта менен жүргүзүүнү колго аларын кошумчалады.

47
Белгилер:
Бакыт Курманбеков, Россия-кыргыз өнүктүрүү фонду, насыя, ишкерлик, аймак, өнүктүрүү
Тема боюнча
Новиков: Россия-кыргыз өнүктүрүү фонду кайрымдуулук уюм эмес
Ветеринардык жана фитосанитардык коопсуздук боюнча инспекциянын эпизоотияга каршы көзөмөлдөө башкармалыгынын башчысы Адилет Сотовалдиев

Сотовалдиев: күйдүргү менен үй жаныбарларынын баары ылаңдайт

27
Ветеринардык жана фитосанитардык коопсуздук боюнча инспекциянын эпизоотияга каршы көзөмөлдөө башкармалыгынын башчысы Адилет Сотовалдиев малдын ооруганы билинбей турганын, ал эми адамга жукканда денеге жара чыгарын айтты.

Күйдүргү оорусу менен үй жаныбарларынын баары ылаңдайт. Бирок ит, мышыктардын ооруганы сейрек кездешет. Көбүнчө аталган илдеттен кой, эчки, уй, жылкы, чочко, төө жабыркайт. Бул тууралуу Адилет Сотовалдиев Sputnik Кыргызстан радиосунун эфиринде маек куруп жатып билдирди.

Сотовалдиев: күйдүргү менен үй жаныбарларынын баары ылаңдайт

Анын айтымында, күйдүргү менен ооруган мал ичкен сууну адам колдонсо оору жугуп калуу коркунучу бар.

"Күйдүргү малдан адамга жугуучу зооноздук илдетке кирет. Эл аралык институттар күйдүргүнүн козгогучтары сырткы чөйрөдө канча жыл жашай турганын изилдеп бүтө элек. Болжол менен ал айлана-чөйрөдө кылымдап жата берет. Учурда республика боюнча күйдүргүнүн 560 очогу катталган. Жакында эле Жалал-Абад облусунун Аксы районунда жети адам күйдүргүгө шектелип ооруканага түштү. Ошол ылаң табылып, мал өлгөн аймак эми жаңы очок катары катталат. Бетон куюлуп, белгилер коюлат. Бул аймактар 1932-жылдан бери катталып келет. Кээ бир очоктор согуш, жер көчкөн учурларда табылбай калган. Биз жылына күйдүргүгө каршы ошол аймакка жакын жайылган малды эмдөөдөн өткөрөбүз. Бул вакциналар мамлекет бөлгөн каражатка алынат. Андан тышкары, очокторду жыл сайын жазында жана күзүндө текшерип чыгабыз. Күйдүргү очоктору жыл сайын дезинфекцияланганы менен азыркы учурда аны толук жок кылуу мүмкүн эмес", — деди Сотовалдиев.

Ал күйдүргү менен ооруган мал жыгылып, оозу-мурдунан кан аралаш суюуктук чыгарын кошумчалады.

Подкасттын толук вариантын видеодон көрүңүз:

27
Белгилер:
күйдүргү, мал
Тема боюнча
Мал союп этин тараткан. Аксыда 7 адам күйдүргүгө шектелип ооруканага түштү
Тамак аш. Архив

Жүрөгү ооругандар кандай тамакка басым жасашы керек. Диетологдун кеңеши

5
Адис жүрөк-кан тамыр оорусунан жапа чеккендер биринчи иретте эмне ичип-жеп жаткандыгына көңүл бурушу абдан зарыл экенин эскерткен.

БИШКЕК, 23-сен. — Sputnik. Жүрөк-кан тамыр ооруларына чалдыккандар ден соолугун аксатып албаш үчүн кандай факторлорго көңүл буруусу зарылдыгын диетолог, медицина илимдеринин доктору Михаил Гинзбург айтып берди. Дарыгердин эмнелерди эскерткендигин "Известия" басылмасы жазган.

Доктор жүрөктүн оорусу менен инсульт туура келбеген тамак-ашты жегендиктен да жараларын төмөнкүчө түшүндүргөн.

"Туура эмес тамактанганда кан тамырлардын ичине май туруп калып, ал кандын мээге жетишин жана жалпы эле организмде айланышын начарлатат. Бул — жүрөктүн оорусу менен инсультка алып келүүчү негизги факторлордун бири. Андыктан жүрөк-кан тамыр оорусу менен жапа чеккендер биринчи иретте эмне ичип-жеп жаткандыгына көңүл бурушу абдан зарыл", — деген ал.

Туура келбеген азыктар организмге түшкөндө жогорудагыдай илдети барлардын каны коюуланап кетерин кошумчалаган.

"Булар өтө эле туздуу жана өтө эле таттуу, андан сырткары, куурулган жана майлуу тамак-аштар", — деп санап берген Гинзбург.

Ал эми пайдалуу азыктардын катарына ар кыл мөмөлөрдү, деңиз балыгын, уютулуп жасалган сүт азыктарын, кесек тартылган ундун нанын, гречканы жана сулуну кошкон.

5
Белгилер:
жүрөк, кан тамыр, оору, инсульт, диетолог, кеңеш
Тема боюнча
Дарыгер ичеги рагына себепкер боло турган азыкты атады
Коронавирустан кийин чачты кантип калыбына келтирсе болот? Медиктин кеңеши
Диетолог ачкарын эмнелерди жеп-ичкенге болбой турганын айтты