Ош мамлекеттик университетинин ректору Кудайберди Кожобеков

Кожобеков: жалпысынан Россиянын 50дөй окуу жайы менен кызматташабыз

458
(жаңыланган 16:16 29.09.2021)
Ош мамлекеттик университетинин ректору Кудайберди Кожобеков Россиянын беш университети менен 2/2 системасында кызматташып жатканын белгиледи.

Ош мамлекеттик университети эл аралык мамилелерди ар тараптан өнүктүрүүгө кызыкдар. Учурда Кытай, Түркия, Европа мамлекеттери менен алака бекемделүүдө. Бирок эң көп жана узак убакыттан бери мамиле түзүп келе жаткан өлкө — бул Россия. Жалпысынан Россия Федерациясынын 50дөй окуу жайы менен ар кандай биргелешкен долбоорлор бар. Бул тууралуу Кудайберди Кожобеков Sputnik Кыргызстан радиосунда маек куруп жатып билдирди.

Кожобеков: жалпысынан Россиянын 50дөй окуу жайы менен кызматташабыз

Анын айтымында, ОшМУнун айрым факультеттерине тапшырган студенттер эки жыл аталган окуу жайда, калган эки жылын Россиянын университеттеринде улантуу мүмкүнчүлүгү бар.

"Ош мамлекеттик университети Евразия чөлкөмүндө алдыңкы 10 университеттин, Орто Азия боюнча беш мыкты окуу жайдын катарына кирет. Университет билим берүүнүн классикалык жолун тандап алган, тагыраак айтканда, бардык багыттар боюнча окутат. Соңку жылдары эл аралык мамилелерге басым жасоодобуз. Анын ичинен Россияны ЖОЖдору менен тыгыз иштешип келебиз. Жалпысынан алганда аталган мамлекеттин 50дөй окуу жайы менен ар кандай долбоорлорду биргеликте жасап келсек, беш университети менен студенттерди жиберип окутуу келишимибиз бар. Мисалы, жакында эле Приволжье медициналык изилдөө университети менен эки багытта иштешүү, биздин студенттерди стоматология жана жалпы дарылоо факультеттерине жиберүү боюнча макулдаштык. Эми ОшМУнун ушул эки багыты боюнча тапшырып, эки тараптуу сынактан өткөн студенттер окуу мөөнөтүнүн жарымын бизде, калган жарымын Россиянын аталган окуу жайында улантып, эки өлкөнүн дипломуна ээ болуу мүмкүнчүлүгүн алышты. Мындан сырткары, IT адистерин даярдоодо, педагогдорду окутууда да башка университеттери менен келишимдерибиз иштейт", — деди Кожобеков.

Ректор келишимдин негизинде Россияга кеткен студенттердин контрагы эки өлкөдө бирдей төлөнөрүн жана ал жакта жатакана маселесин окуу жай чечерин кошумчалады.

458
Белгилер:
Кудайберди Кожобеков, Ош мамлекеттик университети (ОшМУ), Россия, Кыргызстан, келишим
Тема боюнча
Ниязалиева: Кыргызстанда 251 орус тилдүү жана 611 аралаш мектеп бар
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: быйыл кылмыштуулук былтыркыга караганда 26,4%га өстү

33
(жаңыланган 14:18 22.10.2021)
Ички иштер министрлигинин тергөө кызматынын улук тергөөчүсү Азамат Дүйшөналиев 2021-жылдын тогуз айында кылмыштуулуктун саны былтыркыга салыштырмалуу 26,4 пайызга көп катталганын айтты.

Былтыр өлкөдө 52,4 миң кылмыш катталса, бул жылы 66,2 миң мыйзам бузуу аныкталды. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: быйыл кылмыштуулук былтыркыга караганда 26,4%га өстү

Анын айтымында, кылмыштуулукту алдын алуу иштеринин алкагында быйыл 19,2 миң фактынын бети ачылып, былтыркыга салыштырмалуу 5,9 миң ишке көп болгон.

