Акыйкатчы Токон Мамытов

Мамытов: Россиядагы мигранттардын социалдык абалы жакшырып калды

108
Акыйкатчы Токон Мамытов Россиядагы эмгек мигранттарынын социалдык-экономикалык маселелери жакшырганын айтты.

Россияда иштеген кыргызстандыктардын медициналык камсыздандыруу, каттоо, балдарды мектепке киргизүү сыяктуу көйгөйлөрүнүн көбү чечилген. Мындай пикирин Токон Мамытов Sputnik Кыргызстан радиосунун эфиринде маек куруп жатып билдирди.

Мамытов: Россиядагы мигранттардын социалдык абалы жакшырып калды

Анын айтымында, мекендештердин арасында Эмгек кодексин бузуп, расмий ишке орношпогондор менен тыгыз иш алып баруу кажет.

"Мындан 5-6 жыл мурда Россияда иштеп жүргөн эмгек мигранттарынын чечилбеген түрдүү маселелери болгон. Учурда каттоодон өтүү, медициналык камсыздандыруу, балдарды мектепке киргизүү, жумушка орношуу, эмгек келишимин түзүү сыяктуу көйгөйлөр акырындык менен чечилип, эмгек мигранттарынын социалдык-экономикалык жактан маселелери жакшырып калды. Муну Россиядагы мекендештер да айтып жатышат. Мындан тышкары, биздин жарандар Россиянын мыйзамдарын билбей, Эмгек кодексине баш ийбей эреже бузгандар катталууда. Салыктан качпай, мыйзамсыз иштебей, юридикалык талаптарды аткарып, келишим менен жумуш тапса көйгөй жаралбайт", — деди Мамытов.

Ошондой эле омбудсмен чет жерде жүргөн эмгек мигранттарынын укугу бузулса Акыйкатчы институту тарабынан маселени чечүү үчүн аракеттер көрүлө тургандыгын кошумчалады.

108
Белгилер:
Токон Мамытов, Акыйкатчы, Россия, миграция, укук, кодекс
Тема боюнча
Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: былтыр 50 миңдей кош бойлуу аялга камсыздандыруу полиси берилди

8
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова 2020-жылы 50 миңдей кош бойлуу аялга камсыздандыруу полиси берилгенин айтты.

Милдеттүү медициналык камсыздандыруу фонду (ММКФ) 2015-жылдан баштап кош бойлуулугу боюнча каттоодо турган аялдарга бекер милдеттүү камсыздандыруу тарата баштаган. Бүгүнкү күндө полистин наркы бир жылга 1 286 сом деп белгиленген. Бул каражатты фонд төлөйт. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Азизбекова: былтыр 50 миңдей кош бойлуу аялга камсыздандыруу полиси берилди

Анын айтымында, 2020-жылы Кыргызстанда 139 059 аял төрөгөн.

"Милдеттүү медициналык камсыздандыруу полисин алуу үчүн кош бойлуу аялдар 12-жумасында Үй-бүлөлүк дарыгерлер борборуна, фельдшердик-акушердик пунктуларга каттоого турушу зарыл. Полисти алгандарга орточо эсеп менен 50 пайыз базар баасынан жеңилдетилген негизде дары-дармектерди (темир, йод, фолий кислотасы жана башка препараттар) алганга мүмкүчүлүк берилет. ММКФ тарабынан 2020-жылы 49 904 аялга камсыздандыруу полиси берилсе, анын 93 пайызы камсыздандырылган эмес болгон. Мамлекеттик кепилдиктер программасынын негизинде адистин жолдомо каты болсо базалык лабораториялык жана диагностикалык 11 изилдөө (кан, заара анализи, уретралдык, вагиналдык мазоктун микроскопиясы ж.б.) акысыз жүргүзүлөт. Ошону менен бирге төрөт жана кесарево бекер болот. Ал эми кош бойлуулар жеңилдетилген жардам алганына карабастан кымбат изилдөөлөрдүн (ангиография, гемосорбция, ангиокардиография, компьютердик томография, коронарография ж.б) акысын өздөрү төлөшөт", — деди Азизбекова.

Адис чет элдик жарандар камсыздандыруу полисин бир жылга 15 652, ал эми жарым жылга 7 826 сомго ала алышарын кошумчалады.

8
Белгилер:
милдеттүү, камсыздандыруу
Тема боюнча
Гинеколог: коронавируска каршы эмдөө кош бойлуулар үчүн коопсуз
Ак-Булуң жамааттык коруктун жетекчиси Эрмек Шабыкеев

Шабыкеев: Тоңдо жамааттык корук түзүлүп, учуп келген ак куулар миңден ашты

8
"Ак-Булуң" жамааттык коруктун жетекчиси Эрмек Шабыкеев Тоң районунун Лахол айыл аймагындагы Кара-Талаа айылындагы коруктун аймагы 300 гектарды түзөрүн маалымдады.

