Россия-кыргыз өнүктүрүү фондунун башкаруучулугунун мүчөсү Бакыт Курманбеков. Архив

Курманбеков: РКӨФ Кыргызстанда эң төмөнкү пайыз менен насыя берет

73
(жаңыланган 14:27 28.09.2021)
Россия-кыргыз өнүктүрүү фондунун башкаруучулугунун мүчөсү Бакыт Курманбеков РКӨФ Кыргызстанда эң төмөнкү пайыз менен ири долбоорлорго узак мөөнөткө насыя берип келерин айтты.

Россия-кыргыз өнүктүрүү фондунун капиталы 535 миллион долларды түздү. Мындай маалыматты Бакыт Курманбеков Sputnik Кыргызстан радиосунун эфиринде маек куруп жатып билдирди.

Курманбеков: РКӨФ Кыргызстанда эң төмөнкү пайыз менен насыя берет

Анын айтымында, фонд ишкерлерге насыяны түзмө-түз жана коммерциялык банктар, микрокредиттик уюмдар аркылуу берген.

"Россия-кыргыз өнүктүрүү фонду 2015-жылы түзүлгөн. Андан бери ишкерлерге эң төмөнкү пайыз менен ири долбоорлорго узак мөөнөткө насыя берип жатат. Насыялар эки багытта берилет: фонд тарабынан түзмө-түз каржылоо жана 14 коммерциялык, үч микрокредиттик уюм аркылуу. Түзмө-түз берилген кредиттин көлөмү бир миллион доллардан жогору болчу. Учурда бул көрсөткүчтүн суммасын ылдыйлатып, алыскы аймактардагы ишкерлер долбоорлору үчүн 200 миң доллардан баштап насыя ала алышат. АКШ доллары менен берилген насыя жылына 4-5 пайыз болсо, сом менен 8-9 пайызды түзөт. Бул өлкөдөгү эң төмөнкү пайыздык чек. Россия-кыргыз өнүктүрүү фондунун капиталы учурда 535 миллион долларды түзөт", — деди Курманбеков.

Ошондой эле адис долбоорлорго насыя берүүнү улуттук валюта менен жүргүзүү үчүн макулдашуулар жүрүп жаткандыгын кошумчалады.

Подкасттын толук вариантын видеодон көрүңүз:

73
Белгилер:
Бакыт Курманбеков, Россия-кыргыз өнүктүрүү фонду, насыя, ишкерлик, долбоор
Тема боюнча
4-8 пайыз менен. Сентябрдан тарта ишке аша турган мамлекеттик ипотеканын шарты
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: былтыр 50 миңдей кош бойлуу аялга камсыздандыруу полиси берилди

9
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова 2020-жылы 50 миңдей кош бойлуу аялга камсыздандыруу полиси берилгенин айтты.

Милдеттүү медициналык камсыздандыруу фонду (ММКФ) 2015-жылдан баштап кош бойлуулугу боюнча каттоодо турган аялдарга бекер милдеттүү камсыздандыруу тарата баштаган. Бүгүнкү күндө полистин наркы бир жылга 1 286 сом деп белгиленген. Бул каражатты фонд төлөйт. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Азизбекова: былтыр 50 миңдей кош бойлуу аялга камсыздандыруу полиси берилди

Анын айтымында, 2020-жылы Кыргызстанда 139 059 аял төрөгөн.

"Милдеттүү медициналык камсыздандыруу полисин алуу үчүн кош бойлуу аялдар 12-жумасында Үй-бүлөлүк дарыгерлер борборуна, фельдшердик-акушердик пунктуларга каттоого турушу зарыл. Полисти алгандарга орточо эсеп менен 50 пайыз базар баасынан жеңилдетилген негизде дары-дармектерди (темир, йод, фолий кислотасы жана башка препараттар) алганга мүмкүчүлүк берилет. ММКФ тарабынан 2020-жылы 49 904 аялга камсыздандыруу полиси берилсе, анын 93 пайызы камсыздандырылган эмес болгон. Мамлекеттик кепилдиктер программасынын негизинде адистин жолдомо каты болсо базалык лабораториялык жана диагностикалык 11 изилдөө (кан, заара анализи, уретралдык, вагиналдык мазоктун микроскопиясы ж.б.) акысыз жүргүзүлөт. Ошону менен бирге төрөт жана кесарево бекер болот. Ал эми кош бойлуулар жеңилдетилген жардам алганына карабастан кымбат изилдөөлөрдүн (ангиография, гемосорбция, ангиокардиография, компьютердик томография, коронарография ж.б) акысын өздөрү төлөшөт", — деди Азизбекова.