"2021-жылдын тогуз айында ички иштер органдарынын кызматкерлери тарабынан былтыркыга салыштырмалуу 13 840 фактыга көп катталган. Былтыр өлкөдө 52,4 миң кылмыш катталса, бул жылы 66,2 миң кылмыш аныкталып, ал 26,4 пайызга көп болгон. Кылмыштуулукту алдын алуу иштеринин алкагында өткөн жылга караганда көп фактынын бети ачылган. Алсак, 2020-жылы 13 062, быйыл 19 023 кылмыштын бети ачылды. Алардын көбү уурулук жана алдамчылык фактылары. Үстүбүздөгү жылы алдамчылык фактысы боюнча 9 119 иш белгилүү болду", — деди Дүйшөналиев.

Ошондой эле адис ушул жылы 142 адам өлтүрүү фактысы катталып, өткөн жылга салыштырмалуу 20 учурга көп болгонун кошумчалады.

33
Белгилер:
мыйзам, тергөө, ИИМ, Азамат Дүйшөналиев
Тема боюнча
Кыргыз-тажик чек арасындагы чыр. ИИМ иликтөөсүнүн жыйынтыгы эмне болду
Төлөмүш Океев атындагы Кыргызфильм киностудиясынын директору Акжол Бекболотов

Бекболотов: 2,5 жылда миңге жакын эски фильм санариптештирилет

12
(жаңыланган 14:13 22.10.2021)
Төлөмүш Океев атындагы "Кыргызфильм" киностудиясынын директору Акжол Бекболотов улуттук киностудия эски тасмаларды санарипке өткөрүп, узак убакытка сактоо мүмкүнчүлүгүнө ээ болгонун айтты.

Эски пленкага тартылган тасмаларды санариптештирүү маселеси азыр гана көтөрүлүп калган жок. Бул тууралуу мага чейинки жетекчилер дагы ойлонгон. Болгону менин багыма жабдыктардын баасы мурдагыдан арзандап, аталган маселени чечүү жолу табылып калды. Азыр санариптештирүүнү Болот Шамшиевдин картиналарынан баштадык. Бул тууралуу Акжол Бекболотов Sputnik Кыргызстан радиосунун эфиринде маек куруп жатып билдирди.

Бекболотов: 2,5 жылда миңге жакын эски фильм санариптештирилет

Анын айтымында, учурда киностудияда миңге жакын тасма бар.

"Кыргызфильм" киностудиясында эгер кырсык чыгып кетсе көптөгөн баалуу архивдик материалдарды жоготуп алуу коркунучу бар эле. Эски пленкага тартылган тасмаларды санариптештирүү маселеси мен билгенден 2010-жылдан бери көтөрүлүп келет. Мурда мындай жабдыктар өтө эле кымбат болгондуктан жетекчилер техниканы ала албай келишкен. Киностудияга жетекчи болуп келгенден кийин мен дагы биринчи кезекте ушул маселенин чечүү жолдорун издеп баштадым. Ошентип Түркиянын кызматташтык жана өнүктүрүү агенттигине кат жолдодук. Алар кыргыз киностудиясында чындап эле баалуу архивдик материал жатканын түшүнүп, Blackmagic Cintel Scanener сканеринин толук комплексин (UPS-үзгүлтүксүз электр менен камсыздоо, катуу диск) алып берди. Эң акыркы технологиянын негизинде түзүлгөн жаңы техникалык жабдуунун аркасында киностудия пленкада тартылган картиналарды жогорку сапатта санариптештирүү мүмкүнчүлүгүнө ээ болду. Бул эски фильмдердин узак сакталышына өбөлгө түзөт. Ошону менен бирге аталган жабдыктын DaVinci Resolve деген программасынын жардамы менен тасмадагы чийик, ар кандай тактарды алып салып, реставрация кылса болот. Программа ак-кара түстөгү тасмага өң бере алат. Бирок биз фильм жаратуучулардын автордук укугун бузбастан кандай болсо ошол бойдон калтырууну чечтик. Архивдеги миңге жакын эски фильмдерди 2,5 жылдын ичинде санариптештирүүнү пландап жатабыз", — деди Бекболотов.

Ал санариптештирилген жогорку сапаттагы картиналар телеканалдар аркылуу көрсөтүлөрүн кошумчалады.

12
Белгилер:
кино, санарип, реставрация, Акжол Бекболотов
Тема боюнча
"Кыргызфильмдеги" шедевр кинолорду санариптөөгө мүмкүнчүлүк түзүлдү
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт