Саясат таануучу Азамат Темиркулов. Архив

Темиркулов: партиялардын көбү 5%дык босогодон өтөрү күмөн

33
Саясат таануучу Азамат Темиркулов келе жаткан шайлоолор боюнча күмөн жараткан жагдайлардын көп болуп жатканын белгиледи.

Партиялардын мүчөлөрү дагы бир мандаттуу округдан талапкер боло алат. Мындан улам кайра эле партиялар Жогорку Кеңешке келип калабы деген суроо жаралат. Мындай пикирин Азамат Темиркулов Sputnik Кыргызстан радиосунда маек куруп жатып билдирди.

Темиркулов: партиялардын көбү 5%дык босогодон өтөрү күмөн

Анын айтымында, бир мандаттуу округдан талапкер болгон партия мүчөлөрү уюмдун ресурсун колдонуп өтүп кетиши ыктымал.

"Шайлоо системасында түшүнүксүз жагдайлар бар. Партиялык системада жана бир мандаттуу округдан шайлоо өткөнү турат. Ошол эле учурда партиянын мүчөсү бир мандаттуу округдан аттанса, бул мыйзамга каршы келбейт. Башкача айтканда, бир мандаттуу округдан талапкер болгондор партия менен дагы шайлоого барса кандай болот? Мыйзам боюнча бир партия 10 миң үгүттөөчү алууга уруксат берилет. Бир мандаттуу округдан аттанып жаткан кайсы бир партиянын мүчөсү мына ошол партиянын ресурсу менен өтүп алышы ыктымал. Ошондо эч кандай партияга мүчө эмес талапкерлер өтпөй калып, кайра эле партиялар Жогорку Кеңешке келип калабы деген суроо жаралат. Анын үстүнө бул шайлоого мурдагы партиялар дээрлик катышкан жок. Азыр шайлоого аттануу ниетин 70тен ашык партия билдирди. Аын ичинен 20сы эле катышса, алардын ар биринде 10 миңден үгүттөөчүсү, жалпы миңден ашык талапкер болот. Анын үстүнө мурдагы эски партиялар катышкан жок. Көпчүлүгү жаңы түзүлгөндөр. Мунун баары бири-бири менен атаандашып отуруп, жыйынтыгында беш пайыз босогодон өтө албай калгандары арбыйт. Натыйжада нааразы болгондор дагы көбөйөт. Анын үстүнө шайлоонун алдында бир топ саясатчыларды камоо, коркутуу жүрүүдө. Ошондуктан бул шайлоонун жыйынтыгы кандай болору белгисиз", — деди Темиркулов.

Ошондой эле ал өзгөрүлгөн шайлоо системасын шайлоочулар толук түшүнө электигин кошумчалады.

Подкастты толугу менен видеодон көрө аласыз:

33
Белгилер:
Азамат Темиркулов, шайлоо, саясат, Жогорку Кеңеш
Тема:
Жогорку Кеңешке жаңы тартип менен болчу шайлоо (59)
Тема боюнча
Усупбекова: округдук шайлоого катышуу үчүн бир жерде үч ай жашоо керек
Борбордук шайлоо комиссиясынын мүчөсү Абдыжапар Бекматов

Бекматов: бир мандаттуу округдан талапкерлердин дебаты облустук теледе өтөт

15
Борбордук шайлоо комиссиясынын мүчөсү Абдыжапар Бекматов саясий партияларга бир сааттан кем эмес убакыт эфир бөлүнүп, анын жарымы жамааттык чыгууларды камтый турганын белгиледи.

Бир мандаттуу округдан катталган талапкерлердин дебаттары облустук ЖМКларга берилет. Бул тууралуу Абдыжапар Бекматов Sputnik Кыргызстан радиосунда маек куруп жатып билдирди.

Бекматов: бир мандаттуу округдан талапкерлердин дебаты облустук теледе өтөт

Анын айтымында, талапкерлердин 20:00дөн 00:00гө чейинки убакытта эфирге чыгуусу каралган.

"Шайлоо алдындагы үгүт жүргүзүү мезгилинде саясий партияларга мамлекеттик ЖМКлардан бир сааттан кем эмес акысыз эфирдик убакыт кепилденген. Учурда бул боюнча сүйлөшүүлөр жүргүзүлүп, эфирдин убактысы бөлүштүрүлүүдө. Партиялар бөлүнгөн эфирдик убакыттын жарымынан кем эмесин жамааттык чыгуулар, дебаттар же тегерек столдор менен камтышы керек. Бул саясий партиялар үчүн талаптар. Ал эми бир мандаттуу округдан катталган талапкерлер үчүн аймактык медиаборборлордон аянтча берилет. Анткени бир аймактын көйгөй, маселелери башка регион менен окшошпойт", — деди Бекматов.

Ошондой эле ал кепилденген убакыт жумуш күндөрүнө туура келе турганын кошумчалады.

15
Белгилер:
Абдыжапар Бекматов, шайлоо, талапкер, дебат
Тема:
Жогорку Кеңешке шайлоо 2021
Тема боюнча
Партиялык система менен 1046 киши депутат болууну мелжеп жатат. Статистика
Баткен жоокерлеринин республикалык комитетинин төрагасы, полковник Сатыбек Молдалиев

Молдалиев: 1999-жылы Баткендин борбор менен байланышы үзүлүп калган

23
(жаңыланган 12:47 27.10.2021)
Баткен жоокерлеринин республикалык комитетинин төрагасы, полковник Сатыбек Молдалиев Баткен окуясы кандайча башталганын эскерди.