Жергиликтүү бийлик, эл менен биргеликте жамааттык корук түзүлүп, айылыбыздын табиятын коргоого алуудабыз. Бул тууралуу Эрмек Шабыкеев Sputnik Кыргызстан радиосунда маек куруп жатып билдирди.

Шабыкеев: Тоңдо жамааттык корук түзүлүп, учуп келген ак куулар миңден ашты

Анын айтымында, аталган корук эки жыл мурда түзүлгөн.

"Кара-Талаа айылында аң уулоо, балык кармоо, браконьерлик күч алып кеткен. Андан сырткары, аталган аймак жайыт катары дагы колдонулуп келген. Бул келгин куштардын, жапайы жаныбарлардын отуна, тамактануусуна зыянын тийгизет. Себеби алардын тамактануучу аймагын мал ээлеп алчу. Анан жергиликтүү бийлик, калк менен келишип, эки жыл мурун "Ак-Булуң" жамааттык коругун түзгөнбүз. Анын жалпы аянты 300 гектар. Башында эл арасында жаратылышты мамлекет коргойт, егерлер бар деген пикир болуп жаткан. Кийин алар жетишпей турганын, айылдын табияты бизге керек экенин түшүндүрдүк. Учурда жергиликтүү эл дагы активдүү көмөктөшүп, башка жактан келгендерди сүрөткө тартып же видеосун жөнөтүп турушат. Көрүлгөн аракеттердин натыйжасында ак куулардын саны миңден ашты. Өрдөктүн 12 түрү кыштап, алардын жалпы саны 10 миңге жетти. Мындан тышкары, кыргоол, коенду көрүү мүмкүн болбой калган, азыр алар да акырындап көбөйө баштады", — деди Шабыкеев.

Ошондой эле ал жаратылыш сүйүүчүлөргө корукка кирүүгө уруксат берилгенин кошумчалады.

Подкастты толугу менен видеодон көрө аласыз:

8
Белгилер:
жаратылыш, корук, жамаат
Тема боюнча
Мамыров: Кыргызстанда жейрендер малдын көбөйүшүнөн жок болуп кеткен
Олжосун кызганып, ырылдап... Илбирстин кызыктуу видеосу
Лампочка. Архивдик сүрөт

Эртең Бишкектин 21 көчөсүндө электр энергиясы болбойт. Тизме

15
Адистер пландалган оңдоп-түзөө иштерин жүргүзүшөрүн, электр кубаты кыска мөөнөткө өчөрүн кабарлашты.

БИШКЕК, 17-окт. — Sputnik. Дүйшөмбү, 18-октябрда, Бишкектин бир катар райондорунда электр энергиясы өчүрүлөрү күтүлүп жатат. Бул туурасында "Түндүк электр" ишканасынан кабарлашты.

Бригадалар эл жашаган үйлөрдөгү тийиштүү тармактарды техникалык кароодон өткөрүп, зарылдыгы болгон жерлерде трансформаторлорду алмаштырары айтылды.

Төмөнкү сааттарда жана төмөнкү аймактарда электр кубаты өчүрүлөт:

  • 8:00 - 17:00 — Проскуряков көчөсүнүн тилкесинде;
  • 9:00 - 17:00 — Токтоналиев көчөсүндөгү № 54 үйдө;
  • 9:00 - 18:00 — Дэн Сяопин проспектинин, Месарош, 9-январь, Орозов, Жамгырчинов, Кайназарова көчөлөрүнүн, Гатчинск кууш көчөсүнүн тилкелеринде, Арча-Бешик ( Чатыр-Көл көч.), Ак-Босого ( Чүй 16-21, 31-34, 39-41, Түлөбердев көч.) конуштарында;
  • 9:30 - 12:00 — Ала-Тоо, Жукеев-Пудовкин, Медеров, Карасаев көчөлөрүнүн, Гвардия, Кокан, Вишнев  кууш көчөлөрүнүн тилкелеринде;
  • 9:30 - 16:00 — 5-кичи райондо (№ 59-61, 63 үйлөр);
  • 9:30 - 17:00 — 3-кичи райондо (№ 25 үйдө);
  • 9:30 - 19:00 — Элебесов көчөсүнүн, Дорожный чолок көчөсүнүн тилкелеринде жана Кайыңды конушунда;
  • 14:00 -17:00 — "Ала-Арча" мамлекеттик резиденциясында.
15
Белгилер:
Кыргызстан, Бишкек, электр кубаты, өчүрүү
Тема боюнча
Жаан жаабайбы? Бир жумага карата аба ырайы