Адис чет элдик жарандар камсыздандыруу полисин бир жылга 15 652, ал эми жарым жылга 7 826 сомго ала алышарын кошумчалады.

9
Белгилер:
милдеттүү, камсыздандыруу
Тема боюнча
Гинеколог: коронавируска каршы эмдөө кош бойлуулар үчүн коопсуз
Ак-Булуң жамааттык коруктун жетекчиси Эрмек Шабыкеев

Шабыкеев: Тоңдо жамааттык корук түзүлүп, учуп келген ак куулар миңден ашты

9
"Ак-Булуң" жамааттык коруктун жетекчиси Эрмек Шабыкеев Тоң районунун Лахол айыл аймагындагы Кара-Талаа айылындагы коруктун аймагы 300 гектарды түзөрүн маалымдады.

Жергиликтүү бийлик, эл менен биргеликте жамааттык корук түзүлүп, айылыбыздын табиятын коргоого алуудабыз. Бул тууралуу Эрмек Шабыкеев Sputnik Кыргызстан радиосунда маек куруп жатып билдирди.

Шабыкеев: Тоңдо жамааттык корук түзүлүп, учуп келген ак куулар миңден ашты

Анын айтымында, аталган корук эки жыл мурда түзүлгөн.

"Кара-Талаа айылында аң уулоо, балык кармоо, браконьерлик күч алып кеткен. Андан сырткары, аталган аймак жайыт катары дагы колдонулуп келген. Бул келгин куштардын, жапайы жаныбарлардын отуна, тамактануусуна зыянын тийгизет. Себеби алардын тамактануучу аймагын мал ээлеп алчу. Анан жергиликтүү бийлик, калк менен келишип, эки жыл мурун "Ак-Булуң" жамааттык коругун түзгөнбүз. Анын жалпы аянты 300 гектар. Башында эл арасында жаратылышты мамлекет коргойт, егерлер бар деген пикир болуп жаткан. Кийин алар жетишпей турганын, айылдын табияты бизге керек экенин түшүндүрдүк. Учурда жергиликтүү эл дагы активдүү көмөктөшүп, башка жактан келгендерди сүрөткө тартып же видеосун жөнөтүп турушат. Көрүлгөн аракеттердин натыйжасында ак куулардын саны миңден ашты. Өрдөктүн 12 түрү кыштап, алардын жалпы саны 10 миңге жетти. Мындан тышкары, кыргоол, коенду көрүү мүмкүн болбой калган, азыр алар да акырындап көбөйө баштады", — деди Шабыкеев.

Ошондой эле ал жаратылыш сүйүүчүлөргө корукка кирүүгө уруксат берилгенин кошумчалады.

Подкастты толугу менен видеодон көрө аласыз:

9
Белгилер:
жаратылыш, корук, жамаат
Тема боюнча
Мамыров: Кыргызстанда жейрендер малдын көбөйүшүнөн жок болуп кеткен
Олжосун кызганып, ырылдап... Илбирстин кызыктуу видеосу

Бетин катканына карабай ургулап. UFC турниринин эң кызыктуу учурлары видеодо

0
UFC Russia YouTube каналы уюмдун Лас-Вегаста өткөн соңку турниринин эң мыкты учурларын чыгарды. Мушкерлердин кечеси кечээ (Бишкек убактысы боюнча таңда) өттү.

Кеченин башкы беттешинде америкалык спортчу кыздар Аспен Лэдд менен бразилиялык Норма Дюмонт кезикти. Жыйынтыгында Дюмонт калыстардын чечими менен утту.

Кеченин дагы бир башкы беттешинде беларустук Андрей Орловский дагы бразилиялык Карлос Фелипти калыстардын чечими менен жеңди.

Ошондой эле башкы карддын алкагында Жим Миллер Эрик Гонсалести нокаутка кетирсе, Манон Фиоро Майру Буэно Сильваны калыстардын чечими менен, ал эми Нейт Ландвер Людовит Клейнаны колду кайруу ыкмасынын жардамы менен утту.

0
Белгилер:
Лас-Вегас, UFC, беттешүү, кармаш, турнир, видео
Тема боюнча
Валентина Шевченко Кыргызстандын туусун коюп пост жарыялады