Тажикстанда согуш бүткөндөн кийин Ислам диний экстремисттердин тобу кысмакка алынган соң алар Өзбекстанга кирип ФАНО (Фергана-Андижан-Наманган-Ош) ислам мамлекетин түзүү максатын коюшкан. Бул үчүн бардык шарт бар эле. Ага чейин, 1997-жылы террорчулар Фергана, Анжиян облустарында акимдин, прокурор, милициянын баштарын кесип илип кетишкен. Бул тууралуу Сатыбек Молдалиев Sputnik Кыргызстан радиосунун эфиринде маек куруп жатып билдирди.

Молдалиев: 1999-жылы Баткендин борбор менен байланышы үзүлүп калган

Анын айтымында, террорчулардын баш калкалоочу жериндеги курал-жарактар бир ротага, взводго жеткидей көлөмдө болгон.

"Кыргызстандагы Сох анклавынын ички турмушу начар болуп, алар Ислам террорчулар тобун күткөнү белгилүү болгон. Жок кылынган террорчулардын чөнтөктөрүнөн "биз силерди күтүп жатабыз, бардыгы даяр, качан келесиңер" деген каттар табылган. Террорчулар Баткенге Өзбекстанга жакын аймак болгондуктан кирип келип, бизден коридор сураган. Советтер Союузунун учурунда эле Кыргызстан, Өзбекстан, Тажикстандын эли мал айдап жайлоодо жүргөн кезде террорчулар келип аралашып, ошол аймак тууралуу башчыларына айтып берип турган. Коркпостон түз эле Зардалыга чейин кирип келип, милициянын башчысын өлтүрүшкөнү ошондон. Анан бийлик армия жөнөттү. Ошол учурда армияда аскердик окууну бүткөн, казармаларда жашаган, даярдыгы бар жоокерлер болгон. Таптакыр эле даяр эмес болчу десек туура эмес болуп калат. 1997-98-жылдары тоо шарттарында аскердик машыгууларды өткөрүп жүргөнбүз. Болгону террорчулар Зардалы, Кожо-Ашканга чейин кирип келгени боюнча маалымат болгон эмес. Себеби алар ошол жердеги койчу, чабандарды таанып-билгендиктен саламдашып эле кара мылтыктарын жашырып кирип келишкен. Террорчулар Баткен согушуна абдан мыкты даярданышкан. Баш калкалоочу жеринен бир ротага, взводго жеткендей курал-жарак, мина, тамак-аш табылган. Кыргызстандын түштүгүн толук жок кылабыз деген абдан жаман ойлору болгон. Ошол учурда Баткен району да радио, телевидение жок президенттин сөзүн укпай, борбордон алыс болуп кеткен. Жадагалса окуучулар Ислам Каримовду президентибиз деп таанычу. Демек, бул район Кыргызстандан бөлүнүп кеткенге, террорчуларга жол ачып бергенге даяр, ылайыктуу аймак болчу", — деди Молдалиев.

Полковник 2000-жылы кайра Өзбекстан тараптан Жалал-Абад облусунун Чаткал районуна кол салуу болгонун, куралчан адамдар ИИМ тарабынан жок кылынганын кошумчалады.

Подкасттын толук вариантын видеодон көрүңүз:

23
Белгилер:
Баткен окуясы, согуш, террорист
Тема боюнча
Чотбаев: Баткен коогасына катышкан жоокерлердин эрдиги бааланышы керек
Жолдогу автоунаалар. Архив

Айып пул төлөбөгөн айдоочуларга жаңы жаза сунушталууда

0
(жаңыланган 14:59 27.10.2021)
2019-жылга чейин айдоочу эреже бузган учурда айдоочулук күбөлүгү алынып, убактылуу күбөлүк берилчү. Бирок 30 күн ичинде өзүнүкүн алуу үчүн айып пулду төлөп берүүгө аргасыз болчу.

БИШКЕК, 27-окт. — Sputnik. ИИМдин алдындагы Жол коопсуздугун камсыздоо башкы башкармалыгы жол эрежесин бузгандыгы үчүн айып пул төлөө шарттарын аткарбаган айдоочулардын автоунаасын айып короого камоо боюнча Бузуулар кодексине өзгөртүү киргизүүнү демилгеледи. Бул тууралуу ЖКККББнын начальнигинин орун басары Манас Сыдыгалиев Sputnik Кыргызстан агенттигинин борборундагы брифингде айтты.

Маалыматка караганда, буга чейин айып пулду натыйжалуу төлөтүп алуу механизми гана иштечү.

"2019-жылга чейин айдоочу эреже бузган учурда айдоочулук күбөлүгү алынып, убактылуу күбөлүк берилчү. Бирок 30 күн ичинде өзүнүкүн алуу үчүн айып пулду төлөп берүүгө аргасыз эле", — деди Сыдыгалиев.

Бирок андан кийин Бузуулар тууралуу жаңы кодекске ылайык, бул практика токтотулган.

"Азыр айдоочу эреже бузса, биз протокол түзүп, колуна беребиз. Айрымдары ошол жерден эле протоколду таштап койгон учурлар болот. Демек, айып төлөтүп алуу ыкмаларыбыз майнапсыз. Андыктан биз карызы бар айдоочунун автоунаасын айып короого киргизүүнү сунуштап жатабыз", — деди орун басар.

Жаңы демилгеге ылайык, айдоочу айып пулду төлөгөндөн кийин гана машинасын чыгарып кете алат.

0
Белгилер:
автоунаа, айдоочу, айып пул, өзгөртүүлөр, сунуш, мыйзам, кодекс
Тема боюнча
Кененбаева: "Коопсуз шаар" алкагында жол кырсыктары 20%га азайды
"Коопсуз шаардын" айып пулдары кайда кетет. Министрлик түшүндүрмө берди