Бишкек шаардык санитардык эпидемиологиялык көзөмөл борборунун иммундук профилактика бөлүмүнүн башчысы Бурул Асыкбекова

Асыкбекова: "Спутник V" вакцинасынын 10 миң дозасы жардам катары берилген

68
Бишкек шаардык санитардык эпидемиологиялык көзөмөл борборунун иммундук профилактика бөлүмүнүн башчысы Бурул Асыкбекова Бишкекте региондорго салыштырмалуу эмделгендер аз экенин айтты.

Кыргызстанда вакцинация кампаниясы үстүбүздөгү жылдын 29-мартында башталган. Азыркы күндө 816 миңден ашык адам коронавируска каршы вакцинанын биринчи дозасын алды. Ал эми экинчи компонентти алгандардын саны 611 220 адамды түзөт. Күнүнө 14-15 миңдей киши эмделүүдө. Бишкек шаарында региондорго салыштырмалуу эмделгендер аз. Бул тууралуу Бурул Асыкбекова Sputnik Кыргызстан радиосунун эфиринде маек куруп жатып билдирди.

Асыкбекова: "Спутник V" вакцинасынын 10 миң дозасы жардам катары берилген

Анын айтымында, вакцинанын биринчи дозасын алып, экинчисин албай койгон адамдар көп.

"Пандемия башталгандан тарта дары-дармек, тест-система, вакцина жана жеке коргонуу каражаттарынан турган гуманитардык жардам Кыргызстанга ар кайсы мамлекеттерден жөнөтүлүп жатты. Россия коронавирус пандемиясы башталган алгачкы күндөрдөн тартып эле Кыргызстанга жардам берип келет. Биринчилерден болуп вакцина менен камсыз кылды. РФтен жалпы жонунан "Спутник V" вакцинасынын 120 миң дозасы келди. Мунун 10 миң дозасын Россия гуманитардык жардам катары берди. Кыргызстанга AstraZeneсa, Sinoрharm, Спутник V, CoronaVac жана QazVac вакциналары алып келинген. Анын ичинен алгач көп адамдар "Спутник V" вакцинасын алууну каалашты. Себеби мурда бир союздун курамында, аймактары жакын болгондуктан РФ өндүрүүчүлөрүнө ишеним жогору болду. Андан тышкары, аталган мамлекеттин дарыгерлери биздин ак халатчандарга вирус менен күрөшүү боюнча тажрыйбасы менен бөлүшүп келет", — деди Асыкбекова.

Адис коңшу мамлекеттер, ЕАЭБ өлкөлөрү менен биргеликте өлкө ичинде вакцина өндүрүү мүмкүнчүлүгү жогору экенин кошумчалады.

Подкастты толугу менен видеодон көрө аласыз:

68
Белгилер:
коронавирус, Россия, жардам, вакцина, Спутник V, Бурул Асыкбекова
Тема:
"Спутник V" вакцинасы (142)
Тема боюнча
Гамалея институту: "Спутник V" башка бардык вакциналар менен айкалышат
Ноокат райондук администрациясынын башчысы Данир Иманалиев

Иманалиев: акимдердин аймакта "хан" болуусуна бир норма жол бербейт

4
Ноокат райондук администрациясынын башчысы Данир Иманалиев акимдердин аймактарда "хан" болуусуна "жаран өзү туулуп өскөн аймакта аким боло албайт" деген норма жол бербей турганын белгиледи.

Акимдердин ыйгарым укуктарынын кеңейиши — бул чоң жоопкерчилик. Аны эбегейсиз бийлик катары баалоонун өзү жаңылыштык. Мындай пикирин Данир Иманалиев Sputnik Кыргызстан радиосунда маек куруп жатып билдирди.

Иманалиев: акимдердин аймакта "хан" болуусуна бир норма жол бербейт

Анын айтымында, эми акимдерден кемчилик кетсе түз эле сөз министрлер кабинетинин төрагасына жана президентке тиет.

"Райондук администрациясынын жетекчиси аймактарда "хан" болуп алат дегенге макул эмесмин. Биринчиден, мыйзамда жаран өзү туулуп өскөн аймакта жетекчилик кызматты аркалай албай турганы жазылган. Бул фундаменталдуу нерсе. Анткени ротация менен башка аймакка барып алып түшпөс жетекчи болууга эч кандай негиз жок. Акимдердин эң негизги максаты — президенттин саясатын жер-жерлерге жеткирип, аймакты өнүктүрүү боюнча милдеттерди аткаруу. Экинчиден, акимдердин ыйгарым укуктарынын кеңейишинин аркасында чоң жоопкерчилик бар. Себеби мындан ары акимдер, жергиликтүү жетекчилер кемчилик кетирсе түз министрлер кабинетинин төрагасына жана президентке сөз тиет. Анын үстүнө бүгүнкү күнү коомчулук кандайдыр бир жеке кызыкчылыктарды ишке ашырууга жол бербейт. Ошондой эле мыйзамда акимдерди иштен алуу механизми так көрсөтүлгөн. Эгерде алар социалдык-экономикалык көрсөткүчтөрдү, мыйзамдарды аткарбаса, ишенимден кетсе иштен алынат", — деди Иманалиев.

Ошондой эле ал мыйзам бийлик вертикалынын бекемдей турганын кошумчалады.

4
Белгилер:
Данир Иманалиев, аким, мыйзамдар, аймактар
Тема боюнча
Жапаров мэр, акимдерди өзү дайындамай болду, акимдин укуругу узарды. Жаңы мыйзам
Бокс боюнча Азия чемпиону Азат Үсөналиев

Үсөналиев: Париж Олимпиадасына катышууга болгон күчүмдү жумшайм

6
Бокс боюнча Азия чемпиону Азат Үсөналиев 2024-жылы Парижде өтө турган XXXIII жайкы Олимпиада оюндарына катышууга үмүтү чоң экендигин айтты.

Бокс боюнча Токио Олимпиадасына тандап алуунун эрежеси пандемияга байланыштуу өзгөрүп, тиешелүү упай жетпей ири турнирге катыша албай калдым. Бул тууралуу Азат Үсөналиев Sputnik Кыргызстан радиосунун эфиринде айтып берди.

Үсөналиев: Париж Олимпиадасына катышууга болгон күчүмдү жумшайм

Ал тажрыйбаны арттыруу максатында окуу-машыгуулардын санын көбөйтүп жана сапатын жакшыртуу зарыл экенин белгилеген.

"Буга чейинки тажрыйбамды колдонуп, дагы бир олимпиадалык циклде күчүмдү сыноону чечтим. Негизи Олимпиадага катышуу үчүн боксто эки квалификациялык мелдеш бар. Тилекке каршы, мен бирөөнө катышып, экинчисине барарда пандемияга байланыштуу упай менен эсептөө эрежесин киргизишти. 2017-жылы дүйнө чемпионатына катыша албай калганым үчүн беш упай жетпей Токио Олимпиадасынан кол жууп калдым. Эгерде биринчиликке катышканымда 15 упай берилмек. Менин ордума филиппиндик боксчу катышып, Токиодо экинчи орунду камсыз кылды. Эми келе жаткан Париж Олимпиадасына жакшы даярданып, лицензия алам деп ишенип турам", — деди Үсөналиев.

Ошондой эле спортчу боксту өнүктүрүү үчүн аймактарда бокс залдарын ачып, жаш таланттарга көңүл буруу зарылдыгын кошумчалады.

Подкасттын толук вариантын видеодон көрүңүз:

6
Белгилер:
Азат Үсөналиев, спорт, бокс, олимпиада, Париж
Тема боюнча
Чемпионго 100 миң доллар! Дүйнө чемпионатына барчу КР боксчулары аныкталды